C.N.R.S.
 
Exemples de l'entrée 
StructureSans exempleCompletFormesExemples
FamilleTextesSourcesImpressionAide à la lecture
PLAIE1
  Tri :
35 exemples
 1 Adonc la tendre humanité s'avance, Moustrant a Dieu la plaie de la lance Que sa char ot quant fu crucifiie. (Mir. chan., c.1361, 184).
 2 Chaut en toute plaie est de tres grant seurté, quant il fait sanie : tel amollie le cuir, il est mittigatif des rigours, des spasmes, des thetanes, garit la groscece de la teste, aide aux fractures des oz, toutesfoiz plus ou il a plaie de char, aide tres grandement a ceulx qui ont plaie en la teste, aide a tous les membres qui sont mortiffiez par froidure, aux plaies corrosives, confere a la verge, a la vessie, a la maris (SAINT-GILLE, A.Y., 1362-1365, 82).
 3 Et furent ses plaies tentees, mais les mires dirent qu'il n'y avoit chose par quoy il se laissast aarmer, dont ilz louerent Dieu. (ARRAS, c.1392-1393, 233).
 4 ...l'un desdiz cordouanniers lui dist qu'il estoit un camus punaiz, et pour ce espia à une autre foiz icellui cordouannier (...) et bailla d'une espée et fit plaie audit cordouannier (BAYE, I, 1400-1410, 48).
 5 DEUS. (...) N'aiez peur, pas ne t'esmaiez, Fiche ta main dedans ma plaie. Soie feal et non mescreant. (Pass. Semur D.M., c.1420 [1488], 268).
 6 Cestui Crispinus fut porté morir a Romme, de ses playes, par la mort duquel les Rommains furent tresesbahis (LA SALE, Salade, c.1442-1444, 39).
 7 Mes amis, de ceste touaille Vous nettiray ung pol vous playes, Car assez en avés de layes Et d'ouvertes a habondance (Myst. st Adr. P., c.1450-1485, 133).
 8 Playe, c'est solucion de continuité faites en membres consimilz et officialz et ainsi est maladie commune de l'un et de l'autre (GORDON, Prat., c.1450-1500, I, 25).
 9 Et, fut congneu manifestement que c'estoit ledit de Bourgongne à six choses : la premiere et la principale fut aux dens de dessus, lesquelles il avoit autrefois perdues par une cheute ; la seconde fut d'une cicatrice à cause de la plaie qu'il eut à la rencontre de Montlehery en la gorge, en la partie dextre ; la tierce, à ses grans ongles qu'il portoit plus que nul autre homme de sa court ne autre personne ; la quarte fut d'une plaie qu'il avoit en une espaule à cause d'une escharboucle que autrefoiz y avoit eue ; la cinquiesme fut... (ROYE, Chron. scand., II, 1460-1483, 41).
 10 Baiser vous veulx, las, tout atrest, En grant regré, Et en destret, - et voz playes acoler veulx ! (Pass. Auv., 1477, 257).
 11 Item une playe faicte en tres petit et pou de temps fait une fissure perpetuel. (Somme abr., c.1477-1481, 177).
 12 Playe est solucion de continuité nouvelle, sanguinolente, sans poureture, faicte en parties molles. (PANIS, Guidon, 1478, tr.III, doct.1, chap.1).
 13 Et après ce de pierres dures Ses plaies et ses bleceures Fort li frotez. (Mir. st Ign., 1366, 81).
 14 ...la solucion des os qui est faicte en os par incision d'espee ou son semblable tranchante ou pertuisante et est appellee playe des os (PANIS, Guidon, 1478, tr.III, doct.1, chap.5).
 15 ...ledict Xerses fut navré de deux playes et mis en fuite. (SIMON DE PHARES, Astrol., c.1494-1498, f° 46 v°).
 16 DIEU. (...) Sus ! Raphael, or te dispose D'aller mon martir conforter, Et vueille se linge porter Pour essuier ses dignes playes. (Myst. st Laur. S.W., 1499, 233).
 17 ...et quiconques les enfraindera par fait dont mort, affolure ou plaie ouverte que l'en dit plaie à banllieue, s'ensieue, pugnis sera de paine capital (Hist. dr. munic. E., t.1, 1379,,, 395).
 18 ...car ce que est meu en corps meu continuelment et samblablement et sanz faire plaie, c'est a dire percussion et division, c'est impossible que il face son. (ORESME, C.M., c.1377, 474).
 19 L'AFFINEUR. Se ploye avoit patente, FINE MYNE. Mectre y fault une tente (Sots mal., c.1480, 91).
 20 Nous lisons en I>Exode/I> que Pharaon si greva le peuple de Dieu par grans afflictions et il fu tormenté de pluseurs grieves plaies par celui meisme peuple. (FOUL., Policrat. B., VIII, 1372, 110).
 21 Helas, ceste plaie a jà longuement duré sanz remede, et si n'y a ancor aucun qui l'ait confortée (BAYE, I, 1400-1410, 103).
 22 Amour d'argent commendera a un p(a)illart ou sodoyer aler en bataille, et soy exposer a playes, a fain, a soif et a mort : il y obeyra. (GERS., Concept., 1401, 411).
 23 ...Marcus Curtius, aymant la chose publique, se voulut exposer pour icelle, sachant que par le moïen d'un homme la grieve playe cesseroit, si se gecta dedans tout armé et cessa la maledicion. (SIMON DE PHARES, Astrol., c.1494-1498, f° 50 r°).
 24 ...car nul ne doit improperer ou reprouchier a un homme ce que il est aveugle se il est tel de nature et de nativité ou par cause de maladie ou par une plaie. (ORESME, E.A., c.1370, 200).
 25 Vueilliez consentir orendroit Qu'estre curee selon droit Puist la plaie contagieuse, Qui cueurt si pestilencieuse Que les hommes tous envenime (CHR. PIZ., Chem. estude P., 1402-1403, 123).
 26 Aucuns parlent des .X. plaies d'Egipte Et des meschiés qu'Alixandres fist Daire, Mais vraiement, c'est chose tres petite Contre ce que ma dame me fait traire, Qui me fait tant de grieté Que de tous ceaus qui sont et ont esté Onques nuls n'ot tel dolour com la moie ; Dont je me tieng pour mort où que je soie. (MACH., L. dames, 1377, 180).
 27 ...pour ce que cellui roy tenoit le peuple en sa servitude trop subgiet Dieu envoia dix plaies sur Egipte (CHR. PIZ., Paix W., 1412-1413, 126).
 28 ...quant tu mediteras premierement sur la diuine prouidence qui par sa bonte a ordonne si grans et si dignes remedes pour nous saner et guerir des plaies de nos pechiez. (CIB., p.1451, 188).
 29 ...mais se on n'y pourvoit diligemment, et qu'on donne et laisse temps et loisir à ce Turc de soy mectre bien en point par mer et par terre, il n'est nulle doubte qu'il ne fasse grand préjudice aux chrestiens, et ne face grande playe et bresche à la chrestienté, dont Dieu nous gart par sa bonté ! (Doc. 1453. In : CHART. J., Chron. Ch. VII, V., t.3, c.1437-1464, 35).
 30 ...oy aussi maistre Jehan Le Conte, cirurgien juré du roy, qui dist que la playe faite audit feu Criquetot en la teste fu d'une hache, si comme il croit en sa conscience. (Reg. crim. Chât., I, 1389-1392, 409).
 31 Puis vint au conte, et le cuide lever, mais ce fu pour neant, car il estoit mort. Et quant Remondin vit la playe et le sang qui en yssoit a grant randon, il fu moult doulens (ARRAS, c.1392-1393, 22).
 32 Assez tost aprez vendront les veneurs et de ses gens qui apporteront le conte mort en une lettiere ; et semblera a tous que la plaie soit faicte des dens du porc, et diront tuit que le senglier l'a mis mort (ARRAS, c.1392-1393, 27).
 33 ...le roy (...) se dreca en son seant, et print l'espee par la poingnie que Uriiens lui tendoit et lui donna la collee en disant : Ou nom de Dieu, chevalier soiez, qui vous ottroit amendement. Et puis lui baille l'espee. Et en ce faisant, ses plaies lui escreverent, et en yssi le sang a grant randon parmy les bendeaux. (ARRAS, c.1392-1393, 119).
 34 ... il souffroit grant hachie, car le venin qui estoit en la plaie lui bruissoit tout le corps. (ARRAS, c.1392-1393, 121).
 35 Mais partons nous de cy, car il est bien temps de reposer. Car vous avez fait journee assez qui bien doit souffire (...) et si avez besoing et mestier que voz plaies soient visitees (ARRAS, c.1392-1393, 233).
DMF 2020Robert Martin
Fermer la fenêtre