A. -

[Idée de permanence] "À tout moment, sans cesse, toujours" : Si prie a ceste fin au sauveur de tout le monde qu'il doint honneur et bonne avanture a tous ceulx qui ce livre cy diligemment lyront et entendront, et en bonne patïence jusques a la fin toujours vivront. (Bérinus, II, c.1350-1370, 185). Quant le roy Richard d'Angleterre qui se tenoit en la marche de Galles sceut la mort de messire Symon Burlé, son chevalier et l'un de ses maistres, qui toujours l'avoit nourry et introduit, si en fut durement courrouciez (FROISS., Chron. M., XIV, c.1375-1400, 42). ...il ne moroit nul prisonnier en la cour dudit official, et que tousjours l'en en yssoit par detencion de longue prison, nouvel advenement d'arcevesque ou autre grant seigneur, qui faisoient delivrer yceulx prisonniers (Reg. crim. Chât., I, 1389-1392, 90). ...ycellui Baudet (...) la jetta en la ruelle de son lit où ilz furent eulz deux bien le quart d'une heure, ledit Baudet touzjours soy efforçant d'entrer ès jambes d'elle qui parle pour la charnelment congnoistre (Reg. crim. Chât., II, 1389-1392, 511). ...et par grace il met tous ses pechiés et offences en la pissine et galice du precieus sanc de Jesucrist espandu pour le salut de son ame, recommandant soy toujours a la Vierge Marie et a ses sains devos (MÉZIÈRES, Test. G., 1392, 318). Car l'en doit toujours tendre a faire le plaisir de son mary quant il est sage et raisonnable (Ménagier Paris B.F., c.1392-1394, 191).

-

À toujours. "Pour toujours, à jamais" : Plus sceure et plus ferme pais demorroit et seroit entre'iaux à tousjours (FROISS., Chron. R., IX, c.1375-1400, 117). ..[ils] .furent d'oppinion qu'il feust mené au cul d'une charrete, tout batant, jusques à la justice, et, illec, bany de la ville, viconté et prevosté de Paris à tousjours, sur peine de la hart (Reg. crim. Chât., I, 1389-1392, 237). Item, les deux portes par lesquelles ilz se partirrent de ladicte ville de Gand, le joeudi aprez Pasques, quant ilz allèrent mettre le siége devant la ville d'Audenarde, seroient à tousjours fermées et condempnéez, sans les ouvrir, les jours de joeudy. (Doc. 1452. In : ESCOUCHY, Chron. B., t.2, a.1465, 24).

.

À toujours mais : Et vous amerai mieus que devant à tous jours mès, se par ensi faites que je soie sires de Haimbon, de le ville et dou chastiel (FROISS., Chron. L., II, c.1375-1400, 97). Et dire que le monde fu fait et qu'il sera corrompu a touzjours mais sanz retourner, ce est du tout impossible (ORESME, C.M., c.1377, 186). Disoit oultre ledit procureur que ilz fussent forcloz et deboutez a tousjourmais de plus y avoir droit de mener ne faire mener leursdiz bestaulx (Chartes Abb. St-Magl. T.F., t.3, 1397, 711). Ma dame a tousjours mais serés (CHR. PIZ., M.F., III, 1400-1403, 40). A tousjours mais la servira, Ne jamais ne desservira Vers elle fors grace et service (CHR. PIZ., M.F., III, 1400-1403, 133). ...ceulx de ladicte cité ou autres d'iceulx pays, dès maintenant et à toujours mais, ne seront, ne se porteront en armes contre le roy ou roys de France (Doc. 1408. In : MONSTRELET, Chron. D.-A., t.1 c.1425-1440, 378). ...à tousjoursmais il en sera memoire. (ROBERTET, Oeuvres Z., c.1450-1500, 163). Et que bien autant au cueur me touche, s'en ce faisant ma vie esloignoie, ne viveroys je pas deshonorée et a toujoursmés reprochée, et diroit on : Veez la dame, etc...? (C.N.N., c.1456-1467, 143). Car si par adventure, comme il advient chacun jour, elle faisoit ung enfant, elle seroit a tousjoursmés femme deshonorée et reprouchée de son pere, de sa mere, [de] ses freres et de tout son lignage. (C.N.N., c.1456-1467, 293).

B. -

[Idée de persistance] : Et toujours demouroit le chancellier en son office (FROISS., Chron. M., XIV, c.1375-1400, 44). Ja ot le roy, cuidant tousjour Desmouvoir, Jason a sejour Tenu lonc temps (CHR. PIZ., M.F., III, 1400-1403, 37). Après ces choses, ledit de Bourgongne, en perseverant toujours en ses dyableries, foles obstinacions et mauvaistiez, comme devant avoit fait, le jeudi, XIe jour de juing oudit an LXXII, envoya devant la ville de Neesle... (ROYE, Chron. scand., I, 1460-1483, 268). Le mareschal Joachin, mareschal de France, estoit tousjours envyron de luy (qui estoit party de Peronne), mais il ne luy faisoit point de dommaige, parce qu'il avoit peu de gens, et se mist dedans Paris quant ledict conte en approcha (COMM., I, 1489-1491, 14). Le roy estoit à Compiengne, et son armée tousjours en Bretaigne. (COMM., I, 1489-1491, 122).

-

Toujours plus : Mais elle l'a mis ou plus hault lieu de sa roe et l'a si bien estoré que jamais nul jour il n'a pouoir de tourner en sa grevance, ains monta toujours plus en plus jusques en la fin. (Bérinus, II, c.1350-1370, 184). Si com li feux la buche avance Et la couvoite pour ardoir, Et avarice quiert l'avoir, Et n'en puelent estre assovis, Par ce semblable et plus envis Ne sera du vice de vie A nul jour la femme assevie, Ne delit ne lui souffira, Mais toujours plus le desirra. (DESCH., M.M., c.1385-1403, 185).

-

[Idée qu'une action se poursuit, mais sans persistance réelle, sans conséquence] : Maistre moyne, chantez toujours Et faictes bien a vostre guise, Car voz champs tourneront en pleurs, Se je viens a mon entreprinse (P. moyne, a.1500, 49).