| 35 exemples |
| 1 | Il entent par affirmacion assentement a ce que est voir ou appert voir et par negacion d'assentement ou non acort a ce que est faulz. (ORESME, E.A.C., c.1370, 332). |
|
| 2 | Et puet estre que, se sermon Ou aucun bon enseignement Eust ëu au commancement Sathan, avant qu'il eust pechie [l. pechié] Et qu'il eust este enseignie [l. enseignié] Com les hommes presentement, Voulente [l. voulenté] ou assentement A pechie [l. pechié] n'eust onques donne [l. donné] Et ne s'i fust abandonne [abandonné]. (GUILL. DIGULL., Pèler. âme S., c.1355-1358, 120). |
|
| 3 | Et ainsi ces .II. (...) de leurs gens y avoient Et leurs estas et leurs conrois, Par l'assentement d'aucuns roys (CHR. PIZ., M.F., II, 1400-1403, 5). |
|
| 4 | Caÿphe et vous, Anne, beau sire, Esse de vostre assentement Qu'on me traicte si durement Par devant vostre synagogue ? (GRÉBAN, Pass. J., c.1450, 375). |
|
| 5 | Dieux immortelz par voz assentemens, Faictes ce lys duquel point je ne mens, Tant refragant vivre en perseverance (SAINT-GELAIS, Séj. honn. J., c.1490-1495, 255). |
|
| 6 | En ce tempz, sainte Eugene en habit d'homme pour garder sa virginité conversa lonc tempz avecquez moisnes, et aprez la mort de l'abbé, d'un commun assentement, elle fut esleüe pour estre abbé. (Renart contref. R.L., t.1, 1328-1342, 245). |
|
| 7 | Si que d'assentement commun Tuit furent en acort comme un (MACH., C. ami, 1357, 36). |
|
| 8 | Et dient tous d'un comun asentement que ilz se recordent bien que d'iceulx Brun et Raoulet ilz ont, par plusieurs et diverses fois, acheté plusieurs menues robes, comme petites costes, chauses et chapperons (Reg. crim. Chât., I, 1389-1392, 160). |
|
| 9 | Dont respondirent tous, d'un assentement : Par ma foy, monseigneur, on ne lui pourroit donner nom qui mieulx lui afferist, selon l'estat de lui. (ARRAS, c.1392-1393, 47). |
|
| 10 | Lors sans demeure et tout d'un commun assentement s'agenoillerent devant le trone de la majesté divine toutes les Vertuz (GERS., Concept., 1401, 396). |
|
| 11 | ...et pour pourveoir de commun assentement au gouvernement, à la garde et conservacion de ce royaume (FAUQ., I, 1417-1420, 317). |
|
| 12 | Et li a l'empereur cranté Que james ne le grevera, Cent mille livres li baudra. Lors furent d'un assentement Et s'entramerent molt forment. (Dame Lycorne G., c.1349-1350, 359). |
|
| 13 | Car au premier vient en la pensee une simple pensee, et puis une forte ymaginacion, et puis après une delectacion, mauvais mouvement et assentement. Et ainsi le mauvais Ennemy petit a petit y entre du tout quant on ne lui resiste point au commencement. (Internele consol. P., 1447, 302). |
|
| 14 | Puis que doi coer sont d'un assentement Malavisés est qui y met discorde, Car toute amour nourist leur sentement (FROISS., Rond. B., c.1365-1394, 63). |
|
| 15 | Et einsi de l'assentement de tous Numitor regna des lors an avant. (BERS., I, 1, c.1354-1359, 6.2, 10). |
|
| 16 | ...et si dedia cilz edilez la maison de Concorde a tres grant envie des noblez, si que Cornelius Barbatus, li tres grant evesquez, fu constrains par l'assentement du pueple aler avant luy en la dedicacion (BERS., I, 9, c.1354-1359, 46.6, 87). |
|
| 17 | Or ça, Jouvencel, vous voyez que par le commun assentement de tous voz amiz et compaignons (...) estes esleu, par le bon sens et conduitte de nostre guerre qui est en vous, à estre nostre chief (BUEIL, I, 1461-1466, 117). |
|
| 18 | Mais certes sanz l'assentement et commandement du pueple nie je que il en aucune maniere puissent par aucun avoir esté obligié par chose qui le tigne (BERS., I, 9, c.1354-1359, 9.4, 15). |
|
| 19 | Les chefs de ceste route angloise estoient le comte de Huntindon et Cornuaille. Et s'estoient joints avec eux au partir du siège aucuns des Bourgongnons, comme Butor de Croy, Aubelot de Folleville, le Bailly de Fouquesolle, le bastard de Divion et aucuns autres ; mais ne sçay s'ils estoient d'assentement à l'emprise des Anglois ou non. (CHASTELL., Chron. K., t.1, c.1456-1471, 98). |
|
| 20 | Il n'en y a pas de cent ung ["un sur cent"] Qui feust de vostre assentement, Pour quoy dit on communement Qu'il [Dieu] est coursé, qu'il est iré ? (Moralité cincq pers. B., 1484, 47). |
|
| 21 | Et dit que le doyenné lui fut donné à la requeste de mons.. de Berry, combien que l'abbéesse n'en fut pas bien d'assentiment ou cuer. (Ch. VI, D., t.1, 1390, 102). |
|
| 22 | Et si fu l'ire rommainne si grant encontre eulz que, comme le conseil se traitast de trameitre a Lucerie colonie rommainne, grant partie du senat estoit d'assentement que elle fust destruite pour la haine que il avoient contre ceulz qui deux fois avoient esté pris (...) mais touteffois la sentence contraire vainqui en debat (BERS., I, 9, c.1354-1359, 26.3, 47). |
|
| 23 | Par despit du faulx truant, [Job] Je veulx et suis d'assentement La pigle estre habandonnee Par toute icelle contree Et sur tous ceulx, je le devise, Qui tenent la loy Moÿse (Pac. Job M., c.1448-1478, 254). |
|
| 24 | Si s'acordoient bien chascuns que on feist roy, mes n'i avoit nu qui son assentement vosist doner a l'autre. (BERS., I, 1, c.1354-1359, 17.4, 27). |
|
| 25 | Mais toutesvoies, se il a opinion et non pas science et la suspicacion ou opinion ou assentement n'est pas fort contre ce a quoy l'appetit trait, mais est foible et remis, aussi comme ont ceulz qui doubtent ; donques li devroit il estre pardonné (ORESME, E.A., c.1370, 366). |
|
| 26 | Rethorique fait a droit parler ciaulx Qu'elle introduit en tous cas proprement ; Et Musique est le doulz assentement De sons, de voix (DESCH., Oeuvres R., t.7, c.1370-1407, 23). |
|
| 27 | Ensemble d'un assentement Nous fault d'un motet le recort Chanter (Mir. parr., 1356, 58). |
|
| 28 | Et rossegnol si s'escroissoient Au chanter d'un assentement (FROISS., Par. am., c.1361-1362, 41). |
|
| 29 | Mais je veux tout présentement Que nous tous d'un assentement Disions présent une chanson (Myst. ste Barbe P., 1493, 70). |
|
| 30 | Lez amis tout par ordre li ont plevi leur foi [à Lucrèce], et si ont conforté son courage doulent et li ont dit que elle n'i a point puis que elle le fist enforcié, et que la volunté fait le pechié, non paz le corps, et que la ou il n'a point d'assentement il ne peut avoir culpe. (BERS., I, 1, c.1354-1359, 58.9, 97). |
|
| 31 | Se aucun en aura porté peage ou vente hors de la ville de Dijon sanz l'assentement du peageur ou du ventier, il en paiera LXV s. s'il en est provéz. (Cout. bourg. glosé P.M., c.1380-1400, 22). |
|
| 32 | Nul religieux ne doit plevir ne empruncter sans l'assentement de la maire partie du chappitre et sans le congié de son abbé. (Cout. instit. Anjou Maine B.-B., t.2, 1437, 38). |
|
| 33 | En celle année, le roy de France morut a Aucerre, et fut enterré en l'eglise Saint Colombe de Sens. Et de l'assentement des François, l'archevesque de Sens fut envoyé en Angleterre pour ramener Loÿs, le filz du roy, pour le mettre ou royalme son pere (Renart contref. R.L., t.1, 1328-1342, 271). |
|
| 34 | ...et pour ce je ne vueil faire chose que ce ne soit par le gré et l'assentement de vous tous. (Bérinus, I, c.1350-1370, 149). |
|
| 35 | "...Dame[s]," dit li hiraus, "par vostre asentement Vourai donner le pris selonc m'entendement, Mais vous le porterés et s'en ferés present Au chevalier qui l'a deservi vraiement..." (Brun de la Mont. M., c.1350-1400, 82). |
|
