| 49 exemples | | 1 | Le fort roy Agrappart se faisoit convoier Par .XX. mille vassaulx pour son los essaulcer, Et faisoit l'estendart ou milleu charïer (Tristan Nant. S., c.1350, 479). | |
| 2 | Et si font charier leur vitailles par desseure la glace aus charios senz roes, quil appellent scleues. (MANDEVILLE, Voy. L., p.1360, 301). | |
| 3 | ...Et les a fait monter aux champs par ung sentier Qui ne povoit de front qu'un seul char charïer. (Tristan Nant. S., c.1350, 480). | |
| 4 | ...Puis ça, puis la, comme le vent varie, A son plaisir sans cesser nous charie [les pendus], Plus becquetez d'oyseaulx que dez a coudre (VILLON, Poèmes variés R.H., c.1456-1463, 67). | |
| 5 | Qui n'a l'entendement Pour son cas exposer Bien aourneement, Se devroit reposer ; Mieulx vauldroit charryer Pierres jusqu'a Bredane, Car par son varier Il sault du cocq a l'asne. (Prov. rimes F.M., c.1485-1490, 72). | |
| 6 | L'amour de vous m'a charyé Et faict en cestuy lieu venir. (Gent. moun. T., c.1500, 352). | |
| 7 | ...Car l'un [des faucons] traira mains saigement Son heron droit aval le vent, L'autre saigement montera Et vistement a lui traira, Maiz, quant a lui sera venu, Ja de lui ne sera tenu, Car ne le fait que charier, Pour ce qu'il ne l'ose lier. (LA BUIGNE, Rom. deduis B., 1359-1377, 472). | |
| 8 | ...sa femme et lui allèrent prendre demeure à Tournay, hors de la puissance et seigneurie du duc affin de non plus estre son subgect et de le pooir charier aprés et contraindre par puissance de parlement, là où il lui sambloit qu'il en auroit raison. (CHASTELL., Chron. K., t.3, c.1456-1471, 83). | |
| 9 | [Le père de l'accusé] ...tellement les charia mesmes [les accusateurs] qu'enfin seurement et sauvement le fils pouvoit comparoir en court pour soy justifier et sans mettre main à luy, non obstant toutes puissances et machinations des autres en son contraire. (CHASTELL., Chron. K., t.3, c.1456-1471, 458). | |
| 10 | Est il vivant au monde creature Que Fortune en plus dur sort charie ? (ROBERTET, Oeuvres Z., c.1450-1500, 86). | |
| 11 | Que te vault donc contre luy harïer ? Ton charïer l'enforce et le parfait. (Lyon cor. U., 1467, 61). | |
| 12 | Si les coururent sus et les desconfirent, et en tuèrent les aucuns, et fisent les chars chariier par devers le cité. (FROISS., Chron. L., II, c.1375-1400, 111). | |
| 13 | Et ceulx vont chariant le jayant par my toutes les bonnes villes du pays, dont les gens se donnent grans merveilles comment ung seul homme osa oncques envahir un tel Sathanas, et le tiennent a tres grant et merveilleux hardement. (ARRAS, c.1392-1393, 267). | |
| 14 | Pendant que le cercueil charrie, Torches devant, l'ung brait et crie, L'on ne puet passer pour la presse (MART. D'AUV., Mat. Vierge L.H., c.1477-1483, 160). | |
| 15 | "...Et au dit passage [un gué], monsigneur, que je vous nomme, a gravier de blanke marle, forte et dure, sur quoi on poet seurement chariier, et pour ce appelle on ce pas le Blanke Take." (FROISS., Chron. L., III, c.1375-1400, 160). | |
| 16 | Car encores y avoit en l'ost le roy d'Engleterre jusques à cinq cens varlès, à tout pelles et cuignies, qui aloient devant le charoi et ounioient les chemins et les voies et copoient les espines et les buissons, pour chariier plus aise. (FROISS., Chron. L., V, c.1375-1400, 200). | |
| 17 | ...et en ladite charrete avoit, dedens un sac, une piece de toile, que print, embla et emporta icellui Berthaut ; et nonobstant, non adverti de ce, charia et s'en ala jusques à l'ostel de son maistre icellui charretier (Reg. crim. Chât., I, 1389-1392, 503). | |
| 18 | Et tantost ledit portier, pour convoitise d'avoir argent, print ung autre Anglois avec luy et vindrent le pont avaller. Et adonc cherria ledit charretier ; et quant il fut sur le susdit premier pont atout sa charette, il tira de sa bource deux bretons et une placque pour paier lesdits Anglois (CHART. J., Chron. Ch. VII, V., t.2, c.1437-1464, 71). | |
| 19 | Depuis, parmi le monde, errant Sont ti cheval sans variier, Car tu [Phébus, le soleil] sces trop mieuls kariier Que ne fesit Pheton ton fis (FROISS., Pris. am. F., 1372-1373, 100). | |
| 20 | ...Phebus qui son car atourne Chascun jour, attelle et destelle, Tant qu'il se couche, ne sejourne De charier. Nature a tele. (MARTIN LE FRANC, Champion dames I-II, P., 1440-1442, 97). | |
| 21 | Car qui voeult a Dieu guerroier, Il poeult envis loingz charroier (Renart contref. R.L., t.1, 1328-1342, 32). | |
| 22 | Lors fist il [Alexandre] son ost arrayer, Et le fist avant charroyer. (Renart contref. R.L., t.1, 1328-1342, 158). | |
| 23 | Or vous appareillés, seigneurs, je vous en prie, Et si faictes trousser la vostre artillerie Et trestout vostre avoir et faictes c'om charie (Galien D.B., c.1400-1500, 44). | |
| 24 | ...et trovont le dit Jakemien en vie, mais ilh avoit les dois jambes brisiez. Se fut cheriez à Liege et garis (HEMRICOURT, Guerres Awans B., c.1398, 25). | |
| 25 | Ilz [Hercule et l'hydre] s'entreferirent longuement, et de grand corage estoient tous deux. Mais quant Fortune eut assez charié, elle tourna sus le serpent, sy adcertes que aprés pluseurs coups Herculés lui mist le trenchant de son espee dedens le heaulme et la teste, et mort le porta par terre. (LEFÈVRE (R.), Hist. Troyes A., c.1464, 373). | |
| 26 | ...il est bleciés et ne poroit soufrir le cevauchier ne le cariier, ne prendre nul air. (FROISS., Chron. D., p.1400, 784). | |
| 27 | Le chareton (...) après le bonjour donné a son hoste et a son hostesse, s'en va et au charroier se remect. (C.N.N., c.1456-1467, 67). | |
| 28 | Verité, Justice et le petit peuple, qui a grant peine souffroit le charier, monterent en ung chariot pour faire leurs pelerinages (MOLINET, Faictz Dictz D., 1467-1506, 158). | |
| 29 | Or men retourneray autresfois encore par autre chemin, ou en va le plus par terre, pour ceuls qui ne pueent souffrir le carroier de la mer et qui aiment mieulx a aler par terre le plus que il peuent, combien quil y ait plus de peine. (MANDEVILLE, Voy. L., p.1360, 298). | |
| 30 | Des deux lignées Cham et Japhet Icy gueres ne parlerons, Mais seulement viendrons au fet Pour trouver ce que nous querons. C'est à scavoir à la lignée De la doulce Vierge Marie, Duquel lignaige elle fut née, Où nostre entendement charie. (MART. D'AUV., Mat. Vierge L.H., c.1477-1483, 19). | |
| 31 | Tant ala et tant charia Qu'en la parfin se maria Comme fols et oultrecuidiés, Chetifs et de tout sens vuidiés. (LE FÈVRE, Lament. Math. V.H., c.1380, 50). | |
| 32 | Sy fault son cuer humilïer Qui bien droit y veult charïer, Car Dieu les humbles enlumine Par grace et vraye doctrine (Jeu st Den. S., c.1380-1400, 84). | |
| 33 | Quant ilz sont tieulx Qu'ilz veulent choisir en bons lieux Et mectent paine a valoir mieulx Pour plaire a la belle aux beaulx yeulx. Sans varïer, Entendent a droit charïer Et deshonneur contrarïer Pour soy a elle apparïer (CHART., L. Dames, 1416, 269). | |
| 34 | ...Il est besoing, soit tort, soit droit, Au[x] prestrez de charrïer droit (Moralité 1427 B.B., 1428, 169). | |
| 35 | ...abattre et desbucher lesdiz arbres sans amende, prendre totez, gattons et levières pour charier ledit boiz. (HECTOR DE CHARTRES, Cout. R., 1398-1408, 228). | |
| 36 | Car se celuy qui presche ment Rien ne vault tout son preschement. Le prescheur doit sans varier Tousjours droit chemin charrier. (Barbes brayes A., a.1450, 254). | |
| 37 | J'envoyeray monseigneur du Bouchage après eux, afin qu'il les face charier droit (Lettres Louis XI, V., t.5, 1473, 211). | |
| 38 | Tel cuide acquerre bruit, Soit a tort ou a droit, Qui tantost se destruit, S'il ne charrye droit. (Prov. rimes F.M., c.1485-1490, 41). | |
| 39 | Ainsi semble que ces villes et princes d'Allemaigne vivent comme je diz, faisantz charrier droit les ungs les autres, et semble aussy qu'il soit necessaire que ainsi soit, et pareillement de tout le monde. (COMM., II, 1489-1491, 210). | |
| 40 | ...Necessité en chascun aage Fait les hommes charrier droit. (GAGUIN, Quest. meue T., a.1500, 425). | |
| 41 | Chascun estoit naturellement saige, Chascun avoit bon et loyal coraige, Chascun tendoit charier droictement. Au premier eage on vivoit justement. (ANTITUS, Poés. P., c.1500, 27). | |
| 42 | Je [Fortune] change tout, je tourne, je varie, Je faiz cheoir, relever et abattre, Sans aviser qui saignement [l. saigement] charie (MICHAULT, Danse aveugles F., 1464, 100). | |
| 43 | Vez cy le sens, la conduyte et façon De decliner tous cas et varier ; Glosez dessus, mais entendés le son, Car il vous fault saigement charier. (MICHAULT, Doctr. temps prés. W., 1466, 26). | |
| 44 | Iestoye [l. J'estoye] royne couronnee Plus que autre doubtee et craincte Qui suis icy aux vers donnee Apres que de mors fus attaine [;] Sur la terre ie suis contrainte Destre [l. d'estre] couchee a la renuerse Pour quoy est dure ma complainte [:] Bien charie droit qui ne verse [.] (Danse macabre femmes H., p.1480, 130). | |
| 45 | ...il cheminoit a piés tous jours et a la nuyt il marchandoit aux charetiers que le charierent tout dormant toute la nuyt. (JEAN D'OUTREM., Myr. histors G., a.1400, 24). | |
| 46 | ...et avoient fait mener et chariier tout lor reliquaire et les biens de l'abeie (FROISS., Chron. D., p.1400, 325). | |
| 47 | Mais la grant charge des VII ancres que elle [[la nef]] charrioit... (LA SALE, Salade, c.1442-1444, 155). | |
| 48 | Varlés, souliars, toute merdaillie, Levons a ce cop estendart. Usons de trestout mauveys art. Mectons sus toute dyablerie. Feysons tout enfert chareïer. (Myst. st Sébast. M., c.1450-1500, 61). | |
| 49 | ...et luy avons donné et donnons par ces presentes plain povoir, auctorité, commission et mandement especial de donner et baillier à tous marchans et aultres subjectz de nostredit royaulme et obeyssance lettres de congié et licence de mener, charroier et conduyre de cestuy nostre royaulme et obéyssance telle quantité de vins que bon leur semblera en l'obéyssance du duc de Bourgoigne, pour illec les vendre, trocher ou eschanger, ainsi qu'ilz verront estre affaire pour le mieulx (LE CLERC, Interp. Roye, c.1502, 335). | |
|
