| [1] | Et pour conclurre sur ce point du temps dont tu parles et de cestui, j'appelle les vivans a tesmoingque tu t'es selon toy desroyé en tes estaz trop plus que nous, et tu en vois encores les ensaignes, quant ung varlet cousturier et la femme d'un homme de bas estat osent porter l'abit d'ung vaillant chevalier et d'une noble dame et dont ilz souloient estre en court de prince tresbien parez. (CHART., Q. inv., 1422, 40) | | [2] | Quel exemple avons nous en ce cas du vaillant magnanime Scipion, qui bien fait a ramentevoir comme, ou temps que la seigneurie romaine estoit si durement foulee par Hannibal, aprés ses grans victoires, que es couraiges des Rommains n'avoit plus comme nulle esperance de salut de leur cité et que la plus grant partie d'eulx descendoit en oppinion de monter es nefs et abandonner Romme et aller habiter en autres regions, il, qui le peril commun de lui et des autres cognoissoit, le vouloir aussi du Senat qui se vouloit departir, vainqui les doubtes de son cuer par l'affection publique, si tira son espee emmy le conseil et jura haultement que qui parleroit plus de habandonner la cité sentiroit au trenchant de son espee que doit estre le guerredon de ceulx qui la chose publique delaissent pour leur singulier salut. (CHART., Q. inv., 1422, 49) | | [3] | et en ce cas la victoire que fist le vaillant jouvencel comme vainqueur ne peut effacier la desobéissance qu'il fist comme transgresseur, pourquoy la rigueur de la discipline chevalereuse vainqui la pitié naturelle du pere, car cellui que Nature admonneste d'estre pere misericors pour le devoir de sang acquiter se monstra juge rigoureux pour la loy d'armes aigrement observer. (CHART., Q. inv., 1422, 54) | | [4] | Piz me fait que les nobles hommes y prennent si peu garde que a peu se laissent ja les pluseurs couller en l'ordonnance des autres, sans difference de meurs ne de voulentez, et ne craingnent aucuns encourre male renommee contre qui noble cuer doit avoir plus mortelle guerre que contre autres ennemis, et doivent contre les autres celle merche porter que leurs euvres les facent cognoistre des autres et que nul d'eulx en son semblable ne laisse tache de reprouche sans y donner le remede, comme firent les Scipions a Romme, quant ilz osterent a l'un des hoirs de Scipion l'Auffricain l'annel qu'il portoit, ou estoit empraint l'imaige du vaillant Scipion, pour ce qu'il ne faisoit pas les oeuvres de cellui dont il portoit si noble ensaigne. (CHART., Q. inv., 1422, 60) | | [5] | Les tresesleuz ensaignemens de Aristote pratiquez par voies de fait firent toutes choses subgectes et seurmontables a la chevalerie d'Alixandre, la constance et courageuse amonicion du roy Preamus redoubla la proesce du vaillant Hector, les aguaitz et advisé gouvernementde Hannibal firent a ses gens passer les Alpes et les grans maraiz et merveilleux passaiges sans grans dommaiges, les entreprinses et exercice d'armes du roy Charles le grant donnerent a Rouland, Ogier et Olivier leur grant renommee qui encores dure, et le meur adrecement et hault esgard du roy Charles derrenier mort fist le bon Bertran tant de foiz vaincre les ennemis glorieusement et le royaume de grief maleur soy ressourdre en paisible bieneureté. (CHART., Q. inv., 1422, 62) | | [6] | Et s'il n'a cuer, Amours tout neuf lui fait Et l'enhardit ainsi et le parfait D'estre vaillant, Entrepreneur, prest, legier et saillant, Soit a deffendre ou soit en assaillant. (CHART., D. Fort., 1412-1413, 174) | | [7] | Bien a cil sa foy acquictié, Dont mainte cronique et dictiéJa composé Deust estre, car tant a osé Qu'il a corps et vie exposé, Sans estre lasche ou reposé, Comme vaillant, Encontre ceulx qui assaillant Venoient France, en leur baillant De courage non defaillant Assez affaire. (CHART., L. Dames, 1416, 222) | | [8] | Si estoit il de bon hostel Et filz d'ung vaillant chivallier, Mais l'enfent n'estoit mie tel Quoy qu'il feüst son heretier. exposé, Sans estre lasche ou reposé, Comme vaillant, Encontre ceulx qui assaillant Venoient France, en leur baillant De courage non defaillant Assez affaire. (CHART., D. Her., p.1415, 421) | | [9] | Ne deussiez vous servir ung maistre Vaillant, avant estre son paige? (CHART., D. Her., p.1415, 422) | | [10] | Que les bons n'ayent guerredon Ne vous saille jamaiz de bouche, Car ung vaillant pouvre sans doubte A plus de bien de ce qu'il sent Qu'on l'aime, louë et redoubte, Que n'ont lasches riches ung cent. (CHART., D. Her., p.1415, 423) |
|
|
Attestation de 