|
|
Dictionnaire du Moyen Français (1330-1500)
|
|
|
|
|
|
|
| 200 exemples | | 1 | ...il font les autres semondre et convenir en tous lieux [I>autres/I> est objet de I>semondre/I> et sujet de I>convenir/I>] (FOUL., Policrat. B., VII, 1372, 462). | |
| 2 | Comme le Roy nostre dit seigneur nous ait presentement envoiéz a Boulongne sur la mer pur assembler et couvener pour luy en marche d'entre Boulongne et Calais avec reverent pere en Dieu Walter W[alter] (...) savoir faisons que... [forme anglo-normande ; I>cf./I> AND ; M.K. Pope, 478-479] (Lettres anglo-fr. T., 1399, 467). | |
| 3 | Item, bien vivre est la cause pourquoi les gens conviennent et conversent ensemble. (ORESME, Ycon. Arist. M., 1374, 809). | |
| 4 | ...le plus bel chevalier et le meilleur qu'il conviengne querre en nulle contree (Chev. papegau H., c.1400-1500, 12). | |
| 5 | ...print desplaisance de demourer a l'ostel en oysiveté et d'y tenir mesnage en la maniere qu'il convient a ceulx qui y sont lyez (C.N.N., c.1456-1467, 558). | |
| 6 | Certes, il ne puyt eschapper : Convenant est de l'atrapper. (Pac. Job M., c.1448-1478, 229). | |
| 7 | ...En ton saint ventre convenant (GRÉBAN, Pass. J., c.1450, 53). | |
| 8 | ...qui te fait service convenant (Prières saints R., t.2, 1480-1500, 468). | |
| 9 | Il [Galien] a traicté [l. traicte] l'espee (...) Ja l'en [Ganelon] eüt feru ung si grant horion Que jamaiz ne lui covensit [l. covenist] ne mire ne poisson, Se ne fut Ogier et le bon duc Naymon, (...) Qui lui ont destourbé a faire sa faichon. (Galien D.B., c.1400-1500, 50). | |
| 10 | Car, se l'en desassamble les personnes qui se sont entracoustumees (...), il avient souvent que ycelles, parties, a toutes choses que il ont a faire, rien ne valent et point ne se y conviennent (FOUL., Policrat. B., III, 1372, 226). | |
| 11 | ...et ainsi patiens qui ont effimere se conviennent en plusieurs choses et aussy se conviennent en baing car en declinacion tous ceulx qui ont fievre se peuent baigner (GORDON, Prat., c.1450-1500, I, 1). | |
| 12 | Sens y convient et grant doctrine. (DUPIN, Mélanc. L., c.1324-1340, 42). | |
| 13 | Il convenoit une femme au roi de France, et plus chier l'aroient il à marier en Baivière que aillleurs. (FROISS., Chron. R., XI, c.1375-1400, 225). | |
| 14 | ...et pour ce qu'ilz estoient sy court tenus et de sy pres gardés qu'ilz ne povoient de leurs amours parler ne leur voulentés dire, fors seulement par les crevaces de la paroy moyenne dessusdite, pour ce ordenerent il, pour convenir plus franchement ensamble, qu'ilz ystroient de leurs maisons a une certaine heure (EVR. CONTY, Eschez amour. mor. G.-T.R., c.1400, 415). | |
| 15 | ...il y convient grant appareil. (Gris., 1395, 19). | |
| 16 | ...de toutes armes que il convient à chevalier (Chev. papegau H., c.1400-1500, 43). | |
| 17 | Et pour soy par l'yaue conduire Luy couvient bon et sçeur navire (COURCY, Chem. vaill. D., 1406, 45). | |
| 18 | ...si ne nous convient synon place pour ce faire (Percef. IV, R., c.1450 [c.1340], 444). | |
| 19 | Ici dit des provisions qu'il convient sur mer. (BUEIL, II, 1461-1466, 57). | |
| 20 | ...en tout tesmoignage de verité, il convient trois femmes pour deux hommes (Ev. Quen., I, c.1466-1474, 78). | |
| 21 | Touteffoys qui vouldroit, ou lieu de l'allidade, l'on pourroit user d'ung perpendicle, c'est assavoir d'ung petit plombet pendant a ung fil ataché au centre du reond ; et en ce faisant y conviendroit deux petites tablettes partuyssees... (NIC. CHUQUET, Géométrie H., 1484, 166). | |
| 22 | Raimon voit bien qu'il ["ce qu'il"] se couvient ["ce qu'il faut"] ; Adonc un message s'avoye. (COUDRETTE, Mélus. R., c.1401-1402, 203). | |
| 23 | Droit chemin lui couvient tenir (Renart contref. R.L., t.1, 1328-1342, 58). | |
| 24 | Demain lever nous convenra Matin (Mir. nonne, 1345, 332). | |
| 25 | Le quel roy Jehan aprés le dit mariage vint a Paris et fut receu grandement et honnorablement, et devoyent de rechief ensemble convenir pour parfaire la paix, et si firent ilz, et luy requist le roy qu'il feist les foys et hommages ainsi qu'il estoit tenu (JUV. URS., T. crest., c.1446, 93). | |
| 26 | Et ne convient pas mettre tant de degrés de choses ne teles difficultés obscures comme Aristote met en sa response ou .XXIIe. chapitre. (ORESME, C.M., c.1377, 534). | |
| 27 | ...et que quant elle penseroit qu'il feust levez, que elle alast le deffermer la chambre et le mettre hors, et feist son lit et ordonnast sa chambre ainsi comme elle savoit qu'il le convenoit faire (Reg. crim. Chât., I, 1389-1392, 175). | |
| 28 | Mais sachiez que je ne cuidoie pas trouver logiee si prez de moy damoiselle de si hault affaire, ne qui eust tant de si nobles gens avec lui. Sire, dist ly chevaliers, quant il plaira a ma damoiselle, elle en aura bien plus, car il ne lui convient que commander. (ARRAS, c.1392-1393, 39). | |
| 29 | Il en a bien cause d'en parler, car plus avant l'en convendra dire, combien qu'il a failli a dire verité de ce qu'il dist que Hervy de Leon occist le nepveu du roy en trahison (ARRAS, c.1392-1393, 56). | |
| 30 | Puis que fortune nous a a ce admenez, il nous en convient attendre ce qui en advendra. (ARRAS, c.1392-1393, 205). | |
| 31 | ...et aussi il me semble qu'il vault mieulx que nous repairons vers l'ost de nostre voulenté que par force nous y convenist repairier, car il n'est mie doubte qui retourne fuyant en chace de ses ennemis, qu'il n'y puet avoir se blasme non, combien que on dit qu'il vault mieulx fuir que mauvaisement attendre. (ARRAS, c.1392-1393, 233). | |
| 32 | Et sachiez que je m'en venoye coyement de la bataille et cuidoie venir querre le secours, mais le deable au grant dent m'apperceut, et me convint jouster a lui. (ARRAS, c.1392-1393, 234). | |
| 33 | Et juge convient estre froit ["il faut que le juge soit impassible"] (BOUVET, Appar. Meun A., 1398, 30). | |
| 34 | Si me convient presentement Au hault donjon tourner arriere (CHR. PIZ., M.F., II, 1400-1403, 99). | |
| 35 | Mais, sire, il convient mettre la main a l'oeuvre : L'ueil du seigneur maintient l'ostel ; Oeuil de servant ne feroit autel. (GERS., Noël, p.1404, 311). | |
| 36 | ...quant le pere fut mort, les freres convindrent ensemble devant le juge pour partir leur heritaige (MACHO, Esope R., c.1480, 178). | |
| 37 | Mais du seigneur de Saintré, duquel l'istoire parle par exprés, me convient plus avant proceder. (LA SALE, J.S., 1456, 218). | |
| 38 | Tant donne on qu'emprunter convient ; Tant tourne vent qu'il chiet en bise (VILLON, Poèmes variés R.H., c.1456-1463, 53). | |
| 39 | ...s'en vint recoucher (...) bien honteuse et mal contente ; mais il luy convenoit obeir pour ceste heure. (C.N.N., c.1456-1467, 213). | |
| 40 | ...la simplette avoit perdue toute coleur et sembloit a demy morte (...). Il luy convint prendre le lict et y continuellement demourer (C.N.N., c.1456-1467, 578). | |
| 41 | Et aussi, quant le roy se trouva à Paris, il se trouva fort chargié de gens de guerre, pour lesquelz paier de leursdiz gaiges et souldées lui convint finer de grant somme de deniers, car il ne recevoit riens d'aucunes villes sur lesquelles lesdiz gaiges estoient assignez, qui estoient tenues et usurpées par aucuns princes (ROYE, Chron. scand., I, 1460-1483, 71). | |
| 42 | ...et que [ledit duc de Bourgongne] devant Arques et Dieppe fut si vigueureusement recueilli et batu, lui et ses gens, s'en party d'icellui pays et delibera de s'en aler devant la bonne ville et cité de Rouen, où plus que devant fut bien receu et tellement que, au moien des saillies et grans vaillances que firent sur lui ceulx de dedens, lui convint soy en retourner bien honteusement et à sa grant perte vers Abbeville, et fist courir lors grant bruit de mettre le siege devant la ville de Noyom et icelle avoir par force (ROYE, Chron. scand., I, 1460-1483, 284). | |
| 43 | LE TEMPS. Chacun, vecy le principal De ce qu'il vous conviendra faire ! (Sots triumph., c.1475, 45). | |
| 44 | Il luy conviendroit passer Loere Et Alier, si venoit ycy. (Pass. Auv., 1477, 223). | |
| 45 | ...il convient parvenir a une chose qui est cause effective de toutes choses sans avoir estre d'aultrui ou par aultre chose. (Somme abr., c.1477-1481, 101). | |
| 46 | Aprendre me convient mestier Et besongner de bonne guise, Affin au moins, s'elle m'advise, Que je ne soye pas tencé. (Sav. serg. D.L., c.1480-1490, 30). | |
| 47 | Frere, nous ne pouons convenir ne demourer ensemble (COLART MANS., Dial. créat. R., 1482, 104). | |
| 48 | Le curé de nostre paroisse Vous dist que le saint temps aproche Et que le jour de Pasque vient, Et que purger il se convient Par tres vraye confession. (C. Riffl., c.1480-1520, 58). | |
| 49 | ...si Dieu, de sa puissance absolue, n'eust destourné les influences, il leur eust convenu combatre ensemble l'un à l'autre (SIMON DE PHARES, Astrol., c.1494-1498, f° 8 r°). | |
| 50 | ...car par delà ne sont villes ne villages, ne aucune habitacion et convenoit au roy fere bruller tous les boys qui duroient plus de XXX lieux et encore ne seroit ce fin (SIMON DE PHARES, Astrol., c.1494-1498, f° 145 r°). | |
| 51 | ...il convenoit que Aigres s'en alast hors du païs (Bérinus, II, c.1350-1370, 79). | |
| 52 | Si luy vint en ymagination et voulenté qu'il convenoit qu'il eust sur son pays et presist par taille la somme de IIc. mille flourins (FROISS., Chron. M., XIV, c.1375-1400, 185). | |
| 53 | ...et que s'il avenoit que ladite terre et pays de Limosin retournast en l'obeissance du roy de France, il convendroit que ce feust du consentement dudit roy d'Engleterre et duc de Lenclastre (Reg. crim. Chât., II, 1389-1392, 188). | |
| 54 | ...[il] se prenoit et tenoit au chariot d'icelle damoiselle de Harecourt faignant qu'il feust son serviteur et lequel prisonnier ne s'estoit voulu departir de tenir à ycellui chariot, pour commandement que lui eussent fait yceulz maistres d'ostel, mais avoit convenu que à force il eust esté osté arriere d'yceulz charioz (Reg. crim. Chât., II, 1389-1392, 457). | |
| 55 | Il convient que vous alez prier le conte et sa mere et tous voz amis, qu'ilz viengnent a voz nopces, cy, en ceste praierie, lundi prouchain venant (ARRAS, c.1392-1393, 35). | |
| 56 | Et s'esmerveilloit chascuns dont telle richesse povoit venir. Et dirent tuit que il convenoit que Remondin feust moult puissant et moult riches. Et lors renforca moult la feste. (ARRAS, c.1392-1393, 66). | |
| 57 | ...aux bons louyer, aux mauvaiz punicion. Il ne convient pas que on s'arreste a prouver cecy (GERS., Déf., 1400, 224). | |
| 58 | ...pluiseurs philosophes convindrent illecq ensemble (COLART MANS., Dial. créat. R., 1482, 274). | |
| 59 | ...il convient qu'ilz se partent de l'eglise de la ville dudit Mesnil (FAUQ., II, 1421-1430, 355). | |
| 60 | Madame, qui au bas bout de la table seoit, le regardoit de foiz a autre moult souvent, et puis pensoit que vraiement il convenoit qu'il eust ces trois chevaulz qui lui estoient ordonnez, et ses deux varlez. (LA SALE, J.S., 1456, 68). | |
| 61 | ...lors luy alla dire comment il convenoit que son mary, lendemain au soir, allast au guet (C.N.N., c.1456-1467, 389). | |
| 62 | ...premierement, dit elle, il convient que j'aye une paire de bons souliers. [Une femme prépare un pélerinage] (C.N.N., c.1456-1467, 526). | |
| 63 | Et, au moien de la venue du roy à Paris, il convint que plusieurs gens de guerre qui le suivoient feussent logez es villages d'autour Paris et de Brie et autres lieux voisins (ROYE, Chron. scand., I, 1460-1483, 71). | |
| 64 | Quant je voy ceste dance Qu'i convient que je dance... (Mir. st Nic. juif, c.1480-1500, 73). | |
| 65 | S'il est bien veu tant de long que de lay, Il conviendra qu'ils pillent patience. (Cene dieux, c.1492, 140). | |
| 66 | Et quant ledit conte eut ainsi oÿ parler ledit Voyau, il appella ung de ses serviteurs et envoya querir Mons. de Bort, son nepveu, filz de sa seur, et, quant il fut venu, il luy dist qu'il convenoit qu'il envoyast quelque prelat ou autre homme de honneur et de bonne presentacion à Paris à la venue du roy (LE CLERC, Interp. Roye, c.1502, 155). | |
| 67 | ...il est plus convenant et convenable qu'il, pour toute la communaulté, face forger la monnoie, et icelle signée de l'impression honneste, que aucun autre. (ORESME, Monnoies W., c.1365, XIX). | |
| 68 | Il convient donques que, se "homme" et "par soy homme" sont d'une meïsme espece que il aient par sus eulz une autre ydee, et aprés, pour ce que ceste seconde ydee est d'une meïsme espece avecques l'autre, il convendroit une autre tierce ydee et ainsi senz fin. (ORESME, E.A., c.1370, 114). | |
| 69 | ...en la matinee passerent par emprés ung grant estanc ou avoit assamblé une grant multitude d'oyes qui se tenoient en bataille contraire, l'une partie contre l'aultre. Lesqueles, ainsi que le conte devoit passer par emprés, convindrent ensamble et combattirent par tel aÿr et criee que merveilles seroit a dire (CHASTELL., Chron. IV, D., c.1461-1472, 218). | |
| 70 | ...et si tart ariverent, que quant ilz orent deschargié icelle charrete et ilz vouldrent sousper, ilz convient qu'ilz soupassent à la chandelle. (Reg. crim. Chât., I, 1389-1392, 345). | |
| 71 | Disoit une devote dame : "Et que valent tous ces estas oultrageux ? Et ne convient il pas mourir ?" (GERS., Annonc., a.1400, 238). | |
| 72 | Se le Pere est Dieu, le Filz est Dieu, le Saint Esperit est Dieu, ne convient il pas conclure que ilz sont III dieux ? (GERS., Trin., 1402, 161). | |
| 73 | ...celle penance Qu'il lui a couvenu souffrir (CH. D'ORLÉANS, Ball. C., c.1415-1457, 127). | |
| 74 | Ce hardement J'ay prins a leur bon mandement, Car prïé m'en ont grandement, Que je tien pour commandement Et suis tenu D'obeïr ; si l'a couvenu ["il a fallu qu'il en soit ainsi"]. (CHART., L. Dames, 1416, 303). | |
| 75 | Or lui convient il [au pauvre vieillard] mendïer, Car ad ce force le contrainct (VILLON, Test. R.H., 1461-1462, 51). | |
| 76 | Lucius Valerius (...) fut si povre qu'il convint, pour lui faire sa sepulture, aller querre les deniers au peuple. (COLART MANS., Dial. créat. R., 1482, 251). | |
| 77 | ...Dont il convint la vierge debonnaire D'ire, d'annuy, de dueil et de grevance Taindre, fremir, rogir, palir et taire (Mir. prev., 1352, 277). | |
| 78 | Finalment si fort s'eschauffa L'oliphant et tant se lassa Qu'il le couvint cheoir a terre (LA BUIGNE, Rom. deduis B., 1359-1377, 297). | |
| 79 | Et ly sengliers vint grant aleure. Et le conte, qui moult scot de la chasse, le va enferrer en l'escu, de la pointe de l'espie qui moult fu agüe. Mais l'escu du sanglier fu si durs qu'il convint, par la force du sengler, le conte verser a genoulx. (ARRAS, c.1392-1393, 22). | |
| 80 | Maix li roy Signagon convint tout aastis A quaitre cent paiens qui sont li sien amis (Lion Bourges K.P.F., c.1350, 1042). | |
| 81 | Et cil lui compte comment ilz avoient encontré Gieffroy tout seul, et le dommage que il leur avoit fait, et comment il avoit convenu Giron, son frere, remonter le cavain par force, et que encore dure la bataille. (ARRAS, c.1392-1393, 201). | |
| 82 | Il convint la roine d' Engleterre prendre en bon gré ce que ses freres li rois de France li offroit (FROISS., Chron. D., p.1400, 50). | |
| 83 | Qant il vei et senti que morir le convenoit, il manda tous les barons de son roiaulme (FROISS., Chron. D., p.1400, 164). | |
| 84 | Qant il senti et congneut que morir le convenoit, il manda les nobles de son roiaulme (FROISS., Chron. D., p.1400, 174). | |
| 85 | ...et les en convint morir honteusement (FROISS., Chron. D., p.1400, 593). | |
| 86 | Cedit jour, a esté besoigné en l'election dessus touchée, jusques à IX heures, que messeigneurs les presidens a convenu aler au Conseil devers monseigneur le Dauphin. (BAYE, I, 1400-1410, 341). | |
| 87 | Madame et ses autres dames, qui sur jour dormir devoient, ne cesserent de rire et raisonner du grant effroy que Saintré avoit eu en son loigeis, et tant en rirent que vespres sonnerent et sans dormir les convint lever. (LA SALE, J.S., 1456, 10). | |
| 88 | Mesmes les roix couvient obeir et eux ployer a la nature des choses (CHASTELL., Temple Boc. B., 1463-1464, 163). | |
| 89 | Et, s'il estoit trop fort, il ne pourroit einsi estre longuement, mes le convendroit, quant il tireroit l'arc, a se remouvoir tant que la beste le verroit (GAST. PHÉBUS, Livre chasse T., 1387-1389, 269). | |
| 90 | Ci endroit dormir me convient Par fine force. (Mir. Rob. Dyable, c.1375, 43). | |
| 91 | Le temps que les bestes convenoyent les loups firent guerre aux brebis (MACHO, Esope R., c.1480, 55). | |
| 92 | ...puis qu'il lui convenoit morir (Percef. III, R., t.1, c.1450 [c.1340], 11). | |
| 93 | ...et avecq ce fut Matam sy chargié du coup qu'il lui couvint agenouillier. (Percef. IV, R., c.1450 [c.1340], 771). | |
| 94 | Je ne sçay que c'est. Dormir me convient sans arrest. (Mir. st Nic. juif, c.1480-1500, 135). | |
| 95 | ...donc couvient qu'ilz [les loups] se preignent aux enfanz, qui n'est pas forte prise pour eulz et ne les leur couvient a porter nulle part fors que seulement mengier ["ce n'est pas une nécessité pour eux de"] (GAST. PHÉBUS, Livre chasse T., 1387-1389, 97). | |
| 96 | Et, pour ce que la chasce du tesson n'est mie de grant maistrise ne aussi n'est pas beste qui fuye longuement, ne me semble qu'il me convieigne gueres a deviser, quar de sa nature ay je assez parlé sa davant. (GAST. PHÉBUS, Livre chasse T., 1387-1389, 246). | |
| 97 | ...par deux raysons le me convient a dire (GAST. PHÉBUS, Livre chasse T., 1387-1389, 250). | |
| 98 | ...il se tenoit tout seur que ma nature me contraindroit a briser ma continence, et que par necessité me conviendroit a converser avec homme. (C.N.N., c.1456-1467, 573). | |
| 99 | Et avise bien quelles choses sont lesquelles je te dis estre communs, car certes se sont choses quy conviennent ["qui sont indispensables"], c'est assavoir communs usaiges a tous, comment est la lumiere et aspiracions de l'aer. (CRAP., Cur Deus, De arrha B.H., c.1450-1460, 272). | |
| 100 | L'ystoire nous dit en ceste partie que moult fu le roy d'Ausaiz doulent de la mort de son frere. Mais le dueil en convient passer quant il plaist a Dieu. (ARRAS, c.1392-1393, 186). | |
| 101 | Icy convient l'ame entrer ["il faut que l'âme entre..."] forment dedans sa memoire sans evagacion par dehors, et esclarsir son entendement par debouter et oster (GERS., Trin., 1402, 172). | |
| 102 | Si ont de gens grant convenue : N'atendent que vostre venue Pour eulx combatre. (Mir. Oton, c.1370, 373). | |
| 103 | ...ou le monde, par faulte de gens, convendroit fenir ["il faudrait que le monde finisse"]. (LA SALE, Sale D., 1451, 128). | |
| 104 | Cestui Abraham (...) eut certaine et clere congnoissance que par raison convenoit le monde estre ordonné et gouverné ["il fallait que le monde soit..."] et principallement par la pourvoyance divine (SIMON DE PHARES, Astrol., c.1494-1498, f° 18 v°). | |
| 105 | Et ainsi elle poisera plus d'un costé que d'autre, et quant ce sera notablement il convendra que toute la masse de la terre se meuve tellement que le centre de la pesanteur de elle lequel estoit hors du centre du monde, pour la mutacion dessus dicte, vienne ou centre du monde. (ORESME, C.M., c.1377, 256). | |
| 106 | ...et prindrent les champs, sans tenir voye ne chemin, car bien cognissoient le pays, et s'en vindrent sus ung pas où il convenoit que leurs ennemis passassent, non par ailleurs, pour les diverses montaingnes et une riviere qui descent et vint d' icelles (FROISS., Chron. M., XIV, c.1375-1400, 198). | |
| 107 | Et la se logierent et prissent en grant plaisance ce qu il trouverent, car il lor fu avis que temprement il averoient nouvelles des Escos, car il convenoit que il fuissent passet par la (FROISS., Chron. D., p.1400, 138). | |
| 108 | Ma suer Raison, puis que dehors moy tu ne pues trouver nostre Dieu es choses corporelles, fors en tant que elles ne sont point nostre Dieu, neantmoins il convient qu'il soit ung qui les a faictes. (GERS., Trin., 1402, 156). | |
| 109 | ...certes il convient que tu soyes faicte d'autruy ; comment eusses tu eu puissance de toy creer, quant tu ne estoyes riens par avant ? (GERS., Trin., 1402, 157). | |
| 110 | ...quand il les eut visitez [les lieux de cachette possible] et qu'il n'y trouvoit point ce qu'il queroit, il se donna garde du casier, et jugea qu'il convenoit que son compaignon y fust. [Un mari cherche partout l'amant de sa femme qu'on a vu entrer chez lui] (C.N.N., c.1456-1467, 444). | |
| 111 | ...car il convient par tele maniere que aucune chose soit premierement devant celle qui est aprez (Somme abr., c.1477-1481, 101). | |
| 112 | Et pour ce, la paine doibt estre tele, mais ce ne puet estre par dureté et aspreté, car celle ne puet estre infinie, dont il convient que ce soit par durance de temps sans fin. (Somme abr., c.1477-1481, 176). | |
| 113 | ...pour emploier et convertir en la despense et mise que le Roy avoit à faire et soubstenir ou voiage qu'il entendoit à faire à Pontoise en intencion de convenir et traictier avec les Anglois. (FAUQ., I, 1417-1420, 298). | |
| 114 | ...commandant sus paine de mort qu'elles ne souffrissent aucun home convenir ou parler sans son sceu a sa fille. (LEFÈVRE (R.), Hist. Troyes A., c.1464, 188). | |
| 115 | ...il est expediant et grandement necessayre que vous faictes convenir cestuy loup pour vostre santé [pour la grant medicine qui est en luy] (MACHO, Esope R., c.1480, 164). | |
| 116 | Et primierement, je vous pri, dittes moy conment c'est, ne par quelle auctorité, que un evesque ou son official puet faire amonester ne conveïr [l. convenir] devant luy un honme pur lay, qui ne luy est en aucune chose subjet, mez au Roy seulement ou a la juridiction seculiere ? (Songe verg. S., t.2, 1378, 147). | |
| 117 | ...disant que paravant la venue de la royne, sondit mary et elle vendirent audit prisonnier un petit cheval qu'ilz avoient, la somme de XXXIJ s. par. ; et que pour ce qu'il ne les vouloit de ce païer, sondit feu mary le fist convenir en Chastellet, par davant mons. le prevost ou son lieutenant. (Reg. crim. Chât., I, 1389-1392, 175). | |
| 118 | ...le bailli (...) pour avoir l'enterinement avoit pieça fait convenir lesdiz parroissiens et tresoriers et vers eulx a contendu afin de ladicte provision (Rouen temps Jeanne d'Arc L., 1427, 112). | |
| 119 | Si fist le roy convenir devant luy les gens de son conseil et aucuns grans seigneurs des plus saiges de toute l'armee (Rambaux Frise S., c.1450-1475, 56). | |
| 120 | ...iceluy Pichet qui estoit ung grant plaideur, fort noiseux et rioteux, et lequel avoit esté homme de guerre, et souvantes fois avoit debat avecques plusieurs gens de bien, a fait convenir et adjourner lesdiz supplians et mis en involucions de procès en diverses instances en la court des grans assises de Montagu (Doc. Poitou G., t.10, 1458, 61). | |
| 121 | ...j'ay fait adjourner et convenir iceulx mes ennemis par devant dame Raison (MICHAULT, Procès honn. F., p.1461, 44). | |
| 122 | ...nous lui avons dit qu'il le face convenir par devant vous en parlement (Lettres Louis XI, V., t.8, 1480, 184). | |
| 123 | ...ung nommé Ouvrart, clerc, pieça convenu par devant lui ou ses juges pour avoir trés enormement batu ung bon marchant bouchier (Lettres Louis XI, V., t.9, 1481, 8). | |
| 124 | Et, pour ce faire, devoient convenir et assembler lesdictes parties sur le pont dudit lieu de Monstereau (FAUQ., I, 1417-1420, 317). | |
| 125 | ...il le cita et fist un jour convenir devant le souverain Juge (COLART MANS., Dial. créat. R., 1482, 98). | |
| 126 | [Personnification] ...si fist convenir l'or devant le juge (COLART MANS., Dial. créat. R., 1482, 121). | |
| 127 | ...se ceulz qui en sont souspeçonnéz sont convenus et approuchiéz d'aucun et il nyent leur crisme (FOUL., Policrat. B., I, 1372, 123). | |
| 128 | Tant de Droit escript que de coustume, un clerc puet convenir celluy qui luy fait aucune injure ou celluy de qui il a juste cause de se doubter, en la court de l'Eglyse (Songe verg. S., t.2, 1378, 175). | |
| 129 | ...et que, par justice ordinaire et acoustumée du roy soient constrains et convenus, sans ce que aucuns commissaires particuliers de ce se entremellent (LEFÈVRE ST-RÉMY, Chron. M., t.1, c.1462-1468, 103). | |
| 130 | ...comme vraye dame tenue (...), A tort a esté convenue (COQUILL., Oeuvres F., 1478-p.1494, 34). | |
| 131 | ...ces II maladies conviennent et sont affinees en III choses (SAINT-GILLE, Comment. A.Y. L., 1362-1365, 251). | |
| 132 | ...ces II douleurs si conviennent moult avec la douleur des rains (SAINT-GILLE, Comment. A.Y. L., 1362-1365, 251). | |
| 133 | Par moy esse que douleur vous convient, Par moy souffrez, par moy mort vous seurvient (GRÉBAN, Pass. J., c.1450, 339). | |
| 134 | Bien t'en conviengne ; Fais en le mieulx que tu pourras (GRÉBAN, Pass. J., c.1450, 289). | |
| 135 | ...dames et damoyselles convindrent de toutes pars. (Percef. III, R., t.1, c.1450 [c.1340], 324). | |
| 136 | ...je m'en tais atant et bien en conviengne au chevallier (Percef. III, R., t.1, c.1450 [c.1340], 308). | |
| 137 | ...mais de la desserte je ne m'en mesle plus avant, bien vous en conviengne entre vous deux ["cela vous regarde tous les deux"] (Percef. III, R., t.2, c.1450 [c.1340], 7). | |
| 138 | Mon ami, rapporte tes lettres à ton maistre, et luy dis que je ne m'en meslerai jà. Qui l'a brassé, sy le boive. Bien leur en conviengne ! (CHASTELL., Chron. K., t.5, c.1456-1471, 90). | |
| 139 | ...et que, pour eschever sa perdicion et de ses villes et pays, ledit seigneur de Bourbon voulsist estre et soy alier avecques ledit de Bourgongne ; et lui dist que en ce faisant lui en viendroit de grant prouffit, et où il ne le vouldroit faire que bien lui en convenist et que s'il lui en prenoit mal qu'il ne seroit pas à plaindre (ROYE, Chron. scand., I, 1460-1483, 364). | |
| 140 | ...lez mauvaiz officiers ne pevent convenir avec le prince sage, et serviteur desloyal desire maystre ignorant. (CHART., L. Esp., c.1429-1430, 72). | |
| 141 | Homme a o Dieu convenu Et jusque lui parvenu, Et Dieu est homme devenu. (CHART., L. Esp., c.1429-1430, 111). | |
| 142 | ...chose neccessaire est de croire parfaitement le Filz de Dieu et l'omme convenir en une meisme personne. (CRAP., Cur Deus, De arrha B.H., c.1450-1460, 219). | |
| 143 | Quant deux gens viennent a mesnaige, Avant qu'ilz conviennent ensemble, Doivent vacquer (...) En oroison ung certain temps (GRÉBAN, Pass. J., c.1450, 51). | |
| 144 | ...et en ces pertus fount ils [les renards] de joefnes, et c'est tout dedeinz en l'angle ; et qi les lerroit a covenir, ils multipliroient tant qe grant damage par toute le paiis ferroient. (HENRI LANC., Seyntz medicines A., 1354, 104). | |
| 145 | ...onques je ne la vy nue, Ne par mauvaise convenue Onques a elle n'abitay (Mir. Oton, c.1370, 382). | |
| 146 | ...car là avoit establi journée de convenir les ducs d'Orléans et de Bourbon (CHASTELL., Chron. K., t.3, c.1456-1471, 7). | |
| 147 | ...elles [des étoiles] estoient trop loing l'une de l'autre et ne pouoient convenir par conjunction corporele ensemble. (FOUL., Policrat. B., II, 1372, 162). | |
| 148 | ...veirent lors la line convenant avec le soleil (FOUL., Policrat. B., II, 1372, 146). | |
| 149 | Et s'il advient a la fois, comme souvent peut advenir, que honesteté et utilité puissent ensemble convenir, tel conseil qui est honneste et proufitable est a louer et a ensievyr (FILLASTRE, Traité Conseil H., c.1472-1473, 216). | |
| 150 | ...pour convenir ensemble sur la dite matière (CHASTELL., Chron. K., t.4, c.1456-1471, 384). | |
| 151 | ...et convinrent ensemble sur la matière dressée (CHASTELL., Chron. K., t.5, c.1456-1471, 186). | |
| 152 | [Si] communiqua avecques ledit seigneur de Foix de questions joieuses et amoureuses, et, sur plusieurs requestes, offres et autres plaisans bourdes que lui fist et promist ledit conte de Foix, convindrent tellement ensemble que, le dimenche XIIe jour dudit moys de decembre, oudit an IIIIcLXVIII, icelle Estiennete se departy de son hostel de Paris qu'elle laissa et habandonna, ensemble sondit mary, ses enfans, pere, mere, freres et seurs et tous ses parens et amis (ROYE, Chron. scand., I, 1460-1483, 222). | |
| 153 | ...qu'il n'est possible que homme puist convenir feablement avec aultre ne soy fyer en aultruy quant il ne se fye en soy meysmes (FILLASTRE, Traité Conseil H., c.1472-1473, 174). | |
| 154 | Encor est le plus fort a faire, Car des deux, par moyen aucun, Il nous fault convenir en ung Qui soit le douziesme et non plus. (Myst. Pass. Troyes B., a.1482, 1047). | |
| 155 | DEUXIESME FIL. Es tu la, mon frére ? or t'apreste Dont de venir. TROISIESME FIL. Je m'en saray bien convenir. Alons men (Mir. roy Thierry, c.1374, 294). | |
| 156 | Se tu veulx hault advenir Et de meschief revenir, De tes faitz bien convenir, Et a confort parvenir... (CHART., L. Esp., c.1429-1430, 132). | |
| 157 | Et lors icellui Charles regent, d'une part, et ledit Edouart convindrent en ung lieu nommé Bretigny (Droiz Cour. Fr. H., 1460, 429). | |
| 158 | Cedit jour, vindrent en la Court certains chevaliers espaignoz qui apporterent certeinnes lettres faisans mention de treves prises, et convenues, et jurées entre le roy de Castelle, d'une part, et le roy de Portugal, d'autre part (BAYE, I, 1400-1410, 69). | |
| 159 | La dame en laissa convenir Qui estoit honnourable et sage (Dit prunier B., c.1330-1350, 50). | |
| 160 | LE SEIGNEUR. (...) Quel nom li pourrons nous donner ? Nous ne l'osons crestienner, Pour avoir le nom de baptesme. LA DAME. J'en lairay convenir la dame Mére au vray roy de paradis. (Mir. enf. diable, c.1339, 20). | |
| 161 | Elle vous ara en convent Que jamais plus n'en priera, Mais convenir vous en laira A faire ent vostre voulenté. (Mir. enf. diable, c.1339, 22). | |
| 162 | De ce me puet bien laissier convenir (DESCH., Oeuvres Q., t.5, c.1370-1407, 24). | |
| 163 | Et en cel estat demourerent tant qu'ilz virent ung porc senglier grant et merveilleux, qui s'en venoit, escumant et morcelant les dens, vers eulx moult horriblement. Monseigneur, dist Remondin, montez sus cest arbre, que cilz sengliers ne vous face mal, et m'en laissiez convenir. Par foy, dist ly contes, ja ne plaise a Jhesucrist que je te laisse en ceste adventure. Et quant Remondin l'ot, si se met au devant du senglier, l'espie ou poing, en bonne voulenté de le destruire, et ly sengliers destourne de lui et court vers le conte. (ARRAS, c.1392-1393, 21). | |
| 164 | ...il n'en osoient parler et se sousfroient, et ne se vodrent onques ensonniier de nul trettié, mais en laissierent convenir le duch de Braibant, le duch de Gerles et le conte de Jullers, de la partie le roi d'Engleterre (FROISS., Chron. D., p.1400, 455). | |
| 165 | ...il li consillierent que il se tenist en la chité de Nantes, et fesist l'ivier tout bellement ses provisions, et laisast convenir ses gens et guerriier des garnisons (FROISS., Chron. D., p.1400, 503). | |
| 166 | Toutesfois, la contesse de Montfort laissa biellement convenir ses gens de lors prisonniers, et avoit fait tousjours en devant. (FROISS., Chron. D., p.1400, 817). | |
| 167 | Laissés Dieu du tout convenir (Pac. Job M., c.1448-1478, 184). | |
| 168 | Le lendemin (...) les ducs et une grant partie des contes et chevaliers et aultres sages se assemblerent et convin(e)rent devers le roy oudit hostel neuf (MAUPOINT, Journ. paris. F., p.1461, 46). | |
| 169 | Il l'en fault laissier convenir (GRÉBAN, Pass. J., c.1450, 242). | |
| 170 | "...et pour tant vous prie, tant comme faire puis, que si le cas advient, pour chose que vous me véez advenir, que vous ne m'aidiez, ni secouriez en quelque manière que ce soit, et me laissiez convenir de telle fortune, soit bonne ou male, qu'il plaira à Dieu de moy envoyer et donner." (Faits Lalaing K., c.1470, 174). | |
| 171 | Haa, nostre maistre est bon et saige : Il l'en fault laisser convenir. (Myst. Pass. Troyes B., a.1482, 658). | |
| 172 | "Il t'en faut venir. - Ou, dame ? - Lai moi couvenir..." (FROISS., Joli buiss. F., 1373, 82). | |
| 173 | Laisse moy tout seul convenir (GRÉBAN, Pass. J., c.1450, 331). | |
| 174 | "Laissiés moy convenir - dist la dame - et, se Dieu plest, je l'endoctrineray tellement a pou de langaiges, que s'il a cuer de gentil homme il se admendera brief". (Jehan d'Avennes F., c.1465-1468, 16). | |
| 175 | ...et lesse convenir de ta mort a celuy qui assigne leurs termes et leurs metes a toutes choses (CHART., L. Esp., c.1429-1430, 100). | |
| 176 | Toutevoiez, cessans toutes difficultéz, le duc en leissoit convenir a son filz, lequel, non visant que a son voyage, mist point de dangier, mes, demorant en son pourpos, se mist en chemin a tout son estat, sans plus et sans mains, que avoit apris tous les jours (CHASTELL., Chron. IV, D., c.1461-1472, 216). | |
| 177 | ...et laissiés convenir au Dieu Souverain (Percef. IV, R., c.1450 [c.1340], 548). | |
| 178 | Quant lez seigneurs et officiers du païs eurent veu et oy ces lettres, dirent que point ne lez feroient mourir, mais l'envoyeroient en la mer en ung batel a l'aventure, et son filz avec, et en laisseroient a Dieu convenir. (Nouvelles inéd. L., p.1452, 64). | |
| 179 | Le mercredy soir a heure acoustumee convindrent et s'assemblerent toutes les femmes qui avoient acoustumé d'y estre (Ev. Quen., I, c.1466-1474, 95). | |
| 180 | La bonne dame, oyant ceste deliberacion, laissoit tout convenir [var. Vérard : faire] car de donner conseil au contraire ne s'osoit avancer (C.N.N., c.1456-1467, 446). | |
| 181 | ...naturel commixtion A merveilles li couvenoit. (Tomb. Chartr. Trois contes S., c.1337-1339, 90). | |
| 182 | ...il qui parle vint à Paris après lesdiz deux compoingnons, lesquieulx il trouva ou cimitiere Saint-Innocent ; et lui dirent qu'ilz avoient recouvré ce qu'il leur convenoit (Reg. crim. Chât., I, 1389-1392, 454). | |
| 183 | Des cinq degrez ou eschelons le premier est leçon ou doctrine et conuient aulx commencans cest a dire a ceulx qui commencent a monter en la montaigne de parfaicte vie (CIB., p.1451, 177). | |
| 184 | Quant a la creature convient aucune chose que compete au createur, plus excellentement compete a Dieu et de lui est dit. (Somme abr., c.1477-1481, 149). | |
| 185 | Combien que tous noms essenciaulz qui signifient par maniere d'essence peuent convenir equalement a toutes les personnes, neentmoins au Pere est approprié puissance, au Filz sapience et bonté au Saint Esperit. (Somme abr., c.1477-1481, 159). | |
| 186 | Lequel Elucidaire vous plaise benignement recevoir et en excusant mon petit entendement, si je n'ay pas partout traictié, ne en si hault stille, comme je deusse, ce que bien conviendroit à vostre excellante et très illustrée, sacrée et royalle Majesté, et par maniere de recreacion entre vos haulx, nobles et ardues negoces et affaires, en passe temps vous plaise le veoir et considerer (SIMON DE PHARES, Astrol., c.1494-1498, f° 1 v°). | |
| 187 | Fille, s'ai dit li rois, malz vous est couvenant (Lion Bourges K.P.F., c.1350, 538). | |
| 188 | S'il ont trestous la char si dure et fortissant Comment avoit Pinart, trop mal m'est convenant (Galien D.B., c.1400-1500, 84). | |
| 189 | Sire Lion, dit il, comme vous est covenant ? (Lion Bourges K.P.F., c.1350, 636). | |
| 190 | ...IIII heures durant, les deux roys estans ensemble, fut vent si vehement à Ardere où ilz estoient convenuz, qu'il rompit plusieurs traitz des tentes et fist moult de dommage. (SIMON DE PHARES, Astrol., c.1494-1498, f° 148 v°). | |
| 191 | Com vous est convenant, Quelle nouvelle va celle lettre luisant ? (Ren. Gennes D.B., c.1350-1400, 89). | |
| 192 | Qu'esse, frere Regnault, con vous est couvenant ? - Le cuer, se dist Regnaut, me sist mauvaisement (Renaut Mont. B.N. V., c.1350-1400, 222). | |
| 193 | ...et avoit une telle espee que mais ne convenist querre meilleur ["il ne serait pas approprié, il ne serait pas possible de"] (Chev. papegau H., c.1400-1500, 46). | |
| 194 | Jacob Bernardin dit qu'il le convient sommer par les prevost et eschevins. (FAUQ., II, 1421-1430, 352). | |
| 195 | ...dedens lequel camp il voult que lesdiz gens de guerre feussent par l'espace d'ung mois, pour scavoir comment ilz se conduiroient dedens et pour scavoir quelz vivres il conviendroit avoir à ceulx qui seroient dedens ledit camp durant le temps qu'ilz y seroient. (ROYE, Chron. scand., II, 1460-1483, 107). | |
| 196 | Et, avec ce, convient avoir du traict à main en grant et bon nombre selon la quantité des gens que vous avez audit siège (BUEIL, II, 1461-1466, 47). | |
| 197 | Ouvrir nous convient nos oreilles Affin que nous oyons le cry. (Vig. Trib., c.1480, 227). | |
| 198 | LE QUART. Il convient batre le fer chault (Sots gard., a.1488, 111). | |
| 199 | Pour laquelle chose a convenu (...) prealablement reciter et memorer les très nobles, excellens et grans personnages, qui depuis le premier homme Adam jusques à present (...) ont vaqué à l'estude et excercice d'icelle [science] (SIMON DE PHARES, Astrol., c.1494-1498, f° 9 v°). | |
| 200 | Pour ce m'a convenu prandre ce que je en ay peu trouver et recuillir par mes livres seullement et quelque peu d'autres (SIMON DE PHARES, Astrol., c.1494-1498, f° 10 r°). | |
| |
| |
|
|
|
| |
