| 6 exemples |
| 1 | Einsi regnay en joie longuement, Que je n'avoie Nulle chose qui fust contraire a joie, Mais envoisiez et reveleus estoie, Jolis et gais, trop plus que ne soloie ; Et c'estoit drois Qu'a mon pooir fusse gens et adrois, Car par cuidier estoie en tous endrois Li mieus amez des amans et li rois. (MACH., J. R. Beh., c.1340, 83). |
|
| 2 | Pour ç'ay desir. Mais quels est il ? Il est de tost morir, Car il n'est riens qui me peüst venir Dont je peüsse esperer le garir. Et se j'avoie L'amour de li mieus que je ne soloie, Ne say je pas, se je m'i fieroie. Certes, nennil ! Pourquoy ? Je n'oseroie. (MACH., J. R. Beh., c.1340, 95). |
|
| 3 | Et d'autre part je sçay certainnement C'on ne puet miex valoir, fors empirer, De faire dueil. Pour ce vueil liement User mon temps en loyaument amer, Ne plus ne vueil desconfort osteler, Ains chanteray plus que je ne soloie, Qu'Amours le vuet et ma dame m'en proie. (MACH., L. dames, 1377, 88). |
|
| 4 | Sire, tant vous ai sarmonné Que (vous) vëés bien que raison hé ; Si doi estre desprisonnee Et en m'onneur restituee Et rassise aussi hautement Com je soloie ; ou, autrement, Par devant Venus en appelle, La debaterai la querelle Vo dame, et vous ferai demande, Car elle n'a qui la deffande. (MACH., Voir, 1364, 708). |
|
| 5 | Le grant desir que j'ay de repairier Devers la flour de toute creature M'art et m'esprent et me fait tout sechier, Et si m'a si mis à desconfiture Que je n'ay mais force n'envoiseüre, Ne plus ne chant einsi com je soloie, Quant je ne voy ma dame simple et coie. (MACH., L. dames, 1377, 37). |
|
| 6 | Einsi m'a fait, ce m'est avis, Fortune que ci vous devis. Car je soloie estre assevis De toute joie. Or m'a d'un seul tour si bas mis Qu'en grief plour est mué mon ris, Et que tous li biens est remis Qu'avoir soloie. (MACH., R. Fort., c.1341, 43). |
|
