A. -

"Aide, secours, recours" : Dame, à vos sont tous mes retours [l. recours] ; Mere de Dieu, par le doucheurs... (Sept péchés C., c.1300-1350 [p.1478], 219). Vez que li las a perdu tout secours, Ne ses cuers n'a refuge, ne recours, Fors a la mort qui a li vient le cours. (MACH., J. R. Beh., c.1340, 129). Je leur sui mere, amie et gaite ; Je leur sui phisicienne et garde ; De tous maus les deffen et garde ; Il m'aourent ; je les honneure ; Il me prient, et je demeure ; Je sui leur ressort, leur recours Par coustume et par entrecours (MACH., R. Fort., c.1341, 79). C'est ma santé ; c'est ma baudour ; C'est mes confors ; c'est ma valour ; C'est ma dolour ; c'est ma durté ; C'est toute ma bonneürté ; C'est ma pais ; c'est ma soustenence ; C'est mes recours ; c'est ma fiance ; C'est ma mort ; c'est ma maladie (MACH., D. Lyon, 1342, 167). Et cils puet trouver moult de fais Aus quels il se puet encliner Pour son mal faire terminer, Par pluseurs manieres de tours. Mais la dame n'a nuls recours Es quels elle se puist garir, Qui son amy verra morir. Dont elle sent pour un mal cent Que cils autres amans ne sent. (MACH., J. R. Nav., 1349, 195). Je voy bien que nostre secours, Nostre aide et nostre recours N'est fors qu'en la main Dieu (Mir. ste Bauth., c.1376, 134). Là pren je force et vigour et ressort Contre Desir ; Quar s'il avient qu'il me veigne assaillir, C'est mes recours (MACH., Bal., 1377, 565). Las ! c'est Honneur qui est en maintes cours Mors à grant tort et Loyauté bannie, Et Verité, qui estoit mes recours, Y est aussi morte et ensevelie. (MACH., L. dames, 1377, 202). Car la mort vient à moy le cours, Ne nul recours N'ay, ne secours En mes langours De mes tristours Ne puis trouver envers Amours (MACH., Les lays, 1377, 295). Ha ! diex d'amours, vien tost le cours Et m'aïde de tes secours ; Car, se temprement n'i acours, Je ne puis estre respité De la mort, car tuit mi recours Sont en toy, et mi jours sont cours ; Dont ma vie chiet en decours, Se temprement ne has pité. (MACH., Les lays, 1377, 310). JANICOLA. Certes en toy ay bon refuy Et bon recours, ma fille chiere, Car tu m'ez fille et chamberiere, Voire mere, se Dieu m'aït ! (Gris., 1395, 27). Hault Plasmateur que povre cuer adresse, Voy la doleur et le piteux martire, Que par Pluseurs le Povre Peuple tire. Gette sur luy tes doulz yeulx de pitié, Faiz apparoir la grande amitié De quoy tu l'ayme, en luy donant secours. Tu es son pere, son reffuge et retours [l. recours] (Pouvre peuple H., c.1450-1492, 195). Mais ores est en nous le recours ; car nous avons orgoeul, envye, avarice, yre et luxure (...) pour très recommandés (LA SALE, Sale D., 1451, 35). ...avoir son vray recours a Dieu et le requerir a vray juge de sa bonne, saintte et juste cause. (LA SALE, Sale D., 1451, 47). Où auray je recours ? (Cene dieux, c.1492, 116).

-

Avoir recours à qqc. "Faire appel à qqc." : Item, apres longtemps fu Naptanabus, roy d'Egipte, qui en tous ses grans fais avoit recours aux ars mathematiques (ORESME, Divin. C., c.1366, 70).

-

Avoir recours à qqn. "Faire appel à qqn" : Ne scé a qui recours avoir. Biaux sires Diex, vueillez m'aydier Conment j'aie ce que je quier. (Mir. march. juif, c.1377, 183). Celuy qui est moïen de Dieu le Pere et dez honmes, c'est assavoir Jhesuchrist, si a divisees ces deux puissancez, afin que lez Impereurs et lez Roys crestians eussent recours, pour le salut de leurs amez, au Saint Pere de Ronme (Songe verg. S., t.1, 1378, 65). ...un subgiet du royaume grevé avoit et devoit avoir recours par appel à son souverain (BAYE, I, 1400-1410, 27). ...le Roy par avant avoit très instamment esté sommé et requis par notables ambassadeurs (...) non esloingnier Paris, afin de lui communiquer les affaires de Paris et pour avoir plus aiseement à lui recours à touz besoings. (FAUQ., I, 1417-1420, 260). Et ie croy que ces meditacions ycy te seront moult fructueuses, et par ce tu te leueras en pensee a mediter les benefices de Dieu en toy, les bons desirs, les bons mouuemens, les secres conseilz quil te donne en tes affaires quant tu es en doubte et tu as recours a luy (CIB., p.1451, 187). Ou irey je ? Las, je ne scey Si j'ay a la mere recours ; Tous les jours D'elle me sera raproché Qu'a la mort t'ay habandonné Et laissé. (Pass. Auv., 1477, 181). ...après que Mons. vostre frere a veu que, par tous les traittez qu'on faisoit de son appanaige, on ne luy offroit pas qui luy fust propre ne convenable, ne chose dont il se peust bonnement entretenir, il n'a trouvé moyen fors d'avoir recours à vous et mys peine d'avoir vostre bonne grace, et vous a supplié qu'il vous pleust luy bailler le pays de Guienne et autre qu'il a de present, où il avoit son affection plus que ailleurs (LE CLERC, Interp. Roye, c.1502, 221).

-

Avoir son recours en qqn : Si le destraint Qu'il estaint, Quant en toy n'a son recours. (MACH., Bal., 1377, 541). PRECO. Messeigneurs, ayés en memoire Le mistere qu'avez veüz, Et ayés ou benois Jhesus Vostre recors et experance ! (Myst. st Adr. P., c.1450-1485, 188).

-

Venir à recours à qqn. "Venir demander de l'aide à qqn" : Et puis ledit Edouart, voyant qu'il estoit seul demouré et du tout habandonné, s'enfouy et wida hors ledit royaume et s'en vint à recours audit duc de Bourgongne son beau frere ; et audit royaume d'Angleterre demoura sa femme et mesnage. (ROYE, Chron. scand., I, 1460-1483, 248).

B. -

DR.

1.

Recours de justice. "Action de faire appel à la justice" : ...[ilz] avoient esté, estoient et sont de tout temps frans, quittés et exemps de tout ost, chevauchiée, recours de justice et autres choses quelxconques envers le conte d'Artois et ses officiers ressortissans soubz le Roy et par devant ses gens et officiers, sans moien (Hist. dr. munic. E., t.1, 1389,,, 409).

2.

"Action exercée contre qqn pour être indemnisé de la prétention d'un tiers" : Et en ce faisant luy sera rendue, par ledit Briçonnet ladicte sédulle desdiz 80 escus restans de plus grant somme et aura ledit Pieret son recours contre Simon de Varye ou autre se bon luy semble pour recouvrer ce qu'il avoit baillé audit Simon (Aff. Jacques Coeur M., 1453-1457, 43). ...et lui avons réservé et réservons son recours et action pour raison des choses dessusdictes sur certains héritages assis ou païs de Berry appartenans audit Guillaume de Varie (Aff. Jacques Coeur M., 1453-1457, 569).

C. -

DR. COUTUM. "Seconde partie du temps limité (février-avril) pendant lequel s'exerce la glandée en forêt"

-

Recours (de pasnage) : Item, a l'y cinq masurez en ladicte ville, ou hamel dit Ysaville, qui doivent chacune deux minez d'avaine (...) et un bouessel de blé de moulin - dont les six sont une mine - et sont quictes de pasnage pour I d., et obole de recours (HECTOR DE CHARTRES, Cout. R., 1398-1408, 14). Pasnage à leurs pors de leur noureture, par païant I d. pour porc à la saint Andrieu et obole à la Chandeleur pour recours (HECTOR DE CHARTRES, Cout. R., 1398-1408, 15). ...et pour chacun porc un denier le jour de la saint Andrieu, et auxi pour le recours d'iceulx pors, le jour de la Chandelleur, pour chacun porc qui ira en ladicte forest aprés ladicte saint Andrieu, une maaille. (HECTOR DE CHARTRES, Cout. R., 1398-1408, 46). ...frans de pasnage et de recours (HECTOR DE CHARTRES, Cout. R., 1398-1408, 46).