A. -

"Ce qui advient par malheur, malheur, infortune" : Si ne pris riens telle puissance Ou pais, seürté, souffissance N'a, fors doleur et meschëance, Pleur et destresse. (MACH., R. Fort., c.1341, 38). Sa force est qu'en chëant est forte ; En desconfort se reconforte ; En riant meschëance aporte, Pleur et hachie ; En confortant se desconforte ; En foulant les siens entreporte ; En tous maus faire se deporte, Quoy que nuls die. (MACH., R. Fort., c.1341, 43). ...qui ont Cil esté (...) Qui m'ont de ci endroit tolu Du saint martir les armes dignes ? Haro ! Diex ! (...) vezci grant meschance. Las ! dolens ! las ! (Mir. emp. Julien, 1351, 201). LA DAME. (...) Si m'endormi, Et en dormant mes braz ouvri, Et mon enfant si m'eschapa ; Ainsi en l'yaue se noya, Par ma meschance. (Mir. enf. ress., 1353, 37). Cescuns li ala remoustrer et complaindre ses damages et ses mescheances, au mieulz qu'il peut, et toute la destruction que li rois Edowars et li Englès avoient fais en son pays. (FROISS., Chron. L., II, c.1375-1400, 120). "Monsigneur, par la foi que je doi à vous et au roi, je n'entenderai jamais à autre cose si serés resjoïs de vos mescances, ou nous parperderons tout le demorant." (FROISS., Chron. R., X, c.1375-1400, 251). ZOILE. Se ton Dieu te gart de meschance, Est il tel com tu le m'enortes ? (Mir. Pierre Changeur, c.1378, 269). Je te doi bien maudire, mort, (...) Car recouvrer ne puis la perte Jamais que m'as a ce cop fait ; (...) en toy n'en ton fait N'a que douleur et mescheance (Mir. fille roy, c.1379, 26). ...les perilz et mechances (CHR. PIZ., M.F., I, 1400-1403, 58). [Le coeur de Villon :] - J'en ay le dueil, toy le mal et douleur. Se feusses ung povre ydiot et folet, Encore eusses de t'excuser couleur ; Si n'as tu soing, tout t'est ung, bel ou lait. Ou la teste as plus dure q'un jalet, Ou mieulx te plaist qu'onneur ceste meschance : Que respondras a ceste consequence ? - J'en seray hors quant je trespasseray. - Dieux ! Quel confort ! Quelle sage eloquence ! (VILLON, Poèmes variés R.H., c.1456-1463, 71). Helas ! le povre chrestïen A assés de male meschance : Unze sepmaines sans laschance A esté illec, le povre homme ! (Path. D., c.1456-1469, 112). Fortune par oultrance Me tient icy en trance Sans nulle recouvrance, Mais malheur a grant tas. Quant je voy ceste dance Qu'i convient que je dance En angoisse et meschance, Je peulx bien dire helas. Helas, je me suis veu puissant, Jouissant D'or, d'argent et de monnoye ! Par Povreté suis impuissant (Mir. st Nic. juif, c.1480-1500, 73). Mauldit soit mon orde naissance ! Mauldit soit qui m'a enffanté ! Mauldit soit ma villayne enffance ! Mauldit soit qui m'a mys en chance ! Mauldit soit mon corps s'il s'amende ! Mauldit soit ma malle meschance ! (LA VIGNE, S.M., 1496, 386).

Rem. WAUQUELIN, Manequine C.T., a.1448, gloss.

-

Par mescheance. "Par malheur, accidentellement" : Li blanc cappron dissoient que li castiaulx estoit ars par mescheance et non autrement. (FROISS., Chron. R., IX, c.1375-1400, 184).

-

Feu de mescheance. "Incendie malheureux, accidentel" : "Sire, vous ne savés ? Vostre belle maison de Ondreghien (...) est arsse" - "Arsse !" dist li contes (...) "Mes Dieux, sire, voire." - "Et comment ?" - De feu de mescheance, sicom on dist. (FROISS., Chron. R., IX, c.1375-1400, 185).

-

À la male mescheance de qqn. "Pour le malheur de qqn" : "Se nous avons perdu Ippre ceste fois, une autre fois nous le recouverons à leur malle mescheance ; car j'en ferai encores à tant trenchier les testes et là et ailleurs, que li autre s'en esbahiront." (FROISS., Chron. R., IX, c.1375-1400, 194).

-

Querir sa male mescheance. "Chercher son malheur" : ...et incontinent ycellui Jehan de La Ramée lui dist : Où vas-tu ? Et ycelui defunt lui respondi : Que en veulz-tu ? Gardes-tu les gens qui passent le chemin ? Et ledit de La Ramée lui dist : Tu quiers ta male meschance. (Reg. crim. Chât., I, 1389-1392, 413). ...ledit Denisart, qui estoit moult frié et esmeu de ce que dit est, non contens de ce et quérant sa mâle meschance, assez tost après, en réveillant le chat qui dormoit (...) lui dist qu'il n'avoit mais si bel regner qu'il avoit eu ou temps passé, et que ses posteaulx, c'est à dire les meilleurs de ses amis, estoient mors. (Ch. VI, D., t.2, 1400, 9).

-

[Formule de malédiction] : N'en parlons plus, car l'air empire De parler de si vil matire, Car il valent, tant vous en di, Pis que Judas qui se pandi. Grant meschëance leur avengne ! (MACH., D. Lyon, 1342, 201). Quant eu chastel furent retrait Tout belement et tout atrait ; Et li Sarrazin ensement S'estoient tout premierement Mis de la plainne en la montaingne ; Honte et mescheance leur veigne, Car ce sont gent qui trop nous héent, Et qui à nous destruire béent ! (MACH., P. Alex., p.1369, 148). L'EMPERIÉRE. Diex vous envoit male meschance ! Est ce le sens dont l'escolez ? (Mir. Rob. Dyable, c.1375, 60). "Velà folle gent et outrageus ! La male mescance les cache bien. De toute le compaignie jamais piés n'en retournera. Or arons nous maintenant fin de guerre." (FROISS., Chron. R., X, c.1375-1400, 220).

B. -

"Action coupable, méchanceté" : S'il est ainsy, o ame devote, que tu pues estre hostelaine de ton Dieu - et oÿ, certes, il est ainsy : celui le dit qui ne puet mentir -, quele folie, quele meschance et vilainie seroit ce a toy de refuser ung tel hoste ! (GERS., Pent., p.1389, 72). L'EMPEREUR. Hé, touz noz dieux ! Que veult ce dire ? Et commant ? Nostre mareschaul Veult il nous dieux par tel assault Mettre au bas par mescognoissance ? Cecy est une grant meschance Qu'est il de fere, beaulx seigneurs ? (Myst. st Adr. P., c.1450-1485, 112).

-

Male mescheance. "Mauvais traitement" : Ne me creez jamais s'il [Geoffroy] n'est icy venus pour nous faire quelque male meschance. Sachiez que je me mectray en tel lieu qu'il ne me trouvera pas, se je puis. Non, dist le chappellain, sachiez qu'il ne vous fera ja mal, et serez tous joyeux de sa venue car il a tel ceans qu'il aime sur toutes les personnes du monde. Et ainsi se rasseurerent les moines un petit. (ARRAS, c.1392-1393, 277).

-

Avoir mescheance du corps. "Subir de mauvais traitements" : Par saint Prist, se ne vous taisiez, Vous arez meschance du corps. (Mir. prev., 1352, 240).

-

Faire mescheance à qqn. "Faire subir de mauvais traitements à qqn" : Le chetif fol ne scet guenchir A meschance que l'en li face (Mir. parr., 1356, 17).