A. -

Au propre "Profondément, en profondeur" : ...De son chief qui navré estoit De toutes pars parfundement Des espines à grant tourment. (GUILL. DIGULL., Pèler. J.-C. S., 1358, 278). Les mineurs qui minoient la tour de Meullent minerent si fort et si parfondement que la tour print à enfondrer (Chron. Valois L., c.1377-1397, 142).

-

S'encliner parfondement. "S'incliner très bas" : A ceste oroison en aucunes eglises le prestre s'encline parfondement (JEAN GOLEIN, Rational B.D., c.1370-1372, 479).

B. -

P. anal. "Profondément, intensément" : Mais quant repos en moy nature Voloit prendre, une creature Oy qui trop fort se plaignoit, Et bien vi que pas ne faingnoit, Car son plaint si parfondement Prenoit, et son gemissement, Que j'en os horreur et frëour, Doubtance, frisson et paour. (MACH., F. am., c.1361, 145). ...maiz son cuer en sera si parfondement navré que jamaiz n'en garira, mais toutes foiz qu'il en souviendra naistra nouvelle douleur. (Ménagier Paris B.F., c.1392-1394, 98).

-

Gemir/pleurer/soupirer... parfondement. "D'une manière qui vient du fond de l'être" : ...la dame qui avoit longuement Perdu vigour, scens et entendement Ouvri les yeus et prist parfondement A souspirer, En regretant celui qui desirer Li fait la mort par loiaument amer. (MACH., J. R. Beh., c.1340, 66). Si que, dame, se je pleure et gemi Parfondement et di souvent : "Aimy !", N'est pas merveille, Quant sa fine biauté qui n'a pareille Et sa colour vive, fresche et vermeille, Et son trés dous regart qui me traveille, M'ont eslongié (MACH., J. R. Beh., c.1340, 84). Tout einsi mes cuers qui pleure Parfondement a toute heure Acroistre mon souvenir Fait jour et nuit. (MACH., L. plour, 1349, 284). N'onques puis chanson ne chanta, Bois ne rivieres n'enchanta, Einsois le poette divin Fu la mors et gettez souvin. Les nimphes dou bois le plourerent Parfondement, car moult l'amerent, Et de tous les arbres les genres, Les grans, les moiens et les menres, Et les rivieres ensement Le plourerent parfondement (MACH., C. ami, 1357, 92). Quant je voy vostre grant douçour, En mon cuer vient, par desirer, Une ardeur qui le fait en plour Moult parfondement souspirer, Car je ne vous ose monstrer La doleur qu'humblement vueil traire, Tant com je vivray, sans meffaire. (MACH., Bal., 1377, 554). Qu'en desir qui me court seure Truis trop mortel anemy, Dont souvent souspire et pleure Parfondement et gemy Pour mon doulz loyal amy. (MACH., L. dames, 1377, 165). Et lors fait semblant qu'elle enrraige, Et crie si horriblement, Et ploure si parfondement Qu'il samble qu'elle soit dervée (DESCH., M.M., c.1385-1403, 131). Et entretant que Remondin mettoit paine a alumer le feu pour faire a son seigneur plaisir, le conte regarde tousjours ou ciel contremont, et commenca a souspirer parfondement. (ARRAS, c.1392-1393, 19). Adont, gemi Jason, par faintise, en semblant Que, par fort amer, voit tremblant Et moult parfondement soupire... (CHR. PIZ., M.F., III, 1400-1403, 40). Et quant je entreoÿ la fin de ces [c]es paroles, lors parfondement je souspiray et tramblay ; par grant admiracion je, tout espouenté et presques ravy hors de moy mesmes, criay avec l'apostre saint Pol : "O altitudo diviciarum sapiencie, etc..." (GERS., Trin., 1402, 164). ...anchois yssoyent de son cuer souspirs a telle habondance que la dame en avoit grant pité et fist grant doubte qu'ilz ne le menassent a mort, sy se reprist a plourer parfondement et dire a basse voix : ... (Comte Artois S., c.1453-1467, 116). Medee plouroit a ces motz si parfondement qu'il sambloit de ses yeulx que ce fussent deux ruisseaulx (LEFÈVRE (R.), Hist. Jason P., c.1460, 227).

C. -

Au fig. "Profondément, de manière approfondie" : ...quant nous parfondement considerons la grant multitude dez cités, de chastiaux et de fors, qui estoient tant fors, tant inexpugnables... (Songe verg. S., t.1, 1378, 7). Et, pour tant, disoit un tres excellent aucteur, lequel est appellé Stacius et palle en mettre, hautement et parfondement de ceste matiere (Songe verg. S., t.1, 1378, 409). Maiz qui vouldroit cy bien parfondement considerer, il apperceveroit que... (EVR. CONTY, Harm. sphères H.P.-H., c.1400, 23). ...l'autre il se creva les yeulx en ung sien jardin pour plus parfondement contempler les faiz de nature qu'il avoit veuz. (SIMON DE PHARES, Astrol., c.1494-1498, f° 47 r°).

-

Penser parfondement : Pour ce pensoit Parfondement, ne onques ne cessoit, Et en pensant le plouroit et plaingnoit, Si que son vis en larmes se baingnoit. Pour ce maintient Que la dolour est plus griés qui li vient Pour son ami que celle qui me tient. (MACH., J. R. Beh., c.1340, 116). Einsi pensoie et repensoie Comment ma dame serviroie. Si pensai si parfondement Qu'ailleurs n'avoie entendement, Et si forment y entendi Qu'en vergier ma sente perdi. (MACH., D. Lyon, 1342, 169). Si prist à penser durement, Et souvent et parfondement, À la chose qui li fu dite Et qui en son cuer fu escripte, Comment il se porroit chevir À si tres grant ouevre assevir. (MACH., P. Alex., p.1369, 10). Celle nuit reposay petit, Mais a ce qui estoit escript Et que j' escripvi ensement Leuz et pensay parfondement, Toute la nuit mieulx que je pos Sanz avoir aise ne repos, Jusques bien près d'eure de prime. (DESCH., M.M., c.1385-1403, 341). Quant l'ame devote par l'inspiracion divine pensant a la mort parfondement considere et de lui meismes la vie brieve, sa propre fragilité, maladies sans nombre et tribulacions soudaines... (MÉZIÈRES, Test. G., 1392, 301).

V. aussi profondément