Dictionnaire du Moyen Français (1330-1500) - ATILF - CNRS & Université de Lorraine

[D'une force naturelle] : Mais, posé que la velocité ou isneleté de la giracion ou revolucion du ciel, ne aussi la latitude de la terre ne empeeschassent en rien le mouvement de elle, et que l'aer desouz elle peust estre meu et transporté sans estre en rien comprimé, il convendroit que la terre fust meue quelcunque part, car se elle fu meue au milieu par violence, elle y repose par violence ; et donques il convient que par nature et par neccessité elle ait aucun mouvement par lequel elle se partiroit du milieu. (ORESME, C.M., c.1377, 546). Dit une fable que quant Ulixes s'en retournoit en Grece apres la destruccion de Troye, grant orage de temps transporta sa nef en une isle ou ot un geant qui n'avoit que un seul oeil en my le front, d'orrible grandeur. (CHR. PIZ., Ep. Othea L., c.1400-1401, 186).

[D'une pers.] : La nature du lait est telle que se le lait est trait et mis en ung tresbel et net vaissel de terre, ou de boiz, ou d'estain - et non mye d'arain ne de cuivre - et en iceulx vaisseaulx le tenir en repos sans remuer ou changier en divers vaisseaulx ne transporter ça ne la, il se garde bien jour et demy et ne se tourne point au boulir, maiz que l'en le remue quant il s'esmeut au boulir (Ménagier Paris B.F., c.1392-1394, 224). Ce jour, a esté commendé à Jaques de Buymont, huissier, que les lettres estans en l'ostel me Loiz Blanchet (...) soient transportées et mises hors dudit hostel (BAYE, I, 1400-1410, 259). ...lesquelles finances l'en transportoit sans mesure en court de Romme pour eveschiez et autres gros benefices avoir. (BAYE, II, 1411-1417, 178). ...afin que les finances de ce royaume ne soient transportées hors en estranges païs et royaumes (FAUQ., I, 1417-1420, 110). ...autrement par telz ouvrages et vaisselle d'or on pourroit destruire les monnoies du Roy et transporter tout l'or de ce royaume. (FAUQ., II, 1421-1430, 233).

Transporter de. "Déplacer de, sortir de" : ...cheulx de Lacedemone firent transporter de leur cité, nommee Achilocie, les livres qui y estoient, pour che qu'ilz trouvoient que les liçons en yceulx livres contenues estoient deshonnestes (DAUDIN, De la erudition H., c.1360-1380, 40).

Empl. pronom. à sens passif [D'une chose] : Par ceste tollérance, se part et diminue l'or d'ung pays et se transporte en ung autre où il se aloue à plus hault pris. (ORESME, Monnoies W., c.1365, XXII).

P. ext. "Porter qqc." : SAINCT MARTIN. (...) J'ay souvant les armes portees, Mais, present, de cueur singulier Ont esté de moy deportees. Jamais ne seront comportees Sur mon dos ne sur mon visaige ; Par aultres seront transportees Que par moy ; j'en quicte l'usaige. (LA VIGNE, S.M., 1496, 259).

[D'une force naturelle ou d'une pers.] "Déplacer qqn (ou un animal)"

[D'une force naturelle] : Mais Dieu qui fait toutes les choses a son plaisir fist lever ung grant vent froit et fort devers la terre qui transporta Pierre oultre sa voulenté, et sa barque fust dedens la mer, et sus sa barque ne valoit riens, car la mer estoit haulte et profunde et ne povoit advenir a la terre, et le vent le transportoit, voulsist ou non. (Belle Maguel. C., 1453, 32).

[D'une pers.] "Déplacer qqn (ou un animal)" : Dont moult bien et moult bel mua, Et la mue continua Jusqu'a tant qu'il fu tous muëz, De sa vieil plume desmuëz Et de nouvelle revestis. Mais il en fu si parvertis Qu'arrier de moy fu transportez. S'en fu forment desconfortez, Quant par la mue le perdi. Car uns griés en moy s'aërdi Que mes cuers par force endura, Et moult longuement li dura. (MACH., D. Aler., a.1349, 283). ...Pierre d'Ay, escuier, que l'en disoit avoir transporté ou fait transporter hors ce royaume J. de Bremont, prisonnier (BAYE, II, 1411-1417, 208). La Court a defendu, à peinne de Xm livres, à Clignet de Breban qu'il ne transporte messire Lupart de Velus, ne n'attempte à sa personne. (BAYE, II, 1411-1417, 253). ...le peuple d'Israel murmura contre leur duc Moyse de ce que par voulenté de Dieu les avoit menéz es desers, disoit que là les avoir transportéz pour mourir de fain et pour estre privéz de mengier char (CHR. PIZ., Paix W., 1412-1413, 129). ...et aucune fois la mere [la perdrix] ses petiz tramporte d'un lieu en aultre pour engingner son masle. (Best. hérald. H.E., c.1435-1450, 484). Car quant les Cartageniens de son royaume eurent occuppé la plus grant partie, il prinst son ost et le transporta en Auffricque (LA SALE, Salade, c.1442-1444, 47). SECOND BRIGANT. (...) Oÿ, ma mere fu peu sage De m'avoir tant amygnoté ; Pleust a Dieu que de malle rage En son corps je fusse avorté ! Las, de m'avoir alymenté Du laict de sa doulce mamelle, Puisqu'au gibet suis transporté, Grant honneur ay aussi a elle ! (LA VIGNE, S.M., 1496, 321).

Empl. pronom. [D'une chose] "Se déplacer" : Et quant tu empreïs l'amer, Tu te meïs enmi la mer Entre les perilleuses ondes Cornues et plates et rondes Qui se transportent en po d'eure, L'une au dessous, l'autre au desseure, Dont la mer s'engroisse et se trouble, Si que toute l'iaue en est trouble (MACH., R. Fort., c.1341, 94).

[D'une pers., d'un animal] "Se déplacer" : ...s'il estoit ainsi Que l'un de l'autre eust besoing Ou qu'il se transportast si loing Qu'en grant temps ne nous veissions... (Mir. Amis, c.1365, 45). L'aigle, quant il s'enviellist et ne puet plus prendre viande, il vole par dessus les nuees en approchant le soleil tant que puet. Et tant que estant tres eschauffé, se transporte et quiert une fontaine tres froide en laquelle il se plonge trois fois. (Somme abr., c.1477-1481, 179). Il congnoissoit les pays et les lieux Des Ytalies tant que de lieux en lieux Si bien appoint les logis pourgetta Et assiega, que l'on ne sçauroit mieulx. Puys aux gens d'armes et ceulx qui parmy eulx Se transportoient, esticquettes portoyt : Par ce moyen ung chascun contentoit En la presence des quatre mareschaulx. (LA VIGNE, V.N., p.1495, 147).

Se transporter qq. part. "Se rendre qq part" : ...li Rommain hastivement a moult grandes journees se transporterent la pour vengier la mort de leurs cytoienz et pour recouvrer leur colonie (BERS., I, 9, c.1354-1359, 23.2, 41). Et ce fait et dit, je me voulz transporter incontinant avecques le dit procureur des dis religieux de Saint Magloire es dis terrouoirs de Chappellet, des Groes et des frontieres de Feuillencourt (Chartes Abb. St-Magl. T.F., t.3, 1369, 405). Li temps passa, li termes vint Qu'aler au soudan les couvint, Si qu'à sa court se transporterent Et en droit estat le trouverent De l'autre fois, ne plus ne meins. (MACH., P. Alex., p.1369, 199). Secondement, un ange peust delessier du tout et soy departir du lieu ou il est et soy mouver et transporter en un autre lieu par l'espace moienne par laquelle il trespasse. (ORESME, C.M., c.1377, 292). ...et le lendemain bien matin s'en retourna à Paris, et se transporta en l'ostel d'un marchant de chevaux demourant près de Saint-Honoré, où il acheta un petit cheval gris (Reg. crim. Chât., I, 1389-1392, 128). ...alors qu'il fist faire sadite tonsure, il qui parle, en sa compaignie Nicolas Boutin, se trensporterent en l'ostel du grant maistre de Rodes (Reg. crim. Chât., I, 1389-1392, 248). Le jeudi XXVe jour du mois d'aoust, l'an dessus dit, nous transportasmes en ladite geole, et feismes venir par devant nous Jehan de Blois (Reg. crim. Chât., I, 1389-1392, 440). [le pron. n'est pas exprimé] ...lundi derrenierement passé, l'andemain de Penthecouste, environ X heures de nuyt, les prisonniers dessus nommez furent et se transporterent en ladite ville de Rungy, et assamblerent devant le monstier (Reg. crim. Chât., II, 1389-1392, 222). Item, que le Prevost de Paris commette et ordene XXX ou XL bons sergens et seurs qui se transportent souvent par la ville et es tavernes (BAYE, II, 1411-1417, 154). Ce jour, la Court a ordené que Lambert Cathelin, huissier de Parlement, se transporte au païs de Noyon pour executer l'accord passé (FAUQ., II, 1421-1430, 305). Ma dame s'i veult transporter Pour son fil à Dieu presenter. (MARCADÉ, Myst. Pass. Arras R., a.1440, 51). Et en ladicte desconfiture moururent XXIImVIIc hommes, qui y furent trouvez mors, tant dedens ledit parc que dehors, par le rapport fait des heraulx et poursuivans qui, pour ladicte estimacion faire, se transporterent audit lieu. Et, après ladicte desconfiture ainsi faicte que dit est, lesdiz de Lorraine et Suixes firent leur suite après ledit de Bourgongne et tuerent depuis plusieurs autres Bourguignons, qui ainsi se retiroient audit lieu de Joigne. (ROYE, Chron. scand., II, 1460-1483, 21). ...le roy a esté conseillié de soy transporter oudit pays (CHASTELL., Chron. IV, D., c.1461-1472, 67). Item [Dieu] ne se transporte ne mue de lieu en lieu, car par tout est present. (Somme abr., c.1477-1481, 143).

Se transporter à/devant/devers qqn. "Aller vers qqn" : Se Morpheüs devant li se transporte Cinc fois ou sis, et se bien li enorte En ma fourme qui est a moitié morte, Croire ne puis, Se bien li dit que trop me desconforte Et qu'il n'est riens en quoy je me deporte, Que ma dame soit si dure ou si forte Que pité l'ui (...) N'uevre la porte (MACH., F. am., c.1361, 168). Sera ce bon (...) Qu'a la mére au roy me transporte Et que ces nouvelles li porte ? (Mir. fille roy Hongrie, c.1371, 40). ...icelli mons. le prevost dist, ordonna, appointa et commanda audit maistre Dreue d' Ars que il se transportast devers icelle dame et l'examinast sur les choses dessus dites (Reg. crim. Chât., II, 1389-1392, 361). ...et pour ce ledit Jacob ce veant, ala et se transporta par devers ledit Bourgoiset (Berger Fr. K.-G., 1412, 171). SAINCT MARTIN. Le Sainct Esprit si vous veult enhorter Ad ce grant bien, selon que puis entendre ; Pour ce a l'abbé je me veulx transporter Et vous o moy, sans plus icy actendre. (LA VIGNE, S.M., 1496, 371).

[Du chien, à la chasse] "S'éloigner trop"

Rem. HENRI FERR., Modus et Ratio T., c.1354-1377, gloss.

"Déplacer d'un lieu dans un autre par un moyen de transport" : J'ay veu de mes yeux à Padue ung puis, lequel puis le vulgal tient que icelui de Ebano fist transporter de lieu en autre et est à present en place publique et est fait en maniere d'une cuve à baigner. (SIMON DE PHARES, Astrol., c.1494-1498, f° 132 r°).

En partic. [Le corps d'un défunt, des reliques] : Ce jour, le corps du feu roy d'Angleterre, nagaires trespassé ou chastel du Bois de Vinciennes, fut transporté en l'eglise Saint-Denis en France pour d'ilec estre transporté en Angleterre. (FAUQ., II, 1421-1430, 58). ...le roy Charles VIe, dont le corps estoit encores en ycellui hostel enbasmé et mis en plonc, en intencion d'estre transporté et enterré à Saint-Denis (FAUQ., II, 1421-1430, 68). ...pour ce (...) qu'il avoit prins les reliques saint Fiacre en Brye, et avoit proposé les transporter en Angleterre (RAOULET, Chron. Ch. VII, V., c.1461-1467, 172).

P. anal. "Faire passer (les aliments dans le corps), les assimiler" : ...et pour ce le vin est transporté et fait mieulx penetrer la viande que l'eaue en laquelle n'est chaleur quelconques, mais atarde le trespassement de la viande. (Rég. santé corps C., 1480, 65-66).

B. -

Au fig.

"Déplacer, transférer" : Mais a parler proprement, la tristece qui est en un home ne puet estre transportee en un autre, ne en tout ne en partie. (ORESME, E.A.C., c.1370, 491). Car l'amour qui est deue au païs et aus parens par dessus touz autres le pere transporte en ses enfans quant l'affeccion du filz si trait a soy tout ce qui est herbergié en la chambre du cuer du pere (FOUL., Policrat., IV, 1372, 78). Il dit que le royaume sera transporté de gent en gent pour injustices et injures et contumelies d'orgueil et divers baras. (FOUL., Policrat., IV, 1372, 83). Par ce transporte Dieu lez royaulmes de main en aultre. (CHART., L. Esp., c.1429-1430, 42).

Transporter en (tel ou tel état). "Mettre en" : Mais lonc compte ne vueil tenir, Car je vueil au propos venir Par le quel je fu confortez Et de grief en pais transportez. (MACH., D. Aler., a.1349, 290). Jeremie par le decret du jugement des cieulx annonça en Jherusalem que les princes et les chiefz du peuple, les anciens et lez majeurs des villes seroient menés prisonniers en Babylone, le temple despouillé, et le peuple transporté en estrange servitude (CHART., L. Esp., c.1429-1430, 76).

Transporter qqc. à qqn. "Reporter qqc. sur qqn" : Ains liberalement de cuer et franchement, sans force, contrainte, ne viollence aucune, [je] vous donne, cede et transporte toute la naturelle amour, l'affection et le droit que mere puelt et doit avoir à son seul et tresamé filz. (LA SALE, Reconf. De Fresne H., 1457, 13).

"Céder qqc. à qqn"

Rem. Hist. prem. destruct. Troie R., c.1470-1480, gloss.

Se transporter à/en qqc. "Se déplacer en pensée, se porter à qqc." : Les choses acoustumees de longtemps, et s'elles sont pyres des choses non acoustumees, si moins molestent ; car (qui auroit acoustumé une pire chose pour ung pou de temps) il vauldroit mieulx qu'il la lessast et se transportast a l'autre. (SAINT-GILLE, A.Y., 1362-1365, 64). Ainsy comme je me delictoye a regarder ce delicieux et celestiel champ et tres flourissant jardin de la divine Escripture, planté, anté et ordonné par la propre main du Saint Esperit, et que d'un lieu en l'autre par estude et meditacion plaisamment me transportoye, avint que je descendi en une partie de ce jardin (GERS., Concept., 1401, 388). [Marie d'Orléans] Some de benigne clemence Qui noz faultes toust et supporte, Se de vous louer me deporte, Ingrat suis, et je le maintien, Dont en ce refrain me transporte : On doit dire du bien le bien. (VILLON, Poèmes variés R.H., c.1456-1463, 43).

"Se reporter à qqc., se référer à qqc." : ...comme la cronique plus clerement le recite a laquelle je me transporte (MÉZIÈRES, Epistre lamentable C.P., 1397, 140).

Se transporter à qqc. "Se diriger vers qqc." : SAINCT MARTIN. (...) Faictes venir tous en presence Mes freres, sans dilacion Et qu'en grande devocion Le corps de Jhesucrist m'apportent, Aussi ma dernyere uncion. A mort mes membres se transportent, En vigueur plus ne se deportent Tant suis foible et debilité ; Pour vivre plus, mal se comportent, Car mon jour si est limité. (LA VIGNE, S.M., 1496, 565).

Se transporter à + inf. "Se porter à" : Mes apres l'en se transporta et translata a aquerir pecunes par autres voies. (ORESME, Pol. Arist. M., c.1372-1374, 68).

DR. "Transférer, reporter sur qqn d'autre un droit que l'on possède (dans le domaine privé ou politique), transfert de propriété, réaliser une cession de biens, de droits, de créances" : ...les quelles deux cenz livres de terre nous avions par noz lettres octroié que le dit cardinal ou les genz de sainte eglise, en qui elles seroient transportées, peussent tenir paisiblement à touz jours, sanz estre contrainz à les mettre hors de leurs mains (Doc. Poitou G., t.2, 1335, 125). Et pour ce que desclarciz n'estoient a plain yceulz heritages et possessions, vendus comme dit est, sicomme il disoit, es dittes lettres que passé en avoit comme dessus est dit, ycelli procureur par vertu des dittes lettres de procuracion, pardevant les diz notaires jurez comme pardevant nous, vendi ancores, quitta, cessa, transporta, ottroya et delessa par pure, vraye et loyal vente, desorendroit a touz jours, sanz rappel et sanz esperance de jamais venir, faire ou dire encontre, a religieus hommes et honestes l'abbé et le couvent de l'eglise Saint Magloire de Paris dessus diz, achetans pour eulz, pour leur ditte eglise, pour leurs successeurs et pour ceulz qui de eulz et de leur ditte eglise auront cause, tous les heritages, cens et possessions ci aprés devisez (Chartes Abb. St-Magl. T.F., t.3, 1345, 135). ...et parmi ce, la dite venderresse transporta, mist, cessa et du tout en tout delessa audit acheteur, pour lui, pour ses hoirs et pour ceuls qui de lui auront cause, tout le droit, toute la seigneurie, proprieté, possession, raison et action quelconques, reelle, personnelle, mixte, directe, taisible et expresse, et tout autre que elle avoit et povoit avoir es trente sept soulz et huit deniers par.. de cres de cens ou rente par an dessus diz (Chartes Abb. St-Magl. T.F., t.3, 1355, 207). ...se les roys d'Angleterre (...) en avoient aliené ou transporté aucunes choses en autres personnes que es roys de France (Lettres renonc. D., 1360, 50). ...en transportans et quittans du tout aus diz religieus et a leurs successeurs tout le droit que il y avoient (Chartes Abb. St-Magl. T.F., t.3, 1367, 362). Assés tost apriès traitta li rois Phelippes de France et fist traittier par le conte de Blois envers monsigneur Jehan de Haynau, que il vosist estre François, et il li transporteroit sa revenue qu'il avoit en Engleterre, en France (FROISS., Chron. L., III, c.1375-1400, 107). Item, est acordé que le roy de France et son ainsnet fil le regent... renderont et bailleront au dit roy d'Engleterre et à tous ses hoirs et successeurs, et transporteront en eulz tous les honneurs et regalités, obedienses, hommages... qui apertenoient ... as rois et à la couronne de France (FROISS., Chron. L., VI, c.1375-1400, 39). Et transporteront , cesseront et delaisseront li un roi à l'aultre, perpetuelement tout le droit que chascuns d'eux a ou peut avoir en toutes les choses qui par ce présent trettiet doivent demourer ou estre baillies à çascun d'eulx (FROISS., Chron. L., VI, c.1375-1400, 42). ...lui avons octroié que yceulx chastel et chastellenie il puisse eschangier ou transporter en autres, et que ceulx en qui il les transportera ou eschangera, les tiengnent et puissent tenir par la maniere et condicion dessuz dictes, ou aient les diz dix mille frans dessuz diz, deuz au dit sire de Mucidan, en lieu d'eulx, en cas de retrait ou de recouvrance (Doc. Poitou G., t.5, 1377, 7). ...par paraille raison, ou plus forte, devons nous dire que toutes possessions devent estre transportees avesques la charge que ilz devent a la chose publique (Songe verg. S., t.1, 1378, 44). ...le pueple de Ronme eleüt l'Impereur et transporta en luy tout le pover et toute la seignorie que il avoit, pour le temps, par tout le monde (Songe verg. S., t.1, 1378, 47). ...Jhesuchrist disoit que son royaume n'estoit mie de ce monde, par consequant, il ne transporta nul royaume temporel en saint Pierre, son vicaire, ne en sez successeurs. (Songe verg. S., t.2, 1378, 33). ...douaire ès terres que elle disoit que le dit messire Bertran tenoit en Espaigne et en Arragon au temps de leurs espousailles, le dit messire Bertran s'en estoit dessaisi et les avoit transportées en autres mains paravant leurs dites espousailles (Cartul. Laval B., t.2, 1384, 308). ...il avoit entendu que par importunité ou autrement le Roy avoit donné ou vouloit bailler et transporter l'ommage dudit marquisé au conte (BAYE, I, 1400-1410, 5). Le seigneur de Pise (...) prist adonc fort et ferme a continuer son traictié devers les Florentins de la vendicion de Pise, c'est assavoir de leur transporter son droit entierement (Bouciquaut L., 1408-1409, 325). ...ledit roy Jehan donna et transporta audit Loys toutes les terres (JEAN DE MONTREUIL, Traité Angl. III, G.O.O., 1416, 310). ...[certaines lettres] faisans mencion des drois, prouffis, rentes et revenues amorties que le Roy avoit cedé et transporté aux religieux, abbé et couvent de l'eglise de Saint Denis en France (FAUQ., I, 1417-1420, 122). ...nous lui avons convenancé et promis, pour nous, nos hoirs, successeurs et aians cause, de bailler, quictier, transporter (...) les villes, chasteaulx, terres et seignouries de Cassel et du Bois de Niepe, (...) et les appartenances et appendences quelzconques et qui de long et ancien temps ont appartenu à noz prédécesseurs ducz de Bar, et desdites cession, bail, quictance et transport faire et passer lettres devant notaires et tabellions royaulx (Roi René vie L., 1437, 225). En cest an, par la subtilité et pourchas de messire Jehan de Luxembourg, le fort chastel de Clermont en Beauvoisis fut mis et transporté en la main et gouvernement de messire Thomas Kyriel, anglois. (...) Et consentit ledit duc, ycelui transport, par si, que ledit Thomas lui promist, et audit de Luxembourg, et de ce lui bailla son seel, à rendre à certain temps quand il en seroit requis. (MONSTRELET, Chron. D.-A., t.5, c.1444-1453, 18). Et ne pourroit pas ung roy de France donner, vendre, ceder ou transporter son royaulme a aultre, non mie une partie de l'eritage ou demaine appartenant a la couronne, car c'est ung corps que luy, son peuple et la chose publique, et est le roy l'ame de la chose publicque, la quelle ne se peult abdicquer du corps et luy baillier aultre, au moins sans le consentement de tout le corps ou les membres sont comprins. (JUV. URS., T. crest., c.1446, 52). Et, oultre, nous transporta les prevostez de Vymeu, Feulloy en Beauvoisin en tous tels drois que les autres villes et terres dessus dittez, desquelles il nous fist bailler et delivrer la possession, en quitant et dechargant tous les vassaulx et autres subjectz d'icelles villes et terres des fidelités et sermens qu'ilz avoient à luy (LE CLERC, Interp. Roye, c.1502, 258).

Empl. pronom. à sens passif : ...et le droit que avoit le dit Edouard se transporte a ses prochains parens de par la mere, c'est asçavoir a ceulx qui sont descendus du roy Phelippe de Valois (JUV. URS., T. crest., c.1446, 146).

"Faire un transfert de legs" : Et s'aucun [de mes légataires], dont n'ay congnoissance, Estoit alé de mort a vie, Je vueil et lui donne puissance [à Jehan de Calaiz, notaire au Châtelet], Afin que l'ordre soit suyvie Pour estre mieulx parassouvye, Que ceste aulmosne ailleurs transporte, Car s'il l'applicquoit par envye, A son ame je m'en rapporte. (VILLON, Test. R.H., 1461-1462, 141).

[Idée d'élévation] Transporter qqn. "Élever qqn (spirituellement)" : Car pou en y a que le juste Jupiter si aime ou que ardant vertus ait transportez aus cielz (FOUL., Policrat. B., V, 1372, 299).

Transporter qqn./Estre transporté. "Ravir qqn, être ravi (spirituellement)" : Et par la grandeur de ioye en quoy elle est elle [l'âme] est transportee en une affection supermondaine et aussi comme sus humaine nature (CIB., p.1451, 191). Et ainsi seulement ont esté envoiéz au regard de la creature, et si non par adventure que l'en porroit dire que le Saint Esperit envoie, quant il prend ung homme et le transporte d'un lieu a l'aultre. Comme nous lisons ou livre des Actes des apostles que Saint Phelippe fu transporté et ravy par l'esperit de Dieu. (Somme abr., c.1477-1481, 119).

Se transporter à Dieu. "S'élever à Dieu" : Quant donques par telle maniere il preschoit la doleureuse passion de la croiz a fin que petit a petit la folie des gens se departist, il se transporta et esleva sa parole et sa predication a la parole de Dieu, au filz de Dieu et a la sapience de Dieu, et par la parole de vraie foy il monta jusques au throsne et siege de la majesté divine (FOUL., Policrat., IV, 1372, 56). Quant Job si fut du tout en friche, Et plus a Dieu se transporta, Tant qu'a la fin ne fut pas triche, L'angë es cieulx l'ame porta (RÉGN., F.A., 1432-c.1465, 105).

[De l'âme] Se transporter. "S'élever, être ravi" : ...tellement que la flambe de lamour quelle a des choses diuines la fait liquefier et fondre et decourir hors de soy comme la cire deuant le feu et se transporte de son premier estat et est comme toute resolue et satenuit (CIB., p.1451, 191).

[Idée de transformation]

"Transformer" : Et qui est plus laide chose que transporter sa face et varier sa chiere selon... (FOUL., Policrat. B., III, 1372, 213).

"Traduire" : Amourath parla au conte de Nevers, voire par la bouche d'un latinier qui transportoit la parolle (FROISS., Chron.[Livre IV] V., c.1400, 690). ...les latiniers et turquemans, qui transportoient les langaiges de l'un à l'autre (FROISS., Chron.[Livre IV] V., c.1400, 707).

RHÉT. "Employer par métaphore"

Empl. pronom. à sens passif "Être employé par métaphore" : Est a scavoir que souvent ce nom substance se prend pour essence, mais essence jamais ne se transporte pour signifier la persone. (Somme abr., c.1477-1481, 129).

DMF 2020 - MAJ 2020

Robert Martin

Fermer la fenêtre