Attestation dans les corpus textuels   Attestation de reemplis dans 7FMR  3 attestations   Page 1/1  [1] et aux anciens moult grant honneur et reverenceportoient, et les jeunes, tant fussent nobles, les servoient et moult honnouroient, laquelle chose est de droit deu en policie bien ordennée, voire ainsi que je l'entens, c'est assavoir des sages anciens preudes hommes, non mie des envieillis en malice mauvaise, car ou monde n'est plus grant peril, ne aussi de ceulz, qui grant aage ont acompli sanz la cognoiscence de vertu ou prudence, comme assez en soit d'anciens sanz sens et d'autres jeunes assés d'aage et moult reemplis de vertus et sçavoir, si comme fu le sage roy Charles, dont nous traittons, qui meismes en tres jeune aage voult cognoistre les effetz de vertu, qui estoit don de Dieu par-dessus nature ; (CHR. PIZ., Faits meurs Ch. V, S., I, 1404, 34) [2] et que elle face plus à louer es princes et poissans que en autres hommes, nous peut apparoir, par les louenges des trespassez vertueux, reemplis d'icelle, si qu'il est escript du vaillant empereur Helius Adrians devant aligué, homme reempli de science et vertus. (CHR. PIZ., Faits meurs Ch. V, S., I, 1404, 73) [3] car, comme assez est sceu, comme les communes de Flandres par mauvais conseil se furent rebellées contre leur seigneur, le duc de Bourgoigne, qui conte en estoit à cause de Marguerite, fille et heritiere du conte de Flandres, comme dit est, qu'il avoit espousée, et les fiez de sa terre ne lui vouloient rendre, ains estoient rebellés contre leurs devoirs, par quoy le sage duc et comte considerant que à tel oultrage de commune et subgiez souffrir en tel orgueil pourroit estre exemple de ainsi faire en tout ce reaume, et meismes ce seroit ou prejudice du roy, qui est souverain seigneur, pour ce, par son conseil y ala le roy et toute sa baronnie, à assemblée banie moult noble et moult redoubtable, dont les Flamens, lors reemplis de grant oultrecuidance et presompcion, s'assemblerent à bataille contre leur souverain seigneur, le roy de France, et contre leur conte, et furent en champ, à banieres levées, le jeudi, jour .XXVIIe. de novembre, en l'an mil IIIcIIIIxx et II., et là, en la haulte plaine de Rosebech, par gracede Dieu ameur de tout droit, furent, le roy enfent present en la bataille et assemblée, desconfis .XL. mille Flamens, et leur capitaine Artvele mort et la plus grant partie de eulx. (CHR. PIZ., Faits meurs Ch. V, S., I, 1404, 163) [4] Ainsi convoiee par la secretaine de Philosophie, abeesse et superieure d'icellui couvent, fus pourmenee par tous les estages de toutes beautez et bonnes choses comblés et reemplis. (CHR. PIZ., Avision R.D., 1405, 92) [5] si te demande se homme ne femme congnois, soit prince, princesse ou autre des plus reemplis des biens de Fortune, soit en seigneuries, estas, honneurs et autres dignetez - je te parle de la vie des mondains et en reserve les speculatifs nobles d'entendement - que tu voulsisses avoir changié ton simple estat et maniere de vivre, la voulenté que tu as, et l'amour et delict d'estude que tu prens, et ta vie solitaire pour avoir la cure et charge de tant de divers affaires et d'ame et de conscience, ou l'ardeur de convoitise et tout cel courage, et fust mesmes converti ton corps foible et femmenin en homme pour estre transmuee de condicion et de tout en cellui ou celle a qui tu reputes es biens mondains Fortune est plus propice. (CHR. PIZ., Avision R.D., 1405, 129) Fermer la fenêtre