A. -

"Redevance (due au seigneur), tribut" : ...tant herbergemens, maisons, cens, rentes, devoirs en blez, en vins et en deniers, desmes, vinages, terrages, homages, feages, justices, juridicions, seignouries haultes, basses, moiennes, avec quelconques leurs domainnes, vignes, terres, prez, pastures, boys, hayes, arbres chargeans et non chargeans, estans, eaues, garennes, en eau et en terre, moulins, coulombiers (Doc. Poitou G., t.4, 1372, 137). Et puis qu'il fault comparoir mal a mal, cest avantaige ont les populaires que leur bourse est come la cisterne qui a recueilli et recueult les eaues et les agoutz de toutes les richesses de ce royaume, qui es coffres des nobles et du clergié sont amendriz par la longueur de la guerre, car la fieblesce des monnoies leur a diminué le paiement des devoirs et des rentes qu'ilz nous doivent, et l'outrageuse chierté qu'ilz ont mise es vivres et ouvraiges leur a creu l'avoir que par chascun jour ilz recueillent et amassent. (CHART., Q. inv., 1422, 34). Tullès, en le unziesme chappiltre de sondit livre, dist que tous princes et seigneurs puent et doivent contraindre leurs subgez a les paier de leurs devoirs et rentes, quelz qu'ilz soient, par droiz ordonnez ; et aux subgez dist que les doivent paier. (LA SALE, Salade, c.1442-1444, 20). Item, il en y a aucuns qui prennent boys livré par le verdier et par le commandement et ordonnance de monsieur le maistre des eaues et forestz ; et est icelle livrée appellée ou nommée guerbages, parquages, telages et caruages, et pour cause de ce paient au roy plusieurs devoirs, c'est assavoir guerbes, deniers, tourteaux (PETIT, Cout. R., 1444, 349). ...en ce present chapitre n'est fait aucune mention des amandes venues par deffault des droits et devoirs non paiés en temps deu (Comptes Paris V.L.D., t.1, 1456-1457, 901).

-

[Cont. métaph.] : Une foiz le fault essayer A tous les bons en leur endroit Et le devoir d'Amours payer, Qui sur frans cuers a prise et droit, Car Franc Vouloir maintient et croit Que c'est durté et mesprison Tenir un hault cuer si estroit Qu'il n'ait q'un seul corps pour prison. (CHART., B. Dame, 1424, 350).

B. -

"Ce qui doit être fait"

1.

"Ce que l'on a à faire, par obligation morale, selon les usages, par nécessité pratique..." : ...J'ai nom Esperance. Vois ci Mesure et Attemprance, Bon Avis et Confort d'Ami, Qui sont tousdis avecques mi Et qui t'ont fait maint biau servise, Non par devoir, mais par franchise. (MACH., Voir, 1364, 378). Et telz y a qui jour et nuit sont par les bois et par les champs a chacer les bestes et au gibier des oiseaulx, et les aultres rompent chevaulz au pourchaz des offices, des estaz, des chevances et de leurs autres plaisirs, qui pour honneur acquerir et leur naturel devoir acquiter ne laisseroient le repos d'une nuit ne ne souffreroient le dangier, estroit ou messaisé hebergement. (CHART., Q. inv., 1422, 15). Nous voions que toute ordre et reigle de sainte prestrise est bestournee, et, qui est dure chose, les subgietz se veullent maintenant tous exempter de leur prelas. Maiz plus dure chose y a ; car lez prelas se vivent et continuent comme exemps du devoir de leur estat et de la cremeur de Dieu. (CHART., L. Esp., c.1429-1430, 58).

-

Le devoir de + inf. "L'obligation de" : Assez et plus que noz sens ne pevent redrecier ou noz paciences souffrir avons sur nous de discors et debas et sommes persecutez des divisions dedens et dehors, sans ceste nouvelle tençon esmouvoir, et si voulons ceulx ressembler qui voient le feu embrasé et esprins par leurs lieux et habitacions et sont en question pour debatre entre eulx qui le feu y a mis et et a qui le devoir de l'estaindre appartient. (CHART., Q. inv., 1422, 44).

-

Faire devoir (en/de qqc.). "Accomplir ce que l'on est tenu de faire (en qqc./de qqc.)" : Voz debaz ennuyent. Les bons cuers les fuyent Et pour la paix prïent, Et vous en supplïent : Faictes y devoir. (CHART., L. Paix, a.1426, 418). N'as tu es escrips des payens que leurs dieux ne secourent aux lasches et aux paresceux ? Et pour neant lez requiert par oroyson qui n'aide sa requeste par fayre devoir. (CHART., L. Esp., c.1429-1430, 102). Maiz qui demanderoit dont vendra ceste surté, je dy qu'elle doit commencer par examen de conscience et loyalle entention de bien ouvrer. Premier convient retourner a soy mesmez par correption, et soy tourner a fayre devoir. (CHART., L. Esp., c.1429-1430, 131). L'aultre print ce present (...) et s'offrit de faire le mieulx qu'il pourroit et du present faire devoir (C.N.N., c.1456-1467, 237). Veez cy Jhesus a nostre pas ; Alons tost et faisons devoir [en lui annonçant la mort de Jean Baptiste]. (Pass. Auv., 1477, 115). Josep, alons nous en orer Au temple et farons devoir. (Pass. Auv., 1477, 265). Mes vous, qui faictes bien devoir D'estre propre ? (B. veoir, p.1480, 15). Je suis prest a faire debvoir. (P. Jouh. D.R., a.1488, 36).

.

Faire bon devoir. "Bien faire ce que l'on doit faire" : Or monstre ça, je feray bon devoir et ne demoure gueres. [Une servante prie son maître de tamiser à sa place pendant qu'elle s'absente] (C.N.N., c.1456-1467, 118). Celle gaitte ainsi mise et logée dist qu'elle feroit bon devoir (C.N.N., c.1456-1467, 451). D'un baston, d'une dimy lance, Fraperons pour rompre leur os. Sirus et moy sans nul reppos Sur Gestas farons bon devoir. (Pass. Auv., 1477, 229).

.

Faire bon devoir de qqc. "Faire qqc. que l'on doit faire de manière satisfaisante" : Agrapine ala devers le roy et fist bon devoir de ce que dame Fleurie chargiee l'avoit. (Nouvelles inéd. L., p.1452, 62). ...quand l'heure seroit venue ou elle devroit mectre a execution celle leczon (...) elle en feroit si bon devoir que son mary se loeroit d'elle, et en seroit trescontent. (C.N.N., c.1456-1467, 496).

.

Faire tout devoir de + inf. "Accomplir au mieux la tâche qui consiste à" : ...[elle] fut donnée en mariage a ung bon gentil compaignon, qui tout devoir faisoit de paier le deu que voluntiers demandent femmes (C.N.N., c.1456-1467, 470).

-

Faire son devoir. "Accomplir ce que l'on est tenu de faire" : Car c'est trés bon de faire son devoir, Si que l'ame s'en puist apercevoir. (MACH., J. R. Beh., c.1340, 121). Et pour mieus prouver ton contraire, Te vueil ceste demande faire : Fait cils mal qui fait son devoir ? (MACH., R. Fort., c.1341, 92). Ly chevalier au Chine hautement leur cria : "Ai-ge fait mon devoir, le lairai-ge droit-là ?" (Chev. cygne R., c.1356, 112). SECOND CURÉ. Mauvaisement fist son devoir Quant il ne li cria mercy [au bon curé]. (Mir. parr., 1356, 21). Einsi li roys les confortoit Doucement et les enortoit, Que chascuns feïst son devoir, Pour pris, honneur et gloire avoir. (MACH., P. Alex., p.1369, 93). Com messagier fait son devoir ; Gardez que vous ne l'atouchiez (Mir. Oton, c.1370, 322). C'est car l'en fait son devoir. (ORESME, E.A.C., c.1370, 218). Lesquieulx sergens, et chascun d'eulx, se chargerent de fere leur povoir, devoir et diligence de faire et acomplir ledit commandement. (Reg. crim. Chât., II, 1389-1392, 346). Et lors monta Remondin a cheval moult legierement, et prist la lance. Et, d'autre part, monta Oliviers moult vistement, et prist la lance au fer trenchant. Et lors cria un herault par trois foiz : Laissiez les aler, faictes vostre devoir, faictes vostre devoir. (ARRAS, c.1392-1393, 62). Si bien en firent leur debvoirs Rommains qu'on ne les dot blasmer. (CHR. PIZ., M.F., IV, 1400-1403, 6). Car se les gentilhommes feissent Aussi bien que nous leur debvoir, Que le roy des corps ilz servissent Ainsi que nous de nostre avoir, Les estrangiers pas ne pillassent (CHART., D. Her., p.1415, 434). Et par ceste cause, il [le duc] doit faire son debvoir jusques a estre mort ou pris (LA SALE, Salade, c.1442-1444, 238). Et fault en ce que ayez trois vertus, c'est assavoir Force, Attrempance et Pacience, et en faisant tousjours vostre devoir envers le roy (JUV. URS., Nescio, 1445, 473). Et ne veulx pas dire que vostre chanceillier ne face son devoir et le fait autant ou plus que feist oncques chanceillier (JUV. URS., Verba, 1452, 326). PATHELIN. A dire veoir, Tu as tres bien fait ton debvoir Et aussi bonne contenance. (Path. D., c.1456-1469, 190).

.

Faire son devoir de qqc. : Sire, j'en feray mon devoir ; Ne vous esmouvez point en ire. (Mir. Barl. Josaph., c.1363, 282). Et trouverent que le prieur en avoit bien fait son devoir, car il l'avoit fait ouvrir et enbasmer, et appareillier le cuer, et avoient ensevely les entrailles en la chappelle aux lampes, devant le maistre autel. (ARRAS, c.1392-1393, 289). Monsigneur, puisque vous me volés cargier de si grant cose, ja soit que point ne le vaille, j'en ferai mon devoir et mon pooir. (FROISS., Chron. D., p.1400, 165). Aprenant que sont lowez. Jugement (...) d'un enffans que li peire mist a mestier delei ung taillour a .IIII. ans, le quel enffans s'en allat fuer du paiis et ne savoit on qu'il fut devenus, se volloit li peire que li maistre li randit son enffans, por tant qu'il disoit que le maistre et cez maigniez l'avoient sormonner ; le maistre disoit que non et qu'il en avoit bien fait son debvoir. (Jug. maître-échev. Metz S.M.S., t.1, a.1494, 1343], 219).

.

Faire son devoir de + inf. "Faire ce qu'il faut pour" : Car elle fait son devoir et s'onnour D'obeïr a son souverein signour. (MACH., J. R. Beh., c.1340, 86). Et elle, sans faire demeure, Fait adès aussi son devoir D'onneur faire et de recevoir L'onneur dou signeur humblement... (MACH., D. Aler., a.1349, 349). L'EMPERERIS. Au main les faces vers nous tendent (...). Alons faire nostre devoir D'eulx [le pape et l'emperiére] saluer. (Mir. emper. Romme, 1369, 303). Toutesfoys je feray mon devoir de vous servir (GERS., Trin., 1402, 165). ...quand il la cuida accoler et baiser et au surplus faire son devoir de gaigner le chaudeau, elle se vire puis d'ung costé puis d'aultre (C.N.N., c.1456-1467, 71). ...et respondit au messaige incontinent et sur l'heure que son maistre estoit mal adverty et que c'estoient aucuns mauvais serviteurs qu'il avoit qui luy vouloient donner ces crainctes, affin qu'il ne feïst son devoir de le secourir comme il estoit obligé par ses alliances (COMM., I, 1489-1491, 183).

.

Faire de/en son devoir. "Accomplir ce qu'on doit faire" : Et pour tant c'est raison que je le vous merisse a mon povoir, car je n'ay pas voulenté que de faire en mon devoir, combien que je ne le pourroye assouvir a la value de la haulte honneur que vous m'avez faicte ; mais je vous supply humblement que vous veulliez prendre en gré ma petite puissance. (ARRAS, c.1392-1393, 118). ...s'il n'eust si bien fait de son devoir je ne seroye pas si contente de la ronture de son veu (C.N.N., c.1456-1467, 204).

.

Faire son devoir à qqn/à qqc. "S'acquitter de ses obligations envers qqn ou qqc." : ...le Roy, nostre souverain seigneur, desire faire son devoir à la chose publique du royaume et à messeigneurs de la guerre, qui si grandement et notablement l'ont servi, comme chascun scet, et à qui il est tant tenu. (BUEIL, II, 1461-1466, 155).

.

Se mettre en son devoir/en ses devoirs (de + inf.).. "S'activer comme il convient (en vue de qqc.)" : ...pas ne demoura qu'elle ne se mist en ses devoirs de l'oster hors de ceste melencolie. (C.N.N., c.1456-1467, 235). "Tres redoubtee dame, vous sçavez que par pluseurs fois vostre serviteur le roy d'Esclavonnie vous a fait requerre par ses ambassadeurs que vous voeilliez estre sa femme, et que vous l'avez reffusé, pour quoy il a vostre royaulme assailly de guerre. Encoires, pour tousjours soy mettre en son devoir, m'a il envoyé requerre vostre desiree grace qu'elle ait pitié de vous et de vostre poeuple et que a celle journee vous ayez pitié de vostre leal amant, duquel la fortune est telle que certes il moeurt aprés vous..." (LEFÈVRE (R.), Hist. Jason P., c.1460, 134). Et ilec mons. le chancellier Morviller dist et exposa de par le roy comment il s'estoit grandement mis en son devoir d'avoir offert aux princes et seigneurs, qui estoient devant Paris, aux demandes qu'ilz lui faisoient pour l'ampanage de mons. le duc de Berry, pour lequel ilz demandoient avoir la duchié de Guienne, Poitou et le pays de Xanctonge ou la duchié de Normandie. (ROYE, Chron. scand., I, 1460-1483, 107). Et par avant le roy avoit envoyé par devers le duc de Bourgongne monseigneur de Lion, monseigneur le connestable et autres seigneurs pour tousjours se mettre en devoir et trouver partout bon moien de paix sans figure de guerre. (ROYE, Chron. scand., I, 1460-1483, 208). "...Or sus donques, chascune se mette en ses devoirs, dist l'une, et je feray tout aprester". Tandis qu'elles estoient ainsy empeschies et ne pensoient que d'accomplir leur entention, je me departi en muchettes et sans congié me retrahy, car grant sommeil avoie. (Ev. Quen., I, c.1466-1474, 105).

.

Mettre son devoir à faire qqc. "Se disposer à faire qqc. de son mieux" : Et le plaisir qu'Amours lui fait lors prendre Lui donne cuer et volenté d'apprendre Et de savoir ; Si veult rommans et nouveaux dis avoir, Et met son sens, sa paine et son devoir A les pouoir entendre et concevoir. (CHART., D. Fort., 1412-1413, 167).

2.

En partic.

a)

"Obligation imposée" : ...quelque pourchaz, quelque semblant, quelque devoir qu'il sceust faire pour obtenir sa grace, jamais il ne peut parvenir d'estre serviteur retenu (C.N.N., c.1456-1467, 473).

b)

"Hommage dû au suzerain" : [A propos de l'hommage pour ses possessions en France, le roi Philippe VI prie le jeune Edouard III] ...que il venist faire son devoir et relever dou di roi tout ce dont tenus il estoit (FROISS., Chron. D., p.1400, 187). ...chils dus avera fait son devoir deviers son naturel et souverain signeur, le roi de France (FROISS., Chron. D., p.1400, 468).

-

Faire son devoir vers qqn. "Rendre hommage (au seigneur)" : Son clergié manda et leur monstre Que il facent processions De toutes les religions ; Qu'einsi vuet le roy recevoir, Pour faire vers li son devoir. Plus d'une grant demi journée, Qui fu à bonne heure adjournée, à l'encontre li est alez. (MACH., P. Alex., p.1369, 34).

c)

"Disposition, préparation avant le combat"

-

En grand devoir. "En grand équipage, prêt au combat" : ...et a Saint Loup sonnera une cloiche a l'effroy, et cryeront a l'arme, et vient la Pucelle en grant devoir, faisant grant admiracion, une espee nue en sa main, et plusieurs eschellent leur fortresse a force d'armes, et a force entreront dedans et tueront tout ce qui rencontreront des Anglois (Myst. siège Orléans H., c.1480-1500, 439).

d)

Faire le devoir. "Faire l'amour" : ...[sa] femme luy avoit tousjours fait refus quand il avoit voulu faire le devoir (C.N.N., c.1456-1467, 500).

-

Faire son devoir : Il n'y eut gueres esté sans faire son devoir et si tres bien s'i acquitta que les trois, les quatre foiz gueres ne luy cousterent (C.N.N., c.1456-1467, 76). - (...) ay je pas fait mon devoir aussi avant que vous ? - Comment l'entendez vous ? - N'est ce pas autant d'une foiz que de deux ? (C.N.N., c.1456-1467, 523).

e)

"Ce qui doit être fait d'une chose"

-

Faire qqc. à son devoir. "Faire qqc. comme il convient, selon les règles" : Oncques ne fis, se m'ay Dieu, Ung plus suppellatif ouvraige : Mon serment ! c'est ung bel ymage Pourtrait et paint à son Debvoir (ARCEL., Vieill. C., c.1480-1520, 604).

-

Mettre qqc. à son devoir. "Mettre qqc. comme il convient, selon les règles" : Qant (...) toutes coses furent misses a lor devoir (...) le conte de Gerles fu transmués en duc (FROISS., Chron. D., p.1400, 295). Qant ces batailles furent ordonnees et mises a lor devoir (...) on amena le roi (FROISS., Chron. D., p.1400, 719).

C. -

"Reconnaissance due à qqn"

-

Donner un devoir à qqn. "Manifester sa reconnaissance à qqn, faire un cadeau à qqn" : Moult noblement les festoia Et mult beal dever lour dona, Or et argent et riches joiaux (HÉRAUT CHANDOS, Vie Prince Noir T., c.1385, 153).

-

Faire grant devoir de qqc. "Se montrer reconnaissant pour qqc." : Dieux ! Que la contesse fu oultre mesure esjoÿe d'oÿr ce gracieux langage ! (...) et s'elle mercya de grant affection celle qui ce beau plaisir luy faisoit, il n'y avoit que raison, comme a la verité elle en fist grant devoir et tira de son gand ung riche fermaillet et bien ouvré a merveillez, lequel elle donna a la dame qui toutesvoyez le prist bien en gré (Comte Artois S., c.1453-1467, 128-129).