| 56 exemples | | 1 | Ma dame, que dites vous ! Je croy qu'il n'est creature humaine qui contre vous peüst venir car je croy que les sains que son[t] en paradis encherroyent du ciel pour vous aider. (Cardenois C., c.1380-1400, 86). | |
| 2 | Je [un brochet de fable, à ses petits] vous conseille que, se vous desirez vostre salut, que vous eschevez les roix en tant comme vous pouez ou, autrement, sachiez que, se vous encheez dedens, que vous vous en repentirez. (COLART MANS., Dial. créat. R., 1482, 147). | |
| 3 | ...de quoy Avis, meüs et enfourmés d'Atemprance, vous avisa, et monstra tous les perils ou vous poiés encheïr, et vous voloit estre bons moiiens en toutes vostres besongnes et pour pourveïr de remede contre les assaus perilleus de jalousie. (FROISS., Pris. am. F., 1372-1373, 151). | |
| 4 | ...aucun sage baron de France (...) veoient la pestilence et misère ou li royaumes estoit encheus. (FROISS., Chron. L., V, c.1375-1400, 162). | |
| 5 | ...par une queste que j'ay emprinse et que je n'ay point encores menee a fin a cause de la povreté en quoy je suis encheu, il m'a convenu servir premierement comme valet... (Percef. III, R., t.2, c.1450 [c.1340], 258). | |
| 6 | ...doncq, a dextre et senestre, Suis encheu en douleur amere (Myst. Pass. Troyes B., a.1482, 92). | |
| 7 | [Un tyran condamne un inventeur à essayer lui-même un engin de torture qu'il a inventé] Mais le tyrant ot le fait et l'oeuvre en horreur et lui dist qu'il y entreroit le premier affin qu'il experimentast en lui mesmes la chose qu'il devoit congnoistre en autrui. Et ainsi encheut en la fosse qu'il avoit apparelliee pour autrui. (COLART MANS., Dial. créat. R., 1482, 239). | |
| 8 | ...en brief temps, il [un animal de fable qui s'est fait apothicaire sans rien connaître au commerce] discipa et gasta tous ses biens et, devenu en mendicité, dist : "Mieulx vault vivre en povreté que d'encheoir en mendicité" (COLART MANS., Dial. créat. R., 1482, 240). | |
| 9 | ...par cest exemple appert qu'on ne doit pas injurier ne suppediter moindre de lui affin que secretement ilz ne nuysent, car souvent l'omme enchiet ou mal et ou dangier qu'il appareille a autrui. (COLART MANS., Dial. créat. R., 1482, 187). | |
| 10 | Pour quoy l'onocentaure, ainsi par son oultrecuidance deceu et de ses richesses privé et appovriz, dist : "A grant confusion enchoit qui des saiges conseil ne croit." (COLART MANS., Dial. créat. R., 1482, 228). | |
| 11 | ...ledit d'Alençon estoit ung prince de roial sang encheu en povre fortune confuse (CHASTELL., Chron. IV, D., c.1461-1472, 281). | |
| 12 | S'en sont pluseurs que je voy encheüz En desespoir, en dolour, en tristece Sens reveler... (MACH., App., 1377, 651). | |
| 13 | Pour ce donques, cellui qui neglige et despite le conseil proffitable, il lui convient prendre le dommaigeable et cellui qui trop asseuré se cuide, par droit il enchiet en la roix [comme les hirondelles de la fable qui, n'ayant pas voulu écouter les avertissements de l'hirondelle sage, sont tombés dans les pièges.] (COLART MANS., Dial. créat. R., 1482, 268). | |
| 14 | Cilz rois dans Piètres (...) ne daigna obeir, mès villena encores grandement les messages dou Saint Père, dont il enchei grandement en l'indignation de l'Eglise et dou chief de l'Eglise. (FROISS., Chron. L., VI, c.1375-1400, 187). | |
| 15 | Mais ne cuidiez que mon ardent desir J'osasse dire Ne raconter comment pour lui martire, Car trop doubtoye encheoir en son yre Mais bien pouoit cognoistre mon martire A mon semblant. (CHR. PIZ., Dit Poissy R., 1400, 211). | |
| 16 | Nous mandons et expressement commandons que diligemment rendez plaine obeissance sur la paine de enchoir en nostre imperiale indignation. (MARCADÉ, Myst. Pass. Arras R., a.1440, 20). | |
| 17 | "Sire de Saintré, nous voulons et vous commandons que sur peine d'encheoir en nostre indignacion, incontinant tous deux vous desarmez..." (LA SALE, J.S., 1456, 295). | |
| 18 | Amis, ne fai pas tel outrage Com de brisier ton mariage, Car vraiement, qui y enchiet, Dieus s'en couresse et l'en meschiet. (MACH., C. ami, 1357, 128). | |
| 19 | Les vesves et les orphenins, Tant masculins com femenins, Et les eglises dois deffendre, Et si ne dois riens dou leur prendre ; Car qui en ce vice encherra, Certeins sui qu'il li mescherra, Soit a la mort, soit a la vie, Car Dieus scet tout et riens n'oublie. (MACH., C. ami, 1357, 140). | |
| 20 | ...que aucunesfoys par mauvais conseil ne encheés en aucunes espesses de tirannies. (JUV. URS., Verba, 1452, 299). | |
| 21 | ...de soy trop haster n'est pas bon, on se doit bien garder d'encheoir en blasme. (Hist. seign. Gavre S., c.1456, 112). | |
| 22 | Dame (...) Vueillez moy garder de ses laz, Si que je n'enchiée ou solaz De luxure (Mir. enf. diable, c.1339, 7). | |
| 23 | Oultre plus nous lisons en la Scripture comment ambicion et voulenté de seigneurir a esté jadis cause de moult de maulx, et a tant fait que pluseurs se sont mescongneux et encheuz en tres griefs et mauvais pechiéz. (LEGRAND, Bonnes meurs B., 1410, 308). | |
| 24 | Et comme dist saint Pol aux Hebrieux ou .Xe. chapitre : "Bien fait a resongnier encheïr es mains de Dieu vivant". (DAUDIN, De la erudition H., c.1360-1380, 343). | |
| 25 | Et se sa loy enjoint abstinence, elle y adjouxte mesure, ad ce que par abondance le corps n'enchee en pechié, ou par faulte de nourrissement il ne se treuve en foiblesse. (CHART., L. Esp., c.1429-1430, 129). | |
| 26 | Encore veul et vous commande que bien vous gardez de ancheoir ne tumber, pour chose qui vous puist advenir, en nul des sept pechiés contre le saint Esperit, c'est assavoir de desesperacion, de presumpcion, de impugnier verité, de endurcir en pechié, de envie fraternelle, de lesion de charité, de desesperacion finale de penitence. (LA SALE, J.S., 1456, 40). | |
| 27 | La seconde maniere est quant aucun est racheté de pechié veniel, et si n'est mie enchoit en pechié mortel. La tierce maniere, quant aucun est racheté aprés ce que il est enchoit en pechié originel, conme sont lez enffans qui sont rachetés du pechié originel par le baptesme (Songe verg. S., t.2, 1378, 252). | |
| 28 | Tu scez que entre six manieres de racheter la plus parfaicte est preserver une personne tellement que point ne trabuche en la subjection de pechié quelconque, originel ou actuel, qui autrement, sans ta preservacion telle, y encherroit, comme on fait plus grant grace a ung homme le garder de cheoir en la boe que le relever depuis qu'il y est embatus. (GERS., Concept., 1401, 401). | |
| 29 | ...Que des agaiz a l'ennemy (...), vierge, me gart, Que n'y enchiée. (Mir. st J. Paulu, c.1372, 96). | |
| 30 | Sathan m'a (...) Fait de moult fors temptacions (...). Mais Dieu m'a touz jours pourveu Que je n'y sui point encheu. (Mir. st J. Paulu, c.1372, 133). | |
| 31 | Et, ou cas que il avoient che fait et voloient perseverer en che meffait, il estoient enceu et ataint de foi mentie. (FROISS., Chron. R., IX, c.1375-1400, 268). | |
| 32 | ...après qu'il fust dit et declaré ycelui de Montfort estre encheu en crime de lese majesté et avoir commis felonnie envers le Roy (Chron. Jean II Ch. V, D., t.2, c.1378, 353). | |
| 33 | Ses conseilleurs et amis l'enhorterent qu'il deust fere mourir un de ses subgiez, qui avoit mal dit de lui, et estoit encheu ou terme de lese mageste. (MÉZIÈRES, Songe vieil pèl. C., t.2, c.1386-1389, 151). | |
| 34 | ...et semble qu'il eust esté avisé de fait, afin (...) qu'il encheust en ycelle peinne, s'il venoit à faire plaider sa cause et avoir audience (BAYE, I, 1400-1410, 24). | |
| 35 | Quoyque dire me pourroies que tes douleurs te ramentois de ce dont ton cuer est en tristece, ne avoir ne puet joye, à cause de ton espoux et de ton ainsné filz, le conte de Eu par dure fortune, si que dit est devant, en bien faisant, en exposant leurs corps chevalereusement pour leur souverain seigneur et non par leur faulte encheus es mains de noz ennemis. Dieux par sa grace tost les te remaint à joye, et tous les autres nobles françois qui là sont ! (CHR. PIZ., P.V.H., 1416-1418, 38). | |
| 36 | Disoit en oultre que Charles, soy nagaires disant dauphin, n'avoit aucun droit de succeder oudit royaume de France, et que s'aucun droit avoit eu, il l'auroit perdu et s'en seroit rendu indigne, et seroient touz absolz de sa segnorie et de sa feaulté, et seroit encheu es paines temporeles et espiritueles pour occasion de l'orrible et detestable crime, commis et perpetré en sa presence, de son commandement, consentement et adveu, contre les seurtés jurées et par pluiseurs fois reiterées et passées avec le feu duc de Bourgongne, dont il apparoit et appert plus à plain par ses lettres. (FAUQ., II, 1421-1430, 73). | |
| 37 | ...et par l'autre arrest, pour non avoir obey audit arrest et aux commandemens à eulz fais sur peines, ont esté declarez encheuz es paines de IJc mars d'argent (FAUQ., II, 1421-1430, 230). | |
| 38 | ...les peines tant corporelles que civiles, en quoy nostre dit très chier et très amé cousin (...) pouvoit estre encheu (ESCOUCHY, Chron. B., t.3, Pièces justif., 1445, 119). | |
| 39 | ...ledit Jacques Cuer est encheu ès crimes de concussion et exaccions de noz finances et de noz païs et subgiez, de faulx, de transport de grant quantité d'argent aux Sarrazins, ennemis de la foy chrestienne et de nous, de transport de billon d'or et d'argent en grant nombre hors de nostre royaume, transgression des ordonnances royaulx, crime de lèse-maiesté (Doc. 1453. In : Aff. Jacques Coeur M., 1453-1457, 13). | |
| 40 | Cestui maistre Jehan en enchéy en procès devant les seigneurs du parlement, ses compagnons (CHASTELL., Chron. K., t.4, c.1456-1471, 101). | |
| 41 | Mais je vueil tout premierement que les convenances et ordonnances soient si fermement prises, escriptes, grossées, tabellionnées et scellées, que jamais en ruine ne en debat de touttes parties elles ne puissent enccoir [sic] ne venir (FROISS., Chron. M., XIV, c.1375-1400, 149). | |
| 42 | . : ...se l'obligé enchiet de son opposicion, il amendera de autant conme la cantité requise et desdommaigera partie de ses despens (Instruct. ensaign. B.G., c.1386-1390, 53). | |
| 43 | N'aies ja plait a nulle gent, Se tu n'as droit evidamment, Quart cilz qu'enchiet doit avoir honte, Son nom pert et le sien despent. (DUPIN, Mélanc. L., c.1324-1340, 115). | |
| 44 | ...et quant telles tumeurs s'en vont soudainement, se telles vulneres sont en la partie derriere, la pacient enchiet en spasme et en thethane (SAINT-GILLE, A.Y., 1362-1365, 88). | |
| 45 | Se paour et pusillanimité perseverent moult en aucun corps, c'est signe qu'il encherra en melencolie. (SAINT-GILLE, A.Y., 1362-1365, 92). | |
| 46 | Ha, Sire ! defen moy de telz manieres de fables et d'hommes incaultz afin que je n'enchiee en leurs mains et que je ne commette jamais telz choses. (Internele consol. P., 1447, 200). | |
| 47 | Chiers amis, il me samble, et voirs est, que j'ai ceste maladie concheüte par penser sougneusement a ma dame, ossi par regarder liement et volentiers sa douce phizonomie et la belle et plaisans maniere de li, dont tout le prisent. Or sui je en dur parti, car je regarde que pluiseur ossi propisce et digne d'encheïr en la plaisance de li, com je sui, y tirent ; de quoi la doubte de li perdre me met en grant esmai (FROISS., Pris. am. F., 1372-1373, 57). | |
| 48 | Vostre fille est encheue en l'art de musicque, mais elle n'en a rien aprins (Apoll. Tyr Z., c.1400-1500, 90). | |
| 49 | ...un anelet d'or il [un valet] portoit, Ou alefois ["parfois"] se deportoit ; Mes cheli il laissa cheïr Pour nous en parole encheïr [en offrant aux deux amoureux l'occasion de s'adresser la parole pendant qu'ils cherchent l'anneau] (FROISS., Joli buiss. F., 1373, 148). | |
| 50 | Atant est venus ou pallais li clergiez, Maix ne se donnent garde de la grant malvistiet Et il ne cudoient mie que li frere aligniét Se fuissent de teille chose jamaix ensoingnieir, Car il ne scevent mie en quoy la chose enquiét, Et pour ytant se sont de ceu fait quoysiét. (Lion Bourges K.P.F., c.1350, 859). | |
| 51 | Non pour quant li sans me fremi, Quant la plaisance me sourvint De ce qu'enceïr [var. encheir] me couvint A nommer le nom de la belle. Je m'en tins un grant tamps rebelle, Mes quant j'eus bien examiné Mon avis et determiné, Je m'excusai par une voie. (FROISS., Espin. amour. F., c.1369, 171). | |
| 52 | Et firent chargier, tourser et ensommeler tout leur harnois (...) et furent de ce faire grandement conseilliez, et bien leur enchey que ilz l'eussent. (FROISS., Chron. M., XII, c.1375-1400, 302). | |
| 53 | Item cil qui se enchiera encontre aucune ydole de buche, signifie qu'il ara mestier d'aucun grant seigneur, et si ne empetrera point ce qu'il demandera. (Expos. songes B., 1396, 65). | |
| 54 | S'en povreté iés enchëu Ou par l'anemi decëu, Marie tel gent reconforte. (Best. lap. Rosarius S., c.1330, 40). | |
| 55 | Dedens la chambre Alchioine est venus, Descoulourez, pales et esperdus, Et le peril ou il est encheüs Tout li revelle. (MACH., F. am., c.1361, 167). | |
| 56 | Et puisque il est ainsi, il s'ensuit que le mescheant ne sera onques fait beneuré ne celui qui est beneuré ne encherra pas en telles fortunes comme en chaït [l. enchaït] le roy Priant. (ORESME, E.A., c.1370, 136). | |
|
