| 18 exemples | | 1 | Or regarde que tu feras ! C'est un gieu parti que je te fais : se tu ne sers ton droit seigneur en sa guerre contre ta dame, tu es deshonnoré ; et se tu le sers contre ta dame, jamés ne t'amera pour bon servise que tu li saches faire, puis que tu aras esté a la destruission de ses parens. (HENRI FERR., Modus et Ratio, Songe pest. T., c.1354-1377, 110). | |
| 2 | Ainsy fist chilz, dont je vous conte, Son grant damaige et sa grant honte, Tant qu'encor en dure le blame, Pour faire forche a une fame, Ou il n'ot plaisanche ne bien, Car li delis ne valu rien, Quant gieu y ot si mal parti, Que la dame au gieu ne parti. (Echecs amour. K., c.1370-1380, 195). | |
| 3 | Dez Ronmains i out poy, que .XX. mile n'estoient, Et il i out .C. mile Barbarins fervetis. Pour ce furent Ronmains chu jour mout esbahis : D'un honme contre .v. n'est pas gieu bien partis. (Vie st Eust. 1 P., c.1350-1400, 155). | |
| 4 | Pour ce, dame, je vous demant Qu'a moy vueilliez dire commant Je me porray de li deffendre, Car si gieu [de Fortune] sont pour un cuer fendre, Mais qu'il soit de loial amant, Et fust plus dur que dyamant, Et s'aus autres est si diverse Et de nature si perverse Comme a moy, qu'elle eüst occi, Se Dieus ne vous eüst tost ci Amenée, pour moy destordre Dou mors dont elle me volt mordre. (MACH., R. Fort., c.1341, 87). | |
| 5 | Car j'aime mieulx loing m'enfouïr Que souffrir tousjours et oÿr Si grant reproche De Villain Cuer et Male Bouche, Qui nuit et jour en gieu me couche, Par raison qui n'est gueres douche. (Chev. dames M., c.1462-1477, 92). | |
| 6 | Le consule l'assault tantost, Car de ce ne se donnoit garde ; Tost ot desconfit l'avant garde, Voire tout son ost, a voir dire, Et ot Bremus du gieu le pire, Car occis y fu mesmement, Et tous ses gens mis a tourment De la terre de Gaule, qui Dicte est France (CHR. PIZ., M.F., III, 1400-1403, 197). | |
| 7 | Et puis moult bien [le roi] les festia, Et fist jouster en leur presence Ses chevaliers maint cop de lance. Li Sarrazin se mervilloient Coment il ne s'entretuoient ; Car il sont dou gieu desapris, Pour ce qu'il ne l'ont pas apris. (MACH., P. Alex., p.1369, 126). | |
| 8 | Et, premier, de la nativité de Remus et de Romulus (...) et puis du gieu lupercal (LA SALE, Sale D., 1451, 14). | |
| 9 | Et aucune foiz quant le corps repose, ne repose pas la pensee pour les sollicitudes et les cures precedentes que l'en ne peut pas tousjours legierement deposer ne oster. Et pour ce est en tel cas tres utile et tres proffitable gieu et esbatement pour teles sollicitudes deposer a temps, jusques a tant que la pensee soit aussi comme reposee et recrëee, et que les esperis repreingnent leur vigeur. (ORESME, E.A.C., c.1370, 270). | |
| 10 | Qui tient en fieu De tel seignieur, ce n' est pas gieu. (CHART., L. Dames, 1416, 266). | |
| 11 | Et celui qui superhabonde et est appelé bomoloche il est mendre en mauvaistié que n'est le deriseur, et ne se depart ou ne delaisse pas ses fais ou diz ne les fais ou diz des autres ou cas que il les peut tourner et convertir a gieu ou a risee. (ORESME, E.A., c.1370, 272). | |
| 12 | Eu grec, c'est bien ou bon, et trapeles c'est tournant. Et pour ce, eutrapele est celui qui scet bien a point tourner les paroles a gieu et esbatement. (ORESME, E.A.C., c.1370, 270). | |
| 13 | Si vueil bien qu'à ma dame appere Qu'elle ma joie en doleur change Et que sa bele face clere Me destruit, tant de meschief sen je, Et que gieu n'ay, revel ne chant, N'einsi com je sueil plus ne chant, Pour ce qu'Amour, mi oueil et son corps gay M'ont à ce mis que pour amer morray. (MACH., Bal., 1377, 539). | |
| 14 | Ne savoie, Quant fui pris, Se j'estoie Mors ou vis ; N'entendoie Gieu ne ris, Eins sambloie Homs ravis ; Ne queroie Paradis, Autre joie (MACH., Lays, 1377, 427). | |
| 15 | Tel vie trop souvent demenoit, Tant que mont grant gieu en fesoient Ceulz du païs qui ce veoient (Vie st Evroul S., c.1350, 134). | |
| 16 | S'ainsi faittes, je vous crëant Que vos joies verrez doubler ; Par ce pourrez faire muer Toutes vos tristesses en gieu (CHR. PIZ., Cent ball. amant dame C., c.1409-1410, 169). | |
| 17 | Mais en mil jour ne vous diroie Le gieu, la feste et la grant joie Que ceuls d'Alixandre menoient, Des prisonniers qui revenoient, Car l'un y avoit son voisin, L'autre son frere ou son cousin, Et l'autre son oncle ou son pere. (MACH., P. Alex., p.1369, 189). | |
| 18 | S'il [les hommes riches] ne sont loiaus et preudommes, Hardi, large comme Alixandre Pour leur grant richesse despendre, Et sages aussi pour vëoir A leurs grans fais et pourvëoir, Sans gieu de dez, sans taverner, Il ne puelent bien gouverner. (MACH., F. am., c.1361, 185). | |
|
