| [1] | Et li oiselet ne sont lent Chascun an de leurs niz viser Et par nature eulx aviser De pondre, couver et esclorre Leurs poucins pour nature sorre, Qui cest entendement leur baille, Afin que leur forme ne faille: Mauvis, merles, chardonnereaulx, Pinssons, tarins et frionceaulx, Cochevis, estourneaux, lynettes, Prayers, verdiers et alouettes, Pyes, jays et coulons ramiers, Papegaiz, ostoirs, espreviers,Rossignolz, passeriaux, becasses Et cucus qui en maintes places Chantent, corbaux, mesanges, choes, Et chahuant qui font les moes, Perdriz, cailles et teurterelles, Huppes, faisans et arondelles, Plouviers, vanneaux, ostardes, grues, Cannes qui s'en vont par les rues, Gelines, oes et herons, Cormarans, cignes et blerons, Paons, pymars et lorios, Poches qui font moult de ryos, Roitiaux, passeriaux solitaires, Et sycoignes qui font leurs ayres Es palays, es haultes maisons, Calandre qui ses mansions Fait es plains de Jherusalem, Tous ceuls cy nisent chascun an, Ostoirs, faucons et espreviers, Gerfaux, saicres, butors, lanniers, Aigles, voultoirs, hobez, cresselles, Esmerillons, huas, cercelles Et maint autre gendre d'oyseaux. (DESCH., M.M., c.1385-1403, 7) |
|
|
Attestation de 