A. -

"Dans la demeure de, au logis de, chez" : Sachez nulle autre part ne fumes Que chiez s'antain (Mir. abbeesse, 1340, 80). Biau filz, nous en irons tout droit Chiez un mien ami bien prouchain (Mir. nat. N.S.J.C., c.1343, 242). ...et l'enfant fu norri chés le roy en honeur et charité. (BERS., I, 1, c.1354-1359, 39.6, 67). ...il avoit esté nourris a Cere chez oustez etrusquez, si que il avoit apriz et si savoit tres bien les lettrez et la langue etruriene (BERS., I, 9, c.1354-1359, 36.3, 65). Et, le premier que le conte heut, ce fu une jument que il trouvèrent cheux ung preudomme en ung villaige. (FROISS., Chron. R., X, c.1375-1400, 237). Cy commence un miracle de Nostre Dame de saint Alexis qui laissa sa femme le jour qu'il l'ot espousée pour aler estre povre par le pais pour l'amour de Dieu et garder sa virginité, et depuis revint chez son pére et la morut soubz un degré et ne le cognut l'en devant qu'il fu mort. (Mir. st Alexis, 1382, 281). ...à Paris, chez un freppier qui demeure en la rue Saint-Germain l'Aucerrois (Reg. crim. Chât., I, 1389-1392, 18). ...et n'y a froumage ne aultre chouse, mes convient a l'aventure en aller querir chiés les voisins (Quinze joies mar. R., c.1390-1410, 53). Si furent ainsi departis les .XIII. enfans chieux les barons de Bretaigne (Ponthus Sidoine C., c.1400, 14). ...l'argent, livres et tous autres biens prins chiez J. Micheau en la rue S. Jaques (BAYE, I, 1400-1410, 72). Nous estions priez de disner cheux ung tel et cheux ung tel, et si avons tout laissé pour venir icy (C.N.N., c.1456-1467, 263). N'esse pas cëans que je suis Chez maistre Pierre Pathelin ? (Path. D., c.1456-1469, 100). Il s'en alla chez l'evesque de Cesse Disner, soupper et la prendre son giste. (LA VIGNE, V.N., p.1495, 269).

-

Chez moi / chez soi / chez eux / chez leur... : Et prissent congiet au roi et a madame sa mere et a mesire Jehan de Hainnau, prelat, baron et chevalier, et puis s'en retourna casquns en son lieu et chiés soi. (FROISS., Chron. D., p.1400, 104). Jehan, vous retournerés en Engleterre et, vous venu chiés vous, vostre prisonnier, le roi d'Escoce, vous le presenterés a ma fenme et l'en ferés don. (FROISS., Chron. D., p.1400, 791). Et en i avoit la pluisseurs ouvriers juponniers, parmentiers, corduaniers, peletiers, cabaretour, fourniers et tavreniers, qui i gissoient assés mieuls a lor plaisance et pourfit que dont que il fuissent chiés leur. (FROISS., Chron. D., p.1400, 746). ...qant il fu venus chiés soi, et que li rois d'Escoce pout sousfrir le cevauchier (...) il l'amena a la roine d'Engleterre (FROISS., Chron. D., p.1400, 792). ...chascun desiroit estre chiez soy et avoir le repos pour les grans travaulx qu'ilz avoient euz (BUEIL, II, 1461-1466, 234). ...il avoit departye ceste assemblée dont j'ay parlé naguères et renvoyéz tous chez eulx (COMM., I, 1489-1491, 175). ...et print congé ladicte dame du roy, qui la fist bien conduyre jusques chez elle (COMM., II, 1489-1491, 128). Il fut chez moi à Argenton, où il sejourna ung moys (COMM., II, 1489-1491, 285). ...ilz commencerent a lever leur camp et s'en aller chascun chez soy. (LA VIGNE, V.N., p.1495, 319).

-

"Dans le lieu d'activité de" : Chiez un barbier couvertement Vint pour faire oster ses cheveuz (GUILL. DIGULL., Pèler. J.-C. S., 1358, 251). Vous aporterés du poisson, Si en trouvés ches les pescheurs (Pass. Auv., 1477, 139).

B. -

P. ext.

-

"Dans tel ou tel groupe social" : ...car pour certain les peres qui jadis avoient acoustumé a demander suffrage, c'est l'assentement du peuple, en ce qui touchoit le gouvrenement de la cité, ne furent pluz tenus (?) a le demander, en tele maniere, ne ne se fist plus par testes en appelant tout le peuple, si comme on fesoit avant, eincez, ja ce fust que nus ne fust exclus du dit souffrage ou assentement selonc son degré, nientmeinz demora le droit d'iceli principalement chez les riches et chez les premiers de la cité (BERS., I, 1, c.1354-1359, 43.10, 73).

-

"Dans telle ou telle personne" : ...il troverent Lucrece, sa fame, non pas en l'estal ou il avoient trouvé lez autres brus royalz, lesquelez il avoient trouveez soy esbatanz et passans le tempz avecquez leur compeingnez en convis et en gales, eincez la trouverent, tarde nuit, occupee en lainfice, seant enmi la meson entre les chamberieres qui veilloient a la besoingne. La loenge de l'estrie des dames demoura chez Lucrece et a esté jugié dez autrez la milleur (BERS., I, 1, c.1354-1359, 57.9, 96).