| [1] | Si devons savoir que largesse, quant elle est bien ordonnée c'est vertu, mais se elle excede et passe mectes de raisons est tres grant vice que on appelle prodigalté ou folle largesse, lequelle dit vice procede d'indiscrecion et faulte de prudence, c'est assavoir quant un prince ou autre, qui qu'il soit, donne tres excessivement aux uns et qui pou le vallent et ne l'ont pas desservi et si paie tres petitement ou neant ce qu'il doit. (CHR. PIZ., Paix W., 1412-1413, 150) | | [2] | à sa grant benignité, doulceur et clemence, aultre ne se accompare,humain à toutes gens sanz nul orgueil, de si grant amour à ses parens, amis et affins, et meismes à ses officiers, qu'il n'est chose, qu'il leur voulsist veer, plus large et plus liberal que oncques ne fu Alixandre, car, tout soit sa poissance moult grant, la grant franchise et liberalité l'excede et passe en toutes choses ; (CHR. PIZ., Faits meurs Ch. V, S., I, 1404, 164) | | [3] | Ma grant douleur toute douleur excede, Quant si tresmal je te voy babiller; (LA VIGNE, S.M., 1496, 169) | | [4] | Ma grant valeur la sienne trop excede Et mon pouoir vault trop mieulx que le sien. (LA VIGNE, S.M., 1496, 236) | | [5] | De mon seigneur l'actente trop excede Si vous supplie que, de memoire fresche, Puisque present de cecy je m'empesche, A mon maistre le raport soit donné, Car messaigier qui nonchaillance pesche Merite bien qu'il soit mal guerdonné. (LA VIGNE, S.M., 1496, 253) | | [6] | L'exquis stille de Saphos ou Catulle N'excede en riens la beaulté de ses faictz, Tant sont poliz, bien lymez et parfaictz. maistre le raport soit donné, Car messaigier qui nonchaillance pesche Merite bien qu'il soit mal guerdonné. (ROBERTET, Oeuvres Z., c.1450-1500, 172) | | [7] | Le fer en soy est tres fort dangereux, Car on en faict et glaives et harnois, Mais l'or excede, qui est plus perilleux, Car tous hutins, tant soyent ilz merveilleux, Rien ne les prise, ne ses voisins deux noix. (ANTITUS, Poés. P., c.1500, 38) | | [8] | Qui d'ailleurs l'avoir propose, Ou suppose, Il n'est loy, texte ne glose, Rime ou prose, Par quoy Raison le concede,Car Noblesse s'y oppose Et depose Que qui demeure ou repose Longue pose La ou Honneur ne precede, Grant blasme sur luy compose Et impose, Ainsi que le saige Orose Bien expose, Dont le sens maint d'aultre excede. (MESCHIN., Lun. princes M.-G., c.1461-1465, 76) | | [9] | Item, la duracion de Dieu laquelle est toute ensemble et permanente indivisible appellee eternité, contient et enclot et excede toutes duracions successives ou temporelles, posé que elles fussent sanz commencement et sanz fin. (ORESME, C.M., c.1377, 268) | | [10] | T. Item, le ciel n'est pas soustenu pour la velocité ou isneleté de la circungiracion de son mouvement par quoy il se tienne ainsi, pour ce que ceste isneleté excede la propre inclinacion que le ciel a a descendre, si comme disoit Empedocles, car telle violence ne pourroit estre salvee ou durer par si grant temps. (ORESME, C.M., c.1377, 302) |
|
|
Attestation de 