Attestation dans les corpus textuels   Attestation de deviseement dans 7FMR  3 attestations   Page 1/1  [1] Mais je fui bien certeins et fis Dou contraire en une autre chose Qui contre ceste ci s'oppose Et de quoy raisons me reprent, Qui m'enseingne, duit et aprent Pour certein -- et est chose voire -- Qu'on puet assez bien dire et croire Que chascuns soit ou bons ou bonne Deviseement en personne, Tant que soit prouvez li contraires Vivement en aucuns affaires. (MACH., D. Aler., a.1349, 377) [2] S'en faisoie mes departies Des choses deviseementEn pensant aviseement: Je sentoie trés douce odour, Je vëoie cointe verdour Et parmi planté de flourettes, Vermeilles, blanches et yndettes. (MACH., D. Aler., a.1349, 391) [3] mais deviseement c'est possible que une chose dure tousjours et si est possible qu'elle ait fin, quar chascune de ces .II. proposicions par soy est possible, et la coupulative des .II. est impossible, si comme de ceste: tu iras demain a Paris, tu n'yras pas demain a Paris. (ORESME, C.M., c.1377, 218) [4] Et se mi executeur devantdit ou aucuns d'iaus, tant conjointement que deviseement, avoient, faisoient, soustenoient ou encouroient aucuns cous, frais, despens ou damages pour le cause de mi ou de l'execution de cest mien present testament, je voel et ordene qu'il en soient descoutengiet, deffraiyet et desdamagiet au coust de mes biens et voel et ordene qu'il en soient creu par leur simple dit sans autre preuve traire ou taxation requerre. (8204, 47) [5] Si voell et ordenne que mi enfant dessus dit ou autre quelconque ne puissent plus riens demander ne avoir autrement que che qui par especial en est ordenné en ce mien testament et se mi dit enfant ou autre quelconque voloient debattre, debatoient et empechoient che mien present testament, devis et derrainne volenté, parchon, deliberation, avis et acort, ou voloient dire et disoient que par coustume et us de le ville de Saint Quentin, je ne puis ou ne peusse avoir fait les choses dessus dites en leur prejudiche ou que je ne fusse et soie bien, loyaument, justement et souffissamment partie de tous nos biens meubles communs dessus dis et requeroient ou requeroit, tant conjointement comme deviseement, par devant quelconques juge, justiche ou personne que ce soit ou autre, en jugement ou hors jugement que inventaire se feist ou fust fais a leur ou a sen pourfit et a leur requeste inventaire estoit fait de tous nos biens meubles communs dessus dis et par inventaire plus grande quantité de biens meubles estoit trouvee qui a mi deust appartenir que je n'ay pris pour me dite partie et parchon, tout che qui trouvé en seroit par deseure et en oultre et qui a mi porroit et deveroit appartenir et tout che aussi qui a mes enfans dessus dis ou autres quelconques denommés en ce mien testament ou non denommés porroit et deveroit appartenir a yauls tant conjointement comme deviseement, tant ad cause de lais exprimés en ce mien testament comme ad cause de succession et escanche de mi par quelconque maniere que che fust, soit et demeure en le main de mes exequteurs chi aprés nommés pour faire le pourfit de l'ame de mi pour donner as povres communs ou honteus de le ville de Saint Quentin ou pour faire canter des messes pour l'ame de mi par tel prestre et en tel lieu qu'il leur plairoit, nonobstant opposition quelconque que on porroit proposer au contraire. (8204, 49) [6] Si voell et ordenne que mi enfant dessus dit ou autre quelconque ne puissent plus riens demander ne avoir autrement que che qui par especial en est ordenné en ce mien testament et se mi dit enfant ou autre quelconque voloient debattre, debatoient et empechoient che mien present testament, devis et derrainne volenté, parchon, deliberation, avis et acort, ou voloient dire et disoient que par coustume et us de le ville de Saint Quentin, je ne puis ou ne peusse avoir fait les choses dessus dites en leur prejudiche ou que je ne fusse et soie bien, loyaument, justement et souffissamment partie de tous nos biens meubles communs dessus dis et requeroient ou requeroit, tant conjointement comme deviseement, par devant quelconques juge, justiche ou personne que ce soit ou autre, en jugement ou hors jugement que inventaire se feist ou fust fais a leur ou a sen pourfit et a leur requeste inventaire estoit fait de tous nos biens meubles communs dessus dis et par inventaire plus grande quantité de biens meubles estoit trouvee qui a mi deust appartenir que je n'ay pris pour me dite partie et parchon, tout che qui trouvé en seroit par deseure et en oultre et qui a mi porroit et deveroit appartenir et tout che aussi qui a mes enfans dessus dis ou autres quelconques denommés en ce mien testament ou non denommés porroit et deveroit appartenir a yauls tant conjointement comme deviseement, tant ad cause de lais exprimés en ce mien testament comme ad cause de succession et escanche de mi par quelconque maniere que che fust, soit et demeure en le main de mes exequteurs chi aprés nommés pour faire le pourfit de l'ame de mi pour donner as povres communs ou honteus de le ville de Saint Quentin ou pour faire canter des messes pour l'ame de mi par tel prestre et en tel lieu qu'il leur plairoit, nonobstant opposition quelconque que on porroit proposer au contraire. (8204, 49) Fermer la fenêtre