| 139 exemples | | 1 | ...et ordonna à estre ensevelis ou sepulcre commun des povres gens. (FROISS., Chron. M., XIV, c.1375-1400, 184). | |
| 2 | ...ainsin que dit le proverbe commun : Qui bien ne mal ne puet souffrir, a grant honneur ne puet venir. (LA SALE, J.S., 1456, 67). | |
| 3 | Cestui Abraham monstra bien comme il estoit erudit en la science des estoilles, par ung livre qu'il en a composé, lequel est partout commun et imprimé. (SIMON DE PHARES, Astrol., c.1494-1498, f° 29 v°). | |
| 4 | Se un homme commun despendoit plus que tout le sien en donner un disner a une communité ou en aucune autre chose de soy honeste, il feroit que sot. (ORESME, E.A.C., c.1370, 245). | |
| 5 | ...il [Dieu] mue et change le commun et acoustumé cours tant de nature comme de l'Escripture et faisant miracles souvent, graces, pardons et privileges. (...) Et mesmement a nostre propos contre le commun cours il sainctifia Jheremie avant sa nativité (GERS., Concept., 1401, 403). | |
| 6 | Ce n'est [...] pas mon train commun Pour servir a mon appetit. (Sots gard., a.1488, 108). | |
| 7 | Donc c'est le service dequoy sert le nerf obtique, car il porte l'espece visible et raporte la semblance jusques au sens commun (GORDON, Prat., c.1450-1500, III, 1). | |
| 8 | ...car c'est un langage noble et commun a genz de grant engin et de bonne prudence. (ORESME, E.A., c.1370, 101). | |
| 9 | Vous savez, c'est ung commun usaige, que nul ne paie voulentiers ne sacque argent hors de sa bourse, tant comme il le puist amender. (FROISS., Chron. M., XIV, c.1375-1400, 24). | |
| 10 | Mais selonc le commun usage de parler, la ou elles sont inequales, la plus grande est appellee longitude, et l'autre apres latitude, et la plus petite est dicte spissitude. (ORESME, C.M., c.1377, 48). | |
| 11 | De la boce qui lors régnoit, Et aussi pour y obvier à si grant mal, mortel et fier, Laquele quiers soigneusement Translater véritablement De Latin en commun Françoiz (LA HAYE, P. peste, 1426, 12). | |
| 12 | Mais la transquilité de la paix benoite est commun desirer de toutes bonnes gens (LA SALE, Salade, c.1442-1444, 11). | |
| 13 | ...il lui paieroit le louage d'un selier où il les fist mectre, au pris commun (Aff. Jacques Coeur M., 1453-1457, 611). | |
| 14 | En l'unité de la nature divine sont trois personnes, entre lesquelles la premiere est de nulle aultre. La seconde par generation est seulement de la premiere personne. La tierce par commun soufflement et par spiration commune est de la premiere et seconde. (Somme abr., c.1477-1481, 123). | |
| 15 | ...meschine estoit, faisant le mesnage commun comme les litz, le pain et aultres telz affaires. (C.N.N., c.1456-1467, 115). | |
| 16 | La Court a baillié la detention de frere Guillaume Alaiz, religieux de Clugny (...) à l'abbé de Clugny, pourveu que ledit abbé ne procedera à la sentence diffinitive du delict commun jusques à ce que la Court ait cogneu du cas previlegié. (BAYE, II, 1411-1417, 191). | |
| 17 | Mais aucune foiz appelle l'en droit commun celui qui est propre pour un royalme et commun a toutes les cités et parties d'icelui royalme. (ORESME, E.A.C., c.1370, 304). | |
| 18 | ...touz ceulz qui, par affection ou prouffit particulier, pourchassent tel dommage contre la chose publique (...) contre droit commun et contre bonnes meurs, sont indignes de demourer et d'estre beneficiez en ce royaume (FAUQ., I, 1417-1420, 267). | |
| 19 | ...je demandoie le dit Village par réquisitoire et non par commandement, à laquelle requeste, selon la disposicion de droit commun et ex precepto legis, le dit seigneur de Secille devoit et estoit tenu de optempérer (Aff. Jacques Coeur M., 1453-1457, 203). | |
| 20 | Et qui en jeu se treuve plus commun Acquiert souvent entre joueurs le pris. (Lyon cor. U., 1467, 34). | |
| 21 | Fy de l'enseigne, Puisque l'ouvraige est si commun ! (VILLON, Test. R.H., 1461-1462, 126). | |
| 22 | Item, est ordonné que (...) chaponneau, oultre II. s. VI. d. (...) Item, poulet commun, oultre XV. d. Item, cochon de lait commun, oultre IIII. s. II. d. (...) Item, perdris retille, oultre II. s. Item, une assée, oultre XII. d. (Doc. Poitou G., t.7, 1422, 385). | |
| 23 | Grosse cuysine de commun et de bouche ["raffinée"] (LA VIGNE, V.N., p.1495, 147). | |
| 24 | Je vous diray, quant la personne est morte Et a bien fait : il n'a esté commun. (CONTE DE CLERMONT. In : CH. D'ORLÉANS, Rond. C., 1443-1460, 412). | |
| 25 | Ne se tenoient mie en palais enfermez, Ainçoiz au commun pueple s'estoient monstrez (Renaut Mont. B.L. V., c.1350-1400, 20). | |
| 26 | Et aussi moult desavenant Est a prince de hault paraige De finer ses jours sanz lignage Avoir procreé de sa chair, Auquel ait refuge et repair Le commun peuple de sa terre. (Gris., 1395, 16). | |
| 27 | TESTE LIGIERE. (...) Tu as resjouy ung chascun. MERE SOCTIE. C'est la nourrice du commun. (Sots, c.1480-1500, 272). | |
| 28 | ...nous (...) vous mandons que (...) vous assemblez (...) les gens d'eglise, nobles, gens des bonnes villes et autres du tiers commun estat de vostre seneschaussée (Lettres Louis XI, V.M., t.10, 1482, 29). | |
| 29 | A noz trés chers et bien amez les gens d'eglise, nobles, gens de bonnes villes et aultres du tiers et commun estat de nostre bailliage de Senlis. (Lettres Louis XI, V.M., t.10, 1482, 37). | |
| 30 | ...se il en foïssoit son secret en terre, le rosel qui en croistra le revelera et le mettra en commun et par un legier et petit vent l'espandra en grans orages (FOUL., Policrat. B., III, 1372, 235). | |
| 31 | Afin que du commun soient nourris touz, et femmes et enfans. (ORESME, Pol. Arist. M., c.1372-1374, 106). | |
| 32 | Quel donmaige fait le heron Ny autre oysel que prent faucon ? Par les marchés prennent les raines El mengüent herbes et graines Qu'ilz truevent parmy ces ruiseaulx ; Tel viande est pour telx oyseaulx. Dont püent il peu donmagier Commun de gent [var. Le bien commun] pour leur mengier. (LA BUIGNE, Rom. deduis B., 1359-1377, 368). | |
| 33 | ...et le veandredi ensuiguant que fut le premier jour de jung, l'an que dessus, convoquey a son de la clouche du commun, a la maniere acustumee, le commun de Besançon (Doc. 1386. In : M. Bubenicek, Entre rébellion et obéissance, 2013, 683). | |
| 34 | ...la valeur des dis chasteaux, chastellenies, terres et seigneuries et de leurs dites appartenances et appendances, et pareillement des dis commun de la paix, passade, tail de canal et autres droiz (Archives servit. Louis XI, T., 1470, 35). | |
| 35 | ...nos villes, chasteaulx, chastellenies, terres et seigneuries de Villefranche de Rouergue, comprins le commun de la paix, les drois de la justice et autres drois et devoirs seigneuriaulx (Ordonn. rois Fr. P., t.18, 1480, 574). | |
| 36 | ...maistre Bremond de Saint Felix, s'est efforcé (...) nous dessaisir du droit du commun de la paix es lieux de Conques, de Sauveterre et ailleurs (Lettres Ch. VIII, P., t.1, 1488, 274). | |
| 37 | Item, et sur ce que ledit Bourrain requerroit que, selon ung mandement qu'il avoit du conte d'Armignac, il peust lever sur le commun de la paix la taille annuelle dudit Severac jusque à la somme de six cens frans, pour payer l'assence du prioré de Severac et de Lavergne, fut respondu que le roy avoit fait prendre le commun de la paix, et en parleroit on ou roy, et feroit on le mieulx que on pourroit. (LE CLERC, Interp. Roye, c.1502, 238). | |
| 38 | Quantez geners est il ? Cinq. Quelx ? Le masculin, le femenyn, le neutre, le commun de deux, le comun de trois. (DonatOxf., p.1400. In : Th. Städtler, Zu den Anf. der frz. Grammatikspr., 1988, 130). | |
| 39 | Autant y ont droit tous comme un, Et si se gouverne a commun Par les plus anciens lignages (CHR. PIZ., M.F., II, 1400-1403, 20). | |
| 40 | ...ou temps plus ancïen Chantoit l'en bien de requïem Pour ceulx qui en la foi moroient, Mais a commun pas ne savoient des messes la grant efficace. (Tomb. Chartr. Trois contes S., c.1337-1339, 85). | |
| 41 | ...sans noise et sans assamblee de commun (Percef. IV, R., c.1450 [c.1340], 780). | |
| 42 | CHASCUN. Sus doncques, puis que suis congneu Et que vous et moy c'est tout ung, Esbatons nous, je suis esmeu, Faisons tout de propre commun. (Sots triumph., c.1475, 42). | |
| 43 | Tous lez jours de la quarantaine Ilz font leur assignation. (...) O Gautier disneront lundi, Mardi disneront o Guillaume (...) Samedi aront qui que soit. Au dimence font du commun (Bien avisé Mal avisé B., c.1487-1490 [1396], 190). | |
| 44 | [Discours révolutionnaire de Jean Ball] Bonnes gens, les coses ne pent bien aler en Engletière ne iront jusques à tant que li bien iront tout de commun. (FROISS., Chron. R., X, c.1375-1400, 96). | |
| 45 | Mais il n'y ot cellui qui fort ne pensast aux merveilles et aux richesses que ilz avoient veues aux nopces, et aux trancheiz des fallisses, et au ruisseau qui soubdainement s'estoit comparus et fait ou dit lieu. Et disoient bien tout de commun que d'autres plus grans merveilles vendroient et apparroient de cest commencement. (ARRAS, c.1392-1393, 45). | |
| 46 | Elle jeue et rit a cascun, Si regard sont trop de commun ! (FROISS., Espin. amour. F., c.1369, 80). | |
| 47 | ...Et que c'est grant confusion, Et que Dieu courresce et offent Quant son service li deffent, Car à saoul et à geun Son digne service est commun, En tous cas, à tous et à toutes (MACH., P. Alex., p.1369, 226). | |
| 48 | ...pour pourveoir audit paiement on devoit, concorditer unanimi consensu, poursuir en commun le paiement desdis gaiges pour tous eulz ensemble, sans querir paiemens et provisions à part separeement (FAUQ., II, 1421-1430, 181). | |
| 49 | ...les masures, jardin, vignes, prez, saulceiz et terres arrables, qui de present sont en totalle ruyne et boccage, qui sont six vingts jours ; et quand un autre les tenoit, devoient en commun au seigneur dud. Vonc, chacun an, de menus cens (Trés. Reth. L., t.4, 1479, 371). | |
| 50 | ..fut le premier qui mist les loix en Archadie et mariage, car lors vivoient encore hommes et femmes en commun (SIMON DE PHARES, Astrol., c.1494-1498, f° 19 r°). | |
| 51 | Soubz la couronne espicial, Resjouys nous as en commun. (Sots, c.1480-1500, 272). | |
| 52 | Or avon donques ainsi dit en commun et generalment des vertus et avon mis leur gerre grossement et avon dit comment il sont moiennes ou en moien ou moienneresses et que elles sont habis. (ORESME, E.A., c.1370, 202). | |
| 53 | Si doit donques le prince honorer en commun [ou "en public" ?] la magesté du peuple et en son privé il doit mesurer et considerer l'estat de soy et de un chascun ensemble. (FOUL., Policrat., IV, 1372, 70). | |
| 54 | Car les sciences sont et sont dites d'aucun principe commun. (ORESME, E.A., c.1370, 535). | |
| 55 | ...Comme il est cy dit en commun. (GRÉBAN, Pass. J., c.1450, 45). | |
| 56 | L'empereur me fit chevalier Pour avoir gloire terrïenne Partout sur le bras seculier En commun et particulier. (LA VIGNE, S.M., 1496, 259). | |
| 57 | Pour amour dou lignaige vout li juges tant faire Qu'elle moruit en chartre senz li en commun traire (Gir. Ross. H., c.1334, 196). | |
| 58 | TESTE LIGIERE. On doit bien mauldire celluy Par qui le commun se doulloit. (Sots, c.1480-1500, 262). | |
| 59 | Adont prinst le commun diuement [l. durement] a huer. (Renaut Mont. B.N. V., c.1350-1400, 480). | |
| 60 | ...le bon archevesque qui tant estoit senés Remontra au commun parlers si advisés Que par le sens de lui ilz furrent accordés (Cip. Vignevaux W., p.1400, 33). | |
| 61 | En ce temps, la royne, femme du roy Charles, acoucha d'un filz, lequel fut nommé sur les fons Loys, premier Daulphin de Viennois. Pour la nativité duquel fut faite grand leesce et grand joye par toute son obéissance, et par espécial en sa bonne cité de Tournay. Et furent fais grans feux par toute la ville, et crioit le commun Noël ! à haulte voix, en menant grant joye et leesce. (MONSTRELET, Chron. D.-A., t.4, c.1444-1453, 173). | |
| 62 | LA CHOSE PUBLICQUE. Si ay, de vray, j'en ay eu ung [un enfant], Le pire de tout le commun [,] Que j'ay portay fort longuement, Lequel m'a donné du tourment, De l'ennuy et douleur amere Et ne faisoit rien pour sa mere, Tant est mauvais et detestable. (Sots mal., c.1480, 88). | |
| 63 | "...Il nous menra à tel pertuis Que nous en serons tous destruis, Car il sont bien mille contre un." Einsi murmuroit le commun. (MACH., P. Alex., p.1369, 80). | |
| 64 | Et partout estoient bien venut, especialment dou commun d'Engletière, quant il dissoient que il estoient de Gaind (FROISS., Chron. R., X, c.1375-1400, 264). | |
| 65 | ...nous nous garmentïons tous Comment au marquis, nostre sire, Pourrïons deprïer et dire Qu'a soy marïer s'assentist, Qu'avis nous est qu'en avenist Grant bien a lui et au commun. (Gris., 1395, 10). | |
| 66 | [Le quint chevalier au marquis] Et vez ci vos humbles subgez, Des plus grans une grant partie, Avec le commun qui deprie Ensemble eulx ma conclusïon. (Gris., 1395, 11). | |
| 67 | ...murmure de subgiez, plaintes de peuple et de commun (CHART., Q. inv., 1422, 46). | |
| 68 | En ce temps, se resmeurent ceulx de la ville de Tournay, et se mirent en armes l'ung contre l'autre à bannière déployée. Et fut la cause de ceste esmuette pour ce que la communaulté doubtoit que les seigneurs de Moy et de Conflans, qui estoient en leur ville et avoient grand audience, ne leur baillassent garnison plus puissant d'eulx. Nientmoins, soubdainement ilz se rapaisèrent sans cop férir. Et assez tost après, se départirent les seigneurs dessusdiz de ladicte ville de Tournay, doubtans la fureur d'icelui commun. (MONSTRELET, Chron. D.-A., t.4, c.1444-1453, 174). | |
| 69 | Lesquels, jusques au nombre de bien IIII mil hommes, saillirent sur les gens dudit grant maistre ; mais tous lesdits Bourguignons furent durement rechassez dedans la ville, à leur grant honte, perte et confusion ; de quoy le commun print si grant despit contre eulx, qu'ils leur volurent courir sus. (LE CLERC, Interp. Roye, c.1502, 377). | |
| 70 | ...le second (...) avoit eu le gouvernement des canonniers ; le tiers (....) estoit capitaine du menu commun (LEFÈVRE ST-RÉMY, Chron. M., t.1, c.1462-1468, 357). | |
| 71 | ...pour ce que a force d'armes il avoit pris et occupé le gouvernement du commun, il fu reputé tyrant et, par le consentement de la greigneur partie des senateurs, il fu occis de petis pugions, c'est a dire de greffez d'argent, ou Capitole. (FOUL., Policrat., IV, 1372, 100). | |
| 72 | Noblesse fuit encontre sa nature, Le clergié craint et cele verité, L'umble commun obeit et endure Fains protecteurs lui faire adversité (BAYE, II, 1411-1417, 220). | |
| 73 | Aussi, monseigneur, tous les estas du payz, tant messeigneurs de l'Eglise, messeigneurs les nobles que le commun et la chose publique en general, vous devez avoir l'ueil à faire droit à ung chascun, à vostre povoir (BUEIL, II, 1461-1466, 27). | |
| 74 | Plusours des habitans de notre ville de Dyjon, especiaulmant des marchanz ou dou menu commun, sunt venu plaintiz à nous... (Chartes communes Bourg. G., t.1, 1332, 61). | |
| 75 | ...tu fais tout ung Du roy et du petit commun. (GRÉBAN, Pass. J., c.1450, 227). | |
| 76 | Or oez, seigneurs chevalliers, Gens de commun, clercs, escuiers ! (LA BUIGNE, Rom. deduis B., 1359-1377, 208). | |
| 77 | Et s'estoient XXX. contre un De gens d'armes et de commun, Li Sarrazin, que Dieus confonde ! (MACH., P. Alex., p.1369, 157). | |
| 78 | ...plusieurs chevaliers, escuïers et autres gens de commun, tenans le [ parti ] et bien vueillans du roy nostre sire, ont esté prins et emprisonnez audit lieu de la Sousterrine, et mis à raençon (Reg. crim. Chât., I, 1389-1392, 58). | |
| 79 | Et lors montent a cheval a moult belle compaignie, et vindrent en la cité ou dames et damoiselles, chevaliers et escuiers, bourgois et gens de commun les regardoient a merveille. (ARRAS, c.1392-1393, 187). | |
| 80 | Par grans monceaulx le commun populaire Deça, dela, s'estoit voulu assire Pour hault crier en amour voluntaire Voire si hault qu'ilz ne se povoient taire: " Libertate, libertate, chier sire ! ..." (LA VIGNE, V.N., p.1495, 201). | |
| 81 | Ce fist li roys à leur priere, Car d'amour certeinne et entiere Le commun de Venise amoit Et ses bons amis les clamoit. (MACH., P. Alex., p.1369, 119). | |
| 82 | Le commun et habitans de Bohuon ont acoustumé de prendre en la forest de Lions III chesnes par livrée du verdier (HECTOR DE CHARTRES, Cout. R., 1398-1408, 28). | |
| 83 | ...et lors firent mectre sus le commun de Paris (LE BOUVIER, Chron. Ch. VII, C.C.J., c.1451-1455, 54-55). | |
| 84 | A touz ceulx qui orront et verront ces presentes lettres, le maire et le commun de Poitiers, salut en Dieu nostre Seigneur pardurable. (Doc. Poitou G., t.3, 1354, 144). | |
| 85 | ...et le veandredi ensuiguant que fut le premier jour de jung, l'an que dessus, convoquey a son de la clouche du commun, a la maniere acustumee, le commun de Besançon (Doc. 1386. In : M. Bubenicek, Entre rébellion et obéissance, 2013, 683). | |
| 86 | ...lesquelles XLV quehues de vin madame la duchesse, par l'avis d'aucuns des gens du conseil de mondit seigneur et d'elle a fait donner et presenter de par elle et de par mondit seigneur aux personnes apres escriptes pour consideracion des bons et agreables services, afin qu'ilz soient plus enclin es affaires de mondit seigneur et mesmement à entretenir le commun de ladicte ville de Troyes à la bonne amour et adhesion de mondit seigneur (Comptes Etat bourg. M.F., t.2, 1420, 836). | |
| 87 | ...maistres Oudart Le Fer, ou nom et comme procureur du duc de Bourgongne, et Olivier Delebeque, procureur des advoé, eschevins, conseil, hoosmans, capitaines, et des XXVIJ personnes ordonnées pour le commun de la ville d'Ypre, presenterent à la Court les lettres royaux (FAUQ., II, 1421-1430, 171). | |
| 88 | ...ilz garderont et entretiendront ces presentes ordonnances au bien publique d'icelle nostre ville, en excerceant leurs dis offices bien, justement et loialement au bien de la justice et à l'onneur et prouffit de nostre dite ville et du Commun d'icelle (Hist. dr. munic. E., t.1, 1466,,, 107). | |
| 89 | ...par l'assentement et accort de tout le commun dudit mestier (Industr. Paris F., 1345-1412, 299). | |
| 90 | ...li wyt preudomme, qui seront pris et esleu de le Vintainne et des mestiers de le drapperie, et li wyt aussi, qui seront pris et esleu des mayeurs des gheudes pour estre en l'office et du nombre des Vint et quatre de le ville, seront tenu et astraint de dire et jurer publiquement et solennelment, par leurs foys et sermens, est assavoir li wyt de le Vintainne, par devant le Vintainne, les dis mestiers de le drapperie et leur commun et chil des gheudes, cascuns par devant son mayeur et sen commun (Hist. dr. munic. E., t.1, 1356,,, 356). | |
| 91 | ...trois tapiz vers contenans 18 aunes quarrés, armoiez aus quatre cornes aus armes dudit monsgr le Dauphin, pour les sommiers de son commun (Comptes argent. rois Fr. D.-A., I, 1352, 114). | |
| 92 | ...la despense du commun de Monseigneur qui estoit à Gavray, qui se compte par un item pour les mois de janvier, fevrier (Compte Navarre I.P., 1367-1371, 65). | |
| 93 | ...Regnault, barbier du commun dudit seigneur (Comptes roi René A., t.3, 1469-1470, 340). | |
| 94 | Lors [le roi] se mect devant, et le roy d'Espaigne (...) se mect après, avecq grant nombre de gens. Quant ilz furent en la salle du commun, ilz se esmerveillerent fort de la richesse de la tapisserie que illecq estoit. (Jehan de Paris W., 1494-1495, 73). | |
| 95 | LUCIFER. Suz, deables, horrible commun, Serrez voz portes a puissance... (GRÉBAN, Pass. J., c.1450, 349). | |
| 96 | Povre et riche meurt en corrupcïon, Noble et commun doivent a Dieu service ; Mais les nobles ont exaltacïon Pour Foy garder et pour vivre en justice. (CHART., B. Nobles, c.1424, 196). | |
| 97 | Li grant bourgois (...) se traisent d'une part (...). Quant li aultre commun veirent che, il se commencièrent a esmouvoir et à criier durement sus les grans bourgois. (FROISS., Chron. L., II, c.1375-1400, 95). | |
| 98 | Symonides le Second, Grecq, lequel se delecta entierement en philozophie et en la theorique et speculative des estoilles en ce temps, en maniere que nul de son temps ne fut plus estimé, ne plus apprecié sçavoir, et trouva moïen de recouvrer les livres du grand Menesserab qui fist tant de jugemens en Syrie, au moïen desquieux semblablement se mist à la pratique et experience de jugemens et en fist choses moult estimées du commun et aussi des grans. (SIMON DE PHARES, Astrol., c.1494-1498, f° 42 v°). | |
| 99 | ...Car les anges sont crëatures Nobles, dont le parfait commun Ne devoit pas descendre d'un Par quelque generacion (GRÉBAN, Pass. J., c.1450, 42). | |
| 100 | Lors de commun acort recordent Qu'elle est digne d'estre loée. (MACH., D. Aler., a.1349, 351). | |
| 101 | Juges sui par commun acort Especiaument d'un descort Qui est ci entre deus parties, Pour atendre droit de parties. (MACH., J. R. Nav., 1349, 192). | |
| 102 | Si s'avisierent d'un malice Pour li oster de son office Et pour sa mort, que sans deloy Il le penroient en sa loy, Si que d'assentement commun Tuit furent en acort comme un (...) D'un edit faire et un decret, Tout en appert, non en secret (MACH., C. ami, 1357, 36). | |
| 103 | Lors d'un commun assentement Respondirent moult liement, Qu'il le feroient ; et le firent Mieus encore qu'il ne leur deirent. (MACH., P. Alex., p.1369, 54). | |
| 104 | ...et tous d'un commun accord avez advisié qu(il) est neccessité et expedient que pour les causes dessusdictes nostredit Chancellier demeure pardelà. (BAYE, I, 1400-1410, 250). | |
| 105 | Lors sans demeure et tout d'un commun assentement s'agenoillerent devant le trone de la majesté divine toutes les Vertuz (GERS., Concept., 1401, 396). | |
| 106 | Nous ottroyons tout au premier de grace especiale l'umble supplicacion que Oroison a faicte pour noz bonnes gens de nostre bonne ville de Nazareth, Joachim et Anne, attendue la bonne et veritable relacion que vous de commun accort avez faicte d'eulx. (GERS., Concept., 1401, 405). | |
| 107 | ...et pour pourveoir de commun assentement au gouvernement, à la garde et conservacion de ce royaume (FAUQ., I, 1417-1420, 317). | |
| 108 | En tesmoing de ce, d'un commun accord, Jehan le Gros le jeune, secretaire et auditeur de monseigneur de Charroloys, en fist et bailla acte et certification de sa main à tous ceulx dessus nommez qui avoir le vouldroient. (LE CLERC, Interp. Roye, c.1502, 195). | |
| 109 | Et cheauçoient tout le commun pas, rengiés et serrés ensi que pour tantost combatre. (FROISS., Chron. L., V, c.1375-1400, 196). | |
| 110 | ...ycellui de Bedford de son povoir se vouloit emploier, comme amy commun des parties, à l'apaisement des procès et debas (FAUQ., II, 1421-1430, 155). | |
| 111 | Mes chiers amis, Puis qu'Amours ad ce nous a mis Que nos deus cuers ensamble joindre Vuet sans partir et sans desjoindre, Et que faire vuet un de deus, Pour Dieu, ne faisons paire d'euls. Car il sont perdu et honni, Se si pareil et si onni Ne sont qu'en bien et mal commun Soient, et en tous cas comme un, Sans pensée avoir de maistrie, De haussage ou de signourie. (MACH., R. Fort., c.1341, 148). | |
| 112 | Et gardez, tant que vous aurez a estre conquerant, que entre vous compaignons ne vous maintenez comme sire, mais commun au grant et au petit, et parler et tenir compaignie a chascun selon sa qualité, car ce fait les cuers enflammez d'amour a ceulx qui ainsi sont humain en seignourie. (ARRAS, c.1392-1393, 86). | |
| 113 | ...et doit [le roi, I>Advis a Isabelle de Baviere/I>] soy lever en tous temps à six heures à matin, diner à dix, souper à six et coucher à dix, oir sa messe à sept heures et, la messe oye, besoigner jusques à dix, se besoignes y a à expedier, et apres digner soy esbatre secretement à petite compaignie de ses bons [,] secrez et privés serviteurs et non mie estre trop commun. (Doc. c.1434. In : Vallet de Viriville, Bibl. Éc. Chartes 2, 1865-1866, 141). | |
| 114 | Commun, plain, joieux, humain, traitable... (Lex. techn. monolingue, éd. G. Hasenohr, c.1480. In : Romania 105, 1984, 127). | |
| 115 | ...on list de l'empereur Trajan es croniques rommaines que, comme aucuns de ses amis le reprenissent de ce que, oultre et par dessus tous les empereurs, il estoit trop famillier et commun en se condescendant et acointant de tous, il respondi qu'il desiroit estre tel envers tous que tous le desiroient trouver. (COLART MANS., Dial. créat. R., 1482, 184). | |
| 116 | ...le peril commun de moi et des autres cognoissoit (CHART., Q. inv., 1422, 49). | |
| 117 | Prince clement [Charles d'Orléans], or vous plaise sçavoir Que j'entens moult et n'ay sens ne sçavoir ; Parcïal suis, a toutes loys commun. (VILLON, Poèmes variés R.H., c.1456-1463, 47). | |
| 118 | Et, à ceste cause, fut bruyt tout commun parmi ladicte ville de Paris que le roy estoit ainsi mort, dont il n'estoit riens, et s'en revint, but, parla et menga très bien, et vesquit jusques au samedi au soir ensuivant, trentiesme et penultime jour dudit mois d'aoust, environ l'eure de entre six et sept au soir qu'il rendit l'ame. (ROYE, Chron. scand., II, 1460-1483, 136). | |
| 119 | La est l'ediffice commun Pour gens moyens et pour commun. (CHR. PIZ., M.F., I, 1400-1403, 123). | |
| 120 | ...nom d'amy a esté commun a eulx et a toy (CHART., L. Esp., c.1429-1430, 9). | |
| 121 | Et vous leur avez respondu que vous ne voliés que je y alasse, et que eu cas que je yroie, vous me feriés faire damage et deshonnour ; de la quele chose certes vous me faisiés grant tort, car le service de Dieu est commun et vous ne le deussiez mie deffendre à nul crestien, especiaument à moy, considéré le service que je vous ay fait. (MACH., P. Alex., p.1369, 229). | |
| 122 | Je te pri que tu te conseilles A bonnes gens et que tu veilles A faire le commun pourfit, Einsi com Boësses le fit Et com maint philosophe firent Qui mainte doleur en souffrirent Et furent chacié en essil. (MACH., C. ami, 1357, 133). | |
| 123 | Mais pour ce que les livres morals de Aristote furent faiz en grec, et nous les avons en latin moult fort a entendre, le Roy a voulu, pour le bien commun, faire les translater en françois, afin que il et ses conseilliers et autres les puissent mieulx entendre, mesmement Ethiques et Politiques, desquels, comme dit est, le premier aprent estre bon homme et l'autre estre bon prince. (ORESME, E.A., c.1370, 99). | |
| 124 | Mais croire a Dieu est croire a ses paroles, doctrines et enseignemens. Le premier, croire Dieu estre, et le tiers, croire a Dieu et a ses paroles, apartient et est commun aux bons et aux mauvais, mais le second, croire en Dieu en le amant et tendant en lui par amour, apartient seulement aux bons. (Somme abr., c.1477-1481, 100). | |
| 125 | ...et dit qu'il estoient icy venus pour tout le bien commun et par especial de ce royaume (BAYE, II, 1411-1417, 260). | |
| 126 | ...aprés le lien de foy catholique, Nature vous a devant toute autre chose obligiez au commun salut du pays de vostre nativité et a la defense de celle seigneurie soubz laquelle Dieu vous a fait naistre et avoir vie (CHART., Q. inv., 1422, 11). | |
| 127 | Pourquoy ledit excellent Roy, Considérant forment en soy, Comme Prince trez crestien, Le salut commun et le bien, Fist compiler (...) Une certaine et vraie doctrine (LA HAYE, P. peste, 1426, 12). | |
| 128 | ...car par icelle [la partie irascible de l'âme], l'homme courrouchié par bonne jalousie enflammee d'une fervente amour d'aucune chose juste, honneste, grande, prouffitable et salutaire se expose pour l'apprehender en pugnissant et en deboutant ce qui est injuste et deffendant virilement ce qui appartient a justice et au bien commun piteusement, non furieusement. (Somme abr., c.1477-1481, 138). | |
| 129 | ...le paiement de 60000 escuz doubles lors derrainement accordez à icellui seigneur par son commun pays de Flandres (Comptes Etat bourg. M.F., t.3, 1416-1418, 235). | |
| 130 | ...l'ayde qui lors prouchainement seroit acordee à mondit seigneur par les bonnes gens, manans et habitans de son commun pays de Flandres (Comptes Etat bourg. M.F., t.1, 1420, 237). | |
| 131 | Et donques ne est ce pas pour ce que elle [la terre] resgarde semblablement et equalment les parties du ciel, car ce est commun a toute chose qui seroit mise ou milieu ; mais estre meu au milieu est propre a la terre. (ORESME, C.M., c.1377, 548). | |
| 132 | ...pour ce qu'il estoit tout commun et nottoire que ledit mons. l'evesque de Poitiers estoit fait arcevesque de Sens. (Reg. crim. Chât., I, 1389-1392, 522). | |
| 133 | Et ne scet, sur ce requis, nommer les personnes qui le lui ont dit, mais il est tout commun oudit pays. (Reg. crim. Chât., II, 1389-1392, 197). | |
| 134 | N'autre chose n'i va querir Fors au Saint Pere requerir Qu'il ottrie un commun passage, Car faire vuet le saint voiage. (MACH., P. Alex., p.1369, 219). | |
| 135 | SOCTE MYNE. Comme source de sapience, Fontaine de toute science, Aiday nous as, il est commun. (Sots, c.1480-1500, 272). | |
| 136 | Car aussi comme l'entendement qui se occupe en pluseurs choses est mendre en chascune de elles que se occupast en peu si comme dit un vers commun : "Pluribus intentus minor est ad singula sensus", semblablement est il de la volenté ou affeccion qui est partie en pluseurs. (ORESME, E.A.C., c.1370, 490). | |
| 137 | On dist en un commun proverbe, et voirs est, que... (FROISS., Chron. R., XI, c.1375-1400, 85). | |
| 138 | Ceulz yci sont bieneureux Qui les cuers ont doloreux. Mais tantost par aventure on me dira le proverbe commun : "Bien aise plaidoye qui parle sans partie !", car il semble que nulz ne parle ou doye parler contre moy. (GERS., Déf., 1400, 221). | |
| 139 | ...car c'est ung proverbe commun... (JUV. URS., Nescio, 1445, 474). | |
|
