| [1] | Il eut en merveilleuse recommandacion les astrologiens et se gouverna par eulx et, par especial, par ung nommé maistre Gervaiz Chrestien, qui fut grant et proffond astrologien et medicin, comme dit est, à la requeste duquel et autres de son sang, aymant ladite science et par grande deliberacion de son grant conseil et de toute l'Université de Paris, il voulut construire et de fait le fist et ediffier et après fonder ou meilleur lieu de l'Université de Paris, ung colliege de astrologie et medicine, où il mist livres, plusieurs livres singuliers desdites sciences en grant et merveilleux nombre et telz et semblables livres que la court deParlement me a renduz et des semblables de ceulx qui sont en differant et que l'on (ces ebethés ignorans) maintient supersticieux contre verité. (SIMON DE PHARES, Astrol., c.1494-1498, 154) | | [2] | En ce temps fut excellant en philosophie, très erudict et expert docteur en medicine, subtil et proffond astrologien, maistre Corrard Heingater. (SIMON DE PHARES, Astrol., c.1494-1498, 175) | | [3] | Johannes de Monte Regio, Alemand, excellant astrologien, le plus proffond en la theorique des planectes qui se soit monstré puis cent ans, et fut tenu la fleur des Almaignes et des Ytallies et, pour l'excellence de lui, fut envoyé querir par le pappe Sixte pour ampliffier le Paschal de l'abbé Denis, dont dessus est faicte mencion, qui, puis la correction de ce notable cardinal, estoit demouré intacte, lequel y besongna aucun peu et jusques ad ce que la peste, qui fut si vehemente à Romme, le deffist. (SIMON DE PHARES, Astrol., c.1494-1498, 175) |
|
|
Attestation de 