| [1] | Lors commanda a prendre Aigres, Orchas et Gallopin, et furent avallé en la prison puant et hideuse, par le commandement Guymart, et les enferma le chartrier par dedens et puis porta les clefs au chastelain, a qui Dieu doint male honte, car il avoit commandé que on lui portast, pour ce qu'il ne vouloit s'en confïer de nullui; (Bérinus, II, c.1350-1370, 95) | | [2] | L'AN DE GRACE MIL TROIS CENS quatrevins et neuf, le mercredi XXIIJe jour de mars, par davant mons. le prevost, lui estant en jugement sur les carreaux, presens maistres Jehan Truquam, lieutenant dudit mons. le prevost, et Nicolas Bertin, Erneul de Villers et Pierre Gillebert, examinateurs du roy nostre sire oudit Chastellet, fu fait venir et attaint des prisons où il estoit Perrin des Champs, chartrier, demourant à Nanterre, admené prisonnier oudit Chastellet, à la denonciacion de Jehan du Chemin, son maistre, demourant à Lay, pour ce qu'il dist qu'il lui a emblé un cheval fauve et plusieurs autres biens. (Reg. crim. Chât., I, 1389-1392, 190) | | [3] | Item, cogneut que, lui estant varlet chartrier de Jehan Le Plastrier, demourant à Maisons sur Saine, vers le pont de Chalenton, sachant que sondit maistre avoit grant affinitié avec le seigneur de La Coquille, demourant ou cymetiere Saint-Jehan, vint par devers lui, VJ ans a ou environ, autrement du temps ne se recorde, et ycellui emprunta, ou nom de son maistre, IJ frans, lesquelz il print et appliqua à son singulier prouffit, sans en dire aucune chose à son maistre, et, yceulx deux frans par lui receuz, ne retourna puis devers sondit maistre, et ainsi se parti sans son sceu ou congié. (Reg. crim. Chât., I, 1389-1392, 192) | | [4] | et, en oultre, cogneut que, ou temps qu'il estoit varlet chartier de Thevenin son maistre, demourant à Gonnesse, ainsi comme il estoit couchié en l'estable aux cheveaux dudit Thevenin son maistre, et en la compaignie d'un autre chartrier, il print de nuit unes chauces de drap pers, à usage d'omme, qui y estoient, en l'estable desdiz chevaux, lesqueles chauses il qui parle appliqua à son prouffit, et icelles a usées. (Reg. crim. Chât., I, 1389-1392, 193) | | [5] | Lequel Phelipot fu sur ce examiné et interrogué par serement, et confessa que il fu nez de Coinchyl'Abbaye, près de Chasteautherry, et a tousjours esté chartrier, et demourant tant à Montmorency, à Paris comme environ, et que, trois ans a ou environ, il est demourant en ladite ville d'Aunoy, où il a tenues fermes ou moysons, et y tient encore de present la ferme de la femme que Jehan Guillaume, espicier, demourant à Paris, prez de l'escolle Saint-Germain, a nagueres espousée. (Reg. crim. Chât., I, 1389-1392, 220) |
|
|
Attestation de 