| [1] | Aprés ces XIJ lances venoient les trompectes du roy et aprés eulz le roy d'armes d'Arragon, qui vestue avoit sa tresriche cocte d'armes et a son col portoit une moult luisante et ligiere targe d'acier orlee par tiers de trois draps d'or et a chascun des quatre quartiers de la targe avoit un blason de ses quatre lignees dont il estoit yssu, et ou mylieu des IIIJ blasons le sien. (LA SALE, J.S., 1456, 113) | | [2] | Mais notre espoir par deçà est, que les prières d'entre vous nobles princesses monteront si avant ès chambres célestes, que au moyen d'icelles, la très sacrée fille de Jésus-Christ, nommée Paix, descendra trop plus luisante que le soleil, pour illuminer les régions galliques. (R014, 192) | | [3] | Puis prendrez ce qui sera distillé et la mectrez en ung nouveau alembich pour le distiler bien proprement par baing par quatre fois, metant tousjours les fecez à part, tant que vostre eau qui sera distillee soit tres claire et luisante en blancheur comme de perles orientales, de laquelle userez comme ensuit : Mectez les perles qui soient bien claire, mais tant menues que vouldrez au fond d'une petite cucurbite. (S184, 155) | | [4] | Que dites-vous là dessus, messieurs les delicats, qui estans un peu pressez de chaut, après avoir changé de chemise, et vous estre bien faits testonner, aimez tant non seulement d'estre à requoy en la belle salle fraische, assis dans une chaire, ou sur un lict verd : mais aussi ne sauriez prendre vos repas, sinon que la vaissaille soit bien luisante, le verre bien fringué, les serviettes blanches comme neige, le pain bien chapplé, la viande quelque delicate qu'elle soit bien proprement apprestée et servie, et le vin ou autre bruvage clair comme Emeraude ? (S746, 140) |
|
|
Attestation de 