| [1] | Et singulierement fut creé icelluy concile à l'encontre et à la refformacion de Pape Eugene, et publicquement luy mirent avant, à l'encontre de sa vie et de sa personne, plusieurs cas telz et de telz gestes, que je n'en veuilz escripre ne ramentevoir, mais le laisse reciter et escripre à ceulx qui plus saigement sçavent coucher et mectre en souvenir ou ramentevance chose de tel poix et de telle efficasse, car à toucher à la fame et au regnom de si saincte et haulte personne en chrestienté,comme notre sainct pere le Pape, l'entendement se doit arrester de frayeur, la langue doit barbusser de crainte, ou encre seicher, le papier fendre et la plume ployer, par doubte dangereuse et plaine de peril encourir, ou d'enchoir au dangier d'inobedience et de faulte, à l'encontre des commandemens et ordonnances de nostre saincte et salutaire mere et ressource, l'Eglise triomphante; (LA MARCHE, Mém., I, c.1470, 260) |
|
|
Attestation de 