"État de celui qui est transi, saisissement" : Et quant je senti la froidure Qui chut de dessus la verdure, Elle me fist tout tressaillir, Si qu'a moy me fist revenir Et mist hors dou transissement Ou j'avoie esté longuement. Et quant a moy fui revenus, Certes, je fui tous esperdus Et si fui en moult grant effroy, Car je regarday entour moy Et de tout cela riens ne vi Que veü avoie et oÿ. (MACH., D. verg., a.1340, 53). Car, quant je voy son dous viaire cler Et je li vueil descouvrir ma dolour, Honte m'assaut, paour me fait trambler, Amour m'esprent, biauté et grant douçour Me font perdre sens, maniere et vigour ; Si que je sui en .J. transissement, Ne je ne sens ne joie ne tourment. (MACH., L. dames, 1377, 19).