65 exemples | 1 | Et promist ledit procureur, par son serement fait es noms et es ames des diz mariez et par la foy de son corps pour ce baillee es mains des diz notaires jurez comme en la nostre, a non venir, faire ne souffrir a venir par lui ne par autres, jamais a nul jour, par quelque voie, art, cautele, lesion, erreur ou decevance, ne par aucun droit, commun ou especial, contre ceste vente ne contre aucunes des choses contenues en ces lettres (Chartes Abb. St-Magl. T.F., t.3, 1345, 142). | |
2 | Jamais ne vous en quier parler, Ençois men vois, pour l'oublier, En voz besongnes emploier En quelque lieu. (Mir. marq. Gaudine, 1350, 134). | |
3 | ...et que ycelles trente livres paris.. de rente, se acquises ne les ont ou se des rentes qu'il ont ne les veulent baillier, il puissent acquerir quelque part et par quelques titre qu'il leur plaira es fiez ou arrierefiez, alleux ou censives de nous, de nostre dit fuilz ou de noz subgiez, sans fié et sans justice (Chartes Abb. St-Magl. T.F., t.3, 1346, 149). | |
4 | La ou il vindrent a Rome, quel que part que aloit, la multitude armee fit paour et temoute (BERS., I, 1, c.1354-1359, 59.6, 99). | |
5 | ...pour eulz, pour leurs hoirs et pour ceulz qui de eulz auront cause envers quelques personnes et biens [quels qu'ils soient] (Chartes Abb. St-Magl. T.F., t.3, 1345, 142). | |
6 | Mieulx vault sapienche que quelques richesses tres precieuses [quelque précieuse richese que ce soit], et toute chose desirable ne se peut a icelle comparer (DAUDIN, De la erudition H., c.1360-1380, 86). | |
7 | ...en telle maniere et sus tele condicion que les diz preneurs, leurs hoirs ne ceus qui cause ont ou auront de eus ne pouront chargier ne obligier la dite maison, adcensee conme dit est dessus, par quelque maniere que ce soit (Chartes Abb. St-Magl. T.F., t.3, 1331, 39). | |
8 | ...touz leurs biens et les biens de leurs hoirs, meubles et nonmeubles, presenz et a venir, quelz qu'il soient et en quelque lieu qu'il soient (Chartes Abb. St-Magl. T.F., t.3, 1337, 75). | |
9 | Tu yras en Jherusalem Au patriarche, a quelque ahan Que tu aies en ceste voie (Mir. st Guill., c.1347, 33). | |
10 | Et vous dy que, quelque temps qu'il face, ou let ou bel, adez est li vergiers flouriz et y fait bon et delitable, soit en yver ou en esté (Bérinus, I, c.1350-1370, 67). | |
11 | Il ne pooit estre lassez De donner, et s'avoit assez Toudis, quel que part qu'il venist. (MACH., C. ami, 1357, 104). | |
12 | Et, pour ce je loe et conseille a toute maniere de gent, de quel que estat que il soyent, qu'il aiment les chiens et les chasces et deduiz ou d'une beste ou d'autre ou d'oysiaus (GAST. PHÉBUS, Livre chasse T., 1387-1389, 57). | |
13 | ...laquelle maison et ses appartenances yceulz Raoul et sa femme ne leurs aians cause ne pourront, ou temps a venir, de plus chargier ne asservir envers quelque personne ne pour quelconque cause, fors que des charges dessus dites seullement (Chartes Abb. St-Magl. T.F., t.3, 1353, 184). | |
14 | Et on ne doit fere chascier nul chien, de quel que condicion que il soit, qui n'ait passé un an. (GAST. PHÉBUS, Livre chasse T., 1387-1389, 112). | |
15 | Bon alant doit amer son maistre et suir et li aidier en touz cas et fere ce qu'il li commandera, quel que chose que ce soit. (GAST. PHÉBUS, Livre chasse T., 1387-1389, 126). | |
16 | Quelle que part tu ailles, l'infortune du païs te poursuivra, rabaissera ton los et empeschera ta seurté. (CHART., L. Esp., c.1429-1430, 14). | |
17 | Doulx Jhesu Crist, se pour ta foy Nous convient souffrir, je te proy Qu'en t'amour nous tiengnes si fors, Quelques paines qu'aient les corps, Que pour paine ne pour martire C'on nous face, ne perdons, sire, Ta vision. (Mir. st Panth., 1364, 362). | |
18 | ...quelques variacions ou denegacions que faites eust, verité est tele qui ensuit (Reg. crim. Chât., I, 1389-1392, 295). | |
19 | Et sachés que les hommes font le contraire de ce que dit est, car quelques femmes qu'ilz aient, ilz croient generallement qu'elles soient meilleurs que toutes les aultres. (Quinze joies mar. R., c.1390-1410, 59). | |
20 | ...car quelques tirannies que les ennemis facent [,] encores les font voz gens aussi terribles, et trop plus (JUV. URS., Loquar, 1440, 308). | |
21 | Quant cheval a tranchoisons, faictes le mectre par terre, et puis luy faictes mectre a ung cornet ung quarteron de quelque huille dedens le cul, et puis le faictes chevauchier tant qu'il sue, et il garira. (Ménagier Paris B.F., c.1392-1394, 141). | |
22 | Mais Fortune si les a mis En office, par quelque amis. (CHR. PIZ., M.F., II, 1400-1403, 64). | |
23 | Le murmure des envieux Male fortune esveilleront, Qui aux seigneurs conseilleront, Et accuseront qu'il ait fait Quelque faute ou quelque meffait Contre le preu de son seigneur (CHR. PIZ., M.F., II, 1400-1403, 89). | |
24 | Ami Dieu, sire Saint Jehan, Et vous, mere Dieu debonnaire, Jettez me hors de ceste haire Par quelque tour. (Mir. enf. ress., 1353, 21). | |
25 | ...ung des sages de Grece dist en auchuns vers que chaschun jour en enviellissant, tousjours quelque chose aprenoit (DAUDIN, De la erudition H., c.1360-1380, 61). | |
26 | La science ou Escripture divigne est trop plus excellente que la science seculiere, pour che que non seulment en icelles les voix ou paroles segnefient quelque chose, mais aussi les choses ont leurs manieres de signifier. (DAUDIN, De la erudition H., c.1360-1380, 109). | |
27 | Et quant vous arrez faicte cette supplication et monstrance au roy, ce dist le duc de Glocestre as Londriens qui estoient en sa presence, il vous respondera quelque chose. (FROISS., Chron. M., XIV, c.1375-1400, 27). | |
28 | Quelque chose savoir m'en fault Ysnel le pas. (Mir. Clov., c.1381, 196). | |
29 | Et cilz s'en vont qui bien apperceurent que ly roys avoit trouvé quelque chose. (ARRAS, c.1392-1393, 8). | |
30 | ...je croy qu'il a oublié quelque chose a la fontaine (ARRAS, c.1392-1393, 8). | |
31 | ...a quelque chose est bonne Maleürté aucunes foiz (CHR. PIZ., M.F., I, 1400-1403, 8). | |
32 | Je apreuve le adolescent ou quel est quelque chose de anchien. (DAUDIN, De la erudition H., c.1360-1380, 292). | |
33 | ...vous avez esté nourry avecques feu nostre tres redoubté seigneur et pere, dont Dieu ait l'ame, qui tousjours quelque chose de bien nous monstroit (JUV. URS., Nescio, 1445, 466). | |
34 | ...tres desireux de sçavoir quelque chose de nouvel de sez amours (Comte Artois S., c.1453-1467, 145). | |
35 | ...le consul commenda aus chevaliers que il preissent viande et puis aprés que il se tenissent en armez, afin que, a quelque heure de jour ou de nuit il leur feroit signe, il les trovast touz pres [contexte hypothétique, "si..."] (BERS., I, 9, c.1354-1359, 37.5, 68). | |
36 | ...mais seullement se tiendroit sur ses gardes et essayeroit de trouver quelque chose de leger à vaincre (COMM., I, 1489-1491, 108). | |
37 | S'on leur donne, sanz ordonnance, Quelque argent dessus mandement Sus tresoriers... (CHR. PIZ., M.F., II, 1400-1403, 29). | |
38 | Tant errerent, a quelque peine, Que devant Thebes, en la plaine, Se sont logiez (CHR. PIZ., M.F., II, 1400-1403, 312). | |
39 | ...si lui apprendra quelques bonnes, brefves oroisons et l'ennortera qu'elle les die en se levant (CHR. PIZ., Trois vertus W.H., c.1405, 94). | |
40 | ...et mettez gens devant bien seurs et darrière aussi et quelques gens legiers sur les costez (BUEIL, II, 1461-1466, 127). | |
41 | Et s'il avient Que si a point de ses amours lui vient Que a sa dame quelque peu en souvient... (CHART., D. Fort., 1412-1413, 173). | |
42 | ...toutesvoiez lez volentifz liseurs, desirans nouvelles chosez veoir, porroient au lire quelque pou prendre de plaisir et recreer leurs esperis (Comte Artois S., c.1453-1467, 1). | |
43 | ...la dolente assemblée, qui de lyesse pieça bannye estoit, fut a ce point quelque pou consolée (C.N.N., c.1456-1467, 34). | |
44 | Prenez la plus belle dame qui vive, soyez ent amoureux plus fort que les oreilles ne vous tiennent en la teste : tantost que vous aurez joy d'elle quelque pou, vous en serés tané. (LEFÈVRE (R.), Hist. Jason P., c.1460, 141). | |
45 | Chascun se reposa quelque peu en actendant le jour (COMM., I, 1489-1491, 159). | |
46 | C'est chose mal affreant estre en hault siege eslevé et avoir vie basse, avoir moult de paroles et la main huiseuse, faire moult de sermons sans quelque fruit (DAUDIN, De la erudition H., c.1360-1380, 15). | |
47 | Et Richece la bien servie Quelque pou leur envoyera De ses mes. (CHR. PIZ., M.F., I, 1400-1403, 101). | |
48 | Mais prenons ore Qu'el ait de lui quelque peu de memoire. (CHART., D. Fort., 1412-1413, 183). | |
49 | Quelque pou de vin aigre... (LA HAYE, P. peste, 1426, 100). | |
50 | Et y font les ditz callogeres quelque peu d'herbes (Pèler. D., 1486, 408). | |
51 | ...quelques trente mille personnes (Journal bourgeois Paris T., c.1450, 20). | |
52 | Mais nous avons icy près monseigneur de Rocqueton, qui est bon homme, qui nous fournyra bien quelque cent hommes. (BUEIL, I, 1461-1466, 81). | |
53 | ...et comment il avoit advisé qu'il estoit bon d'envoier quelque dix compaignons legiers, qui... (BUEIL, I, 1461-1466, 84). | |
54 | Je feray passer quelque dix mille combatans (BUEIL, II, 1461-1466, 169). | |
55 | Veez en cy quelque deux douzaines (Myst. Pass. Troyes B., a.1482, 1037). | |
56 | Quelque trois jours après, arrivèrent audit lieu de Lisle les embassadeurs du roy (COMM., I, 1489-1491, 4). | |
57 | ...et que ilz ne nous paiassent la disme entiere et les cens par chascun an comme dessus est dit, des lors lesdictes terres doresenavant nous soient et retournent ainsi vuides et non labourees et aussi chascune partie d'elles a l'estat ou quel elles ont estees jusques a present et jusques au jour du date de ces presentes, c'est assavoir a champars, sans quelque contradiction (Chartes Abb. St-Magl. T.F., t.3, 1366, 342). | |
58 | Il povoit bien avoir quelques six vingtz hommes d'armes bardéz, tous Italiens ou autres nourriz en ses guerres d'Italie. (COMM., I, 1489-1491, 47). | |
59 | Bien mourut quelque six mille hommes, qui semble beaucoup à toutes gens qui ne veulent point mentir (COMM., I, 1489-1491, 106). | |
60 | ...ledict connestable les craignoit comme ses ennemys et se tenoit dedans ledict Sainct Quentin, où il avoit mis quelque trois cens hommes de pied de ses terres (COMM., II, 1489-1491, 23). | |
61 | Mais, quelque cinq ou six moys par avant, ledict seigneur avoit suspicion de tout homme, speciallement de tous ceulx qui estoient dignes d' avoir auctorité. (COMM., II, 1489-1491, 317). | |
62 | Et contre eulx estoit pour le roy monsr d'Aubigny, ung bon et saige chevalier, avecques quelques deux cens lances ou moins. (COMM., III, 1495-1498, 38). | |
63 | ...et auxi que le dit jardin estant ou pourpris de la dite maison ne puist en aucun temps estre adjoint par quelque maniere aux maison, jardin et pourpris des jardins et maisons estans en la rue Saint Martin (Chartes Abb. St-Magl. T.F., t.3, 1374, 443). | |
64 | Brief, il nous y fault conseil mettre Par quelque voie. (Mir. fille roy, c.1379, 40). | |
65 | ...ceulx qui par mer veullent aller, soit en armée, ou en quelque aultre voyaige ou affaire quelle que elle soit, doivent singullièrement eulx pourveoir de bons mariniers expers et maistres en cellui office (BUEIL, II, 1461-1466, 55). | |
|