| [1] | Et regardera, en la presse A porter le deffunct en terre, Quel mari elle pourra querre Et avoir après cesti cy. (DESCH., M.M., c.1385-1403, 67) | | [2] | Draps decoppez par pieces, par lambeaux, Car toutes gens aussi noirs que corbeaux Estoient vestuz en signe de pitié Pour demonstrer la parfaicte amytié Qu'il avoit heue au deffunct trespassé, Las! (LA VIGNE, V.N., p.1495, 192) | | [3] | Or, pour obvier au desordre, aussi pour faire place et lieu a ceulx qui devoient approcher le corps de degré en degré, vint premier le prevost de l'ostel du roy avecques ses archiers et ses gens tous habillez en dueil, qui avoient assez affaire de faire reculler le peuple tant des Françoys que autre, qui venoient plaindre et plorer la mort du tres debonnaire deffunct. (LA VIGNE, V.N., p.1495, 310) | | [4] | Portie, fille Cathon, deffunct Brutus, ne voullu veoir face de homme ; (ROBERTET, Oeuvres Z., c.1450-1500, 156) | | [5] | Sur ce que Jean de Bethencourt, porteur de loy apparente, contendoit vers Jehan Le Queu, procureur de Jacques de Rouville, qu'il nommast ses garands par luy appelez aux dernieres assises passez de la question d'entre eulx, iceluy procureur fist appeler Alvarot, Jehan, Loyse et Guillaume dicts de Braquemont et leurs hoirs ou aians cause de deffunct messire Robert de Braquemont, en son vivant chevallier, tant aagez que soubz ages, et leurs conducteurs de par leur faulte, vers lesquieux il se presenta et se vanta pour dilligence qu'il les avoit requis estre adjournez par Pierre Gosse, sergeant, qui present estoit, lequel l'accorda aussi, mais n'avoit peu faire iceluy adjournement, obstant ce qui ne les avoit peu retrouver au povoir de sa et sur ce que le dict de Bethencourt voulloit sçavoir vers le dit Le Queu s'il se voulloit arrester ses dictz garands dist que pour le present ne le voulloit, mais se submettoit la condamnacion à la prochaine assise une pour toute à laquelle de par conseil s'arresta et ut coutume et treu qui faict estre pour et nom qui dict est faire adjourner à la dicte assise. (6205, 489) | | [6] | La Court, du consentement de maistre Sy. de Nanterre, president, maistre Henry Mauloué, audiencier, et de Jehan Lasne, executeurs du testament et derreniere volenté de feu messire Arnault de Corbie, jadiz chancelier de France, a deschargié lesdiz executeurs du fait de ladicte execucion, pourveu qu'ilz renderont compte et reliqua de ce qui a esté par eulz fait, mis et receu à cause de ladicte execucion par devant les commissaires de ladicte Court, et ou lieu d'iceulx executeurs a surrogué reverend pere en Dieu maistre Jehan de Corbie, evesque de Mende, nepveu dudit deffunct, lequel a fait serement de acomplir ledit testament nomine executorio et de parfaire ladicte execucion et d'en rendre compte et reliqua en temps et en lieu, selon l'ordonnance de ladicte Court, ainsi qu'il appartendra. (FAUQ., I, 1417-1420, 139) | | [7] | Ce jour, à l'instance et poursuite des parens, amis et executeurs du testament de feu maistre Mahieu du Boc, jadis conseillier du Roy en la Chambre de Parlement, la Court fist venir en ladicte Chambre de Parlement maistre Jehan Milon, examinateur de Chastellet, lequel, par le commandement du prevost de Paris, avoit seellé huys et coffres en l'ostel dudit feu du Boc, et avoit arresté et mis en la main du Roy les biens meubles estans oudit hostel, et avoit mis et laissié IIIJ sergens en ycellui hostel pour garnison, pour quoy la Court signifia audit Milon que le testament dudit deffunct et l'execucion d'icellui estoient submis à la Court, qui avoit desjà donné et deputé certains commissaires pour faire inventaire desdiz biens meubles, et commanda audit Milon qu'il feist widier et departir les sergens qu'il avoit mis en garnison oudit hostel. (FAUQ., I, 1417-1420, 176) | | [8] | A conseillier l'arrest sur l'enterinement de certain accord passé et accordé entre le procureur du Roy, d'une part, et les executeurs du testament de feu maistre Nicole de Baye, d'autre part, en certaine cause et procès pendant ceans entre lesdictes parties, à cause des biens demourez du decès dudit deffunct, lesquelz le procureur du Roy maintenoit estre acquis au Roy pour certaines causes declarées oudit procès, sur lequel, comme dit est, lesdictes parties avoient passé certain accord, ou cas qu'il plairoit à ladicte Court, lequel n'estoit mie encores signé, duquel accord lesdiz executeurs requeroient l'expedicion et enterinement, lesquelz avoient desjà delivré et paié la somme dont ledit accord faisoit mencion, ja soit ce que la Court n'eust encores auctorisié ou consenti ledit accord, visis instructionibus processus . (FAUQ., I, 1417-1420, 315) | | [9] | Item, à conseillier la provision qui estoit à faire sur la distribucion d'une partie des biens demourez du decès de feu maistre Nicole de Savigny, doien de Lisieux et advocat de Parlement, lequel avoit laissié grant chevance, tant en meubles que en heritages, dont il avoit disposé d'une partie pour le salut et remede de son ame, en son testament qui avoit esté perdu ou recelé, ainsi qu'il apparoit par informacions faictes sur ce par l'ordonnance de la Court, veues lesquelles informacions et le consentement des contendans de l'oirrie et succession dudit defunct, oye la relacion des commissaires de ceans, la Court a ordonné que, sur les biens meubles de l'execucion dudit feu de Savigny, estans à Paris, oultre et par dessus ce qui a esté pris, on prendra deux mil frans avec la moitié du depost de Reins et la maison, bois et menus heritages offerspar les Begars, diz de Savigny, et leurs consors, avec cent livres de rente, pour emploier en aumosnes, prieres et fondacions pour le salut et remede de l'ame dudit deffunct. (FAUQ., II, 1421-1430, 285) | | [10] | Ce jour, maistre Michiel Claustre, conseillier du Roy, maistre Phelippe Aymenon, chanoine de l'eglise de Paris et de la Sainte-Chapelle du Palais, etmaistre Guillaume de Brosses, archidiacre de Beauvais, sont venuz en la Chambre de Parlement, disans en effect qu'il estoit venu de nouvel à leur congnoissance et leur estoit apparu par le contenu d'un vidimus du testament de feu maistre Guillaume Intrant que ycellui les avoit avec autres nommez executeurs de sondit testament, et qu'il l'avoit submis à la Court de Parlement, supplians comme amis dudit deffunct que la Court voulsist recevoir ladicte submission, et avoir le fait de ladicte execucion recommendé. (FAUQ., III, 1431-1435, 145) |
|
|
Attestation de 