| 10 exemples |
| 1 | Et pour ce que n'estoie mie Toudis en un point, m'estudie Mis en faire chansons et lais, Balades, rondiaus, virelais Et chans, selonc mon sentement, Amoureus et non autrement ; Car qui de sentement ne fait, Son ouevre et son chant contrefait. (MACH., R. Fort., c.1341, 15). |
|
| 2 | Si m'avisay que je feroie Selonc ce que je sentiroie Pour vous et a vostre loange Lay, complainte ou chanson estrange ; Qu'a vous n'osasse, ne sceüsse Dire autrement ce que j'eüsse, Et me sambloit chose plus bele De dire en ma chanson nouvelle Ce qui mon cuer estreint et serre (MACH., R. Fort., c.1341, 131). |
|
| 3 | Mais pour ce que je ne vueil mie Que m'amende ne soit païe, Pour la paier vueil sans delay Commencier un amoureus lay. (MACH., J. R. Nav., 1349, 282). |
|
| 4 | Quant je os fait le dit et le chant De ce joli lai, que je chant Moult souvent en la remembrance De ma dame et douce Esperance, Je le fis escrire et noter ; Si bien qu'on n'i peüst noter Fors tant, sans plus, qu'en Bon Espoir Vivre et servir ma dame espoir. (MACH., Voir, 1364, 400). |
|
| 5 | Depuis ai je les vers rimés Dou lai, ou grant plaisance avoie (FROISS., Pris. am. F., 1372-1373, 156). |
|
| 6 | NOSTRE DAME. (...) En alant touz trois chanterez Rondel ou lay. (Mir. Berthe, c.1373, 189). |
|
| 7 | Car faire vueil sans demour De mon amoureus labour Un piteus lay Que je nomme et nommeray Le lay de plour ; De mes larmes en destour L'arrouseray (MACH., Les lays, 1377, 434). |
|
| 8 | Retorique versefier Fait l'amant et metrefier, Et si fait faire jolis vers Nouviaus et de metres divers : L'un est de rime serpentine, L'autre equivoque ou leonine, L'autre croisie ou retrograde, Lay, chanson, rondel ou balade ; Aucune fois rime sonant Et, quant il li plaist, consonant ; Et li aourne son langage Par maniere plaisant et sage. (MACH., Prol., c.1377, 11). |
|
| 9 | Chantres chantans a plaisances, sans loy, Galans, rians, plaisans en faiz et diz, Coureux alans francs de faulx or, d'aloy, Gens d'esperit, ung petit estourdiz, Trop demourez, car il [le pauvre Villon] meurt entandiz. Faiseurs de laiz, de motés et rondeaux, Quant mort sera, vous lui ferez chaudeaux ! (VILLON, Poèmes variés R.H., c.1456-1463, 68). |
|
| 10 | Item, a maistre Ythier Merchant, Auquel mon branc laissay jadiz, Donne, mais qu'il le mecte en chant, Ce lay contenant des vers dix, Et au luz ung De profundiz Pour ses ancïennes amours, Desquelles le nom je ne diz, Car il me hairoit a tousjours. (VILLON, Test. R.H., 1461-1462, 85). |
|
