A. -

[Idée de passage, dans l'espace ou dans le temps ou bien d'un état à un autre]

1.

[Dans l'espace] "Fait de passer (d'un endroit en un autre), passage" : [La voix] de un trespassement tant legier comme invisible et tant soutil que l'en ne le puet declarer, si remplist l'ouÿe (FOUL., Policrat. B., I, 1372, 114). Et bien proprement il dit que il passeront par le glaive et non pas fineront par glaive pour ce que le glaive leur est aussi comme .i. trespassement au lieu ou quel, selon leur multitude de pechiez et de leur mauvestiez, "eulz qui sont puissanz seront puniz tres puissaument" (FOUL., Policrat. B., V, 1372, 320). ...il [le vin blanc] blesse moins la teste, car il est moins fumeux et vaporeux que tous aultres vins. Que il soyent plus provocatifz de l'orine et plus suptilz il appert par Ypocras en la troiziesme partie des Maladies agues en ung canon ou il parle du vin blanc ou il dit que le trespassement du vin blanc en la vescie est plus facile que tous aultres vin (Rég. santé corps C., 1480, 28).

-

MÉD. "Passage des aliments à travers le corps, digestion" : ...et pour ce le vin est transporté et fait mieulx penetrer la viande que l'eaue en laquelle n'est chaleur quelconques, mais atarde le trespassement de la viande. (Rég. santé corps C., 1480, 66).

2.

[Dans le temps]

-

"Passage (dans le temps)" : Cest monde n'est c'on movement Et ung petit trespassement (DUPIN, Mélanc. L., c.1324-1340, 162). ...les choses passees n'ont point, a son regart [de Dieu], de quelconque transiscion ne de trespassement ne les choses a venir aussi ne ont point, en son regart, de succession. (FOUL., Policrat. B., II, 1372, 169).

-

Trespassement (de/du temps). "Passage du temps, laps de temps, période" : ...le premier trespassement du premier temps de la loy (BOUVET, Arbre bat. R.-B., c.1386-1389, 44). Et si ne puet homme du monde rennoier que l'Eglise n'ait esté en grande guerre en celui premier trespassement de temps (BOUVET, Arbre bat. R.-B., c.1386-1389, 51). ...le quart trespassement [var. trespassement du temps] commença ou temps du pappe Agathon le premier (BOUVET, Arbre bat. R.-B., c.1386-1389, 66).

.

Trespassement du temps. "Écoulement du temps" : ..la chose que au commencement riens ne vault par trespassement du temps ne puest prendre raison (BOUVET, Arbre bat. R.-B., c.1386-1389, 449).

3.

[D'un état à un autre]

-

Trespassement en qqc. "Passage à un autre état" : Et delectacion n'est pas fin, mais est voie et trespassement en autre chose. (ORESME, E.A.C., c.1370, 400).

-

[À propos de l'âme] "Ravissement" : Et lors en un moment et soudain trespassement en samblant de l'espartissement des nuees, l'ame attaint que c'est de Dieu, et tantost rechiet. (GERS., Montagne contempl. G., 1400, 54).

B. -

En partic. "Passage de la vie à la mort, décès, trépas ; moment de la mort" : DIEU. Or sus, mére, et vous, my affin. Je vueil estre au trespassement De Guillaume (...). NOSTRE DAME. Filz, c'est droiz que nous avançons Si que nous soions a sa fin. (Mir. st Guill., c.1347, 51). Si qu'einsi vit la belle clerement Le roy Ceïs et sot certeinnement La maniere de son trespassement. Mais de li pleins Fu, regretez et plourez longuement Par grans souspirs getez parfondement, Si que Juno y ouvra tellement Que pour ses plains En deus oisiaus mua leurs corps humains Qui sus la mer volettent soirs et mains. (MACH., F. am., c.1361, 167). ...le premier enfant emportera douaire de sa grant mere, pour ce que [sa] propre mere vivoit au jour du trespassement de sa grant mere ou ayeule (Cout. bourg. glosé P.M., c.1380-1400, 221). ...au jour du trespassement dudit defunct, il trouva d'aventure, sur une chaïere à doz, un petit sachet de cuir lonc d'un doy (Reg. crim. Chât., II, 1389-1392, 85). Cellui roy ot a nom Elinas et fu moult puissant et preux chevaliers de sa main. Or advint que, après le trespassement de sa femme, que il chassoit en une forest prez de la marine, en laquelle forest il avoit une moult belle fontaine. (ARRAS, c.1392-1393, 5). Adam, ains son trespassement, Vesqui bien .IXc. et .XXX. ans (CHR. PIZ., M.F., II, 1400-1403, 139). Et furent presens à son trespassement, si comme on disoit, son frere, le duc de Betheford, le duc d'Exestre, son oncle, et autres pluiseurs grans segneurs du pais d'Angleterre (FAUQ., II, 1421-1430, 56). ...touchans matiere de collacions de benefices et dons de segnories, terres, rentes, revenues ou possessions, fais paravant le trespassement de feu le roy Charles derrainement trespassé (FAUQ., II, 1421-1430, 174). On dit que tout bon chrestien Quant vient a son trespassement Si doit or disposer du sien Et fairë aucun testament. (RÉGN., F.A., 1432-c.1465, 126). ...nonobstant que a son trespassement elle estoit enchaintte d'enffant. (LA SALE, Salade, c.1442-1444, 185). Souyés moy eydans Comme a voustre serviteur, Et me deffendés des lians Cy tresnuysans De l'ennemy qui tresgrant peur Me fet a mon trapassemant. (Myst. st Sébast. M., c.1450-1500, 219). Je doubte qu'il ne voulsist pas Vous dire, a son trespassement, Devant moy, si priveëment, Aucuns secretz, par aventure. (Path. D., c.1456-1469, 136). Tres doulx jhesu crist roy de gloyre Vueilliés de moy avoir memoyre Sire a mon trespassemant (OUDIN, St Genis M.S., c.1490, 97).

-

Aller à trespassement : ...je dy et vueil encoires, ... que se ma fille ... voist à trespassement, que pour quelconque mariage que le conte Regnault face secondement, on ne puist tollir, eslongier, oster ne desheriter l'oir ou les hoirs qui de ma fille seront yssus (FROISS., Chron. M., XIV, c.1375-1400, 150).

-

Aller de vie à trespassement : Car de vie à trespassement Li roys de France ala briefment ; Et aussi fist li cardinaus Qui en ce fait estoit legaus. Dont ce fu pitez et damages (MACH., P. Alex., p.1369, 23). ...quant l'un desdiz mariez sera aley de vie à trespassement, la moitié desdites livreisons et quarante soulz desdiz deniers mourront, et ainsi demourront à celi qui le plus vivra cinquante soulz et la moitié desdites livreisons. (Cartul. Hôtel-Dieu Cout. L., 1378, 183). ...les gens disoient qu'il estoit alez de vie à trespassement de sa mort naturele, et pour la feiblesce et grant aage d'icellui (Reg. crim. Chât., I, 1389-1392, 180). Icellui Jaquotin, avant ce que ledit Rotisseur alast de vie à trespasement, vint seoir sur les quarreaux dudit Chastellet elle qui parle, et beurent ensamble. (Reg. crim. Chât., I, 1389-1392, 267). ...sondit mary fu apporté oudit hostel moult grandement et enormement navré ; desquelles navreures, environ deux ou trois jours après icelles, il ala de vie à trespacement. (Reg. crim. Chât., I, 1389-1392, 270). Mais advient que la dame va de vie a trepassement, dont le jeune home est en tel douleur qu'il n'est home qui le peust penser. (Quinze joies mar. R., c.1390-1410, 99). ... le roy d'Armenie avoit une tres belle fille qu'il avoit eu de sa moillier, laquelle estoit alee de vie a trespassement n'avoit pas encores deux ans, et n'avoit cellui roy plus d'enfans. (ARRAS, c.1392-1393, 126). Et avint que ou moiz de juillet ensuivant ou environ, ledit Jouvence ala de vie à trespassement. (BAYE, I, 1400-1410, 4). Ce jour, maistre Nicole de Baye, archidiacre de Chaalons et chanoine de Paris (...) grandement et notablement, ala de vie à trespassement et fu ce jour enterré en l'eglise Saint-Denys-du-Pas à Paris. (FAUQ., I, 1417-1420, 296). Et après tout ce ne tarda gaires que madicte dame Marie, leur mere, alla de vie a trespassement (...) et fust enterree a l'esglise de Sainte Clere. (LA SALE, Salade, c.1442-1444, 185). ..Nicolas Bourracier (...) est (...) alé de vie a trespassement ou au moins esté si griefvement malade que l'on n'y espère point de convalescence. (Pol. Louis XI, G., Pièces justif., 1463,,, 421).

-

Le dernier trespassement. "La mort" : SAINCT MARTIN [à Dieu]. (...) En toy seul gist mon pencement Ad ce dernyer trespassement, Entierement, De cueur contrict, devocieux, Te priant singulierement Que mon ame presentement Soit mise en la gloire des cieulx. (LA VIGNE, S.M., 1496, 572).

-

Le trespassement du monde. "La mort" : ...a son trespassement de ce monde il fut tenu des chevaliers le plus vaillant (LA SALE, J.S., 1456, 2).

-

[À propos de l'assomption de Marie] : ...pour ce la vierge benoite en ce lieu la [le paradis] reposa en son glorieux trespassement, lequel trespas ne li fu pas mort, mais repos, et que son trespassement on doye appeller repos [,] je le preuve ainsi. (Mir. march. larr., c.1349, 92). Item, en montant amonlt vers Galilée, a la senestre partie est le lieu ou les anges apporterent a la doulce vierge Marie la palme, le jour de son Assumption, en signe son trespassement (Voy. Jérus., c.1395, 17).

C. -

Au fig. "Transgression, abus" : ...faire contraindre touz les nobles et non nobles des dites parties à venir à nostre besoing, de cognoistre sur les finances d'acquès faiz en fiez nobles et arrerefiez par non nobles personnes et personnes ecclesiastes, (...) sur contraiz, usures, trespassemenz de monnoies, sur collecteurs establiz ès parroiches, en chascune des parties dessus dites, à lever le succide (Doc. Poitou G., t.2, 1340, 167).