A. -

[Intériorité spatiale]

1.

Prép. : Et doit avoir le dit prieur une chambre en l'ostel dessus dit pour lui demourer ou pour faire sa voulenté, la quelle chambre regarde dedans l'esglise Saint Pere des Arcis. (Chartes Abb. St-Magl. T.F., t.3, 1354, 191). ...a Paris de dens les portes, en leur terre et justice (Chartes Abb. St-Magl. T.F., t.3, 1371, 423). Si tretost qu'il sentirent ces saiettes qui leur venoient de dedens le bos, si furent tout effraé, et se misent au retour. (FROISS., Chron. L., II, c.1375-1400, 48). Il se rendirent, salves leurs vies et leurs biens, et se partirent et se retraisent dedens Cherebourch. (FROISS., Chron. L., VI, c.1375-1400, 140). ...se coucherent les deux amans dedans le tresbeau lit (C.N.N., c.1456-1467, 186). Et le roy entra dedans Rome en armes (COMM., III, 1495-1498, 75). ...car il avoit envoyé le jour de devant deux cens hommes d'armes dedans le ville de Dieppe (LE CLERC, Interp. Roye, c.1502, 303). Bientost après, ledit connestable estant à Gisors, rescripvit audit grant maistre (...) que, s'ilz veoient que lesditz Bourguignons tirassent vers lesditz lieux, on prinst les cinquante lances qui estoient dedans Arques pour envoyer à Gysors, et qu'ilz se missent dedans Beauvais. (LE CLERC, Interp. Roye, c.1502, 307).

-

Loc. prép. Au dedans de. "À l'intérieur de" : Mais (...) il fust jugié à Gervaise pour ce qu'il avoit mise sa main dedans celle de Gervaise et lui avoit donné sa foy. Et fut dit que, quant le prisonnier ne pourroit parler, maiz qu'il touchast de la main, que encores souffisoit-il, mais qu'il touchast ou dedans de la main ; et le premier qui touche dedans la main dextre, l'emporte. (BUEIL, I, 1461-1466, 224).

-

Là dedans + compl. de lieu : Adonc avalèrent li compagnon tantost jus de le tour et le vinrent querir à le barrière, et le prisent entre leurs bras et l'emportèrent là dedens le fort. (FROISS., Chron. L., V, c.1375-1400, 174).

-

Par dedans + compl. de lieu : Et estoit encores en prison par dedens Chastelet à Paris. (FROISS., Chron. L., II, c.1375-1400, 125).

-

L'un dedans l'autre : Et ileuc, pardevant les diz clers notaires jurez, en la presence des dessus nonmés sergens et de plusieurs autres, furent leues deus paire de lettres annexees l'une dedans l'autre (Chartes Abb. St-Magl. T.F., t.3, 1330, 17).

2.

Adv. : ...ou alleguer contre ces lettres, l'execucion d'icelles et le fait dedans contenu (Chartes Abb. St-Magl. T.F., t.3, 1358, 230). Et prisent un chastiel, et le signeur et la dame dedens, qui s'appelle Brinay, à trois liewes de Lyons sus le Rosne. (FROISS., Chron. L., VI, c.1375-1400, 65). ...fist tirer du bahu les robes qui dedans estoient (C.N.N., c.1456-1467, 185).

-

En dedans : Et furent li Englès six jours devant Pellagrue, et y fisent tamaint assaut. Là en dedens furent tretties les delivrances dou conte de Kenfort et de ses compagnons. (FROISS., Chron. L., III, c.1375-1400, 60).

-

Là dedans : Si fu mis li sièges devant Saint Malcaire (...) Et vous di que là dedens estoient retrait toutes manières de gens d'armes. (FROISS., Chron. R., IX, c.1375-1400, 18). Tout ne se departirent mies, ainçois demora une grant route de Bretons et de Galois (...) ou fort de Saint Ligier. (...) si retraïsent toute leur artillerie là dedens. (FROISS., Chron. R., IX, c.1375-1400, 88). Les bonnes gens de Gaind, li riche homme et li notable, qui avoient là dedens leurs femmes et leurs enffans et leurs marcheandisses, leurs hiretages ens et hors (...) n'estoient mies bien aisse de ce que il veoient les coses en che parti. (FROISS., Chron. R., IX, c.1375-1400, 180). ...il print une eschelle, laquelle il dreça contre les murs de la chambre dudit Jaques, en laquelle il entra par une fenestre, et là dedans print ledit chapperon (Reg. crim. Chât., I, 1389-1392, 18).

-

Par dedans : Et devoient estre à ceste feste unes joustes de quarante chevaliers de par dedens, attendans tous aultres et de quarante ossi escuiers. (FROISS., Chron. L., III, c.1375-1400, 38). ...une sienne bourse de drap velueau vert, estofée à pendans de soye et de sonnetes d'argent à l'environ, avec un gros bouton d'argent estant au bout d'icelle bourse, en laquele par dedans avoit un dé d'argent à coudre (Reg. crim. Chât., II, 1389-1392, 8).

-

Par là dedans : Esgardez conme il est espars Par la dedans. (Mir. femme roy Port., c.1342, 186).

-

Estre mis dedans. "Être associé dans (un traité, un accord...) (?)" : Et jura adont li rois de France solennelment en parolle de roy que il aideroit et conforteroit le roy de Castille en tous ses besoings, et ne feroit pais ne acord aucunement au roy d'Engleterre, que il ne fust mis dedens. (FROISS., Chron. R., VIII, c.1375-1400, 31).

3.

[Empl. prép. ou adv.] Verbe + dedans

-

Verbe + dedans + subst.

-

Charger dedans : ...et incontinent noz gens et toute notre bataille chargea dedans, et bientost furent desconfitz et mors sur la place, et à la chace plus de VIIIc. (GRUEL, Chron. Richemont L., c.1459-1466, 115).

-

Ferir dedans : ...nostre pouvre coquard (...) estoit bien esbahy ou ses compaignons estoient, qu'ilz ne venoient pas ferir dedans ces ribaulx Armignacz. (C.N.N., c.1456-1467, 451).

.

P. iron. : ...[le moine] se tire a ces trippes belles et grasses, et fiert dedans comme ung loup dedans les brebis. (C.N.N., c.1456-1467, 486).

4.

[P. oppos. à ceux de dehors, en réf. à un espace clos] Ceux (de) dedans : Ilz et uns siens escuiers (...) s'en alèrent un jour au matin sus les fossés que on avoit raemplis, pour regarder le forterèce. Si furent perceu de chiaus dedens. (FROISS., Chron. L., IV, c.1375-1400, 197). Olophernés, qui fu defors, Atout ses hosts et ses effors, L'eaue toli a ceulx de dens, Qui par conduis leur venoit ens (CHR. PIZ., M.F., II, 1400-1403, 220).

-

"Les défenseurs d'une place lors d'un siège" : ...je vous conseille que vous ne assiégez jamais cité ne place où il y ait grosses gens tant que vous ayez conquis le pays d'environ (...) Vous avez affaire à ceulx de dedans et à ceulx de dehors, la ville ou place est bien plus legièrement secourue, quant elle a ses amis tout autour d'elle, que quant ilz en seroient loing (BUEIL, II, 1461-1466, 43). De nostre costé, y avoit ung tres grand nombre de gens, mais non poinct tant de gens de cheval, car il n'y avoit que les Bourguygnons, qui estoient envyron quelque deux mille lances, que bons que mauvais, qui n'estoyent point si bien accoustréz que ceulx de dedans, pour la longue paix qu'ilz avoient eue (COMM., I, 1489-1491, 59). ...et estoient ceulx de dedans tout à descouvert sur la muraille sans que on leur tirast (COMM., I, 1489-1491, 227).

-

"Les chevaliers du château où se donne un tournoi" : En tel bruit et en telle criee coururent tous ceulx de dehors leurs .III. lances et ceulx de dedens les receurent bien et vigoureusement et sans deffaulte. (Percef. I, R., t.1, c.1450 [c.1340], 603). Incontinent que les dames et damoiselles des hourdis veirent le chevallier a l'escu couvert, qui avoit ainsi renversé les deux chevalliers de dedens et leurs chevaulx pareillement, la murmure en fu entr'elles moult grande (Percef. VI, R., c.1450 [c.1340], 216). Les jousteurs y estoient ja et y en avoit cinquante heaumes sur les rencs partout : vint et cinq de ceulx de dedens et vingt et cinq de ceulx de dehors. (Charles de Hongrie C., c.1495-1498, 145-146).

-

Ceux de là dedans : ...li capitaine (...) ouvri l'uis de se cambre, et cuida de premiers que ce fuissent chil de là dedens (FROISS., Chron. R., IX, c.1375-1400, 30).

B. -

[Intériorité temporelle]

-

[Suivi de l'indication d'une durée ou d'un délai] "Dans tel délai, dans un laps de temps de" : ...et promistrent a mettre, convertir et emploier en l'amendement de la dite place de denz la fin de deus ans a compter du jour de la date de ces presentes lettres (Chartes Abb. St-Magl. T.F., t.3, 1331, 42). ...jusques a tant que il nous eussent monstré cause comment il les tenoient comme amortiz ou autrement et que de danz an et jour il eussent yceus rentes vendues et mises hors de leurs mains ou amorties (Chartes Abb. St-Magl. T.F., t.3, 1334, 56). Et avec ce, gaigierent yceulz mariés et promistrent, chascun pour le tout, metre et emploier en ladite maison adcencee, de dens six ans prochains venans a compter de la date de ces lettres, en nom et pour amendement, neuf livr.. par.., aus us et aus coustumes de Paris (Chartes Abb. St-Magl. T.F., t.3, 1339, 83). Chastellains, or la me donnez, Et vous, chastellaine, autressi: Royne sera sans nul si Dedans brief temps (Mir. femme roy Port., c.1342, 161). ...dedans du jour d'ui en six ans prochiens venans (Chartes Abb. St-Magl. T.F., t.3, 1358, 229). Et donna li contes congiet le plus grand partie de ses gens, mais il lor dist et pria qu'il fuissent tout pourveu, car il voloit aler, dedans brief jour, devers le roy son oncle. (FROISS., Chron. L., I, c.1375-1400, 165). Et euissent volentiers veu qu'il fust rescapés de ce peril, mès il ne peut ; ançois morut dedens le second jour apriès. (FROISS., Chron. L., I, c.1375-1400, 193). Et en recrurent assés sus leurs fois à revenir dedens un certain jour à Bourdiaus ou à Bregerach. (FROISS., Chron. L., III, c.1375-1400, 71). "Monsigneur, nous poons plus perdre sus un jour que nous n'avons conquis dedens vingt ans." (FROISS., Chron. L., VI, c.1375-1400, 4). ...monseigneur vostre pere (...) m'a fait exprés commandement de vous avoir mis a exil et a mort dedens hui (WAUQUELIN, Manequine C.T., a.1448, 139). ...ilz ont volunté, Dieu devant, dedans bref temps de faire une belle procession (C.N.N., c.1456-1467, 222). Mon amy, sans atendre plus, Je te pry, va devers le Roy. Et luy dy que nous sommes sus Pour aller vers luy sans delay ; Dedans six jours, comme je croy, Devers luy nous arriverons. (Myst. siège Orléans H., c.1480-1500, 506).

-

En dedans + indication de durée : En dedans peu de jours après, le terme des six sepmaines que devoit durer ce noble pas fut passé et expiré, et le lendemain, qui fut par ung dimenche, un peu devant la grant messe, les roys d'armes et heraulx s'assemblerent de toutes pars (LA MARCHE, Mém., I, c.1470, 333).

-

Là en dedans. "Pendant ce temps-là" : Vous avés bien oy recorder chi dessus de le guerre le roy Robert d'Escoce et dou roy d'Engleterre, et comment unes triewes furent prises à durer trois ans, là en dedens cilz rois Robers morut. (FROISS., Chron. L., I, c.1375-1400, 103). Et sejournèrent là li dit signeur pour yaus et leurs gens rafreschir, bien quinze jours. Là en dedens eurent il conseil et avis qu'il se trairoient par devant le ville de Hembon. (FROISS., Chron. L., II, c.1375-1400, 170).

-

Dedans que... : Et là devoit avoir moult proçainnement une très grant feste de quarante chevaliers et de quarante escuiers, attendans dedens que madame la princesse devoit bouter hors de ses cambres à sa relevée, car elle estoit acoucie d'un biau fil. (FROISS., Chron. L., VI, c.1375-1400, 93).

C. -

[Intériorité d'un espace psychique]

-

Subst. + dedans. "Intérieur, d'ordre psychologique" : Car l'accion dedenz et sa bonne entencion par quoy il veult que son ami face tele oeuvre dehors est plus vertueuse et meilleur que se il meïsmes la faisoit. (ORESME, E.A.C., c.1370, 482).

-

De dedans. "Intérieur, du psychisme" : Il entent par sens les sens naturels comme veoir et oÿr, etc., et les vertus de dedenz comme la cogitative et ymaginative et par ce sont cogneüs les principes mathematiques, comme cestui : toute chose qui a partie est plus grande que sa partie, ou chascun tout est plus grant que sa partie. (ORESME, E.A.C., c.1370, 123).

-

Par dedans. "Dans l'intériorité de qqn" : Tu qui seul cognois les courages Au par dedans et les pensées Ains qu'elles soient apensées, Conseille moy par ta pitié (Mir. mère pape, c.1355, 380). ...pour ce qu'il se sont traiz et mis en l'espicial partie de Dieu et non pas a li servir de cuer ou par dedans seulement, mais en habit et estat par dehors singuliérement (Mir. Pierre Changeur, c.1378, 228). Oncques ne me pleurent ces papelars, et si me jugeoit bien le cueur qu'ilz n'estoient pas telz par dedans qu'ilz se monstroient par dehors. (C.N.N., c.1456-1467, 221).

-

Empl. subst. Le dedans de qqn. "L'esprit, la pensée, la vie intérieure de qqn" : ...et correspondoient toutes ses moeurs à la tournure de sa face. Avoit une identité de son dedans à son dehors ; et jugeoit son visage de ses moeurs, et ses moeurs tesmoignoient de sa physionomie (CHASTELL., Déclar. faits avent. Phil. Bourg. K., p.1467, 219).