| 43 exemples | | 1 | Si qu', amis, je t'ay en couvent Que ce n'est riens fors umbre ou vent. Et qui le fait pour lui prisier Ou pour lui plus auctorisier, Y fait mal, car si fole emprise Fait li homs, si tost qu'il se prise, Qu'il boute orgueil et vanité En sa povre fragilité. (MACH., C. ami, 1357, 133). | |
| 2 | Li roys avoit fait une emprise, Einsois qu'Alixandre fust prise, Par son conseil que bon tenoit, Que se Dieux grace li donnoit Que la cité fust conquestée, Il passeroit, la teste armée, Tout outre pour un pont deffaire, Qu'est entre Alixandre et le Quaire. (MACH., P. Alex., p.1369, 91). | |
| 3 | Mais, s'il puet, avec lui menra Les chevaliers et l'amiraut De Rodes, qui moult scet et vaut, Et qui est de tres grant emprise, Dont chascuns l'aime et loe et prise. (MACH., P. Alex., p.1369, 57). | |
| 4 | Je vous di bien qu'il n'a signeur En Turquie de li gringneur, Ne qui face tant à doubter. De tous se fait trop fort doubter. C'est uns homs de trop grant emprise, Dont maint home le loe et prise. (MACH., P. Alex., p.1369, 163). | |
| 5 | ...li François (...) avoient gens de grant fait et de hardie emprise à le main. (FROISS., Chron. L., VI, c.1375-1400, 126). | |
| 6 | ...du cappitaine de la ville, qui moult bien advisa l'ost et le maintieng des gens, qui moult le prisa en son cuer, et bien dist que c'estoient gens de fait et de grant emprise, quant si pou de gent emprenoient a contrester contre l'effort du soudant qui avoit plus de cent mille Sarrasins. (ARRAS, c.1392-1393, 92). | |
| 7 | ...Car se Hardemens et Emprise Te font emprendre aucune emprise, Se tu en voes a bon chief traire Et toy garder de tout contraire, Si met Atemprance et Avis Ensamble, car il ont avis Plus grant que nuls des aultres n'aient (FROISS., Dits Débats F., 1363-1393, 108). | |
| 8 | ...Si se fierent, sus les escus, Des lances as bons fers agus. Par la force de leurs chevaus Et l'emprise des bons vassaus, Les lances volent en tronçons. (FROISS., Méliad. L., t.2, 1373-1388, 180). | |
| 9 | Et s'avons Dieu de no partie, Qui a ceste emprise bastie, Que ja ne se fust soustenue S'elle ne fust de lui venue : Il s'en puet aler qui vorra, Et qui bien vuet, il demourra. (MACH., P. Alex., p.1369, 105). | |
| 10 | Et estoient bien en l'aide dou roi d'Engleterre .XLM. homnes, toutes gens de fait et d'emprise, a ce que il monstroient. (FROISS., Chron. D., p.1400, 324). | |
| 11 | Et vostre parler est tant couard et de tant peu de emprise et n'avez tant de hardement que puissiez dire : "J'ay tel inconvenient." (Percef. III, R., t.1, c.1450 [c.1340], 116). | |
| 12 | Et sachiez que le roy tenoit les champs aucques ou millieu des pors de son royaume, pour plus tost estre ou les Sarrasins arriveroient pour prendre terre. Et faisoit le roy Uriien si grant semblant qu'il donnoit a ses gens si grant cuer que avecques lui et a son emprise, ilz eussent bien osé combattre de X mille que ilz estoient, que de pié, que de cheval, cent mille payens. (ARRAS, c.1392-1393, 128). | |
| 13 | Par l'emprise de Douls Samblant, L'autre ier au parler s'enhardi, Mes tantost s'en racouardi, Car vo varlet avant salirent (FROISS., Joli buiss. F., 1373, 191). | |
| 14 | ...Et celx qui cognoistre la doivent [la vérité] Ne la prisent ne ne reçoivent Plus que le porc les gemmes prise, Ainz sunt gens de si fole emprise Qu'il ne daignent mes oïr dire Fors truffles qui les face rire Et delecter en vanité. (Tomb. Chartr. W., c.1337-1339, 116). | |
| 15 | A ! mort, Que tu es d'oultrageuse emprise, Qui si tost ceste dame as prise ! (Mir. fille roy, c.1379, 23). | |
| 16 | Li princes eu palais monta, Et de chief en chief li conta De l'esquermuche, et leur emprise ; Comment la montaingne fu prise, Et comment leurs engins gaingnierent Et dedens Courc les amenerent... (MACH., P. Alex., p.1369, 172). | |
| 17 | ...je me fas fort Que Dieux si nous aidera Que nostre emprise a bien venra (Mir. fille roy, c.1379, 71). | |
| 18 | Ensi fuist Castille conquise, Par la puissance et par l'emprise Monsire Bartrem de Claikyn. (HÉRAUT CHANDOS, Vie Prince Noir T., c.1385, 98). | |
| 19 | ...le duc d'Orleans qui estoit en expedition publique en Guienne, et tenoit le siege devant Bourc près de Bordeaux (...) avoit defaut de finance, et toutevoie ne tenoit qu'à finance qu'il n'eust bonnes nouvelles de son emprise (BAYE, I, 1400-1410, 182). | |
| 20 | À Aymé Bourgois, escuier d'escuierie de mondit seigneur, la somme de quatre vins frans (...) pour enquerir et rapporter à madite dame l'emprise que l'en disoit que les princes et seigneurs de l'Alemaigne faisoient pour porter dommaige à mondit seigneur et à ses pais et subgiez (Comptes Etat bourg. M.F., t.2, 1419, 342). | |
| 21 | ...il convenoit doncq que par aulcune emprise et puissant armee encontraire de Edouard regnant ilz [les Français] alassent a secours a la reyne deboutee de sa couronne par descendre mesmes en Angleterre (CHASTELL., Chron. IV, D., c.1461-1472, 292). | |
| 22 | Si firent les Zassons leur emprise secretement, et par une noyre nuyct se partirent trois cens hommes à pied ou cheval, et moictié d'assault, moictié d'emblée, gaignarent le chastel de la Grange et se retraïrent à grant dangier ledit de la Plume et ses compaignons en une tour, et là se deffendirent moult vaillamment et plusieurs blessarent de leurs ennemis, et furent de leur part presque tous blessez et navrez. (LA MARCHE, Mém., II, c.1470, 22). | |
| 23 | ...dist aussi de l'excercite de la croisée et de leur venue ès confines de Turquie (...) où fut faicte par les chrestiens grande desconfiture de Turs, et aussi de la seconde emprise qui fut à Nichée, où semblablement les payans furent vaincuz. (SIMON DE PHARES, Astrol., c.1494-1498, f° 113 r°). | |
| 24 | Or sa, mes amis, puisque nous Avons pri congié de mon pere, E ausi de ma damme ma mere, Pansons d'acomplir noustre emprise. (Myst. st Sébast. M., c.1450-1500, 45). | |
| 25 | Laquelle chose venue à la congnoissance du seigneur de Charny et de ses compaignons, tindrent conseil en la chappelle de la Thoison, et proposa le seigneur de Charny, remonstrant à ses compaignons comment le temps des six sepmaines se passoit fort, et n'avoient nulles nouvelles, ne n'estoit apparent que plus ou peu fussent chargez d'armes nouvelles, et comment, à leur requeste, le duc leur avoit donné congnoissance de toutes emprises d'armes durant le pas, concluant que, par honneur, l'emprise du chevalier ne povoit ou debvoit plus avant aller, sans estre levée par l'ung d'eulx (LA MARCHE, Mém., I, c.1470, 324). | |
| 26 | Premierement, le seigneur de Charny fut, près du temps et espace d'ung an, accompaigné des seigneurs et nobles hommes escriptz et nommez cy après, et chascun en fournissant ses armes, et portoient tous par emprise chascun une garde devant, à la maniere de la garde d'un harnois de jambe, et la portoient au genoul senestre les chevaliers dorée, et semée de larmes d'argent (LA MARCHE, Mém., I, c.1470, 291). | |
| 27 | ...deux chevaliers, compagnons d'armes, se vinrent présenter aux deux princesses droit-là assemblées, et venus devant elles en grant révérence, leur requirent que pour l'honneur de noblesse et de chevalerie il leur plust, du gré et consentement de leurs maris, leur attacher à chascun l'enseigne d'une emprise qu'avoient mises sus pour faire armes (...). Sy reçurent les dames leur requeste agréable, et en l'honneur et par révérence du duc leur maistre et de leurs maris, leur attachèrent leur emprise, dont l'une fut un gant noir, lachié d'une d'une chaînette d'or qui tournoit autour du bras senestre (CHASTELL., Chron. K., t.3, c.1456-1471, 454). | |
| 28 | ...et quant le seigneur de Ternant seut l'intencion dudit Galiot et veit ce beau personnaige, et entendit la renommée de l'estrangier, luy, qui de longue main avoit desiré et quis de trouver party et sorte pour faire armes, se deslibera de executer à icelle fois ce que tant avoit desiré, et, par le congié du duc de Bourgoingne, son seigneur et son maistre, il chargea pour emprise une manchette de dame faicte d'ung delié volet, moult gentement broudée, et fit actaicher icelle emprise à son bras senestre, à une esguillette noyre et bleue, richement garnye de diamans, de perles et aultres pierreries (LA MARCHE, Mém., II, c.1470, 65). | |
| 29 | Si est vray que le chevalier alleman, homme de bon vouloir et de la retenue du duc, le jour que jousta porta ung volet broddé (...) ; et tout tel que l'avoit porté a la jouste, le soir du banquet, en pleine salle, vint atout lyé entour de son bras (...). Si commencerent gens a murmurer (...) car n'avoit onquez esté veu en nul ostel de prince [que chevalier] levast emprise sans aveu de cely (CHASTELL., Chron. IV, D., c.1461-1472, 133). | |
| 30 | Et en icelluy temps messire Diago de Valiere, le chevalier d'Espaigne, qui desjà avoit fait armes au pas à l'encontre de Thibault de Rougemont, et après congié et licence du duc, leva et chargea une emprise d'ung volet actaiché à son costé senestre, et le pourta à court et par la ville de Dijon publicquement. (LA MARCHE, Mém., I, c.1470, 324). | |
| 31 | Le chevalier, qui moult courtois estoit, les marcia moult honnorablement, et dit qu'il avoit chargé et levé son emprise par commandement de sa dame, pour accomplir certains chappitres d'armes qu'il avoit cloz et seelez d'elle (LA MARCHE, Mém., I, c.1470, 325). | |
| 32 | Lors sault avant Jaques de Challant, seigneur de Manille, et requist au seigneur de Charny et à ses compaignons, moult humblement, que luy fessent ceste grace qu'il peust lever icelle emprise. (LA MARCHE, Mém., I, c.1470, 325). | |
| 33 | ...pour tousjours savoir et entendre de voz bonnes nouvelles et conseil, lequel je vueil bien ensuivre et selon icelluy conduire mon affaire et emprise (Lettres Ch. VIII, P., t.4, 1495, 156). | |
| 34 | Et prestement qu'il eust son emprise chargée, il envoya le roy d'armes de la Thoison d'or devers ledit Galiot de Baltasin, pour lui signiffier et dire de par luy qu'il avoit chargé et eslevé une emprinse en intencion de faire armes, et pour luy l'avoit il prinse et chargée, en esperant d'estre par luy accomply de son desir (LA MARCHE, Mém., II, c.1470, 65). | |
| 35 | ...et conclurent pareillement que se emprise ou requeste d'estrangiers se levoit en l'hostel du duc en celluy temps, par accord du prince, iceulx gardans le pas en debvoient avoir la congnoissance avant tous aultres. (LA MARCHE, Mém., I, c.1470, 296). | |
| 36 | ...et ces douze droit-cy ayans touché à l'emprise que portoit le More, ne voulut pas le duc [que] plus avant touchast nullui [parce qu'il avait besoin de ses chevaliers pour d'autres tâches] (CHASTELL., Chron. K., t.3, c.1456-1471, 463). | |
| 37 | ...et ilz luy offroient liberalement que celluy qu'il choisiroit leveroit son emprise, et luy accompliroit et fourniroit son desir en ceste partie. (LA MARCHE, Mém., I, c.1470, 325). | |
| 38 | ...et sembloit que, par ces deux raisons, plus de nobles hommes seroient advertiz de son emprise, et pourroient plus de nobles hommes venir à son pas, et toucher à sa noble emprise (LA MARCHE, Mém., II, c.1470, 143). | |
| 39 | Mais quant a la besoigne faire, Des choses ferons impossibles ; Allons nostre emprise parfaire. (LA VIGNE, S.M., 1496, 515). | |
| 40 | Le lundi, quatorziesme de juillet suyvant, se presenta devant le conte de Nevers, juge commis en ceste partie, ung escuyer nommé Thibault, seigneur de Rougemont, lequel fut ordonné par les gardans le pas pour fournir à l'emprise dudit messire Diago de Valiere. (LA MARCHE, Mém., I, c.1470, 306). | |
| 41 | ...nous, accompagné de seize autres chevaliers et escuiers de nom et d'armes (...), porterons en la jambe senestre chascun un fer de prisonnier pendant à une chesne, qui seront d'or pour les chevaliers, et d'argent pour les escuiers, par tous les dimanches de deux ans entiers, commencans le dimanche prochain après la date de ces présentes, ou cas que le plus tost ne trouverons pareil nombre de chevaliers et d'escuiers de nom et d'armes sans reproche que tous ensemble nous vueillent combattre à pied jusques à oultrance armez chascun de telz harnois qu'il luy plaira portant lance, hache, espée et dague ou moins de bastons de telle longueur que chascun vouldra avoir pour estre prisonniers les uns des autres par telle condition, que ceux de nostre part qui seront oultrez, seront quictes en baillant chascun un fer et chesne pareils de ceulz que nous portons ; (...) avons (...) promis de accomplir l'emprise dessus déclarée (Ch. VI, D., t.1, 1415, 371). | |
| 42 | ...l'emprise ne portoit que joustes à roches, lesquelles il convenoit faire devant les dames qui n'estoient point droit-là, mais estoient à Quesnoy en Haynau (CHASTELL., Chron. K., t.3, c.1456-1471, 463). | |
| 43 | ...en gerre il n'i a nulle pité ne merchi ; et li varlet qui poursievent les gens d'armes, font plus a la fois, qant il se voient au desus de lor emprise, que on ne lor conmande. (FROISS., Chron. D., p.1400, 439). | |
|
