"Maintenir, porter par dessous ; d'où soutenir qqn" : Avint que li rois Phelippes emprist et aquella ce messire Robert d'Artois en si grant haine en l'oqison d'un plait qui esmeus estoit en parlement a Paris, ... la male roine de France, fenme au roi Phelippe, aidoit trop fort son averse partie .... Et fu ... messires Robers d'Artois jugiés a morir honteusement, se on l'euist tenu ; ne onques li rois Phelippes ne le volt sousporter, tant fu il dur enfourmés contre li, et tout par la roine de France. Et convint le dit messire Robert soudainnement laissier fenme et enfans, ... et partir dou roiaulme et venir en l'Empire. (FROISS., Chron. D., p.1400, 197). Toutesfois, si ledit seigneur de Barbazan ou autres se tirent devers vous, et qu'il facent que la possession de Lestore et de toutes les autres places de par delà vous soient royallement baillées, et qu'il facent au surplus entiere obeyssance, en ce cas et non autrement, pour soupporter le povre peuple, et afin qu'ilz puissent mieulx payer les tailles, je suis content que l'armée n'entre point audit pays et que vous les supportés de charge au mieulx que faire se pourra (LE CLERC, Interp. Roye, c.1502, 235).

V. aussi supporter