A. -

[Idée de mélange ou de trempe]

1.

"Mixture normale des humeurs" (Éd.) : ...aussi comme vous avez veu que distemprence en ces qualitez, ou en chaleur ou en froideur, est cause de sterilité, et pour ce atrempance es dictes qualitez est cause de generacion. (SAINT-GILLE, Comment. A.Y. L., 1362-1365, 143). ...l'atrempance et bonne disposicion et qualité des humeurs (SAINT-GILLE, Comment. A.Y. L., 1362-1365, 234).

-

"Équilibre de la complexion, du tempérament" : Non inanicion, ne nulle des autres choses, s'elles excedent l'atrempance de nature, n'est bonne. (SAINT-GILLE, A.Y., 1362-1365, 58).

.

Attemprance de complexion : ...et saiches que point ne me faindray, ne mes chamberieres, a tout baillier et planter en ceste dame, toute beauté corporelle - car sur l'ame n'ay que veoir -, toute plaisance, toute suavité, toute armonye et attrempence de complexion (GERS., Concept., 1401, 392).

2.

"Trempe"

Rem. Sens enregistré par Scheler : Sur le col vinve [vint] li brans d'atempranche, Le tieste li at colpeit si cheit sovine panche. (JEAN D'OUTREM., Geste Liège B.B., t.2, a.1400, 584).

B. -

"Modération, mesure, équilibre"

1.

[Dans les choses]

a)

[Concr.]

-

[À propos du climat, de l'air...] "Douceur" : L'ylle d'Irlande (...) est plus estroitte par l'espace de terre, mais elle est plus prouffitable par l'attemprance du soleil et est habitee de gens de Escoce. (Percef. I, T., c.1450 [c.1340], 63). ...a celle heure estoit le noble roy Perceforest aux fenestres de son Franc Palais rendant graces au Dieu Souverain pour l'attemprance des cieux et de l'aer qu'il veoit si ordonné et disposé qu'il sambloit que le createur de toutes choses l'eust pourveu par especial pour exaulcier sa feste adfin que personne ne se peust plaindre de sa challeur (Percef. IV, R., c.1450 [c.1340], 2). Aprés venoit ung troppeau de brebis conduit de pluiseurs pastoureaux qui en leurs instrumens festioient l'atemprance du serain (Percef. IV, R., c.1450 [c.1340], 1063).

.

"Conditions tempérées, propices à la végétation" : ...car chose de legier venue legierement chiet, et les arbres plus hastiz portent fruits de mendre garde et de plus courte duree que ceulx qui a longue atrempance et droit cultivement rechoivent leur meureté en la chaleur du soleil. (CHART., L. Esp., c.1429-1430, 47).

-

[À propos de couleurs] "Douceur dans l'intensité" : Car tout ainsy que blanc et noir, qui font les deux extremitez contraires de couleurs, offendent la veue, le blanc pour sa luminosité et le noir pour sa grant obscurté au contraire, et c'est pour ce qu'ilz sont trop eslongniez et trop distans du moien des couleurs ou equalité gist et attrempance, maiz les couleurs moiennes qui plus amesureement approchent le moien dessus dit plaisent a la veue et lui sont agreables, et par especial la couleur verte excede en ce les autres (EVR. CONTY, Harm. sphères H.P.-H., c.1400, 57). GRIS. Je qui suis gris signiffie esperance, Coulleur moyenne de blanc et noir meslée ; Et soye seulle ou à autre assemblée, Le moyen tiens en commune actrempence. (ROBERTET, Oeuvres Z., c.1450-1500, 139).

-

[À propos de sons] "Harmonie" : Et puis, aprés Dyogenés, Me ramentoit Hermogenés, Qui parla des ravissemens Des cieulz, et des garnissemens : Comment par doulces attrempancez Fourment melos en concordancez, et passent par doulz son mistique Tous lez instrumens de musique. (LE FÈVRE, Respit Mort H., 1376-1380, 13).

-

[À propos des traits du visage] "Harmonie, régularité" : Mais je dy en oultre que ceste beauté et phizonomie fut de telle attrempence et armonie naturelle, et tellement compassee que point ne esmeuvoit les regardans a mauvaise ou dissolue plaisance, ains a chasteté et a devocion (GERS., Concept., 1401, 424).

b)

[Abstr.] "Adoucissement, atténuation" : Si ne doil nul, pour nulle ardure De temptation qu'il endure, En desperacion choier, Quar Dieu scet a ceulx envoier En lors angoisses attrempance Qui ont en li lor esperance (Tomb. Chartr. W., c.1337-1339, 60). Dont la premiere chose est que vous doyez fermement maintenir justice avec attemprance de misericorde. (LA SALE, Salade, c.1442-1444, 21).

2.

[Dans les personnes, leur caractère, leurs sentiments...]

a)

"Modération, retenue, pondération" : Mais mon cuer si bien atournay Qu'il remaint en douce plaisance, Fourmée de douce attemprance (MACH., D. Aler., a.1349, 265). Veritez fu li ancre d'atrempance (Mir. prev., 1352, 277). C'est assavoir par vraie humilité, Atrempance, prudence et equité (Mir. Berthe, c.1373, 252). Mes il n'est nuls qui soustenist, S'il n'avoit trop grant atemprance, Non, qui portast tele souffrance Que j'ai porté (FROISS., Joli buiss. F., 1373, 203). Et Alain en son livre dit Que, ainsi comme jour et nuyt, Les rivieres, aussi les flues, Par les rives sont tenues, Aussi attrempance si tient L'ire des gens quant elle vient. (CH. D'ORLÉANS, L. péché C., 1404, 548). ...l'attrempance du mareschal (...) en fait d'armes fait a louer, et non mie fole hardiece et non deue hastiveté (Bouciquaut L., 1409, 407). Et doit estre reputé a plus grant honneur et louenge au chief de bataille savoir saigement retraire et sauver son ost et le tenir entier quant il est besoing que par trop aventureuse hardiesce exposer a perte et laisser atrempance et mesure pour cuider acquerir le nom de vaillance. (CHART., Q. inv., 1422, 34). Et qui est cause de telz commencemens ne doit pas estre descoulpez, desquelles doncques, se tu me blasmes que en si dure adversité je ne puis pacience garder et en tes haultes prosperitez tu n'as peu retenir atrempance ne moderacion, ton inconstance doit estre dicte mendre que la mienne et ton excusation mains recevable de tant comme ton sens et ton autorité est greigneure. (CHART., Q. inv., 1422, 38). ...Vengance plusieurs a deffais ; Pour ce vise bien en tous fais Que soit en toy bonne attrampance, C'est la vertus d'hommes parfais (GARIN, Compl., 1460, 80). Car ilz ensievent de legier les mouvemens de yre ou de tristresse, de douleur et desplaisir ou de joye et liesse, de amour ou de hayne et de semblables passions, sans user de discretion et de moderee attemprance quant telz mouvemens leur surviennent, en delaissant par ces moyens le droit chemin de equité, de verité, de justice et de raison. (FILLASTRE, Traité Conseil H., c.1472-1473, 195). En toutes oeuvres, il convient avoir maniere et attrempance, car tout ce qui est fait par maniere et par attemprance est salutaire et, par contraire, toutes choses faites ou trop ou trop pou est vicieux et reproçable. (COLART MANS., Dial. créat. R., 1482, 226). Affin que plus je ne despence Mon temps ne ma saison ainsi, Mon filz, par moult bonne actrempence, Conseillez moy dessus cecy (LA VIGNE, S.M., 1496, 297).

-

[Dans une action, un comportement] : Mais, pour ce que ces choses furent faites en l'absence des ducs, il n'ot point de maniere ne d'attemprance en l'occision ; si fu destruite la gent des Ausoniens ainz que le crime de leur deffection fust bien certain, tout aussi comme se elle se feust combatue en bataille mortelle. (BERS., I, 9, c.1354-1359, 25.9, 46). ...dont ly pluseurs d'eaz furent dolans, car messires Ernus estoit de grandes parolles et chauz en tous sen fais, et de petite atemprance. (HEMRICOURT, Guerres Awans B., c.1398, 19). Desloyal Mahommet, tu promettoies moderer lez trop estroiz mandemens des loys de justice et de grace, maiz ta moderation est tournee en abuz, et en lieu d'atrempance tu as prins l'extremité dissolue. (CHART., L. Esp., c.1429-1430, 122).

-

Qqn d'attemprance : Adont ont pris la crois gens de trestoute branche Tant nobles que nient nobles de toute circonstanche Archevesques et evesques et princes d'atempranche (JEAN D'OUTREM., Geste Liège B.B., t.3, a.1400, 515).

-

[Dans un contexte métaph.] : Lors nous sambla que Congnisance, Plaine d'onneur et d'atemprance Son bel pavellon nous moustra... (Livre amour. all. F., c.1398-1430, 21).

-

Par attemprance/avec attemprance. "Avec modération" : Veult dire Valeire cy dessus allegué qu'il n'est chose tant perfectement belle, grande et magnifique comme celle qui est menée par atrempance et moderacion. (CHR. PIZ., Paix W., 1412-1413, 165). ...et de toutes cestes espices mectés en par actrempance (CHIQUART, Cuis. S., 1420, 138). Nous en sçarion quelque nouvelle, Mais parler fault par attrempance. (Myst. Viel test. R., t.2, c.1450, 125). ...les diuretiques competent en declinacion avec attemprance (GORDON, Prat., c.1450-1500, VI, 9).

b)

En partic. "Vertu de tempérance (une des quatre vertus cardinales, avec la force, la justice, la prudence)" : Et en ceste maniere est il es vertuz de l'ame, comme sont actrempance, fortitude et les autres vertuz (ORESME, E.A., c.1370, 150). Car dou gouster et dou sentir Peu de gens en voi repentir, S'il ne sont d'atemprance dure. (FROISS., Joli buiss. F., 1373, 160). ...Et qu'a tous deust souvenir Qu'a telle honneur pourra venir Chascun homme, s'i a prudence, Force, justice et attrampence. (LE PETIT, Champ d'or L., c.1388-1392, 88). Attrempence est de rien avoir desir Par quoi ly homme se puisse repentir Mais convoitise subjuguer par raison (BAUDOUIN, Instruct. vie mortelle B., c.1431-1439, vers 1565). Et par tant, comme le constructeur munist volentiers son edifice alencontre du feu, pareillement ce roy cy, aprés la glorieuse construction de son throne tout novel, l'a volu munir aussi par sens (...), lui a assis quattre posteaux immobiles pour fondement, et a fait de prudence son premier, le second de justice, le tiers de force et le quart d'attemprance. (CHASTELL., Chron. IV, D., c.1461-1472, 321). Et philosophie morale, combien que elle enseigne de acquerir vertus coustumieres comme fortitude, prudence, justice, attemprance, liberalité et pareilles, qui se acquierent par operation et excercites humaines et continuees par long temps, toutevoies point n'enseigne comment on doibt et puet acquerir charité pour amer Dieu comme creature raisonnable le doibt amer. (Somme abr., c.1477-1481, 98). Douze vertus morales sont (...) C'est prudence, justice, force. Attemprance, affabilité, Mansuetude, verité. Largesse, magnanimité, Magnificence et amisté D'honneur avec eutrapelie. Sans que plus on en multiplie, Des douze, quatre originales Sont, qui se nomment cardinales : C'est prudence, force, justice Et attrempance en aulcun vice. (MOLINET, Myst. st Quentin C., c.1482, 43). Las, la vertus de sapience Fault en moy, aussi justice ; Si fait force et atrempance. (Prisonn. desconf. C., c.1488-1489, 35).

-

[P. oppos. à la luxure] : Pourquoy ne pouoit le regart nostre Dame esmouvoir que a chasteté et attrempence ? La tierce consideracion est : es oeuvres de nature nous veons que le baselique par son regart seulement occit ung homme. Pourquoy ne pourroit nostre Dame par son regart estaindre mauvais et charnel mouvement et esmouvoir a chasteté...? (GERS., Concept., 1401, 425).

-

[P. oppos. à la gloutonnerie] : La diete est attrempance, Jeüne et affliccion Empris par grant affeccion. (CHR. PIZ., M.F., II, 1400-1403, 112).

.

[À propos d'animaux personnifiés] : Considere doncques nostre attrempance [du lévrier] et regarde ta desordonnee gloutonnie [du faucon] (ROB. HERL., Déb. fauc. lévr. H., c.1470-1500, 36).

-

Attemprance de vie : L'Evangile s'acorde aux justes loys morales, aux doctrines des peres et des saiges, a honneste conversation et atrempance de vie. (CHART., L. Esp., c.1429-1430, 127).

-

P. personnif. : Qui sont la gent qui dames gardent Et qui le vray amant resgardent En trés tous ses amoureus fais, Et li merissent ses biens fais ? C'est amours (...) Et Raison (...) Grace, Pais, Honneur et Franchise, Mesure, Foy et Verité, Attemprance et Humilité (MACH., D. Aler., a.1349, 323). Et s'Attemprance a la fois le retarde, Par la vertu de Paour qui le garde, Ce n'est que pour esquiewer Male Bouche, Qui dou bon temps d'autrui se plaint et grouce. (FROISS., Orl., 1368, 90). ...et par la maniere que on y tint fust Justice, Verité, Preudommie, Loyaulté, Foy, Actrenpance, Force, Charité, Prudence et Discreccion coromppues, blessees, villenees et injuriés avec tout droit divim, civil et canonicque, et erant inimici iudices. (JUV. URS., Aud. celi, 1435, 190). Et fault en ce que ayez trois vertus, c'est assavoir Force, Attrempance et Pacience, et en faisant tousjours vostre devoir envers le roy, et en gardant et deffendant ses drois. (JUV. URS., Nescio, 1445, 473).

C. -

P. ext. [Idée d'ordre, de disposition]

1.

"Ordre, organisation" : ...En cest ciel ne se congnoist nulz, Se d'Astronomie ne scet l'us, Mais qui d'Astronomie sçaroit La scïence tost en aroit. Cest ciel est de tel atrempance Qu'il ne poeut avoir violence. Ce ciel enclot le firmament. (Renart contref. R.L., t.2, 1328-1342, 144).

-

"Bon ordre"

.

Faire attemprance à qqc. : ...tu ne soies jamais rempli de vin, afin que tu ne puisses estre confondu, car tu seras reputé a villain se tu ne faiz atrempence de toy au vin et du vin a toy. (LA SALE, J.S., 1456, 26). Jamais ne soyez rempli de vin, afin que ne puissez estre confondu, car vous seriez reputé à vilain, si vous ne faites attemprance de vous au vin, et du vin à vous. (Faits Lalaing K., c.1470, 21).

-

Mettre attemprance en qqc., qq. part : ...Qui ne met en ses fais attrempence et raison Il n'en peut bien venir en la conclusïon (Gir. Vienne D.B., c.1350-1400, 145). Et i ot, tele fois fu, au passer, si très grant presse de voloir passer l'un devant l'autre que, se li mareschaux de France n'i euist esté, qui i metoit ordonnance et atemprance à passer à trait, il en i eust des peris (FROISS., Chron. R., XI, c.1375-1400, 12). "...Si vous pri que vous me donnés ceste besongne, et retournés et ne venés plus avant ; car je meterai partout telle atemprance et par si bonne ordenance que vous et li vostre vous en contenterés." Ces douces paroles, que li rois dist, apaisa grandement messire Jehan de Hainnau et les Hainnuiers. (FROISS., Chron. D., p.1400, 120).

2.

"Disposition morale" : Car d'amour naist une doulce atrempance Qui nous aprent a croire en verité Que l'umble vierge en humaine semblance Gouverna cil dont tout est gouverné (Mir. chan., c.1361, 185). ...Car chi m'en abstenray, par teile convenanche Que je voray chanteir, par milheur attempranche, De ma mateire avant, dont j'aie fait proveanche, Plaine de veriteit, sens nulle reprovanche Ne de vilains argus. (JEAN D'OUTREM., Geste Liège B.B., t.4, a.1400, 732).

-

Prendre attemprance en qqc. "Se disposer à qqc." : Quant vous ne sarez attrempance Prendre en bien amer nostre sire De touz vos pouoirs (Mir. st Ign., 1366, 91).

-

"Instigation" : Adont avint à Tongre trop mal oultrequidanche : Ly peuple s'eslevat, par le dyable atempranche, Encontre leur evesque qui fut de teil vilhanche (JEAN D'OUTREM., Geste Liège B.B., t.2, a.1400, 50).