Dictionnaire du Moyen Français (1330-1500) - ATILF - CNRS & Université de Lorraine

"À quoi rien ne manque, qui n'a pas subi de dommage, intact" : Vostre livre tenez, amis ; Je vous le rens entier et sain. (Mir. nat. N.S.J.C., c.1343, 232). Puis trayent les espees, et se vont entredonnant si grans et si merveilleux coups que ceulx qui les regardent d'oultre la riviere sont tous esbahiz comment ilz pevent endurer la peine. Et tant se combatirent qu'ilz n'ont escu entier, ne haubert qui ne soit desmaillez en cent lieux. (ARRAS, c.1392-1393, 300). Et encores demoroient tout li viel ouvrage entier, qui comprendoient grant fuisson, le dongnon de Windesore et les cambres et le grande sale ou li rois Artus faisoit au temps de son resgne son tinel et tenoit son estat de chevaliers aventureus, de dames et de damoiselles. (FROISS., Chron. D., p.1400, 596). Ilz s'entreferirent par tel force que leurs lances leur froyerent jusques es poings. Les cops des deux chevaliers furent sy grans que oncques chamgle ne poittral n'y demoura entier que tout ne fust rompu et cassé. (Gérard de Nevers L., c.1451-1464, 102). ...ung grand tas de couvrechefs bien fins, pluseurs pennes entieres et de tresbonne valeur (C.N.N., c.1456-1467, 419). Par trois jours fut departy le vin que l'on donnoit chez le duc, pour les gens qui en demandoient, à coups de congnée, car il estoit gellé dedans les pippes et failloit rompre le glasson, qui estoit entier, et en faire des pièces, que les gens mectoient en ung chappeau ou en ung pannyer, ainsy qu'ilz vouloient. (COMM., I, 1489-1491, 167). Si ne perdons nostre pouvoir, Ja ne luy larrons os entiers. (Pass. Auv., 1477, 229). En ceste ville hault en ung monastere, A une chasse ou une fierte entiere, Ainsi qu'on dit et comme on le propose, La ou le corps Sainct Ambroise repose, Advironné de joyaux precïeux (LA VIGNE, V.N., p.1495, 243). Esprouver veulx ma dague neufve, Neufve et entiere, sayne et necte. (LA VIGNE, S.M., 1496, 182).

P. ext. [D'un récipient] "Dont aucune partie ne reste inutilisée, rempli complètement" : Par les yeulx, vin rouge pissa .V. brocs entiers et une cruche Dont le jardin on arrousa. (Vig. Trib., c.1480, 234).

[D'un territoire] "Auquel rien n'a été enlevé, retranché" : Et aprés tant de opprobres receuz et pardonneez, regna en manificence, et mourust plain d'ans et de bon renom, vous laissant lez empyre et royaulme entiers et paisibles. (CHART., L. Esp., c.1429-1430, 144). ...et par ce n'est doubte que au roy demeurent ses ressortz et souvrainetez tous entiers, combien que par le temps ordonné il surceist d'en user, et plus toutesvoyes oncques n'y renonça, par quoy son droit demeure entier comme par avant. (JUV. URS., T. crest., c.1446, 124). ...et quant le bon pere revint de son voiage, il trouva ses païs entiers, comme devant. (LA MARCHE, Mém., II, c.1470, 398).

[D'un document] "À quoi il ne manque rien, complet" : Ce jour, le procureur du Roy a apporté en la Chambre de Parlement ung testament fait par feu maistre Pierre l'Orfevre, et a esté veu sain et entier en seel et escripture (FAUQ., II, 1421-1430, 253).

[D'une chose abstr.] "À quoi on ne change ou ne retranche rien" : Et pas n'appartient qu'il retourne ou encline la loy a son plaisir ne que il captive l'entendement de la loy a sa volenté, mais il doit du tout entendre et prester son sens et son entendement sousmettre au parfait et entier sens de la loy. (FOUL., Policrat., IV, 1372, 68). Et au regart des debtes que mondit seigneur de Bourgoingne dit et maintient à lui estre deues par feu ledit Roy Charles, tant à cause de dons et pensions, comme autrement, montans à bien grans sommes de deniers, son droit, tel qu'il a et doit avoir pour la recouvrance d'icelles debtes, lui demourra sauf et entier. (LA MARCHE, Mém., I, c.1470, 229).

[D'une action, d'une procédure...] (Tout) entier. "Dans son intégralité" : ...pour lesquelz [biens] acquerir j'ay trop oublié Dieu, pour lesquelz je n'ay pas acomply ses commandemens, je n'ay point fait ma penitence entiere, j'ay parjuré maintes foys et commis pluseurs fraudes (GERS., Déf., 1400, 228). Item, et se lesdiz Branlart et Le Coq, en communicant de ceste matiere avec les gens du Roy, apperçoivent que pour les grans affaires du Roy, ilz ne puissent obtenir entier paiement de tout ce qui leur est deu, ilz diront que, ou cas que dedens le jour de Toussains on leur fera paiement des arrerages de leursdiz gaiges d'un an, et du residu de ce qui leur est deu ilz aient bonne seurté d'estre paiez dedens Pasques prochainement venant, ilz recommenceront ledit Parlement et le continueront au mieulx qu'ilz pourront à l'onneur du Roy et de ladicte Court. (FAUQ., II, 1421-1430, 367). Appoincté a esté que ledit procès tout entier sera baillié audit de Clamecy, pourveu qu'il fera serment de non reveler l'enqueste et le secret de la cause et procès dessusdit. (FAUQ., III, 1431-1435, 156). ...j'ay tousjours message pour en savoir, et si aucune chose survient que je puisse savoir au vray, je le vous rescripray incontinent, prest tousjours au surplus d'obbeir à vos bons plaisirs et commandemens, comme tenus y suis, au plaisir de Nostre Seigneur qui, mon souverain seigneur, vous doint bonne vie et longue et entier acomplissement de voz haulx et nobles desirs. (LE CLERC, Interp. Roye, c.1502, 333).

[D'une chose évaluable] : ...et aussi la mise de l'argent toute entiere lui restituez plainement là où il luy plaira à avoir. (FROISS., Chron. M., XIV, c.1375-1400, 14). Et soit le poiz, sans passer mie, Une entière dragme, ou demie, D'icelle pouldre, à brief langage, O une once dudit bevrage En oultre terre seellée O compétens liqueurs meslée, Comme est le juz en l'eaue nète De bon trinchon ou de vinète, Ou de mellisse ou de bugloxe, Ou bourroche commune et grosse, Est de grant vertu et effect En temps venimeux et infect (LA HAYE, P. peste, 1426, 132).

[D'un état physique, moral...]

"Plein, complet" : ...je feray tant, Après la grace Dieu premiére, Qu'a santé revenra entiére Tout vostre corps. (Mir. emper. Romme, 1369, 304). ...non pas qu'il eust perdue l'entiere cognoissance de raison, mais a la verité il tenoit plus du costé de dame Folie que de raison [D'un "compaignon a demy fol"] (C.N.N., c.1456-1467, 449).

"Qui est resté intact" : Je ne t'ay point, diz je, toutesfoiz esleu, adfin que tu fussez que ja Dieu ne vueille, deffloureur de mon pucellaige entier, mais affin que tu fusses gardien, patron et deffenseur d'icellui. (RASSE BRUNH., Flor. Elvide B.N. C., a.1456, 20).

"Qui reste compètement ce qu'il est" : Certainement vertu qui vient du ciel, ou habitent les choses pardurables, retient la trace et la semblance du lieu de sa nativité ; pour ce fait elle les puissances durer, et ceulx qui l'ensuivent demourer en leur entier estat. (CHART., L. Esp., c.1429-1430, 46).

MUS. [D'un ton] : Et sy convient aussy que ces deux demi tons soient demi ton mendre, et par ainsy peut on finablement conclurre que dyapason ne peut actaindre jusques a six tons entiers, pour ce que deux demi tons mendres ne peuent faire un ton entier. Et ce en quoy le ton entier seurmonte les deux demi tons mendres est appellee coma des anciens musiciens. (EVR. CONTY, Harm. sphères H., c.1400, 52).

[D'un nombre] "Sans partie décimale" : Les debtes de l'ung qui restoient, Bien a cinq cens deniers montoient, L'autre a cinquante en nombre entier. Or n'ont de quoy payer tous deux : Cil [le créancier] les quicte, que riens n'en clame. Je te demande lequel d'eulx Plus ferme son crediteur ame. (Myst. Pass. Troyes B., a.1482, 439).

[D'une pers.]

"Qui est pourvu de tout ce qui maintient un organisme en état, en bonne santé" : Quant elle sot que ce fu le Chevalier del Papegau, sy se pena et travailla de luy aisier et de guerir ses playes (...) et tant fist que au chief de .XV. jours elle le rendi aussi sain et si antier come pour pourter armes, qu'il fu oncques mais jour de sa vie. (Chev. papegau H., c.1400-1500, 51). ...combien que je me sentoie ancores sain et entier, et n'estoie ne rompu ne froissié, mais seulement ploié, si povoie ancores bien servir oudit office, mais avant que piz me venist, entendiz que j'estoie en santé, me sembloit bon issir dudit office (BAYE, II, 1411-1417, 273).

[D'un membre] "En parfait état de fonctionnement" : ...Mais, par sa puissance divine, Tous mes membres paralitiques Touz mors, touz secs et tous ethiques, Me rendit touz sains et entiers (MICHEL, Myst. Pass. J., 1486, 322).

[D'une armée] "Qui n'a pas subi de pertes" : Et doit estre reputé a plus grant honneur et louenge au chief de bataille savoir saigement retraire et sauver son ost et le tenir entier quant il est besoing que par trop aventureuse hardiesce exposer a perte et laisser atrempance et mesure pour cuider acquerir le nom de vaillance. (CHART., Q. inv., 1422, 34).

Au fig. "Qui dispose de soi-même, entièrement libre" : Disoit avecques ce qu'elle l'avoit aimé comme femme doit aimer ung chascun, mais qu'il y eust aliance ou promesse particuliere entre eulx deux et telle qu'il l'avoit baptisee, il ne se trouveroit point, car tousjours avoit esté entiere et maistresse de soy (MART. D'AUV., Arrêts Am. R., c.1460-1466, 52).

[D'un parent] "Qui est vraiment, totalement ce qu'il prétend être, véritable" : ..."Ma damme, je vous mercye tant humblement que je puis des grans biens, honneurs et bonne nourriture que vous avez fait a moy. Et, si Dieu plaist, je mectré paine de le vous deservir et de retenir voz bons enseignemens et les garder, de vous obaïr tousjours et servir comme celuy qui se fist voustre et entier filz..." (Charles de Hongrie C., c.1495-1498, 21).

[D'un animal]

"Qui n'est pas châtré" : ...un cheval bayart antier (Doc. 1390. In : P. Rézeau, R. Ling. rom. 78, 2014, 417). [Archives hist. de la Saintonge et de l'Aunis]

[D'un faucon] "Qui est pourvu de ce qu'il faut pour chasser" : ...Il faut avoir un esprevier Bien volant et sain et entier Et aussi qu'il porte bon pié... (LA BUIGNE, Rom. deduis B., 1359-1377, 451).

Entier de ses pennes. "Qui a un pennage intact" : ...Et, s'est de ses pennes entier, L'oysel en fait plus a prisier. (LA BUIGNE, Rom. deduis B., 1359-1377, 349).

Empl. subst. "Intégralité, totalité"

[À propos d'une chose] En son entier. "À quoi rien n'a été retranché" : ...et qui [le roi Charles VII] son royaulme avoit perdu a ung harpent pres par maniere de parler, l'a reintegré en son entier, ce que oncques n'a peu faire autre : Guienne trois fois a impugnee et en fin parobtenue par glorieuses armes, Normandie semblablement, Bretaigne reduitte a son hommage (...), Mets a supploiement (CHASTELL., Chron. IV, D., c.1461-1472, 314). ...n'entendons pas (...) enterrompre voz previleges, et ordonnons qu'ilz soient et demeurent en leur entier (Lettres Louis XI, V., t.6, 1475-1478, 87). ...assés souvent peut advenir que le plus foible, qui a cedé au plus fort, demeure en son entier et la force de celuy qui plus fort estoit est froissee et anichilee. (TARDIF, Apologues R., c.1493-1498, 67).

P. méton. [À propos d'une pers.]

Laisser qqn en son entier. "Laisser à qqn l'intégralité de son pouvoir, de ses possessions..." : Et, en tant que touchoit les contes de Nevers et de Sainct Pol, connestable de France, que le roy luy avoit habandonnéz, il declaroit que nonobstant qu'il les haÿst et en eust bien cause, si vouloit-il remectre ceste injure et les laisser en leur entier, suppliant au roy qu'il voulsist faire le semblable de ces deux ducz que ledict duc de Bourgongne luy avoit habandonnéz, et qu'il luy pleüst que chascun vesquist en paix et en seüreté et en la manière qu'il avoit esté promis à Conflans, où tous estoient assembléz, en luy declarant que, en ce cas qu'il ne voulsist ainsi le faire, qu'il secourroit ses alliéz. (COMM., I, 1489-1491, 232).

Demeurer en son entier. "Garder l'intégralité de son pouvoir, de ses possessions..." : Ainsi se dissimuloit le temps par embassades et par grans personnaiges envoyez de par le duc devers le Roy de France, qui moult prouffitarent que la guerre ne commença point pour ceste matiere, mais demoura chascun en son entier (LA MARCHE, Mém., II, c.1470, 420). ...et, en allant, parlerent de plusieurs matieres et mesmement de pacifier les divisions, et leur dist qu'il convenoit que le roy, pour demourer en son entier, feist trois choses: c'est assavoir qu'il entretint les seigneurs et leur donnast bonnes et grosses pensions, qu'il mist sus justice et qu'il soulaigast le peuple, ce que lesditz de Cominge et du Lau louerent assés. (LE CLERC, Interp. Roye, c.1502, 186). Et ce qui mouvoit ledit du Lau de ce faire estoit, comme l'on disoit, pour confermer son estat et son fait et pour tousjours demourer en son entier (LE CLERC, Interp. Roye, c.1502, 189).

Tenir qqn en son entier. "Maintenir qqn en son état" : ...car il ne mua riens des pensions pour celle année, qui avoit encores six moys à durer, osta poy d'offices et dist qu'il vouloit tenir tout homme en son entier et estat (et tout cela luy fut bien seant) et, le plus tost qu'il peült, aller à son couronnement, là où fuz. (COMM., III, 1495-1498, 313).

Estre en son entier. "Être dans son plein droit, être libre (de faire telle chose)" : Or disoit ledit deffendeur que proprement ce n'estoit point acquisition perpetuelle, mais estoit seulement une pension viagiere faicte de la voulenté et union des deux cueurs par aliance d'amitié, par quoi n'y failloit nul amortissement, car il n'y avoit point d'obligation ne constitucion de rente sinon "tant tenu tant payé", et se chacune des parties estoit en son entier pour n'en retenir riens se bon ne luy sembloit. (MART. D'AUV., Arrêts Am. R., c.1460-1466, 33).

Loc. adv. Par entier

"De façon complète" : Sarrazin, je voy tout asert Que trocymant estes appert Et hardy et saige parlier, Mais je vous pry que par entier Dittes ce que avez veü Entre crestiens, ne congneü, Que en vous cuidiez reporter. (BOUVET, Appar. Meun A., 1398, 18). ...Et puys bien avec eulx traitter Et leur dire tout par entier Les entreprinses de nos gens (BOUVET, Appar. Meun A., 1398, 33).

"Sans restriction" : Se Dieu, a vous qu'estes si rude, A donné des biens par entier, Et puys, selon la loy d'institute, Il vous a faict ung heritier, Louez Deu en vostre mestier. (Colin loue dép. Dieu T., c.1485, 172).

B. -

[D'une chose (concr. ou abstr.) considérée dans toute son étendue, son extension] "Qui est pleinement ce qui est attendu"

[D'une chose quelconque] "Intégral (qui n'est rien d'autre que ce qu'il est)" : ...c'estoit une grant faierie, Ung songe entier ou une resverie Des misteres qu'en allant il trouvoit, Et tant de peuple qu'omme ne se sçavoit Soy contourner pour toute sa puissance, Et vis a vis de son logis avoit Trois belles jeunes dames par excellence. (LA VIGNE, V.N., p.1495, 169).

[D'une surface] "Dans toute son étendue" : ...et s'il avoit en aucunez d'icellez masurez charueez ["surface labourée en en jour par une charrue"] entièrez, ilz devroient XII gerbez, et pour demi masure [l. charuee] VI gerbez. (HECTOR DE CHARTRES, Cout. R., 1398-1408, 27).

[D'une référence temporelle] "Complet" : LE LARRON. (...) Il a ja près d'un moys entier Que je ne poi gangnier denier (Mir. march. larr., c.1349, 100). Et jousta on bien et bel, et continua la feste VIIJ. jours tous entiers. (ARRAS, c.1392-1393, 16). Et dura chils assaus un jour tout entier, mais riens n'i conquissent que painne et travel, cops et horions (FROISS., Chron. D., p.1400, 660). Un an s'i tindrent tout entier, Car besoing leur fu de gaictier Comment le port prendront sur Troye (CHR. PIZ., M.F., III, 1400-1403, 70). ...comme par la grace de Dieu, du Roy et de sa Court, eusse servi ceans et exercé l'office de graphier par l'espace de seze ans tous entiers et continuez (BAYE, II, 1411-1417, 273). ...et en ce le condempne ladicte Court et aussi à tenir prison en ycelle Conciergerie par l'espace de deux jours entiers au pain et à l'eaue. (FAUQ., I, 1417-1420, 381). ...il [Saintré] vient en ce roiaume tout premiers en la court de ce tresnoble roy, ou il sera un mois entier (LA SALE, J.S., 1456, 102). ...je jeuneroye pour l'amour et honneur de luy ung an entier (C.N.N., c.1456-1467, 575). Or est il que cinq mois entiers Vous estes devant ceste ville Pour y faire des destourbiers Chacun jour a cent et a mille. (Myst. siège Orléans H., c.1480-1500, 271).

"Qui est arrivé au bout de son développement, accompli" : EVE. ...Quant sera celluy temps entier Que, de ta grace et voulentier, verrons ta divine presence ? (GRÉBAN, Pass. J., c.1450, 310).

C. -

[D'une pers., d'une manifestation de la pers.]

[D'une pers.] "Qui manifeste certaines qualités morales sans restriction"

"Fidèle, loyal..." : Qui troveroit amis entier Qui fut saige et droiturier (...) Il n'avroit pas mal esploitiez Cilz qu'en pourroit finer de trois. (DUPIN, Mélanc. L., c.1324-1340, 172). Qu'est devenue la constance et loyauté du peuple françois, qui si longtemps a eu renom de perseverer loial, ferme et entier, vers son naturel seigneur sans querir nouvelles mutacions ? (CHART., Q. inv., 1422, 14). ...toutesvoyes ay je bien cause d'avoir aucun espoir qu'elle demouree soit vraie et entiere envers moy, veu que, des lors que je me partis d'elle, elle sçavoit bien que j'aloye en sa besoingne en estrange terre (Percef. III, R., t.2, c.1450 [c.1340], 20). - Entiere dame et assouvie, J'espoir de vous servir ainçoys, Certes, se Dieu plaist, que devie Vostre povre escolier Françoys. (VILLON, Poèmes variés R.H., c.1456-1463, 45). Vindrent aprés deux cens arbalestriers, Hardiz, vaillans, couraigeux et entiers : Dessouz le col l'arbaleste bendee Qui n'estoit pas de foiblesse fardee, Mais par raison grosse, puissante et forte, Et le garrot ou la vire fondee Pour trespercer ung demy pied de porte. (LA VIGNE, V.N., p.1495, 212).

"Vertueux, sincère, intègre...(parmi les qualités appréciées chez le chevalier, chez l'homme qui exerce des responsabilités)" : Il [le chevalier] doit estre saige et entier, Courtois, loyal et droiturier (DUPIN, Mélanc. L., c.1324-1340, 87). Si que vous vous en desdirez, Et devant chascun li direz Qu'il est preudons, justes, loiaus, Et qu'onques ne fu desloiaus, Et qu'en li nul mal ne savez, Et aussi que vous le tenez Pour bon et loial chevalier, Veritable, ferme et entier (MACH., P. Alex., p.1369, 242). Une dame, quant ce vint a sa fois, Ala nommer le bon conte de Foix Sage et entier, Noble Jehan, de Phebus heritier, Et qui porte son escu en quartier Et de tousjours suit l'amoureux mestier. (CHART., D. Fort., 1412-1413, 193). Le Pape et les cardinaulx, veans ce noble tesmoingnage, furent honteux et desplaisans du traveil donné à ce noble et très catholicque Roy, le firent benignement revestir, et après pluseurs honnourables excuses, le recongneurent bon et entier filz de l'Eglise, et, par l'advis de tous et en memoire de ses biens fais, luy fut ordonné de mettre en chacun des cincq escuchons d'azur, qui sont ès armes de Portugal, cincq besans d'argent en chacun. (LA MARCHE, Mém., I, c.1470, 37). ...mais en continuant et approuchant ce darnier nom à luy donné de bon duc, il se laissa legierement conseillier à faire paix, comme celluy qui de sa nature fut vray, bon et entier Franchois. (LA MARCHE, Mém., I, c.1470, 99). Ce neantmoins vous voyez que devint Le chief d'honneur, le pillier de noblesse, Par qui present dueil et soucy nous blesse, Le prince entier, le conte debonnaire Qui tant estoit de noble et de bonne ayre (LA VIGNE, V.N., p.1495, 317).

En partic. [D'une jeune femme] "Qui manifeste certaines qualités , dont la fidélité, la chasteté..." : Si vous diray de la portiere, Qui de cuer est franche et entiere, Doulce, piteuse et sanz orgueil (CHR. PIZ., M.F., I, 1400-1403, 91). C'estoit garnison de tous biens Pour faire a cuer d'amant frontiere : Jeune, gente, et entiere (CHART., B. Dame, 1424, 336). ...la tresbonne fille et entiere, amant plus cher morir que perdre son honneur, ne s'en effraya gueres [des menaces proférées par un galant] (C.N.N., c.1456-1467, 116). ...elle demoura entiere jusques au retour de son mary (C.N.N., c.1456-1467, 579).

Estre tout entier à qqn. "Mettre toute sa personne au service de qqn" : Ja Dieu ne me laisse tant vivre que aultry que vous ait une part ne demye en ce qui est tout entier vostre. (C.N.N., c.1456-1467, 232). ...je suis tout entier vostre. (C.N.N., c.1456-1467, 321).

Entier de + inf. "Entièrement disposé à" : N'est droit que je m'en escondie, Car je sui en tous tamps entiers Dou dire et l'oïr volentiers [un virelai récemment écrit] (FROISS., Pris. am. F., 1372-1373, 169).

[Avec une valeur nég.] "Qui reste sur ses positions, inébranlable" : ...et, s'il se monstroit roide et entier, sans vouloir consentir ad ce, le pourroient detenir en son logeys, affin que par son moyen laditte forme de faire ne fust empeschée. (LE CLERC, Interp. Roye, c.1502, 185).

[Du coeur]

"Loyal, fidèle" : Du non croire me pardonnez, Car j'ay cuer tel et si entier Qu'il ne se pourroit affaictier A chose ou Loyauté n'acorde (CHART., B. Dame, 1424, 349). Quant on a son cuer bien assis En bonne et loyale partie, Il doit estre entier et rassis A tousjours mais sans departie. (CHART., B. Dame, 1424, 353). Puis le bailly Saint Pierre le Moustier Qui eurent tous pour le roy cueur entier. (LA VIGNE, V.N., p.1495, 152).

"Sincère, irréprochable" : ...bien affiert a coer discré, Amoureus, loyal et secré Qu'il soit entiers. (FROISS., Dits Débats F., 1363-1393, 143).

De coeur entier

"En toute loyauté" : Le chevalier Sans repentir aimme de cuer entier La plus belle qui vive, a son cuidier (MACH., J. R. Beh., c.1340, 119). Car la joie n'est ordenée Sans plus que pour estre donnée Aus amans qui de cuer entier Aimment pour leurs corps avancier (MACH., D. verg., a.1340, 45). Tresvoluntiers, de cueur entier Suivre je vous veulx en tous lieux, Par grant chemin et par sentier, Car je n'en puis valoir que mieulx. (LA VIGNE, S.M., 1496, 380).

"Avec une grande foi" : Humblement et de cuer entier, Mére, devant vostre ymage estre En oroisons voy la Sevestre Ou requiert de cuer et de bouche Chose qui a mon honneur touche. (Mir. st Sev., 1362, 219).

[D'une manifestation, d'un état de la pers.] "Qui se manifeste sans restriction"

[D'un sentiment] "Complet, parfait" : Si que, tres belle sans orgueil, Que j'aim d'amour entiere, Pour vous si grant doleur recueil, Quant einsi m'estes fiere, Que je sui en doubtance D'estre en desesperence (MACH., Ch. bal., 1377, 582). Ce fist li roys à leur priere, Car d'amour certeinne et entiere Le commun de Venise amoit Et ses bons amis les clamoit. (MACH., P. Alex., p.1369, 119). Ceste maniere tint le vertueux homme et d'entier courage Mathathias et ses enfans les Machabees en la persecution que fist le roy Anthiocus sur le peuple d'Israël par la desloiauté d'aucuns pervers hommes d'icellui peuple qui vers lui se tournerent (CHART., Q. inv., 1422, 48). Et qui de Dieu le plus hault honneur tient Par seigneurie ou dominacïon, Plus est tenu et plus lui appartient D'avoir en lui entiere affectïon, Crainte et honneur, bonne devocïon Et vergoigne de meffait et de vice, Et faire tout en bonne entencïon Pour Foy garder et pour vivre en justice. (CHART., B. Nobles, c.1424, 396). Trop luy despleut tort faict et chose injuste Car il estoit d'entier vouloir et juste, Qui n'eust souffert delict pour chose nulle. (ROBERTET, Oeuvres Z., c.1450-1500, 172). ...vous suppliant que mon petit service, partant de bon vouloir et entier, ne soit pas reffusé. (C.N.N., c.1456-1467, 257). ...si ne les povoit il forclorre de l'entiere et loyale amour dont leurs deux cueurs estoient mutuellement entreliez et embrasez. (C.N.N., c.1456-1467, 546).

[D'une réalité morale, intellectuelle...] : Allons a eux diligemment, Puis nous declairons leur afaire, Et sarons d'eux entierement Toute la verité entiere. (Myst. siège Orléans H., c.1480-1500, 641).

[D'un état] : Me semble de prime face que ensuir vouloit les anciennes vesves de jadiz si comme les histoires dient, c'est assavoir que les Romains avoient une tresloable coustume de tres grandement loer et honnorer les femmes vesves, celles qui aprés le trespas de leurs premiers maris jamais plus ne se vouloient remarier, ains, pour la tresgrant et loiale amour qu'elles leur portoient, vouloient garder honnesteté et entiere chasteté. (LA SALE, J.S., 1456, 3). ...je vous promectz (...) d'actendre le jour de vostre revenue en vraie, pure et entiere chasteté de mon corps (C.N.N., c.1456-1467, 566).

[D'un pouvoir, d'un ordre] "Absolu" : ...c'est pitié que si entier Pouoir ayent et tel licence Gent de mauvaise conscience (CHR. PIZ., M.F., II, 1400-1403, 60). Aprés mes treshumbles et tresobeissans recommandacions, pour obeir a voz prieres qui me sont entiers commandemens, me suis delicté a vous faire quatre beaus traictiez (LA SALE, J.S., 1456, 1).

DMF 2020 - MAJ 2020

Pierre Cromer

Fermer la fenêtre