| [1] | Enviz entreprendriez les conquestes de voz predecesseurs qui sommistrent grant partie de Grece en leur subjection laquelle de leur nom s'appelle encores Gallogrecie et conquisrent Romme jusques au Capitole, etc., quant la terre, sur quoy vous habitez et qui vous soustientet donne pasture, vous ne povez pas secourir ne defendre et vous laissez estre comme exiliez sur vostre mesmes pays, que delaisser ne voulez ne garder vous ne savez. (CHART., Q. inv., 1422, 18) | | [2] | La bevoient les oyseillons Aprés ce que des gresillons, Des mouschetes, des papillons Ilz avoient prins leur pasture. (CHART., L. Dames, 1416, 200) | | [3] | Car une coulombe, qu'il avoit affaictee a mengier dez poiz enmillez en ses oreilles, vint a l'eure de sa predication seoir sur son espaulle portant son bec a l'oreille du trompeur pour querir sa pasture. (CHART., L. Esp., c.1429-1430, 119) | | [4] | Le Createur n'a pas mestier d'estre nourry de la pasture d'iceulx offrendes. (CHART., L. Esp., c.1429-1430, 173) | | [5] | Quant l'enfent fu auques percreu, Com cil qui toudis ot creu Que le pastour son pere fust Et que sa femme porté l'eust, Leur bestes menoit en pasture, Chacun jour, mais a sa nature Sperticus retray, sanz faille, Car, de façon, de corps, de taille, De maintien, de corps et d'arroy Bien sembloit estre filz de roy, Mais tant par avoit fier courage Que tous les pastours du boscage L'eslirent a sur eulx roys estre, Et que sires en fust et maistre ; (CHR. PIZ., M.F., II, 1400-1403, 194) | | [6] | nonobstant que, soubz fueilles, Menassent brebis en pasture, Treoyent a royal nature, Et moult furent de grant fierté. (CHR. PIZ., M.F., III, 1400-1403, 177) | | [7] | Et la il raconte comment Pompeius disoit ensement Que la vie des bons vaillans Chevaliers preux et travaillans Doit estre o les bestes sauvages Comme en pasture d'erbages, C'est a dire que, sanz dangier, Doit estre commun leur mengier. (CHR. PIZ., Chem. estude P., 1402-1403, 188) | | [8] | Et ainsi nuit et jour ne cessoit cel ouvrage continué par les mains d'icelle dame pour la pasture du grant corps insaciable. (CHR. PIZ., Avision R.D., 1405, 13) | | [9] | Et ycelle sage croissoit et engroissoit la pasture au feur de ma force tant qu'a par moy porter et paistre mon corps je pos, duquel croissoit l'entendement qui ja me donnoit congnoissance de la diversité des entrailles du ventre de l'ymage par sus lesquelles a deux piez je marchoie, lesquelles estoient faictes de cailloux et dures roches par montaignes et valees, bois et mettaulx et diversitez maintes. (CHR. PIZ., Avision R.D., 1405, 14) | | [10] | Mais qu'ilz aient pasture pour fichier en la gueule de la fausse, adonc tout est acoisié, mais voirs est qu'ilz s'excusent d'aucune fausse couleur debonté, faisant leur malefice. (CHR. PIZ., Avision R.D., 1405, 39) |
|
|
Attestation de 