| [1] | Messires Robers d'Artois qui se tenoit dalés le roi, et avoit ja apris a congnoistre tous les barons d'Engleterre ou en partie, et estoit tous aqointés de euls, ne pooit oubliier ne mettre arriere de son coer les despis et les vituperes que li rois Phelippes li faisoit et avoit fais: mis et bouté tous hors de ses hiretages et enprisonné sa fenme et ses enfans. (FROISS., Chron. D., p.1400, 228) | | [2] | Se aucun a envie ou mesdit de ceste maniere de vivre, nostre Blesille ne fait que rire et ne daignera oïr les laidenges ou vituperes des raines faisans trop de noise». (DAUDIN, De la erudition H., c.1360-1380, 435) | | [3] | Charles, par la grace de Dieu roy de France, savoir faisons a tous, presens et a venir, de la partie des amis charnelz de Jehan Courson dit du Bois,povre homme, nous avoir esté exposé que, comme le dimanche aprés la feste saint Remi darrain passee, environ soleil esconsant, aprés ce que le dit Jehan et un appellé Jehannin Poulain orent longuement joé a la paume, et depuis beu en taverne vers l'eglise de Saint Martin des Champs a Paris, ilz, en eulx en alant paisiblement, senz aucune esperance de trouver ou faire riote ou debat a aucun, par la rue de Darnestal, estant en la haulte et toute justice des religieux de Saint Magloire vers ledit lieu de Saint Martin des Champs, droit a la porte nommee la porte du Bourc l'Abbé, chascun en son repaire, et par especial ledit Jehan pour souper avec sa femme et mesnie en son hostel prés du bout de la rue de Quiquampoit qui estoit et est assez pres de la dicte porte, eussent d'aventure apperceu en ycelle rue de Darnestal, environ l'ostel du Plat d'Estain, un homme nommé Guillemin de Villiers, avecques li un autre sien compaignon et complice, qui moult injurieusement parloient a un desdiz religieux de Saint Magloire, preudomme, devost et de tres honneste vie, conversacion et renommee, et li disoient plusieurs vituperes, injures et derrisions. (Chartes Abb. St-Magl. T.F., t.3, 1330-1436, 455) | | [4] | Pour laquele chose, ledit Poulain et ledit Jehan Courson, qui estoit sergent sermenté d'iceuls religieux de Saint Magloire, aians lors vergoigne et doleur des dictes injures et vituperes pour lesquelz ledit religieux s'estoit departi et alé vers son eglise, et aussi que ladicte rue de Darnestal estoit et est, comme dessus est dit, en la justice desdiz religieux et que il leur y estoit deu reverence ainsi que il sembloit aus diz Jehan et Poulain, se feussent adreciez contre ledit Guillemin et son dit complice ; (Chartes Abb. St-Magl. T.F., t.3, 1330-1436, 456) | | [5] | Tu vois que chascun prise ma fille de son art de musicque fors toy qui la vituperes en te taisant. (S182, 364) |
|
|
Attestation de 