| [1] | Aprés met paine a songier et viser De quelque habit tout nouvel adviser, Et s'estudie a bien le deviser Nouvellement, Et le vestir et porter gentement, Et d'assez peu soy tenir nettement, Marchier a droit, chevaucher seurement Sus fiers chevaulx, Tourner en l'air son coursier les grans saulx, Faire saillir le feu de ces quarreaulx Et affuÿr les dames aux quarneaulxDessus la voye. (CHART., D. Fort., 1412-1413, 168) | | [2] | Du surplus, selon son aige de XIIJ ans, estoit tres habille et hardy valeton, fust pour chevauchier un bien rigoureux coursier, fust a chanter ou a dansser, a jouer a la paulme, a courir, a saillir, et a tous autres essais et esbas que il veoit aux hommes faire: a tout se vouloit joieusement emploier, combien que sa personne estoit et fust tousjours linge et menu, mais son cuer estoit entre les autres tout fer et achier. (LA SALE, J.S., 1456, 2) | | [3] | Et endemantiers qu'ilz disnoient, la royne lui envoya une piece d'un tresfin drap d'argent, monseigneur d'Anjou lui envoia un tres bel coursier tresbien en point, et monseigneur de Berry un grant mantel et Vc doz de fines martres sobelines, et monseigneur de Bourgoigne cinquante mars de vaisselle, et n'y eust cellui de ceulz qui firent les presens a cui il ne donnast cent escus pour l'onneur et amour de la royne et desdiz seigneurs. (LA SALE, J.S., 1456, 99) | | [4] | Et aprés venoient tous les trompectes et clarons, premiers ceulz des seigneurs, et puis ceulz du roy, et aprés ces trompectes venoit il vestu de sa devise comme ses paiges, les manches toutes de orfeverrie branlans, et sur son chief un semblable chappel de plumes, sur le tresbel coursier que monseigneur d'Anjou a son partement lui avoit envoyé, et venoit ou mylieu de quatre seigneurs, deux devant et deux aprés, et puis tous les autres seigneurs, chevaliers, escuiers, comme ilz pouoient. (LA SALE, J.S., 1456, 100) | | [5] | Aprés les XIJ lances venoit sur un tresbel coursier ledit Don Bernard de Cardonne qui sur sa cuisse portoit une lance ou estoit un gonffolon de un tres fin veloux cramoisy endossé d'ermines et bordé d'une tres riche frange d'or. (LA SALE, J.S., 1456, 111) | | [6] | Aprés le gonffolon venoit Don Federich de Lune sur un tres puissant coursier, qui sur un tronçon de lance, vestu et fourré comme les VJ lances armees, sur lequel estoit son heaumet,qui au dessus avoit une grant fleur de chardon a quatre grans fuilles d'or, qui toutes couvroient le chief du heaume, et au pié de la fleur pendoit une longue touaillecte de Plaisance voulant, moult richement frangee de fil d'or et de grosses pelles et le surplus semees de lectres d'or branlans. (LA SALE, J.S., 1456, 111) | | [7] | Aprés Saintré venoient messire François de Moncade et messire Arnault de Pereillos, chascun sur son tresbel coursier, per a per, et aprés eulz tous les autres chevaliers et escuiers a grant nombre, qui par l'ordonnance du roy l'acompaignoient, et atout celle ordonnance et tresbelle compaignie, il vint descendre en sa grant loige, toute bien tendue, que le roy aux deux entrees hors des lices pour chascun avoit fait faire, et la descendist et avecques lui ces quatre seigneurs conseilliers, et des siens ceulz qu'il avoit ordonnez. (LA SALE, J.S., 1456, 112) | | [8] | Aprés le roy d'armes venoit le conte d'Orgel qui sur un tresbel et puissant coursier portoit sur un tronçon de lance le demi heaume de messire Anguerrant, sur lequel estoit un demi cerf d'or naissant pourtant un colier ou estoient par tiers un tresbel rubi, un tresbel dyamant, un tresbel balay, chascun encloz entre deux moult grosses perles. (LA SALE, J.S., 1456, 113) | | [9] | Et aprés ces heraulz venoient les trompettes et clarons de Saintré et puis ceulz du roy, et aprés les trompettes du roy venoit le conte de Prades, qui sur un trespuissant coursier portoit sa haiche devant, et aux deux costez du conte aloient don Bernard de Cardonne et don Federich de Lune. (LA SALE, J.S., 1456, 123) | | [10] | A messire Enguerrant envoya un autre de ses meilleurs destriers sellé et couvert de l'un de ses autres plus riches paremens, avecques une tres belle espee bien garnie de fin or, et a chascun des autres quatre seigneurs ses conseilliers envoia un tresbel coursier. (LA SALE, J.S., 1456, 135) |
|
|
Attestation de 