| [1] | Mes anciens ennemis et adversaires me guerroient au dehors par feu et par glaive, et vous par dedans me guerroiez par voz couvoitises et mauvaises ambitions. (CHART., Q. inv., 1422, 12) | | [2] | et, se publiques exhortacions te ont de ce meu, je m'en rapporte aux publieurs du dire et a toy du croire, si en demeure le tort a qui il devra, mais de la mauvaise affection vient l'aveuglee et legiere creance et se peut aidier a decevoir par parolles d'autruy qui dedans soy mesmes est desja corrumpu par mauvaise pensee. (CHART., Q. inv., 1422, 42) | | [3] | O guerre d'ennemis et division d'amis, discords de royaumes et batailles civilles et plus que civilles au dedans des cités et des seigneuries, par vous est mis le joug de servitude sur les treshaultes puissances, par vous est donné a cognoistre aux hommes mortelz que sur eulx regne Dieu immortel, qui l'orgueil de leur fier povoir peut reprimer et asservir a mendre de soy et la vanité de leurs grans habondances chastier et ramener a indigence et necessité. (CHART., Q. inv., 1422, 46) | | [4] | Il est force qu'adés il m'en souvieigne, Quel que je soye et quel que je devieigne, Tant que l'ame dedans le corps se tieigne; (CHART., Compl., 1424, 325) | | [5] | Et ont tant fait, comme l'on dit, pour destourner aux autres la joye a quoy ilz ont failli que leurs escriptz sont venuz en voz mains, etpour l'actrait d'aucunes parolles doulces qui sont dedans, vous ont amusees a lire leur livre que on appelle la Belle Dame sans Mercy, ouquel, soubz un langaige afaictié, sont enclos les commencemens et ouvertures de mectre rumeur en la court amoureuse et rompre la queste des humbles servans et a vous tolir l'eureux nom de pitié qui est le parement et la richesse de voz autres vertuz. (Lettres Chart., 1425, 361) | | [6] | Embuschez sont, affin qu'on ne les voye, Dedans mon cuer en l'ombre de mes yeulx Triste plaisir et doloreuse joye, Aspre doulceur, resconfort ennuyeux. (CHART., R. Bal., c.1410-1425, 376) | | [7] | maiz de ses bras si estroit me serroit que je sentoye mon cueur au dedans destraint comme en presse; (CHART., L. Esp., c.1429-1430, 3) | | [8] | Le filz naturel est batu de son pere au dedans de l'ostel quant il mesprent, mais l'omme de louage, pour son forfait, est sans ferir mis hors de tous poins. (CHART., L. Esp., c.1429-1430, 43) | | [9] | ITEM, pour ce que les eaues du desert estoient ameres, Moyse, gectant une verge de bois dedans, les adoulcy pour boire eulx et leurs bestes, si que il est escript ou XVe chapitre d'Exode. (CHR. PIZ., Paix W., 1412-1413, 127) | | [10] | Car si que dist Tulles, pou vallent les armes dehors se le conseil n'en est dedans, c'est assavoir la science de combatre, et à dire de mectre en ceste chose ordonnance comme elle fust moult convenable et bonne, y convendroit pourveoir par le roy, c'est assavoir qu'il ordonnast par commandement expres que tous les nobles hommes de son royaume tailléz à porter armes, et ses fealx hommes liges, fussent tousjours et en tous temps tres bien garnis de hernois, bien tenus et prest à toute heure que mandé leur seroit de venir, et de ce en eust la certaineté par monstres chascun an à certain jour es contrées dont ilz seroient et fussent partis les pays par dyoceses. (CHR. PIZ., Paix W., 1412-1413, 134) |
|
|
Attestation de 