| | 1. | "Percée, ouverture" : Et fisent le Valenciennois tous leurs arbalestiers traire avant et approcier les barrières ; mais il y avoit si grant tranceis de fossés qu'il n'i pooient avenir ([FROISS., Chron. L., II, c.1375-1400, 63]). Et apprez qui fut mené en ladicte ville, fut mandé aler devers lesdis hosmans, par devant lesquelz fut accuzé qu'il avoit fait copper certains trenquis de fossez qui estoient fort prejudiciables à ladicte ville de Gand : et quelque excuzacion qu'il seut prendre, neantmoins iceulx hosmans lui firent trenchier la teste ([ESCOUCHY, Chron. B., t.1, c.1453-14, 382]). |
| | 2. | "Percée, tranchée, voie rectiligne ouverte dans une forêt" : Tant vont ensemble qu'ilz monterent la montaigne et virent les grans trancheiz qui y furent fais soubdainement, et le ruisseau qui y sourdoit habondamment, dont chascun s'esmerveilla fort comment tele chose povoit estre si soubdainement. ([ARRAS, c.1392-1393, 37]). Et apperceurent sur la roche de la Fontaine de Soif grans trencheiz et arbres abbatus d'une part et d'autre, dont ilz se prindrent fort a merveiller, car oncques mais n'y avoient veu trencheiz. ([ARRAS, c.1392-1393, 33]). |
| | 3. | "Fossé, tranchée" : Li rois Phelippes acorda ces trieuwes, et en celui termine Englès et Flamenc firent fossés et trenchis entour leur ost et sur les dunes de le mer ([Hist. chron. Flandres K., t.2, c.1342-1383, 55]). Si s'en vindrent ces seigneurs et ces gens d'armes mettre le siege au plus prez que ilz peurent de Ventadour, et misrent bastides en IIII. lieux, et firent, par les hommes du pays, faire grans trenchois et roulleis sus les destrois par là où ilz avoient usaige de passer et de rapasser, et leur furent faictes moult de destraintes. ([FROISS., Chron. M., XIV, c.1375-1400, 191]). Melusigne fist bastir la ville de Lusignen et fonder les murs sur la vive roche, et la fit estoffer de fortes tours ; drues, machicolees et a terrace, et les murs machicolez, et alees au couvert dedens la muraille pour deffendre a couvert par les archieres autant bien par dehors comme par dedens, et parfons trencheiz et bonnes brayes. ([ARRAS, c.1392-1393, 67]). Et y avoit trenquis et petit fossés tout le long desdictes bailles et pallis par dedens ledit parc ([Chron. anon. Ch. VI, D.-A., c.1431, 268]). Et adonc, noz bons Liègois mirent la main à l'oeuvre, et vuidièrent grand partie de l'eaue des fossés par trenchis qu'ilz firent, et les aultres apportèrent une grand monjoie de fagos pour yceulx fossés remplir. ([MONSTRELET, Chron. D.-A., t.5, c.1444-1453, 226]). ...et y avoient fait, aux entréez d'icellui village, pluseurs fossez et trencquis, aveuc grosses et puissans barrières de bos pour la fortificacion d'icellui ([ESCOUCHY, Chron. B., t.1, c.1453-14, 417]). ...il fist faire chaz, grues et aultres engins, comme trenchis, rollans, bastillons et toutes manieres dont on peut villes approchier ([LA MARCHE, Mém., I, c.1470, 137]). ...et par une noyre nuyct envoya les francz archiers normans faire ung tranchis garny d'artillerie tellement, qu'il batoit du long de la riviere et du travers, et se pouvoit on tenir à grant paine à Conflans. ([LA MARCHE, Mém., III, c.1470, 22]).
|
