| [1] | En mon temps vy .II. rois en France Moult vaincre, par leur grant souffrance : Le roy Jehan, filz du roy Phelipe De Valoiz, qui, en son principe, Hot Fortune dure et contraire ; (CHR. PIZ., M.F., IV, 1400-1403, 76) | | [2] | Ce jour, au soir, environ huit heures, messire Loiz, filz du Roy Charles Ve et frere germain du Roy Charles regnant de present, duc d'Orleans, conte de Valoiz, de Bloiz, de Beaumont, de Suessons, d'Angolesme, de Dreuz, de Porcien, de Pierregort, de Luxembourc et de Vertus, sire de Coucy, de Montargi, de Chasteltierri, d'Espernay et de Sedanne en Champaigne et de pluseurs autres terres, marié à madame [Valentine] fille de feu messire Galiache, duc de Milant, dont avoit III filx et une fille, en revenant de l'ostel de la Royne, qui est près de la porte Barbette, vers l'eglise des Blans Manteaus, accompaigné moult petitement selon son estat, c'est assavoir de IIJ hommes à cheval et de IJ à piet à une ou IJ torches, devent l'ostel du mareschal de Reux, en son aage de XXXVJ ans ou environ, fu par VIIJ ou X hommes armez qui estoient mussez en une maison appellée l'ymage Nostre Dame, estant devant l'ostel dudit mareschal, et où lesdiz hommes avoient habité et conversé repostement par VIIJ ou XV jours, tué et murtri, et ly fendirent la teste de jusarmes, puiz que fu abatu de son cheval, et ly firent espendre la cervelle de la teste sur le pavement, et ly coperent tout jus une main, et avec lui tuerent un sien vallet qui se metoit sur lui pour le defendre, et si navrerent un qui tenoit la torche; (BAYE, I, 1400-1410, 206) | | [3] | J. de Merlemont, escuier, a esté receu bailly de Valoiz ou lieu de messire Guillaume de Senliz, chevalier, par avant bailly par provision, et par la maniere dessus enregistrée pour autres. (BAYE, II, 1411-1417, 35) | | [4] | Ce jour, sur ce que le Chancellier avoit mandé par l'un des presidens de ceans que l'en esleut IJ des seigneurs de ceans, et les nommast la Court pour aler encompaignie du Roy que l'en dit qui welt aler en armes à Senliz, à Compiegne et à Suessons qui ont desobey au Roy, et par especial Compiegne et Suessons, comme l'en dit, et tiennent garnisons de gens d'armes qui pillent et ont pillié le païz de Valoiz et la ville d'Ay sur Marne, où ont prins pluseurs preudommes et emmené prisonniers pour rançonner. (BAYE, II, 1411-1417, 175) |
|
|
Attestation de 