| 39 exemples | | 1 | ...le roy est ung sire de grant emprinse et de haulte et de noble voulence. (FROISS., Chron. M., XIV, c.1375-1400, 235). | |
| 2 | ...toutes prouesses et emprinses adventureuses cesserent grant tamps pour ce que ceulx qui de nouvel les devoient recommencier n'apparoient point de tant haulte emprinse (Percef. IV, R., c.1450 [c.1340], 482). | |
| 3 | Car madame Jaque de Baviere, qui succeda à toutes les contez et seignouries dessusdictes, fut femme de sa voulenté joyeuse et de grande emprinse, et toutesfois saige et subtile pour sa voulenté conduire selon son desir (LA MARCHE, Mém., I, c.1470, 91). | |
| 4 | ADAM. Mal en vendra, je le suppose, Mais, pour ce qu'a vous amour ay, A vostre emprinse en mengeray, Seulement pour sçavoir que c'est. (GRÉBAN, Pass. J., c.1450, 19). | |
| 5 | Autres, par encliner et tenir en reverence et chierté lez puissans dissolus, leur ont doné cueur et emprinse de soy estudier a vice, et leur ont osté la vergoigne de leur deshontee dissolution, que par leurs favorisans ont par volenté ensuye et desiree. (CHART., L. Esp., c.1429-1430, 53). | |
| 6 | Et quant vint à l'aborder, le seigneur de Ternant qui vit la contenance, la chaleur et la fiere emprinse de son adversaire, qui venoit sur luy comme pour rencontrer des corps avec leurs bastons, luy, pourveu de son sens, tout asseurement desmarcha en costiere, tellement que Galiot ne trouva riens devant et passa tout oultre, comme celluy qui marchoit de toute sa force, et, au passer, le seigneur de Ternant haulsa la hache et atteindit Galiot entre col et teste, et luy donna si grand cop qu'il le fit tout chanceller (LA MARCHE, Mém., II, c.1470, 74). | |
| 7 | ...les hommes de la ville qui point ne pensoient que Franchois deussent faire telle emprinse estoient encoires en leurs lis. (FROISS., Chron. M., XIV, c.1375-1400, 194). | |
| 8 | Mais l'entrepreneur mit la main dextre à la hache de son compaignon et moult asseurement se deffit de son emprinse, et de ce cop rua le bras au col de son compaignon (LA MARCHE, Mém., II, c.1470, 179). | |
| 9 | ...mais l'escuyer, qui moult estoit puissant, rabatoit et se deffendoit de l'emprinse de son compaignon, et d'ung rabat rompit la dague de la hache dudit messire Jaques (LA MARCHE, Mém., II, c.1470, 195). | |
| 10 | ...le premier des cappitainnes qui vint à Ousach, c'estoit Perrot Le Bernois pour monstrer que l'emprinse estoit sienne et aviser les compaingnons. (FROISS., Chron. M., XIV, c.1375-1400, 206). | |
| 11 | ...ce bon chevalier, pour mieulx valoir et honneur acquerre et embrasser, se partit de sa marche, tresbien en point et accompaignié, portant emprinse d'armes du congé de son maistre. (C.N.N., c.1456-1467, 246). | |
| 12 | ...IIIIe homme darmes [l.d'armes] et IIII archiers alans en Avrenchin pour resister à la male emprinse que avoient faicte les Bretons qui avoient prins Champeaulx (Compte Navarre I.P., 1367-1371, 273). | |
| 13 | Et elle, qui demandoit estre assaillie et combatue, ne laissa pas pourtant l'emprinse encommancée (C.N.N., c.1456-1467, 151). | |
| 14 | Quelque maniere ou menace qu'elle face, il ne veult laisser son emprinse, mais de plus en plus la pourchasse [Un seigneur harcèle une des servantes de sa femme] (C.N.N., c.1456-1467, 74). | |
| 15 | ...dont seulement la fierté de l'ordre, la resplendisseur des pompes et des armures, la contenance des estendards et des enseignes, estoit souffisant pour esbahir et pour troubler le hardement et la folle emprinse du plus hardi peuple du monde (LA MARCHE, Mém., II, c.1470, 265). | |
| 16 | " -- "Mon seigneur," diz je, "il est vray que je suis envoiez de par un noble et renommé escuier du royaume de France nommé Jehan de Saintré, lequel au premier jour de ce darrain mois de may par veux faiz presens pluseurs haultes et nobles dames et damoiselles, seigneurs, chevaliers et escuiers a grant nombre prinst emprinse de porter en son bras senestre un tres riche bracelet d'or paré de pierres precieuses, et ce par l'espace d'un an et jusqu'a tant qu'il treuve aucun chevalier ou escuier de nom et d'armes sans reprouche qui le veulle deliver des armes a cheval et a pié comme ceste lectre contient, si lui porteray le seelé de celui qui le devra delivrer, et pour ce faire il vient en ce roiaume tout premiers en la court de ce tresnoble roy, ou il sera un mois entier, actendant sa delivrance par un chevalier ou escuier tel que j'ai dit, et ou cas qu'il ne le trouvera cy, il yra semblablement a la court du roy de Navarre, puis au roy de Castille, et puis de Portugal, a chascune court demeurer un mois se il ne treuve son expedicion ainsin que j'ay dit. (LA SALE, J.S., 1456, 101). | |
| 17 | Mais riens n'y fut entreprins, ny ne survint audit pas aultre chose pour icelluy mois, ne jusques au mois de septembre que l'an de l'emprinse s'expiroit, et lequel mois de septembre fut honnorablement et chevaleureusement executé, comme vous ourrez cy après. (LA MARCHE, Mém., II, c.1470, 173). | |
| 18 | ..."nostre souveraine dame, il a pleu au roy moy donner congié de acomplir mon emprinse d'armes, dont veez ci le bracelet, a l'aide de Dieu, de Nostre Dame et de monseigneur Saint Michiel l'Ange, ainsin que en ceste lectre d'armes est contenu..." (LA SALE, J.S., 1456, 86). | |
| 19 | [Messire Henry au duc de Bourgogne :] Mon tresredoubté seigneur, je voy que ceans on murmure sur ce volet que je porte a mon bras, et pense on que je le porte par emprinse contre aulcun de gens. (CHASTELL., Chron. IV, D., c.1461-1472, 136). | |
| 20 | Et quant vous serez aucunement du corps plus puissant, alors veul que entreprenez aucunes gracieuses armes, dont porterez l'emprinse que je vous donray (LA SALE, J.S., 1456, 72). | |
| 21 | Et lors Saintré tres humblement lui dist : "Nostre souverain seigneur, il a pleu a Vostre Grace estre content que je portasse l'emprinse de ce bracelet pour acomplir armes a cheval et a pyé que vous veistes par escript, si vous vien tres humblement supplier que vostre bon plaisir soit moy donner congié tel que le XVe jour du mois de juillet, Messeigneurs mes freres et mes amis qui cy sont, qui de leurs courtoisies me veulent accompaignier, puissons a l'aide de Dieu, de Nostre Dame et de monseigneur Saint Michel l'Ange, partir et commencier mon voaige." (LA SALE, J.S., 1456, 94). | |
| 22 | Et en ce disant tira son emprinse de sa manche, enveloppee d'un delié couvrechief, et en la lui presentant la cuida baisier. (LA SALE, J.S., 1456, 233). | |
| 23 | ...tarda tant dehors qu'il se pensa bien qu'il la trouveroit nue et couchée. Mais il faillit a son emprinse. [Un mari veut punir sa femme qui l'a trompé] (C.N.N., c.1456-1467, 264). | |
| 24 | ...nous porterons ceste emprinse d'armes sur noz espaules senestres que cy veez, par l'espace de trois ans, et le surplus ainsin que en ceste lectre de noz armes pourrez a plain veoir (LA SALE, J.S., 1456, 237). | |
| 25 | ...la contesse fit demander par son chevalier lyseur le contenu des chappitres, lesquelz furent bailliéz prestement ; et iceulz leuz, ladicte contesse, par aveu et ordonnance du duc qui la estoit pres, donna congié que le More [représentant Guillame de Moullon] desployast son emprinse, et que cescun y touchast qui voulsist. (CHASTELL., Chron. IV, D., c.1461-1472, 128). | |
| 26 | Meriadec (...) luy dist : "Messire Henry, comment l'entendez vous ? Il samble a vous veoir que vous ayez le ceur soubz l'ele et que vous en volez a qui que ce soit. Toutevoyez Monsieur vous a il donné congié de porter emprinse ?..." (CHASTELL., Chron. IV, D., c.1461-1472, 133). | |
| 27 | [Messire Henry au duc de Bourgogne :] Mon tresredoubté seigneur, je voy que ceans on murmure sur ce volet que je porte a mon bras, et pense on que je le porte par emprinse contre aulcun de gens. Monsieur, je ne vous en ay pas demandé grace de la porter, de quoy je vous prie mercy se le mespris y est. Mes, Monsieur, ce n'est pas emprinse, mes l'ay en commandement de ma dame de le faire ainsy (CHASTELL., Chron. IV, D., c.1461-1472, 137). | |
| 28 | Et puis s'en vont de l'une a l'autre et prenent une emprinse d'une jarrectiere, d'un bracelet, d'une rondelle ou d'un navet - que sçay je, ma dame ? (LA SALE, J.S., 1456, 277). | |
| 29 | La, devant tous, Saintré leva l'emprinse de messire Nicole, et Boussicault de Galias, et lors le roy donna le jour. (LA SALE, J.S., 1456, 183). | |
| 30 | [Le duc de Bourgogne :] Puis qu'il a si grant fain de besongnier, il convient bien qu'il en ait ung. Ja est la troizieme ou IIIIe fois qu'il me tempte, et ne cesse de me presser que je luy baille homme pour faire armes. Meismes a Lille derrenierement voult aller lever l'emprinse de messire Pierre Wast et le faire lever en pleine table (CHASTELL., Chron. IV, D., c.1461-1472, 134). | |
| 31 | Moult joyeux se monstra ledit Galiot, quant il entendit qu'il seroit depesché en la maison de Bourgoingne de ce qu'il queroit, et ne faillit pas à venir, et s'adgenoilla devant le duc de Bourgoingne, luy requerant à genoulx qu'il luy donnast congié et licence de toucher à l'emprinse que pourtoit le seigneur de Ternant, et le bon duc le fit lever et luy donna le congié. (LA MARCHE, Mém., II, c.1470, 66). | |
| 32 | Les aultres chevaliers furent assiz aux aultres tables, et plusieurs chevaliers, orateurs et embassadeurs de divers royaulmes et pays avecques eulx, et là fut assis messire Jehan de Bonniface, chevalier arragonnois, à qui Jaquet de Lalain avoit touchié l'emprinse, et dont les armes se debvoient faire en celle sepmaine. (LA MARCHE, Mém., II, c.1470, 94). | |
| 33 | Et se celluy qui vouldra lever madicte emprinse ne me vouloit venir combatre devant mondit seigneur ou son commis, je l'iray combatre devant le Turc, moiennant que je puisse avoir bonne seurté. (LA MARCHE, Mém., II, c.1470, 393). | |
| 34 | Quant le XXXe jour fut venu aprés ce que Saintré eust osté l'emprinse au seigneur de Loissellench, et jour ordonné de commencier leurs armes, le seigneur de Loissellench fist ce matin soubz le hourt du roy porter XX grosses lances toutes armees fors de fers, sans avantaiges, ainsin que en tel cas appartient. (LA SALE, J.S., 1456, 152). | |
| 35 | Puis par deux heraulz et un varlet fist a messire Enguerrant porter ses deux haiches couvertes, pour en prendre le chois, ainsin que en son emprinse estoit contenu (LA SALE, J.S., 1456, 122). | |
| 36 | "...Et qui vouldroit regarder a la rigueur, quelque bien qu'il en venist, il en devroit bien estre pugny qui le fait autrement." Et en disant icelles parolles print leur lectre d'emprinse (LA SALE, J.S., 1456, 237). | |
| 37 | ...et fit publier ung an devant, par tous les royaulmes chrestiens, une emprinse d'armes, et y envoya roys d'armes, heraulx et poursuivans à ses despens, en intencion que luy, treziesme de nobles hommes, garderoient un pas, le temps et terme de six sepmaines, pour combatre et faire armes, fust à pied fust à cheval, à tous nobles hommes venans à icelluy pas. (LA MARCHE, Mém., I, c.1470, 283). | |
| 38 | ...et fist unes gracieuses lettres adressant à messire Jaques de Lalain, entrepreneur, luy confessant qu'il l'avoit veu par aucunes fois combatre en icelluy pas, et qu'il l'avoit veu en si chevaleureuse contenance, et avec tant d'adresse, de force et de vertu de chevalier, que luy, entrepreneur, garde et deffendeur d'icelluy noble pas, enluminoit et eslevoit si haut la renommée dudit pas, qu'il desiroit, sur tous les biens qu'il povoit jamais acquerir, donner confort à la dame de Plours, estre du très heureux nombre des combatans en ceste emprinse, et soy esprouver à l'encontre de luy, que l'on tenoit et reputoit en toutes parts chevalier tout rempli de vaillance, de vertu et de grace, luy requerant moult humblement qu'il luy donnast licence de povoir executer son emprinse (LA MARCHE, Mém., II, c.1470, 175). | |
| 39 | Auquel lieu et jour, ledit Barraut, suppliant, avoit fait partie à jouer à la paulme, lui tout seul, contre ung nommé Micheau Thipheneau, dudit lieu, et Guion Bordier, frère dudit Jehan Bordier ; et estoit l'emprinse telle que ledit Barraut, suppliant, jouoit à l'encontre des autres deux, chacune allée pour ung cartier de chevreau. Et advint que ledit Barraut, suppliant, perdit deux emprinses, entre lesquelles ilz furent en debat d'une chasse que ledit suppliant avoit jouée (Doc. Poitou G., t.9, 1451, 210). | |
|
