| 31 exemples | | 1 | C'est temps perdu que de moy enorter A m'esjouïr, rire ne deporter : On ne me puet nouvelles apporter Ne langage si plaisant qui me plaise ; Plaindre et plourer sont mes jeux et mon aise. Je n'ay soussi jamais comme tout voise (CHART., Compl., 1424, 323). | |
| 2 | La endroit confessa la vielle au cueur hydeux Comant a la roÿne joua de villains jeux Qu'elle la fit banir par ses faiz orgoilleux Et aller en essil et ses enfans tous deux, Aussi comme envoya le varlet mallereux Couchier avec la dame au gent corps gracïeux ; Toute la traïson et sez faits engigneux Compta la faulce vielle en presence de ceulx (Flor. Octav. L., t.1, c.1400, 295). | |
| 3 | Ainsi fu accordé, et vindrent a Romme et trouverent les unes devisans, les autres jouans au bric, les autres a qui fery, les autres a pincemerille, les autres jouans aux cartes et aux autres jeux d'esbatement avecques leurs voisines. Les autres, qui avoient souppé ensemble, disoient des chançons, des fables, des contes, des jeux partis. Les autres estoient en la rue avecques leurs voisines, jouans au tiers et au bric ; et ainsi semblablement de plusieurs jeux. (Ménagier Paris B.F., c.1392-1394, 53). | |
| 4 | ...debat se meut entre eulx sur un de leurs jeux, telement que le dit Gilet dist au dit Chauvet que il avoit perdu un jeu, et icellui Chauvet lui respondi que non avoit. (Doc. Poitou G., t.7, 1404, 50). | |
| 5 | Cellui jour Grec sont desconfis, Mal vait li jeux a leurs prouffis. (CHR. PIZ., M.F., III, 1400-1403, 78). | |
| 6 | Li jeux yra d'autre façon En peu d'eure, et, se voulsist Fortune, cellui qui s'en ist De la cité, en petit d'eure, Auroit mis Troyens au desseure, Mais Meseür ne le volt pas, Qui vouloit Troyens mettre au bas, Par leur tollir un tout seul homme, Qui de leur confort ert la somme. (CHR. PIZ., M.F., III, 1400-1403, 101). | |
| 7 | ...1 eschequier de bateure et de cristal, à perles dedens, garny des jeux de cristal et de marbre vermeil (Comptes argent. rois Fr. D.-A., I, 1353, 323). | |
| 8 | L'evesque dessusdit disoit que ledit roy Edouard avoit promys foy de mariage à une dame d'Angleterre (qu'il nommoit) pour ce qu'il en estoit amoureux, pour en avoir son plaisir, et en avoit faict la promesse en la main dudict evesque. Et sur ceste promesse couchat avec elle, et ne le faisoit que pour la tromper. Toutesfois, telz jeux sont bien dangereux : tesmoing ces enseignes. (COMM., II, 1489-1491, 305). | |
| 9 | ...elle s'en ala en la compaign[i]e d'icelle Jehennette veoir les jeux que les menesterelz fesoyent ès hales. (Reg. crim. Chât., I, 1389-1392, 265). | |
| 10 | ...huit livres cinq solz (...) que il bailla (...) au Turc de monseigneur de Bourbon, pour don à lui fait par ledit seigneur, pour considération de plusieurs jeux et esbatemens que il a faiz davant luy (Comptes roi René A., t.3, 1451, 37). | |
| 11 | Si avint que, quant Berinus et Cleopatras furent espousé, chascuns se pena de faire joye et revel, ne nulz ne vous pourroit dire ne deviser les diverses manieres de jeux qui y furent faiz, ne nulz ne pourroit croire le grant pueple qui y estoit assemblé de pluseurs païs, pour le renon de la feste qui y devoit estre. (Bérinus, I, c.1350-1370, 187). | |
| 12 | ...ledit supliant et autres estoient au carrefour Saint-Hilaire veoir jouer les jeux, et puis s'en allèrent hors ladite ville, pour estre à une repetition de certain jeu qu'ilz voulloient jouer de la Sainte Hostie, où ledit suppliant receut ung rolle pour estre du jeu. (Doc. Poitou G., t.12, 1476, 88). | |
| 13 | Et le mardi et mercredi ensuivant, second et IIJe jours de juing, vindrent en l'ostel de Neelle, acompaigniez de ducs, contes, duchesses, contesses, chevaliers, dames et nobles de France et d'Angleterre, veoir les jeux et personnages de la Vie saint Georges, à la supplicacion d'aucuns habitans de Paris qui s'entremetoient d'iceulz jeux, qui durerent par les deux jours dessusdis, feriers de Penthecouste. (FAUQ., II, 1421-1430, 50). | |
| 14 | C'est tout pour rire, mais qu'il n'y eust peril, leur ouir dire leurs raisons où le plus fol parle premier à tout son tablier devant soy. Ce semble un droit jeux de personnages fait par mocquerie, et sur ce fondent ilz en leurs contenances et parlers pour ce que ilz les ont ouy en ces farces que on fait, cuident que on doie par tel maniere prononcer et asseoir son langaige, un pié avant et autre arriere, tenant les mains au costé, il n'est plus d'egalle. (CHR. PIZ., Paix W., 1412-1413, 131). | |
| 15 | À Colart le Beuf, bourgois de Hesdin, pour don à luy fait par MdS, pour récompensation de certains frais et dommaiges qu'il a eus en sa maison, pour ce qu'elle a esté rompue affin de veoir les jeux de personnaige (Comptes Lille L., t.1, 1440-1441, 380). | |
| 16 | Autre taille de vers sizains se font en moralitez et jeux de personnages, souverainement en reproches ou redargutions ; et sont communement de six lignes, de cinq et de .vj. sillabes. (MOLINET, Art rhétor. L., c.1482-1492, 218). | |
| 17 | Et lors, ainsi comme elle qui parle tenoit lesdiz deux chapeaux, fais oudit jeudi ou vendredi, en une de ses mains, s'apperu à elle un annemi en façon et estat des ennemiz que l'en fait aus jeux de la Pacion, sauf tant qu'il n'avoit nulles cornes. (Reg. crim. Chât., I, 1389-1392, 356). | |
| 18 | Et quant il eust donné l'eaue benoite, closes les courtines et donnee la bonne nuyt, il s'en ala en sa chambre, ou il demeura tant que la tresdesiree heure vint que Madame et lui furent ensemble. Lors de baisier et de rebaisier, de jouer et de deviser aux jeux et devises que le dieu d'amours leur avoit commandé. (LA SALE, J.S., 1456, 232). | |
| 19 | Adont par Fortune avenu Est ainsi que la fu venu Layus, qui de Thebes fu roy, Avec sa gent, en noble arroy, Pour veoir les jeux ; cil fu pere Edippus, qu'aventure amere Mena celle part (CHR. PIZ., M.F., II, 1400-1403, 288). | |
| 20 | Cestui fonda une cité nomée Aclydem, assize au pié du mont Olympus, jouxte Macedone, et y ordonna les jeux que ce faisoit de V ans en V ans que l'on appella Olympiades (SIMON DE PHARES, Astrol., c.1494-1498, f° 26 v°). | |
| 21 | Un jeux a pris a aviser Et, en mains lieux, crier a fais Les beaulx tournois, qui seront fais A Romme, et joustes nouvelles ; "Si viengnent dames et pucelles, Pour veoir les gracïeux jeux, Que feront les fors couragieux". (CHR. PIZ., M.F., III, 1400-1403, 182). | |
| 22 | Celle fit son voloir, quar elle avoit grand peurs. Je ne sçay si ly bers luy joua de ses jeux, Car toujours vers les dames estoit guaiz et songneux De faire ces besongnes dont on est sy honteux, Mais de demorer la n'estoit pas trop esmeux. (Flor. Octav. L., t.1, c.1400, 350). | |
| 23 | N'entendoient ilz l'Escripture, Qui dit a humaine nature Que "verité si est la somme Des vertus ?" Ce doit noter homme, Car, certes, li homs mençongieux Soit ou a certes ou par jeux, Se souvent il s'i accoustume, Ne peut, s'il a ceste coustume, Estre vertueux, bons, ne sage, Et sanz grant fraude, et ce bien sçay ge. (CHR. PIZ., M.F., II, 1400-1403, 48). | |
| 24 | Et, se m'aist Dieux, Se vous voulez, sans point de jeux, A mon retour, Ce vous diray et sans sejour Qu'il m'en semble pour vous, pastour, ou pour vous pasteure d'atour, Et tellement Que je croy bien que nullement Je ne faudray... (RENÉ D'ANJOU, Regn. et Jann. R., c.1457-1461, 96). | |
| 25 | O inhumains et dommaigeux, Qui nom portez de seigneurie, Vous prenez les pleurs d'homme a jeux, Mais pas n'est temps que seigneur rye, Quant on voit charité perie, Qui est des vertus la maistresse. Povres gens ont trop de destresse. (MESCHIN., Lun. princes M.-G., c.1461-1465, 54). | |
| 26 | A ces mos sen compte fina, Le vin de congiet demanda Pour faire les gens departir Qui se ralerent rasseïr Parmi la salle qui mieux mieux, Afin de juer d'aucuns jeux, As dez, as tables et eschez. (Dit prunier B., c.1330-1350, 64). | |
| 27 | Et lors vit que ledit Pelerin, qui estoit moult eschauffé de jouer aus dez ou aus croix et aus piles, requist lui qui parle et lesdiz compaignons qui estoient à ladite table qu'ilz jouassent ausdiz jeux (Reg. crim. Chât., II, 1389-1392, 141). | |
| 28 | Deffendez leur [aux chambrières] le mentir, jouer a jeux illicites, de laidement jurer, et de dire parolles qui sentent villenies ne parolles deshonnestes ne gouliardes... (Ménagier Paris B.F., c.1392-1394, 128). | |
| 29 | La .VIe. branche d'avarice si est le hazart. Si est quant on joue aux dez pour gaignier l'argent d'autruy ; et y a moult de barat, de couvoitise, et d'avarice et de decepcion : si comme faulsement compter et de argent prester pour gaignier, comme prester XII. d. pour XIII. d.. Et en telz jeux sont faiz moult de seremens et de mauvaiz, comme de jurer Dieu et Nostre Dame et tous les sains de Paradis, et sont faiz et diz moult de maulx. Pour ce s'en doit l'on garder. (Ménagier Paris B.F., c.1392-1394, 34). | |
| 30 | ...au devant leur furent, si qu'ilz assemblerent à bataille delez le mont, que on dit Cotherel, en laquelle ot moult fiere meslée de la quantité de gent et moult d'occis, comme coustume est de telz jeux, de toutes les .II. pars (CHR. PIZ., Faits meurs Ch. V, S., II, 1404, 122). | |
| 31 | La dame qui toute honneste sera vouldra que ses femmes le soyent, sur peine d'estre mises hors de sa compaignie. Si vouldra qu'elles s'esbatent a jeux honnestes, et non telz que hommes s'en puissent moquier ne tenir leurs paroles, si que font voulentiers de femmes, quoy que ilz se rient et jeuent avecques elles (CHR. PIZ., Trois vertus W.H., c.1405, 72). | |
|
