I. -

Adj. "Mort" : ...environ XV jours après ce que dit est, et qu'il ouvroit de peleterie en l'ostel dudit deffunct messire Gerart, advint que, à un soir, l'en lui aporta à boire en une pinte avec un gobelet d'argent (Reg. crim. Chât., II, 1389-1392, 367). ...flus de lermes (...) ne cesse (...) à cause tant de diverses mors ou prises de leurs prouchains, si comme maris, enfans, freres, oncles, cousins, affins et amis, les uns deffunts par bataille, les autres trespassez naturelment en leurs lis (CHR. PIZ., P.V.H., 1416-1418, 17). ...la mort de la defuncte duchesse de Bourgongne, derrainement trespassée (FAUQ., II, 1421-1430, 101). Ou moys de juing ensuivant, messire Robert d'Estouteville, chevalier, seigneur de Beyne, qui avoit esté prevost de Paris par l'espace de XLIII ans, ala de vie à trespas oudit lieu de Paris. Et en son lieu le roy donna ledit office de prevost de Paris à Jaques d'Estouteville, filz dudit deffunct prevost, en faveur de ce qu'il disoit que ledit deffunct l'avoit bien et loyaulment servy à la rencontre de Montlehery et aultres divers lieux. (ROYE, Chron. scand., II, 1460-1483, 87). Et estoit ledit corps porté en une lictiere par les henouars de Paris ; laquelle lictiere estoit couverte et assemillée d'un moult riche drap d'or qui bien povoit valoir mil ou XIIc escuz d'or. Et dessus ladicte lictiere estoit la pourtraicture faicte dudit defunct roy Charles, revestu d'un bel habit royal, une couronne en la teste ; et en l'une de ses mains tenoit ung ceptre, et en l'autre le baston royal. (ROYE, Chron. scand., I, 1460-1483, 21).

II. -

Subst. masc. "Personne décédée" : ...les biens des quelz trespassez assis ou asseans en nostre royaume ou ailleurs, (...) appartenans aus dis prelas, gens d'eglise, barons, (...) à aucuns d'eulx par la succession des dis defuns, ou autrement. (Doc. Poitou G., t.4, 1372, 183). Requis s'il cognoist Perrete, femme Guillaume Le Courson, et jadis femme dudit defunct, qui moustrée li fu en jugement, dist par son serement que non (Reg. crim. Chât., I, 1389-1392, 269). ...[il] trouva à un jour la garderobe dudit deffunct ouverte, en laquelle il, tempté de l'ennemi, mal print une houpelande longue à usaige d'omme (Reg. crim. Chât., II, 1389-1392, 367). ...à la requeste de maistre Regnaut Rabay, executeur du testament dudit defunct (BAYE, I, 1400-1410, 177). ...la Court signifia audit Milon que le testament dudit deffunct et l'execucion d'icellui estoient submis à la Court (FAUQ., I, 1417-1420, 176). Et disoit on qu'il mourut par le courroux qu'il print de sa femme, qui fut fille maistre Nicole Erlant, en son vivant tresorier du Daulphiné, combien qu'elle eust de sondit mary tout le plaisir que femme en povoit avoir, et d'elle avoit eu XII enfans en mariage ; et avoit ledit deffunct au jour de sondict trespas XLIIII ans d'aage. (ROYE, Chron. scand., II, 1460-1483, 114). ...et adorer la tumbe ou sont et reposent les os du dict defunt (LA VIGNE, V.N., p.1495, 297).

-

Subst. fém. : Et de son consentement ont esté commis de par la Court sire Regnault Doriac, conseiller du Roy en sa Chambre des Comptes, et Pierre Le Verrat, escuier, pour faire et entendre au fait des enterrement, obseques et funerailles d'icelle defuncte. (FAUQ., III, 1431-1435, 75).