| [1] | Assez trouvons es histoires rommaines de malles aventures survenues aux Rommains et que Fortune avoit mis jusques au bas, mais de tant se ressourdoient ilz plus vertueusement comme le besoing les rendoit plus contrains a ce, et, s'ilz avoient perdu des chevaliers, ilz en establissoient de nouveaux et mettoient sus des gens de tous estas, mesmes des serfs, et les apprenoient et faisoient exerciter aux armes, et par la cure et ordonnance qu'ilz y mettoient s'en aidoient en leurs batailles et devenoient vaillans et hardiz, car en toutes choses usaige rent les homes seurs et hardiz et arrestez en leurs oeuvres. (CHART., Q. inv., 1422, 31) | | [2] | Dieu me gard que je defende ou debate qu'il ne soit bon de grever et guerroyer ses ennemis et les combatre en lieu et en temps que on puisse trouver son avantage, et moult y a de vaillans chevaliers et d'escuiers en cestui royaume qui ne demanderoient pas plus grant eur que de soy y trouver pour faire leur devoir, mais en armes a il aussi bien sens pour attendre son bon et delay pour faire son preu en son avantaige comme il y a en marchandises ou en autres mendres affaires. (CHART., Q. inv., 1422, 34) | | [3] | Si est faicte la guerre par gens sans terre et sans maison ou que la greigneur part, que necessité a contrains de vivre sur autrui, et nostre besoing nous a convaincus a le souffrir et encores ne nous a la penitance de ce pechié chastiez, et quant les vaillans entrepreneurs, donc, mercy Dieu, a encor en ce royaume de bien esprouvez, mectent paine de tirer sur champs les nobles pour aucun bien faire, ilzdelaient si longuement a partir bien enviz et s'avancent bien tost de retourner voulentiers que a paine se peut riens bien commencer, mais a plus grant paine entretenir ne parfaire. (CHART., Q. inv., 1422, 57) | | [4] | Qui sera cellui qui me puist mectre avant ung hault honneur rendu pour vertueux service ne une seule correction pour deliz infiniz commiz en chief contre toute ordonnance d'armes et au revers des loys et coustumes des preux et des vaillans? (CHART., Q. inv., 1422, 59) | | [5] | Si doit estre discipline de chevalerie et crainte d'onneur gardee es maisons des nobles comme en l'ost du prince, car la reverence et salvable doctrine des vaillans peres et anciens d'un lignaige peut plus aux jounes proufiter a vertu que la peur de la justice de leur chief. (CHART., Q. inv., 1422, 61) | | [6] | Tant enhardiz S'est qu'il avance les tardiz, Enhardit les aquouärdiz Et les vaillans fait plus hardiz, Quant ilz sont tieulx Qu'ilz veulent choisir en bons lieux Et mectent paine a valoir mieulx Pour plaire a la belle aux beaulx yeulx. (CHART., L. Dames, 1416, 269) | | [7] | Que tant ont en amours faulsé Les deffaillans, Car se hystoires ne sont faillans, Vraie amour fait les cuers vaillans, Entrepreneurs et assaillans Semblablement! (CHART., L. Dames, 1416, 286) | | [8] | Les vaillans hommes et sages, Mors, prisonniers ou hostages En servages; (CHART., L. Paix, a.1426, 414) | | [9] | " Or s'on fait es vaillans devoir Ne s'ilz ont offices ne dons, Vous ne le devez pas savoir, Car il ne le scet que les bons; (CHART., D. Her., p.1415, 424) | | [10] | " Je croy bien que son honneur croistre Doit vouloir chascun gentilhomme Pour soy faire amer et cognoistre, Quoy que la sayson n'est pas comme Elle estoit du temps noz ancestres, Car ceulx qui les vaillans faysoient Estoient les bons vaillans maistres Qui les vaillans recognoissoient. (CHART., D. Her., p.1415, 425) |
|
|
Attestation de 