| [1] | Et qui veult actaindre la racine de ceste maladie, il fault venir au fondement et a la sourse dont ceste ordonnance chevalereuse doit prendre sa continuacion et sa naissance, et que des maistres viengne le patron et l'exemple sur quoy leurs aides et leurs apprentiz doivent ouvrer. (CHART., Q. inv., 1422, 62) | | [2] | Qui puet mouvoir a ce Dame Nature, Qui a souffert qu'on lui feist tel injure De deffaire si perfaicte figure Qu'a droit patron avoit faicte assouvie, Pour esbahir et desconfire Envie Qui mesdisans a mesdire convie? (CHART., Compl., 1424, 325) | | [3] | Par ton conduit a hault louyer s'estendent, Si te doivent pour patron advouer Puis que la fin fait les euvres louer. (CHART., B. Nobles, c.1424, 408) | | [4] | O tu, Entendement, fait au patron de la Trinité par ces troys puissances, Congnoissance, Volenté et Memoire, unies en la substance d'une seulle ame, qui par les creatures faictes en ce visible monde congnoys par reflection, comme en ung mirouer obscur en lumiere de foy, lez invisibles oeuvres de Dieu, que aprés la glorification verras face a face, as tu memoire du sacrement que tu me feis en la reception du saint baptesme, ou tu renonças aux pompes et deceptions de l'ennemy de char humaine, et te dedias et consecras du tout au service du Createur? (CHART., L. Esp., c.1429-1430, 30) | | [5] | Et saches qu'il ne compassa mye cest artificieux monde en son eternelle pensee, et ne le forma pas ainsi ordonnement en nombre, poys et mesure, par si juste proportion que il n'y ait que redire, en establissant soubz lui lez terriennes puissances, pour le non challoir et laissier a l'aventure sans gouvernail ne patron. (CHART., L. Esp., c.1429-1430, 34) | | [6] | Car l'iniquité descent dez grans aux menuz, et le peuple suyt la fortune et vit au patron de ses souverains. (CHART., L. Esp., c.1429-1430, 45) | | [7] | Ceulx princes qui par aage et par aisneesse devoient estre patron de honneur et mirouer de perfection, furent monstre de pompe et aguillon d'envie. (CHART., L. Esp., c.1429-1430, 66) | | [8] | Maiz te fault mouler sur le plus hault patron, et desirer ta vie sans la priser, en mesprisant la mort sans la desirer. (CHART., L. Esp., c.1429-1430, 100) | | [9] | Aussy science ne traicte point des choses singuliers, ainçoys lez relaisse a experience et conseil, qui besoingnent par patron et par exemple. (CHART., L. Esp., c.1429-1430, 134) | | [10] | Car celuy duc, redoubtable patron de chevalerie et maistre dez victores, fust si constumier de vaincre, qu'il luy sembloit avoir surmonté fortune et desconfit maleur, et que Dieu et les destineez fussent jureez avecquez luy. (CHART., L. Esp., c.1429-1430, 141) |
|
|
Attestation de 