| [1] | Et avec ce les diz chevaliers quitterent le dit escuier de ce qu'il a tenu la dicte garde de tout le temps passé jusques au jour d'huy, sauf le droit d'iceulx religieux en toutes choses; (6205, 407) | | [2] | Nous faisons assavoir que pardevant nous en jugement pour ce personelment establiz Mahy de Plailli, tavernier, bourgois de Paris, demourant en l'encloistre de l'eglise de Sainte Oportune, et Agnés, sa fame, a la quele il donna auctorité quant aus choses qui ensuient, recognurent en droit, de leurs bonnes volentez et de certaine science, euls d'un commun assent avoir vendu et en nom de perpetuel vendue ottroié, cessié, quitté, transporté et du tout delessié, desorendroit a touz jourz perpetuelment, a Giefroy de Floury, bourgois de Paris, et a Jehanne, sa fame, pour euls, pour leurs hoirs et pour touz autres qui d'euls auront cause, soixante soulz par. de crois de cenz ou rente annuel et perpetuel que les diz vendeurs du propre heritage de la dite venderresse se disoient prendre et avoir paisiblement et franchement, chascun an aus quatre termes generalment en l'an a Paris acoustumez, tantost sanz aucun moien ne de semblable condicion aprés vint et huit soulz par. tant de fonz de terre comme de crois de cenz ou rente, en et sus la meson qui fu Jehan du Temple, jadiz pere de la dite venderresse, et sus touz les droiz et appartenances d'icelle, si comme tout se comporte et estent de toutes pars, seant a Paris, en la rue de la Chanverrie, en la censive nostre sire le roy, tenant, d'une part, a la meson Agnés, jadiz fame du dit feu Jehan, et, d'autre part, aus heritiers de feu Robert Païen, aboutissant parderreres a la meson qui fu feu Denyse de Lorriz, a avoir, prendre, joïr, expletter, recevoir et par droit hereditaire paisiblement et franchement posseoir les soixante soulz par. de crois de cenz ou rente dessus venduz, dorenavant perpetuelmentchascun an, aus termes, sur le lieu, aprés la charge et en la maniere dessus devisez, des diz acheteurs, de leurs hoirs et de touz autres qui d'euls auront cause, c'est assavoir tout pour le pris de vint et quatre livr. par., une foiz, que les diz vendeurs confessierent avoir eu et receu des diz acheteurs en bons deniers comptanz avant la confection de ces lettres, dont ils se tindrent enterinement pour bien paiez, et de tout icelli pris pour toute la dite vendue quitterent a touz jourz les diz acheteurs, leurs hoirs et touz autres qui d'euls auront cause ; (Chartes Abb. St-Magl. T.F., t.3, 1330-1436, 53) | | [3] | Les quelz vint sis soulz et huit deniers parisis de cres de cens ou de rente dessus diz a avoir, prendre et recevoir par chascun an, aus diz quatre termes en l'an a Paris accoustumez, en et sur ladite maison et sur ses dites appartenances et appendances, tantost aprés un denier de fons de terre, comme dit est, yceuls Macy et sa fame, de leur bon gré, de leur bonne volenté et de certaine science, recognurent et confesserent pardevant les diz clers notaires jurez comme pardevant nous en droit avoir vendu et par nom de pure et perpetuele vente quitté, cessié, ottroié, mis, transporté et delessié, et ancorres vendirent, quitterent, cessierent, ottroierent, mistrent, transporterent et du tout en tout delessierent desorendroit, perpetuelment et heritablement a touz jours mais, a Robert Foulechat, drappier, bourgois de Paris, et a Alés, sa fame, pour euls, pour leurs hoirs et pour ceus qui d'euls ont et auront cause, avecques tout le droit, toute l'action, fons, saisine, proprieté, possession et seignourie qu'il avoient, povoient et devoient avoir en la dite rente et en toute ladite maison et en ses dites appartenances et appendances, sanz riens retenir y ne reclamer jamés a nul jour, comment que ce soit, pour euls ne pour leurs hoirs, pour cause de ce, c'est assavoir ceste vente faite pour le pris et la somme de neuf livres parisis, forte monnoie courant ad present, que les diz vendeurs en avoient eu et receu des diz Robert Foulechat et Alés, sa fame, acheteurs, en bonne peccune bien comptee et bien nombree, avant la confection de ces lettres, sicomme il confesserent, et s'en tindrent a bien paiez pardevant les diz notaires jurez, et d'icelles neuf livres par. il quitterent les diz acheteurs. (Chartes Abb. St-Magl. T.F., t.3, 1330-1436, 74) | | [4] | Les quelz vint sis soulz et huit deniers parisis de cres de cens ou de rente dessus diz a avoir, prendre et recevoir par chascun an, aus diz quatre termes en l'an a Paris accoustumez, en et sur ladite maison et sur ses dites appartenances et appendances, tantost aprés un denier de fons de terre, comme dit est, yceuls Macy et sa fame, de leur bon gré, de leur bonne volenté et de certaine science, recognurent et confesserent pardevant les diz clers notaires jurez comme pardevant nous en droit avoir vendu et par nom de pure et perpetuele vente quitté, cessié, ottroié, mis, transporté et delessié, et ancorres vendirent, quitterent, cessierent, ottroierent, mistrent, transporterent et du tout en tout delessierent desorendroit, perpetuelment et heritablement a touz jours mais, a Robert Foulechat, drappier, bourgois de Paris, et a Alés, sa fame, pour euls, pour leurs hoirs et pour ceus qui d'euls ont et auront cause, avecques tout le droit, toute l'action, fons, saisine, proprieté, possession et seignourie qu'il avoient, povoient et devoient avoir en la dite rente et en toute ladite maison et en ses dites appartenances et appendances, sanz riens retenir y ne reclamer jamés a nul jour, comment que ce soit, pour euls ne pour leurs hoirs, pour cause de ce, c'est assavoir ceste vente faite pour le pris et la somme de neuf livres parisis, forte monnoie courant ad present, que les diz vendeurs en avoient eu et receu des diz Robert Foulechat et Alés, sa fame, acheteurs, en bonne peccune bien comptee et bien nombree, avant la confection de ces lettres, sicomme il confesserent, et s'en tindrent a bien paiez pardevant les diz notaires jurez, et d'icelles neuf livres par. il quitterent les diz acheteurs. (Chartes Abb. St-Magl. T.F., t.3, 1330-1436, 74) | | [5] | et recognurent euls, chascun pour le tout, de l'auttorité devant dite, avoir vendu et par non de pure vente vendirent, quitterent, transporterent et du tout desorendroit a touz jours delaisserent heritablement a Pierre Angevin, peletier, bourgois de Paris, a Gile, sa fame, a leurs hoirs et a ceus qui cause auront de euls, vint solz par. de cens, cres de cens ou rente annuel et perpetuel que il avoient de leur conquest et prenoient paisiblement, tantost aprés trente cinq solz par. de rente, aus quatre termes en l'an a Paris generalment acoustumés, en et sur une meson et ses appartenances,drois et appendances, seant a Paris, ou Bourc l'Abbé, qui est a present Saintot du Bourc l'Abbé, tenant, d'une part, a une meson qui est aus hoirs Gieffroy de Fleury, et, d'autre part, au dit Saintot, aboutissant parderriere a ycelui Saintot, en la censive des religieux de Saint Magloire de Paris, a avoir, prendre, posseoir et recevoir par yceus acheteurs et par ceus qui cause auront de eus doresenavant, chascun an perpetuelment aus diz quatre termes, en et sur la meson du dit Saintot dessus dite et sur ses drois et appartenances, c'est assavoir pour le pris de vint livr. par. que les diz vendeurs en confesserent avoir eu et receu des diz acheteurs et dont il se tindrent pour bien paiez ; (Chartes Abb. St-Magl. T.F., t.3, 1330-1436, 121) | | [6] | et d'ycelui pris quitterent a touz jours les diz acheteurs et ceus qui cause auront de eus, mettans, cessans, transportans, quittans et du tout delaissans, desorendroit a touz jours, par vertu de ceste vente et a cause d'ycele, es diz acheteurs et en ceus qui de eus auront cause, tout le droit, action, saisine, seignorie, proprieté et possession quelcunques que il avoient, avoir, demander et reclamer povoient et devoient en yceus vint solz par. de rente de eus venduz, et envers quelcunques personnes et choses pour reson d'yceus, sanz y riens retenir pour yceus vendeurs ne pour leurs hoirs doresenavant ; (Chartes Abb. St-Magl. T.F., t.3, 1330-1436, 122) | | [7] | ceste vante faitte pour le priz et la somme de six vins et dix lb. par. que les diz vendeurs en confesserent avoir euz et receuz en bonne monnoie courant a present, bien nombree et bien comptee, et dont ilz ce tindrent a plain pour bien paiés, et en quitterent et quites clamerent bonnement a tous jours par devant les diz notaires jurez comme par devant nous les diz achatteurs, leurs hoirs et aians cause. (Chartes Abb. St-Magl. T.F., t.3, 1330-1436, 168) | | [8] | et en quitterent et quittes clamerent bonnement a touz jours les diz achateurs, leurs hoirs et aianz cause ; (Chartes Abb. St-Magl. T.F., t.3, 1330-1436, 171) | | [9] | tout lequel pris et sonme de quatre cens livres tourn. ou pris et valeur dessus dit les dis maistre Miles et Yolant, sa fenme, vendeurs dessus nonmés, recognurent et confesserent pardevant les dis notaires jurés euz avoir eu et receu des avant la confection de ces presentes lettres dudit acheteur en bonne peccune nombree et bien comptee ou pris et valeur dessus dit, et duquel pris et sonme pour toute ladite vendue quitterent et quittes clamerent bonnement a tous jours ledit maistre Jehan, acheteur dessus nonmé, ses hoirs et tous ceus qui cause ont ou aront de li, en renunçant par leurs seremens et par leur foy a l'exepcion dudit pris non eu et non receu, non baillé et non livré. (Chartes Abb. St-Magl. T.F., t.3, 1330-1436, 221) | | [10] | Et pour ce, les dis aquereux baillerent, quitterent et delesserent au dit Jaques Petit et a sa fame a tous jours pour douze escus ce qui est en la censive Saint Magloire, et s'en dessaisirent les dis aquereux, etfirent saisir le dis Jaques et sa fame, le lundi jour Saint George l'an CCCLVIII, par Jaques le Riche. (Chartes Abb. St-Magl. T.F., t.3, 1330-1436, 223) |
|
|
Attestation de 