| 65 exemples | | 1 | Si l'atachay [la nacelle] a une saus Bien et fort. (MACH., D. Lyon, 1342, 165). | |
| 2 | Si passèrent troi varllet oultre, et misent le bacquet et la corde outre, et estequèrent encores de rechief un grant gros planchon oultre, et i atacquèrent l'autre coron de la corde. (FROISS., Chron. R., XI, c.1375-1400, 11). | |
| 3 | ...et là fist seoir les gens de sa dixaine loing d'une lance l'un de l'autre, chacun tenant en sa main son tronsson d'eschelle et autres habillemens pour combatre, qu'ilz avoient atachiés sur leur dos. (BUEIL, I, 1461-1466, 89). | |
| 4 | ...et toute la nef de l'eglise estoit toute parée de soye et de boucran aux armes de monseigneur de Bourgoingne, et non pas armes actaichées à espingles, mais couchées et moslées, comme l'on fait les cottes d'armes. (LA MARCHE, Mém., III, c.1470, 62-63). | |
| 5 | Et si estoyent leurs pourpoincts et sayons Tous atachez a fers d'or d'esgullettes. (LA VIGNE, V.N., p.1495, 213). | |
| 6 | Adonc ledit Vigier atacha deux eschelles et sans aucune resistance monta par sus ledit pont (LE CLERC, Interp. Roye, c.1502, 191). | |
| 7 | Mais, à present, cascons est armeis d'unne cotte de fier appelée panchire, sor petis chevaz ; et ont vestut on joupon de festaine alle deseur, sy que nus n'est conus encontre son compangnon. Et, en liu de wardecors d'armes, ilh portent on eskuchet de leur blazon, atagiet à leur barbire. (HEMRICOURT, Guerres Awans B., c.1398, 40). | |
| 8 | Item, si on se voit le plus fort, on doibt atachier sa nef à celle de ses adversaires à bons crocz de fer, affin que fuir ne puissent ne eschapper. (BUEIL, II, 1461-1466, 58). | |
| 9 | ...les nefs estoient acroqies et atachies les unes as aultres, et ne se pooient departir (FROISS., Chron. D., p.1400, 408). | |
| 10 | Tesmoing noz seaulx Cy atachiez (CH. D'ORLÉANS, Ret. am. C., 1414, 16). | |
| 11 | Item ung vidimus, fait soubz le seel de la prévosté de Paris, l'an mil CCCCXXXIJ, le XXIIJe jour de septembre, de certaines lettres royaulx données à Paris, le XXe jour dud. moys, ond. an, faisant mencion comme le Roy nostre d. sire, avoit octroié aud. Surreau terme, respit et souffrance de faire la prisée de la terre et seigneurie de Ouyllie le Viconte durant ung an, ausquelles estoit attachié la vérifficacion de mess. les gens des comptes. (Invent. test. Surreau Foville F., 1435, 115-116). | |
| 12 | ...desquelz ouvrages les parties sont desclairées en une cédule de papier atachée au mandement de mondit seigneur (Comptes Archev. Rouen J., 1438-1439, 183). | |
| 13 | ...et lors lui qui parle (...) esracha les cloux à quoy la ferreure dudit petit coffret estoit atachiée (Reg. crim. Chât., I, 1389-1392, 226). | |
| 14 | ...nous ont esté presentées les lettres de denombrement du dit conté et de ses appartenances, seellées du seel de hault et puissant seigneur monseigneur Anthoine, seigneur de Croy, (...) ausquelles estoient actachées voz lettres données a Paris le vint cincq jour de fevrier l'an mil CCCCLIX (Comté Porcien R., 1464, 327). | |
| 15 | ...de laquelle despense les parties sont declairées en deux feuilles de papier ausquelles est attaché le mandement de Mesdits Seigneurs, donné soubs leurs signets (Comptes Paris M., t.2, 1470-1471, 263). | |
| 16 | Aussi doit il avoir un maillet pour fichier les chevilles ou le roiz s'astaichent (GAST. PHÉBUS, Livre chasse T., 1387-1389, 253). | |
| 17 | Je li vois en sa cote mettre Et atachier une viez lettre Par derriére d'un po de cire (Mir. parr., 1356, 17). | |
| 18 | En milieu [du marbre de la fontaine] estoit atachiez Uns serpens d'or a douze chiés (MACH., F. am., c.1361, 191). | |
| 19 | ...pour cescun séel que li eswardeur de le pierche à chou commis atakeront et sailleront as dras dessus dis, il aront et rechevront quatre mittes de Flandres et parmy ce, seront tenut de livrer le plonch et faire les seauls, les quelles mittes seront à leur singulier pourfit sans nul compte rendre. (Hist. industr. drapière Flandre E.P., t.3, 1372, 407). | |
| 20 | ...[le sire de Beaujeu avait une lance munie d'un crochet] par quoi, qant il pooit, en lançant, assir le croq et atachier, il tiroit a lui par telle manniere, car il avoit fors bras, que il convenoit que il s'en alast deviers lui (FROISS., Chron. D., p.1400, 425). | |
| 21 | Et le conseil qu'il lui donna fut qu'il lui fist oster les vervelles, qui tenoient la visière de son armet, et la fit attachier à une esguillette et o de la cire, et lui souffisoit seullement qu'elle tenist pour le gallop du cheval. Et, toutes les foys que son adverse partie le rencontroit, il lui donnoit tousjours à la visiere de l'armet sans faillir, et, pour ce qu'elle ne tenoit guere, l'autre l'emportoit et sa lance ne prenoit point. (BUEIL, II, 1461-1466, 102). | |
| 22 | De ma bource je tireray Ung grant blanc, et [tout] ou mellieu De mon fronc, icy en ce lieu, Je l'atacheré davant tous. (Tr. Men., c.1480-1500, 289). | |
| 23 | ...et alla ledict grant escuyer querir ung esmail d'ung petit herault qui estoit à l'admiral, appellé Plain Chemin, lequel esmail fut attaché à nostre homme. (COMM., II, 1489-1491, 42). | |
| 24 | ...les manches atachiées à icelle coste (Reg. crim. Chât., I, 1389-1392, 131). | |
| 25 | Et ad ses causes et raisons, ay faict atacher son epytaphe en ce rude portail, dont il est fondateur et cause, affin qu'en perpetuelle memoire entre les infortunez, soit faicte de luy mension. (ANTITUS, Poés. P., c.1500, 62). | |
| 26 | Or segnefia adonc li dis mareschaus de France, messires Loeis de Sanssoire, l'ordenance et l'estat des Englès à Paris au roy et as chevaliers qui là se tenoient, et en fist mettre et atachier cedules au palais et ailleurs. (FROISS., Chron. L., VII, c.1375-1400, 216). | |
| 27 | ...le Roy defent à toutes manieres de gens, de quelque estat qu'ilz soient, que d'ores en avant aucun ne soit si hardi, ne si osé d'atacher aucunes teles cedules aux portes desdictes eglises ne autre part, sur quanque ilz doubtent encourir son indignation à tousjours, et sur quanque ilz se puent mesfaire envers lui (BAYE, I, 1400-1410, 95). | |
| 28 | ...certaines lettres patentes envoyées de Rouen et trouvées atachées aux portes d'aucunes eglises d'ilec (FAUQ., I, 1417-1420, 17). | |
| 29 | .II. grosses pelotes confites De glus atachans et despites Leur a ens es gueules fichees (CHR. PIZ., M.F., III, 1400-1403, 43). | |
| 30 | Quant un homme treuve en son pourpris un vaisseau d'eeps atachies en un arbre, s'il ne l'estrine d'une piece d'argent, c'est mauvais signe. (Ev. Quen., I, c.1466-1474, 93). | |
| 31 | Sitost que Aimerigos tint la main dou castellain, il le tira à lui et l'estraindi mout fort, et demanda sa daghe, et dist et jura que il lui atacheroit la main à luis [l. l'huis], se il ne lui delivroit toutes les clefs de là dedens. (FROISS., Chron. R., XI, c.1375-1400, 143). | |
| 32 | ...elle requeroit aussi que le dit defendeur fust condempné a souffrir pugnicion corporelle ou dit prëau ou il avoit fait l'outraige, en la maniere qui s'ensuit : c'est assavoir qu'i fut lié tout nud a ung pillier que l'en y atacheroit et que illec toutes les dames qui virent le dit cas advenir le vinsent fraper et batre a leur aise. (MART. D'AUV., Arrêts Am. R., c.1460-1466, 214). | |
| 33 | Saturne (...) ne refraindoit oncques son ire et frapoit sus Jupiter le plus durement qu'il pouoit. Jupiter de tous ses horions n'avoit garde, et combien qu'il feist conscience de ferir sus lui, toutesvoies il destournoit ses coups et ne faisoit nulle conscience d'atachier le trenchant de son espee sus ceulx de Crete (LEFÈVRE (R.), Hist. Troyes A., c.1464, 183). | |
| 34 | ...je riens n'atache A mes parlers fors que raison (MACH., D. Aler., a.1349, 312). | |
| 35 | ...et avoit ly uns un grant fais de paulx qu'il fichoit de lieu en lieu en avironnant le rochier ainsi qu'il trouvoit la trenché faicte ; et ly autres le suivoit en attachant le cuir aux paulx. (ARRAS, c.1392-1393, 34). | |
| 36 | En son conseil [de Raison] n'a de vice une tache : Le bien mect hault, le mal estainct et cache, Les cueurs des gens en grant honneur atache (MESCHIN., Lun. princes M.-G., c.1461-1465, 30). | |
| 37 | L'amour qui en ton cuer s'atache (MACH., D. verg., a.1340, 52). | |
| 38 | ...ceuls qui ont la pointure D'amours au cuer atachie (MACH., Motés, 1377, 492). | |
| 39 | Et donques vous soient ses commandemens, mesmement les petis, qui de prime face vous sembleroit estre de nulle valeur ou estranges, tellement atachez au cuer que de voz plaisirs ne vous chaille fors des siens, et gardez que par vostre main et par vous mesmes en vostre personne les siens soient achevez. (Ménagier Paris B.F., c.1392-1394, 76). | |
| 40 | Contre ceste paine [la luxure, la concupiscence] s'ataiche Le sacrement de mariage : (Liber Fort. G., 1346, 138). | |
| 41 | Chescun s'atacque a criier en son thois : "Vive Charles d'Austrice et les Ganthois !" (MOLINET, Faictz Dictz D., 1467-1506, 358). | |
| 42 | Il vouldroit bien vrayement Que briefment L'escorcheux hastivement A tourment Au gibet fust ataché. (RÉGN., F.A., 1432-c.1465, 171). | |
| 43 | Vous nous voiez cy attachez [nous, les pendus], cinq, six : Quant de la chair que trop avons nourrie, El est pieça devoree et pourrie, Et nous, les os, devenons cendre et pouldre. (VILLON, Poèmes variés R.H., c.1456-1463, 66). | |
| 44 | Item, que ilz courront à la toille, de lances pareilles, et de chascune tant que elles seront rompues ou le fer esgrevé d'un doit de mains, et en selles de guerre sans atachier l'homme à la selle. (ESCOUCHY, Chron. B., t.1, c.1461-14, 269). | |
| 45 | Ledit Bouchart eut les yeux crevés, fut ataché nud à ung pal et fut sagité en son visage et, après qu'il fut mort, fut mis sur une roe en exemple (SIMON DE PHARES, Astrol., c.1494-1498, f° 115 r°). | |
| 46 | Sire, tenez, recevez ce fermail de par Hermine, la fille de nostre roy, qui vous prie que vous le portez pour l'amour d'elle. Et Uriiens le prent liement, et le fist attachier sur sa cotte d' armes (ARRAS, c.1392-1393, 99). | |
| 47 | Tantost vous serez trespassé Et ataché cy hault et court. (LA VIGNE, S.M., 1496, 319). | |
| 48 | En une main tenoit les .IIJ. clous c'on forga, Dont Jhesu Crist de gloire en crois on atacha, (...) Et en le main senestre la couronne aporta (...) Et des dines relicques tant que nombre n'y a. (Renaut Mont. B.N. V., c.1350-1400, 417). | |
| 49 | Quant il furent tout assamblé, li Espagnol jettèrent grans cros et havès de fier à kainnes, et se atachièrent as Englès, par quoi il ne se peuissent departir. (FROISS., Chron. R., VIII, c.1375-1400, 41). | |
| 50 | ...laquelle jument, à l'aide d'un colier de corde que elle avoit entour son col, il lya et atacha à un buisson qui estoit auprès d'illec. (Reg. crim. Chât., II, 1389-1392, 273). | |
| 51 | Lors [le roi Elinas] descendy du cheval, pour ce que il ne feist trop grans escroiz, et l'attacha a une branche, et s'en va petit a petit vers la fontaine le plus couvert des raims et des arbrissiaux qu'il pot. (ARRAS, c.1392-1393, 6). | |
| 52 | Car Amours loirre Les cuers comme faucon au loirre, A qui l'en fait souvent a croirre De donner ce qu'on veult accroirre. Jeuns, les atachent Aux perches ou leurs giez se lachent, Afin qu'aprés par fain pourcachent Mieulx la proie qu'a prendre tachent Sans y baster. (CHART., L. Dames, 1416, 247). | |
| 53 | Et le conte de Charroloys s'en alla loger en une grande prée sur le bort de la rivière de Seine et avoit faict cryer que chascun portast [paulx] pour atacher ses chevaulx. (COMM., I, 1489-1491, 45). | |
| 54 | Quant la belle Elÿos ot parfait son estier Entre les envoisiés s'est alee ataquier Et li rois et tout cil qui vaurent festoiier. (BRIS., Restor paon D., a.1338, 133). | |
| 55 | ...et Mauchastres, sanz plus atachier, se departi et point son cheval de tel ravine que toute la mer en fist fremir. (Bérinus, I, c.1350-1370, 235). | |
| 56 | Lors le seigneur de Loissellench de toute sa force actaint Saintré sur le hault costé du faulz du corps, et sans actaichier sa lance clinssa une toise oultre (LA SALE, J.S., 1456, 164). | |
| 57 | ...les nefs estoient acroqies et atachies les unes as aultres, et ne se pooient departir (FROISS., Chron. D., p.1400, 408). | |
| 58 | Et tous les jours chevaulchoit [Jeanne d'Arc] avec le roy, à grant foison de gent d'armes, sans aucune femme, vestue, atachée et armée en guise de homme, ung gros baston en sa main (Journal bourgeois Paris T., 1431, 267). | |
| 59 | L'Inioranche vous fait errer et desvoiier, Ou Cuidiers ne vous laist le voir certifiier, Ou Plaisance vous fait vers le tort atachier (BRIS., Restor paon D., a.1338, 116). | |
| 60 | Mon cuer y est si atachiez Et mes pensés tant enlachiez, Noz biens, noz maulx entrelachiez (CHART., L. Dames, 1416, 233). | |
| 61 | ...ce premier aage du monde (...) Dura d'Adam jusqu'a Noé, Qui ou service Dieu noé Fu et actachié tellement Qu'onques n'en party nullement. (CHR. PIZ., M.F., II, 1400-1403, 140). | |
| 62 | ...sur quoy agardé feust que le dit L[ionel] et ses ditz mainpernours serroient attachiéz par lour corps de respondre a nous de mesme le contempt (Lettres agn. L., 1369-1412, 195). | |
| 63 | ...messire Pierre des Essars (...) a esté mené depuiz le Palaiz royal (...) sur une cloye atachée à la queue d'une cherrette jusques devant l'ostel de la Coquille (BAYE, II, 1411-1417, 116). | |
| 64 | Lequel homme arrivé a nous, incontinent attacha son esquif aux cordes pendans de nostre nave et monta treslegierement a nous. (LA SALE, Salade, c.1442-1444, 147). | |
| 65 | "Il nous fault adviser (...) s'il y a eaue ou fossé et quelle parfondeur il y a, ou bourbe qui nuyse à passer. Car en ce cas il fauldroit porter des clayes ou fagotz, ou une corde pour atachier à ung gros pal au pié du mur, qui traversera tout le fossé, adfin que nos gens puissent aller selon la corde et porter leurs tronssons le mieulx et le plus droit qu'ilz pourront..." (BUEIL, I, 1461-1466, 88). | |
|
