"Excavation pratiquée en longueur dans la terre, fossé, tranchée" : ...de aler esdictes villes ainsi nouvellement reduictes au roy, dont on bailla la charge au regard desdiz pionniers à maistre Henry de la Cloche, procureur du roy au Chastellet de Paris, qui estoit bon françois, qui les mena et conduisy jusques audit lieu de Roye, où ilec fut fait de grans boulevers, fossez, trenchées et autres fortificacions ; et aussi en furent faictes d'autres en autres et divers lieux. (ROYE, Chron. scand., I, 1460-1483, 256). ...l'aprouchement desdiz Bourguignons ainsi venus à Beauvais, furent faictes à Paris de moult belles ordonnances par sire Denis Hesselin, pennetier du roy nostre sire, esleu de Paris et prevost des marchans de ladicte ville, comme de faire reedifier la muraille et gardes de dessus les murs, faire faire belles et grans trenchées, mettre en point les chaynes, reedifier les fossez, boulevers et barrieres des portes, en faire murer d'aucunes, faire faire de moult belles serpentines toutes neufves ; et d'autres belles ordonnances y furent faictes. (ROYE, Chron. scand., I, 1460-1483, 274). ...car il estoit plus puissant qu'eulx pour les combatre aux champs ou en la ville, Et ce cas advint, pour ce qu'il n'y avoit pas aux champs guet souffisant pour les arrester, et aussi pour faulte d'avoir fait une trenchée devant la porte du chastel. (BUEIL, II, 1461-1466, 119). Cestui maistre Eustache predist les feux soubz terre qui s'estoient mis aux gestz, qui firent plusieurs subversions de villages et de terres avant que par tranchées l'on y peust obvier en Angleterre (SIMON DE PHARES, Astrol., c.1494-1498, f° 159 v°). Et luy estant au dit siege aux trenchees de son artillerie, le prince de Tharante vint par devers le roy pour parler a luy (LA VIGNE, V.N., p.1495, 254).