| [1] | CY COMMENCE L'EPISTRE DE LA PRISON DE VIE HUMAINE ET D'AVOIR RECONFORT DE MORT D'AMIS ET PACIENCE EN ADVERSITé Pour aucunement trouver remede et medicine à la griefve maladie et enfermeté d'amertume de cuer et tristece de pensée par quoy flus de lermes, lequel à l'ame à tel cause ne puet prouffiter ne au corps valoir, peust estre restraint et remis, qui tant a couru et encores (dont c'est pitié) ne cesse entre meismement les roynes, princesses, baronnesses, dames, damoiselles du noble sang royal de France et generalment le plus des femmes d'onneur frappées de ceste pestillence en cestui françois royaume, à cause tant de diverses mors ou prises de leurs prouchains, si comme maris, enfans, freres, oncles, cousins, affins et amis, les uns deffunts par bataille, les autres trespassez naturelment en leurs lis, comme de maintes pertes et autres diverses infortunes et aventures obliquement puis un temps survenues, aviser comment se aucune chose proposer et ramener à memoire pourroit servir et estre valable à aucun reconfort, dont duquel nombre des adoulées à ceste cause, redoubtée princesse, ma dame Marie de Berry, duchesse de Bourbon et d'Auvergne, tu n'as pas (dont il me poise) esté ne n'es exempte ne exceptée, et pourtant, comme les merites de ta large charité, à moy estendue en cestui temps d'affliction presente où amis sont faillis, aient esté à mon petit estat vesval aidier à gouverner singulier secours (Dieu par sa grace retribueur t'en soit! (CHR. PIZ., P.V.H., 1416-1418, 17) |
|
|
Attestation de 