Attestation dans les corpus textuels   Attestation de reemplir dans 7FMR  3 attestations   Page 1/1  [1] et pour mieulx entamer ceste matiere et traire à nostre propos, convient avisier à quel cause vindrent seigneuries et princées premierement au monde, si comme la narracion des Escriptures le tesmoigne, lesquelles recordent que es anciens aages, tresque la semence humaine prist à peupler et à reemplir les contrées de la terre, assez tost apprès, comme perversité, là où lime de raison ne l'amodere, soit naturelle ou sang humain, adonc, comme gent sanz loy se pristrent à grans extorsions et infinis maulz faire les uns contre les autres, par rappines et occisions et mains excessis oultrages, sanz que regart de justice y meist aucun frain, lors les Anciens, enseignez de don de Nature par longue experience es regars de raison, aviserent que bon seroit, pour à ces inconveniens obvier, que l'un d'entre eulz, le plus ydoine et propice en vertu et sçavoir, fust esleu et establi superieur et prince d'eulz tous, et à cellui par commun acort donnassent autorité de seigneurie, et eust la cognoissancedes causes entr'eulz meuees, et par lui fust jugié des tors fais en rendant à chascun son droit, sanz que de nul fust desobei, soubz peine de perdre la vie. (CHR. PIZ., Faits meurs Ch. V, S., I, 1404, 112) [2] Mais quant .I. element est mis hors de son lieu et de son ordre naturel trait par violence, et l'autre l'ensuit pour reemplir le lieu que il ne soit vieu, tel mouvement est violent. (ORESME, C.M., c.1377, 706) [3] Et sans celles trinités qui la furent mises encore est une autre trinité qui fait a ce propos, car selon ce que fu dit ou .XIIe. chapitre du tiers, .III. figures plaines regulieres sont, c'est a savoir trigone et quarré et exagone, dont chascune peust reemplir espace superficiele ou superfice. (ORESME, C.M., c.1377, 722) Fermer la fenêtre